ꤟꤤꤙꤚꤢꤨ 12:9 - ลีเทส่อพ๊าอาเซ เร๊อ เห่ขุทวาลู๊

⁹ เป โอ่ เน๊อ เปโหมะเปเพ เด๊อ เห่ขุเออ เต๊เห่ เร๊อ อา ซิพรวา อิซว๊าอี๊แส่ แร๊กา เกอเร๊อ เป เร๊อ เป แด่หยื่อ เกอเร๊อ เหย่ซี. อา แซ่ ฮู๊เนอเฮ๊อ เป โอ่ เน๊อ เปเพ เด๊อ ม๊อขุ เออเตเพร อาขว่าอาคยา, เป โต แด่แลหนิ เล๊อปา เจ๊อ เป ซิปล่อ เด๊อ อาเล เออเนอ เจ๊อ. เร๊อ เป เก่ พย๊าหนิ เตเซอเพร ปา.

Eastern Kayah Shadaw Dialect

⁹ ꤕꤢꤩ꤬ ꤥ꤬ ꤔꤢꤧ ꤕꤢꤩ꤬ꤗ꤫ꤥ꤬ꤕꤢꤩ꤬ꤖꤢꤩ꤭ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤞꤤꤖꤚꤝꤢ꤭ ꤤ꤬ꤞꤝꤢꤤ꤬ꤞꤢꤧ꤬ ꤚꤢꤧꤊꤢ꤬ ꤚꤣꤧꤘꤢꤦ꤬ ꤕꤢꤩ꤬ ꤚꤣꤧ꤬ ꤕꤢꤩ꤬ ꤘꤢꤧ꤬ꤛ꤫ꤢꤦ꤬ ꤚꤣꤧꤘꤢꤦ꤬ ꤛꤢꤩ꤬ꤞꤤ꤭꤯ ꤢ꤬ ꤞꤢꤧ ꤟꤢꤨꤔꤣꤧ꤬ꤟꤣꤧ ꤕꤢꤩ꤬ ꤥ꤬ ꤔꤢꤧ ꤕꤢꤩ꤬ꤖꤢꤩ꤭ ꤘꤣ ꤗꤢꤪꤋꤢꤨ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤒꤥ꤭ ꤏꤢꤧ꤬ꤜꤢꤧ꤬ꤚꤣꤧ ꤜꤣꤕꤢ꤬ ꤡꤣꤧ ꤕꤢꤩ꤬ ꤞꤤꤕꤜꤢꤪ꤬ ꤘꤣ ꤢ꤬ꤜꤢꤩ꤭ ꤣꤧ꤭ꤔꤣꤧ꤬ ꤡꤣꤧ꤯ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤕꤢ꤭꤯

ꤟꤤꤙꤚꤢꤨ 12:9 ပူးပေါင်းရင်းမြစ်များ

ꤛꤥ꤭ꤟꤢ꤬ 3:6

แกแย เห่ขุพู๊ โอ่เป๊เจ่แล เกอเร๊อ คยาดื่อ แกแย เห่ขุพู๊ แพ๊. หม่าแน๊ เตโอ่ เป๊เจ่แล เร๊อ แหบ่โยบูโพ๊ แบ่เจ่เนอ, อา เด๊อะ โอ่ เซอเพร อู เด๊อ แหย่โย ตากยา.

เปโตร อาเหร่อเล๊อ ต๊าบ่า 5:6

ฮู๊เนอ อาขว่าอาคยา, แด่แล แลแค ซี ซิปล่อ เด๊อ จอแปแหร่ อา เตโพรเตเตอเรอ อาเล เออเนอ นี๋. ช๋า ม๊อเนอ ม๊อเซ โตเบ่เฮ๊อ เร๊อ จอแปแหร่ อาซิปล่อ เฮ๊อ ปาเนอ, อา เก่ แด่แถ่โลหนิ ซี ปา.

ꤡꤛꤢꤩ꤭ꤗꤢ꤬ꤎꤣ꤬ 4:7

ฮู๊เนอเรอ แด่หยว่า แลแค ซี ซิปล่อ เด๊อ จอแปแหร่ อาเล, เร๊อ ช๊าฉื่อ โลเน๊มู๊แหม่รีแจ่ กู่กล๊อ เนอ ตื๊อหม่า โลเน๊มู๊แหม่รีแจ่ กู่กล๊อ เก่ แกล่ จว๊า ตาพาแก เด๊อ ซีโอ่ ปา.

ꤚꤥꤗꤢꤩ꤬ 9:5

เหย่ซี เพอโพ กลุยแล หม่า ฮีบรู อากลุยอาแล เด๊อ อามีลาดุ มู๋ หนู่เค เต๊เห่. เบ๊อะครี๊ แฮแล โอ่เป๊เจ่ ฮู๊ แกแย เห่ขุพู๊ เบ๊อะเนอ, อา แฮโอ่ เด๊อ เหย่ซี อากลุยอาแล อากู. อา หม่า จอแปแหร่ เด๊อ อา เป๊อตี๊หรี่เต ล๋อ ปลี เตเพร, เร๊อ อู เก่ ถู่เซ๊แถ่ดื่อ อา ตูจูเพร แตแลเคร๊ นี๋. อาเม.

