ꤟꤤꤙꤚꤢꤨ 12:11 - ลีเทส่อพ๊าอาเซ เร๊อ เห่ขุทวาลู๊

¹¹ เบ๊อะจอแปแหร่ ซิพรวา อิซว๊า แร๊กา เกอเร๊อ เป เบ๊อะเนอ, อา แซ่ เร๊อ ซิเปลซิหย่อ ลา เนอ, อา แซ่ เน๊อ เตซิครือซิลอ โอ่ เตอเจ๋อ โต่. หม่าแน๊เรอ แกแย เด๊อ อา ข่าเบ่น๊อ อู ซิพรวา อิซว๊าอี๊แส่ แร๊กา เกอเร๊อ เฮ๊อ ลู เออเต๊เห่เนอ ช๊าเนอปา เร๊อ อา เก่ พย๊าหนิ ลาติ คว๊าเก่ ปาเนอหม่า หม่าเฮ๊อ เตโอ่เซอเพร เด๊อ อาจ๊ออาเต เร๊อ อา เก่ พย๊าหนิ ซิปล่อ ตู๊จู่เตอเจ๊อ ปา.

Eastern Kayah Shadaw Dialect

¹¹ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤞꤤꤖꤚꤝꤢ꤭ ꤤ꤬ꤞꤝꤢ ꤚꤢꤧꤊꤢ꤬ ꤚꤣꤧꤘꤢꤦ꤬ ꤕꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤡ꤫ꤣ꤬ ꤔꤢꤧ ꤞꤤꤕꤜꤢꤩ꤭ꤞꤤꤛꤢꤪ꤬ ꤜꤥ꤬ ꤔꤣꤧ꤬, ꤢ꤬ ꤡ꤫ꤣ꤬ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤞꤤꤜꤢꤪ꤭ ꤥ꤬ ꤒꤣ꤬ꤡꤣ꤬꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤢꤧꤙꤢꤩ꤬ꤔꤢꤪ ꤢꤨ꤭ ꤞꤤꤖꤚꤝꤢ꤭ ꤤ꤬ꤞꤝꤢꤤ꤬ꤞꤢꤧ꤬ ꤚꤢꤧꤊꤢ꤬ ꤚꤣꤧꤘꤢꤦ꤬ ꤟꤣꤧ ꤜꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤘꤣꤋꤛꤢ꤭ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢ꤭ꤒꤢꤩ꤬ ꤋꤝꤢꤊꤢꤩ꤬ ꤕꤢ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤢ꤬ꤡꤢꤪꤢ꤬ꤒꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤞꤤꤕꤜꤢꤪ꤬ ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤕꤢ꤭꤯

ꤟꤤꤙꤚꤢꤨ 12:11 ပူးပေါင်းရင်းမြစ်များ

โครินธ์ เนอบ่า ต๊าบ่า 4:17

เมเตเฮ๊เรอ เตแป่เตเช เด๊อ เป ข่าเบ่ อา เบ๊อะเห่ขุ เออเต๊เห่ เนอหม่า แตแปล๊เตอเปลอฮู๊ แพ๊. เป เก่ โต๊โหล่แม๊ เร๊อ เตตว่าเตแร๊ เด๊อ เป เก่ พย๊าหนิ อา ช๋า โหน่ปา ตือทือ ปา เต๊เห่ เฮ๊เนอหม่า, อาหม่า เร๊อ เตอเจ๋อ ล๋ายโต่. เบ๊อะเห่ขุเออ เป ข่าเบ่ เจ๊อ เตแป่เตเช เออเต๊เห่ หม่าแน๊เรอ เด๊อ ม๊อขุ ปาเนอ เตลีเตเตเค ตูจูเพร เด๊อ อาตว่าอาแร๊ เล๊อ, เร๊อ อาดุอาโถ่ เล๊อ เจ๊อ เร๊อ เตแป่เตเช เด๊อ เป ข่าเบ่ เด๊อ เห่ขุ เออเนอ, เป เก่ พย๊าหนิ ปา.

เปโตร อาเหร่อเล๊อ ต๊าบ่า 1:6

ฮู๊เนอเร๊อ ซิครือซิลอ แลแค เน๊อ ล๋อ เตเออเต๊เห่ นี๋, หม่าแน๊เรอ กู๊แหน่เออ แตแปล๊เตอเปล๊อ อากูเนอ เตแป่เตเช ปว๊าเต๊อเจ่อ เมกู่เมแก ซี.

