ꤟꤤꤙꤚꤢꤨ 12:18 - ลีเทส่อพ๊าอาเซ เร๊อ เห่ขุทวาลู๊

^18-19 ซี แฮผื่อ เฮ๊อ เด๊อ จอแปแหร่ อา โอ่ เออเนอหม่า, อาแซ่ เน๊อ อิสราเอลพู๊ เด๊อ เนอเค เต๊เห่ แฮ เด๊อ ซีนายโฉ่ อา โอ่ เนอ หม่าโต่. เหย่ซี แฮโต เด๊อ ซีนายโฉ่ เด๊อ อู แม๊เถอะแจ่ ลู, อู พือเบ่ แจ่ ลู เออเนอเตเม อา โอ่, หมิแกแถ่ เด๊อ โฉ่เออเตเม อาลู, อ๊อโหล่ คี๊ตือรือ ตาบี๊เจ๊อ, เก่แลเซ๊ แลแลดุแฮ, กวา พราแถ่ เร๊อ จอแปแหร่ อา โหง่พราแถ่ เด๊อ โฉ่ออ เนอเตเม อากู. อิสราเอลพู๊ เต๊เห่ หนิโฮ โหง่พราแถ่ เร๊อ อา ซิอิเช ตาลว๊าซิลือ อาขว่าอาคยา, เหย่ซี กุย ซิยอ จอแปแหร่ เน๊อ อา เก่ เฮ๊เบ่ โป่เฮ๊อ.

Eastern Kayah Shadaw Dialect

^18-19 ꤞꤤ꤭ ꤟꤢꤧ꤭ꤖꤢꤦ꤬ ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤣꤧ꤭ꤔꤣꤧ꤬ꤗꤢ꤬, ꤢ꤬ꤞꤢꤧꤔꤢꤧ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤘꤣ ꤔꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤟꤢꤧ꤭ ꤘꤣ ꤏꤥ꤬ꤎꤤꤔꤢ ꤢ꤬ ꤥ꤬ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤛꤢꤩ꤬ꤞꤤ꤭ ꤟꤢꤧ꤭ꤒꤥ꤭ ꤘꤣ ꤏꤥ꤬ꤎꤤꤔꤢ ꤘꤣ ꤢꤨ꤭ ꤗꤢꤧꤓ꤫ꤣꤧ꤬ꤡ꤫ꤢꤧ꤬ ꤜꤢꤨ꤭, ꤢꤨ꤭ ꤖꤢꤦ꤭ꤙꤢꤩ꤬ ꤡ꤫ꤢꤧ꤬ ꤜꤢꤨ꤭ ꤣꤧ꤭ꤔꤣꤧ꤬ꤒꤣ꤬ꤗꤢꤩ꤭ ꤢ꤬ ꤥ꤬, ꤗꤤ꤬ꤊꤢꤧ꤭ꤓꤢꤧ꤬ ꤘꤣ ꤏꤥ꤬ꤣꤧ꤭ꤒꤣ꤬ꤗꤢꤩ꤭ ꤢ꤬ꤜꤥ꤬, ꤢꤪꤜ꤫ꤥ꤬ ꤋꤤꤒꤣꤧ꤬ꤚꤢꤦ꤬ ꤒꤢ꤭ꤙꤤꤡꤣꤧ, ꤊ꤫ꤢꤩ꤬ꤜꤣꤧ꤬ꤞꤢꤩ ꤜꤣꤧ꤬ꤜꤢꤧ꤭ꤘꤢꤨ꤬ꤟꤢꤧ꤭, ꤊꤝꤢ꤬ ꤖꤚꤢ꤬ꤓꤢꤧ꤬ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ꤖꤚꤢ꤬ꤓꤢꤧ꤬ ꤘꤣ ꤏꤥ꤬ꤣꤧ꤭ ꤔꤣꤧ꤬ꤒꤣ꤬ꤗꤢꤩ꤭ ꤢ꤬ꤊꤢꤨ꤭꤯ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔ꤫ꤤ꤬ꤟꤥ꤭ ꤍ꤫ꤥ꤬ꤖꤚꤢ꤬ꤓꤢꤧ꤬ ꤚꤣꤧ꤬ ꤢ꤬ ꤞꤤꤤ꤬ꤏꤢꤩ꤭ ꤒꤣꤧ꤬ꤜꤝꤢꤏꤢꤦꤜꤢꤦ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤊꤝꤤ꤭ꤞꤤꤛꤢꤪ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤢ꤬ ꤊ꤫ꤢꤦ꤬ ꤟꤢꤩꤙꤢꤩ꤬ ꤕꤥ꤬ꤟꤣꤧ꤯

