ꤟꤤꤙꤚꤢꤨ 12:5 - ลีเทส่อพ๊าอาเซ เร๊อ เห่ขุทวาลู๊

⁵ จอแปแหร่ เด๊อะอ๊าเด๊อะเหร่ ซี ฮู๊ อาพู๊ เน๊อ อาเหน่ เนอหม่า ซี โชตาปา เฮ๊อ แอ? อา เฮ๊ ซี เน๊อ, “เก๋อ แวพู๊ ซี๋, เบ๊อะแบ่เจ่ ซิพรวา อิซว๊าอี๊แส่ แร๊กา ซี เบ๊อะเนอ, แด่หยื่อ อา เตซิพรวา อิซว๊าแร๊ ซี เออเนอ นี๋. เบ๊อะอา ซิพรวา ซี เบ๊อะเนอ, ซิปล่อปย๊า แต่ แลแค แต่เหม่ นี๋.

Eastern Kayah Shadaw Dialect

⁵ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤞꤤ꤭ ꤟꤢꤨ ꤢ꤬ꤖꤢꤨ ꤔꤢꤧ ꤢ꤬ꤔ꤫ꤢꤩ꤬ ꤔꤣꤧ꤬ꤗꤢ꤬ ꤞꤤ꤭ ꤏꤥ꤭ꤒꤣꤧ꤬ꤕꤢ꤬ ꤟꤣꤧ ꤟꤢꤧ꤭? ꤢ꤬ ꤟꤢꤩ ꤞꤤ꤭ ꤔꤢꤧ, “ꤊꤣ꤮ ꤠꤢꤧ꤭ꤖꤢꤨ ꤞꤤ꤭꤮ ꤙꤣꤧ ꤙꤢꤧ꤬ꤡꤢꤩ꤬ ꤞꤤꤖꤚꤝꤢ꤭ ꤤ꤬ꤞꤝꤢꤤ꤬ꤞꤢꤧ꤬ ꤚꤢꤧꤊꤢ꤬ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤘꤢꤧ꤬ꤛ꤫ꤢꤦ꤬ ꤢ꤬ ꤒꤢꤩ꤬ꤞꤤꤖꤚꤝꤢ꤭ ꤤ꤬ꤞꤝꤢꤚꤢꤧ ꤞꤤ꤭ ꤣꤧ꤭ꤔꤣꤧ꤬ ꤔꤤ꤮꤯ ꤙꤣꤧ ꤢ꤬ ꤞꤤꤖꤚꤝꤢ꤭ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤞꤤꤕꤜꤢꤪ꤬ꤕꤛꤢ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ꤟꤤꤙꤚꤢꤨ 12:5 ပူးပေါင်းရင်းမြစ်များ

เตเด๊อะโลแถ่ 3:19

“ล๋อ แกแย เด๊อ แว โมเร๊อ อา เต๊เห่เนอ, แว อิซว๊า ซิพรวา ซิลี เร๊อ แว ปลี๊ เกอเร๊อ ลู. ฮู๊เนอ อาขว่าอาคยา แด่ชอ เน ซิปล่อ เร๊อ ถู่แหล่แต๊แกละกา เน อาซิปล่อ เนอ.

โครินธ์ อาเหร่อเล๊อ ต๊าบ่า 11:32

ช๋า จอแปแหร่ เมจากาคยา แกแย เด๊อ อา หยื่อเอ่ ลู โต่ เนอเต๊เห่ อาเคปาเนอ, แซ่ฮู๊ อา เก่ เมจากาคยา ปา เต่อเกอ เป เร๊อ เหย่ซี แต่เหม่ เนอ, อา อิซว๊า เกอเร๊อ เป, อา ปลี๊ เกอเร๊อ เป ฮู๊เออ เนอแพ๊.