ꤟꤤꤙꤚꤢꤨ 12:10

เปเพ เด๊อ เห่ขุ เออเต๊เห่ ซิพรวา อิซว๊าอี๊แส่ แร๊กา เป อาหน่าอาเล อาม๊อเนอม๊อเซ ซี เต๊เห่เนอ, อา งยาโต่, เตอ เปลอฮู๊แพ๊ เร๊อ อา แด่ แลแค เน๊อ อา เม เต เออเนอหมา อาแร๊ แพ๊ อา เตเน เร๊อ อา อิซว๊า เป แพ๊. แซ่ฮู๊ เป เก่ บูโพ๊ แซ่เกอ ฮู๊ เปเพ จอแปแหร่ เออเนอเร๊อ, อา ซิพรวา อิซว๊าอี๊แส่ แร๊กา เกอเร๊อ เป เต เด๊อ อา เก่ ทวาบุ๊ยทวาเตอเรอ เกอ เร๊อดื่อ เด๊อ เปเง เออเนอเต๊เห่ แพ๊.

ꤟꤤꤙꤚꤢꤨ 5:14

หม่าแน๊เรอ, เหล่เอ่ อา เพรอ เนอหม่า แกแย ดุเผร่ เด๊อ อา อิซว๊า ซิเงแฮ เบ่น๊อ โทเฮ๊อ อาเหน่ เด๊อ อา เก่ เบ่เพ๊ ซิเงแจ่ เตแร๊ เร๊อ เตมู๊แหม่ เนอเต๊เห่ อาเง แพ๊.

ꤚꤥꤗꤢꤩ꤬ 14:17

เมเตเฮ๊เรอ, จอแปแหร่ อาเทออาเก่กู เนอ, เหล่เอ่เหล่โอ หม่า เต เด๊อ อา โหล่ดุเล๊ออู หม่าโต่. เต เด๊อ อา โหล่ดุเล๊อ อู หม่า, เตจ๊อเตเต, เตโอ่โส่โอ่เคร, เร๊อ เตซิครือซิลอ เด๊อ แหย่โยบูโพ๊ แบ่เจ่ เด๊อะ เป เออเต๊เห่ เนอแพ๊.

เปโตร เนอบ่า ต๊าบ่า 2:14

เหย่ซี ดาแม๊ เพรเหมาะ เตเพรเพร เฮ๊เรอ อา ซิหยื่อ โอ่เมอเต่อ โชชื่อ เจ๊อ. เหย่ซี เมเตซื๊อ เนอ อา โอ่โก๊ ปา เจ๊อโต่ เฮ๊อ. เหย่ซี อี๊หล่า ปย๊าจว๊าหนิ แกแย เด๊อ อาเตหยื่อ ชอ ล๋ายโต่ เต๊เห่ เก่ เมเกอ เตซื๊อเตปล๊า เต๊เห่. เร๊อ เหย่ซี อิซว๊าแล หนิ แร๊ เด๊อ แลแค อาเหน่ เร๊อ อาแม๊ปู กู๊หว่ากู๊เว เอ่หนิเร๊อดื่อ อาเง. เหย่ซี โอ่ แลแค เด๊อ จอแปแหร่ อา เตอิชอมู๊แหม่ อาเล เฮ๊อ.

ทิโมธี เนอบ่า ต๊าบ่า 4:8

กู๊แหน่เรอ จอแปแหร่ แด่ดว๊า เป่เฮ๊อ แว เตจ๊อเตเต อา กู๊โก่เท เด๊อ อา หม่าเฮ๊อ เตเมหนิคว๊าเก่ เออเตเม เนอเฮ๊อ. โทเรอ ช๋า ม๊อเนอ ตื๊อดื่อ ปาเนอ, เพรเฮ๊เบ่เมโตเต จ๊อเต อา แบ่เจ่ เออเตเพร เก่ เด๊อะแล แว ปา หม่าแน๊เรอ เออเนอหมา แวเง ตื้อดื่อ หม่าโต่. ล๋อ แกแย เด๊อ อา โอ่ป่อแม๊ชือเกอ แบ่เจ่ เก่ แฮ โอ่โลแถ่ คยา ปา เนอเต๊เห่ อาเงหม่า อา โอ่เต่อเกอ ปาปา.

เห่ขุทวาลู่ 21:11

โหมะซาราย เฮ๊ เต เออเนอ อา เบ่เช แหน่เจ๊อ เพอับราฮัม ซิปล่อ, เมเตเฮ๊เร๊อ คูอิชมาเอล หม่า อาพู๊เพรคู เตเพร หม่า เกอดื่อดื่อ.