ꤡꤛꤢꤩ꤭ꤗꤢ꤬ꤎꤣ꤬ 4:10

แด่หยว่า แลแค ซี ซิปล่อ เด๊อ แบ่เจ่ อา เป๊เส่เง เร๊อ อา เก่ แด่แถ่โลดื่อ ซี ปา.

ꤚꤥꤗꤢꤩ꤬ 9:3

เมเตเฮ๊เรอ, เด๊อ แว โป่แหว่ แกแยยิวพู๊, หม่าเฮ๊อ แวเมวเจอะ เร๊อดื่อ, แวสุ่ยแวเทอ เร๊อดื่อ เออเต๊เห่ อาเงเนอ, จอแปแหร่ เก่ อิชอ ฮามู๊แหม่แก เด๊อ แวเออ หม่า อาหนิ แพ๊. โท๊โต่ จอแปแหร่ เก่ ปาตือ แว เร๊อ ครี๊ เร๊อ เหย่ซี เก่ หนิ เตเมแลเปล๊กา ปา เก่เฮ๊เรอ อา ปาตือแก แว หม่า อาหนิ แพ๊. แว ซิหยื่อ ข่าเป่ แหน่เจ๊อ เด๊อ เหย่ซีเง เจ๊อ.

ꤚꤥꤗꤢꤩ꤬ 1:3

เตซิครือมีลา เออเนอหมา อา หม่าเฮ๊อ อาพู๊คู หม่าดื่อ เป แบ่เจ่ เหย่ซู่ครี๊ เออ อาหรี่อาแก เด๊อ อา แฮแล กลว่าอาเหน่ ฮู๊ แกแย เออเนอ เตเพร เฮ๊อ. เร๊อ อา แฮ โอ่เป๊เจ่แล เด๊อ คุ๊ย ดาวิด อากลุยอาแล อากู เออเนอ เตเพร เฮ๊อ.

เพรโด่แนพู๊ เต๊เห่ 2:30

โพดาวิด หม่า เพรโพร เตเพร. จอแปแหร่ อ๊อแล โทเฮ๊อ ลู เน๊อ เด๊อ อากลุยอาแล อาเกล เตเพรเนอ, จอแปแหร่ เก่ นอทวาแถ่ ลู เน๊อ คุ๊ย เด๊อ อากู๊เหล่ เออเนอ ปาเนอ, อา ซิเง แพ๊.

ꤜꤢꤨꤊꤢ꤬ 18:2

เหย่ซู่ เฮ๊เบ่ เป่ เหย่ซี ฮู๊เต เฮ๊เรอ, “เด๊อ เมอตีวี อากูเนอ, เพรเฮ๊เบ่เมโตเต โอ่ เตเพร. แกแย เตเพรเนอ อา ซิอิเช เบ่หยื่อเบ่แหน่ เกออู จอแปแหร่ โต่โต่, เบ่หยื่อเบ่แหน่ เกออู แกแย โต่โต่.

ꤜꤢꤨꤊꤢ꤬ 18:4

“อา จูเกอ เพรเหมาะโอ่แคร๊ เออเตเพรโต่ ตื๊อดื่อเรอ เด๊อคยาเนอ อา เตเนแล เกอเร๊อ อาเหน่ เน๊อ, ‘แว หม่า แกแย เด๊อ อา ซิอิเช เกออู จอแปแหร่ โต่, เบ่หยื่อเบ่แหน่ เกออู แกแย โต่ ตื๊อดื่อเรอ,

เตเด๊อะโลแถ่ 22:6

ฮู๊เนอโทเรอ เตเน่วพู๊ เฮ๊ แว เน๊อ, “โหง่ เออเต๊เห่ เนอหม่า โหง่ เด๊อ อาจ๊ออาเต เร๊อ เหล่ซิเล หยื่อเอ่หนิ แหน่เจ๊อ อา เต๊เห่. แบ่เจ่ จอแปแหร่ เด๊อ อา เด๊อ เพรโพร เต๊เห่ เร๊อ อา แหย่โยบูโพ๊ เออเตเพรเนอ, แซ่ฮู๊ อา เก่ เด๊อะโล เป่ เกอ อาหลู่เล๊ ซีเต๊เห่ เร๊อ งยาล๋ายโต่ ปา เต เก่ เมแคร๋ อาเหน่ ฮู๊เต ปา เนอ เร๊อ, อา นอแฮ เป่ เฮ๊อ อา เตเน่วพู๊ เฮ๊อ.”