ꤟꤤꤙꤚꤢꤨ 12:18 ပူးပေါင်းရင်းမြစ်များ

ทิโมธี เนอบ่า ต๊าบ่า 1:7

เมเตเฮ๊เรอ, แหย่โยบูโพ๊ แบ่เจ่ เด๊อ จอแปแหร่ เด๊อะแล โทเฮ๊อ เป เออเนอ, อา นอทวาแถ่ ปา เป เน๊อ แกแย เด๊อ อา ซิอิเช เต เต๊เห่เนอ หม่าปาโต่เฮ๊อ. โท๊โต่ แหย่โยบูโพ๊ แบ่เจ่ เมบาโน เป่เฮ๊อ เป ซิปล่อ เน๊อ เตเตอเรอฉว่าชอ เน๊อ เตโม เน๊อ เตเป๊อแล แจ่ เกอเร๊อดื่อ เปเหน่ เออเนอเฮ๊อ.

โครินธ์ เนอบ่า ต๊าบ่า 3:9

เตอ๊อแล อาเลอ เด๊อ อา พย๊าแฮ แพ๊ เตเซอ เออเนอ, อา เก่ โอ่ เร๊อ อาลีอาเตเค ฉว่าชอ เก่เฮ๊เรอ, เตอ๊อแล อาเซ เด๊อ อา เมจ๊อเมเต เฮ๊อ เป เด๊อ จอแปแหร่ อาเป๊เส่เง เออเนอ, อา เตลีเตตาเค ฉว่าชอ เก่ ดุเล๊อ เจ๊อแหน่ เฮ๊อ เร๊อ เนอ เฮ๊อ.

ꤚꤥꤗꤢꤩ꤬ 6:14

ซี โอ่เซอเพร เด๊อ เตซว๊าเตแส่ อาเล หม่า ปาโต่เฮ๊อ, ซี โอ่เซอเพร เฮ๊อ เด๊อ จอแปแหร่ อาบุ๊ยอาเตอเรอ อาเล เฮ๊อ. ฮู๊เนอเรอ เตซื๊อ เออเนอ อา ทวา ปา ซีแบ่เจ่ หม่าปาโต่เฮ๊อ.

ꤚꤥꤗꤢꤩ꤬ 8:15

เมเตเฮ๊เรอ แหย่โยบูโพ๊ แบ่เจ่ เด๊อ จอแปแหร่ เด๊อ ซี เออเนอ, อา นอโต๊โหร่ ซี, อา นอซิอิเช คยาแซ๊ ซี ฮู๊ หลู่เล๊ เนอ หม่าโต่. หม่าแน๊เรอ, แหย่โยบูโพ๊ แบ่เจ่ เมทวาแถ่ เป่โทเฮ๊อ ซี เน๊อ ซี ทวาเฮ๊อ จอแปแหร่ อา พู๊เหมาะพู๊คู อาขว่าอาคยา, อา แด่ เฮ๊อ ซี ฮู๊ อา พู๊เหมาะพู๊คู เต๊เห่เนอ เฮ๊อ. เด๊อ แหย่โยบูโพ๊ แบ่เจ่ อาขว่าอาคยาเร๊อ, เป เอ๊ จอแปแหร่ เน๊อ, “อับบา, เพ” ฮู๊ ซีเพ เน๊อซีเหน่ เตเพร เนอหม่า อาหนิ เฮ๊อ.

โครินธ์ เนอบ่า ต๊าบ่า 3:7

เด๊อ เนอเค เบ๊อะจอแปแหร่ รา เตซว๊าเตแส่ เออเต๊เห่ เด๊อ หล่อบ่าลู เร๊อ อา เด๊อะตา เร๊อ คูโมเสส เบ๊อะเนอ, จอแปแหร่ อา เตโพร เออเนอ อา ลีเตเค แถ่โล. เร๊อ เตลีเตเค ตา เด๊อ คูโมเสส อาเป๊เส่ลู เออเนอ, อา เตเคชอ เป่ แหน่เจ๊อ เด๊อ อิสราเอลพู๊ เต๊เห่ อาเง อาขว่าอาคยา เหย่ซี แม๊บื่อ เจ๊อ ลูเป๊เส่ โต่. หม่าแน๊เรอ เตเตเค เออเนอ อา ลีตื๊อดื่อ โต่, อา โอ่เหม่ คยา แพ๊.