ꤡꤛꤢꤩ꤭ꤗꤢ꤬ꤎꤣ꤬ 1:12

แกแย เด๊อ อา แด่ทูซิปล่อ เต๊เห่เนอ, ช๋า อา แม๊เถอะ ป่อชิเต่อเบ่ เน๊อ เตแป่เตเช เตอิลออี๊โหล่ เบ๊อะเนอปาเนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา, เมเตเฮ๊เรอ เบ๊อะเหย่ซี เมเป่แก โทเฮ๊อ เตแป่เตเช เตอิลออี๊โหล่ ฮู๊เออ เบ๊อะเนอ, จอแปแหร่ เก่ เด๊อ เหย่ซี เตเซอเพร ตูจูเพร. อาเชหยู่ เด๊อ อา อ๊อแล เน๊อ อา เก่ เด๊อ แกแย เด๊อ อา โมเร๊อ ลู เนอเต๊เห่ ปา.

ꤟꤤꤙꤚꤢꤨ 12:7

ซี ข่าเบ่ เตเต๊เห่เนอ, แด่ทูซิปล่อ เร๊อ แด่ อา ฮู๊ เพ จอแปแหร่ อิซว๊าแร๊กา เกอเร๊อ ซี แพ๊ เนอ นี๋. จอแปแหร่ ซิพรวา อิซว๊าแร๊กา เกอเร๊อ อาพู๊ เน๊อ อาเหน่ เนอเต๊เห่ แพ๊. เพ เด๊อ อา ซิพรวา อิซว๊า แร๊กาหนิ เด๊อะเกอ อาพู๊ เต๊เห่ โต่ เนอหม่า อา โอ่ แหน่ เตเพรเพร แอ?

ꤜꤢꤨꤊꤢ꤬ 24:6

เหย่ซู่ โอ่ปา เบ๊อะเออ โต่ เฮ๊อ, อา ก๊อถ่อ เซอเพร กาคยา เฮ๊อ. เตเนแถ่โต่เบ่ คยาแซ๊ แลแค เบ๊อะอา โอ่ เด๊อ กาลิลีเก่ เบ๊อะเนอ เร๊อ อา เฮ๊โฉ่แก โทเฮ๊อ ซี โหง่ เนอเต๊เห่เนอ.

ꤜꤢꤨꤊꤢ꤬ 24:8

เออโตโพ๊เรอ เพรเหมาะ เต๊เห่ ซิเหน่แถ่โต่เบ่ คยา อา เตเฮ๊โฉ่ หนื่ออื่อแก เนอเต๊เห่.

ꤊꤢ꤬ꤜꤢ꤬ꤒꤤ 6:9

เมเตแร๊เนอ ซิปล่อปย๊า แลแค แต่เหม่ นี๋. เป เก่ ซิปล่อปย๊าโต่ เฮ๊เรอ, ช๋า ม๊อเนอม๊อเซ โตเก๊ ปาเนอ, เป เก่ เก๊เบ่น๊อ คยาแซ๊ดื่อ เตเส่เตโพ ปา.

ทิโมธี อาเหร่อเล๊อ ต๊าบ่า 1:20

แกแย เด๊อ อา เตหยื่อเตแหน่ ปย๊าแก ฮู๊เนอเต๊เห่ หม่า หม่าเฮ๊อ คูฮู๊เหม่แน๊ เร๊อ คูอเล็กซานเดอร์ เฮ๊อ. แซ่ฮู๊ อา เก่ ทวา เตอิซว๊า เด๊อ เหย่ซีเง เร๊อ อา เก่ โอ่โก๊แก อา เตเฮ๊เบ่ซื๊อ จอแปแหร่ เนอเต๊เห่ อาเงเนอ, แว เด๊อะตาแก เฮ๊อ เหย่ซี เด๊อ โลเน๊มู๊แหม่รีแจ่ กู่กล๊อ อา กู๊ยากู เฮ๊อ.

ꤟꤤꤙꤚꤢꤨ 13:22

แว โคแบ๊ซว๊า ซี, ลี เด๊อ แว รา เด๊อะอ๊าเด๊อะเหร่ ซี เออเนอ อา ทูลาน๊อโต่. โทเรอ แว กุยซิยอ ซี เด๊อ ซี เก่ แด่ทูซิปล่อ เร๊อ หนิดา แว เตเด๊อะอ๊าเด๊อะเหร่ ซี เออเนอ นี๋.