ꤟꤤꤙꤚꤢꤨ 12:10 - ลีเทส่อพ๊าอาเซ เร๊อ เห่ขุทวาลู๊

¹⁰ เปเพ เด๊อ เห่ขุ เออเต๊เห่ ซิพรวา อิซว๊าอี๊แส่ แร๊กา เป อาหน่าอาเล อาม๊อเนอม๊อเซ ซี เต๊เห่เนอ, อา งยาโต่, เตอ เปลอฮู๊แพ๊ เร๊อ อา แด่ แลแค เน๊อ อา เม เต เออเนอหมา อาแร๊ แพ๊ อา เตเน เร๊อ อา อิซว๊า เป แพ๊. แซ่ฮู๊ เป เก่ บูโพ๊ แซ่เกอ ฮู๊ เปเพ จอแปแหร่ เออเนอเร๊อ, อา ซิพรวา อิซว๊าอี๊แส่ แร๊กา เกอเร๊อ เป เต เด๊อ อา เก่ ทวาบุ๊ยทวาเตอเรอ เกอ เร๊อดื่อ เด๊อ เปเง เออเนอเต๊เห่ แพ๊.

Eastern Kayah Shadaw Dialect

¹⁰ ꤕꤢꤩ꤬ꤖꤢꤩ꤭ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤞꤤꤖꤚꤝꤢ꤭ ꤤ꤬ꤞꤝꤢꤤ꤬ꤞꤢꤧ꤬ ꤚꤢꤧꤊꤢ꤬ ꤕꤢꤩ꤬ ꤢ꤬ꤔꤢ꤬ꤢ꤬ꤜꤢꤩ꤭ ꤢ꤬ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤑꤢ꤭ꤒꤥ꤬, ꤒꤣꤧ꤬ꤕꤜꤣ꤬ꤟꤢꤨꤖꤢꤧ ꤚꤣꤧ꤬ ꤢ꤬ ꤘꤢꤧ꤬ ꤜꤢ꤭ꤋꤢꤧ꤭ ꤔꤢꤧ ꤢ꤬ ꤗꤢꤩ꤬ ꤒꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ꤚꤢꤧ ꤖꤢꤧ ꤢ꤬ ꤒꤣꤧ꤬ꤔꤢꤩ꤬ ꤚꤣꤧ꤬ ꤢ꤬ ꤤ꤬ꤞꤝꤢ ꤕꤢꤩ꤬ ꤖꤢꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤞꤢꤧ ꤟꤢꤧ꤭ꤊꤣꤧ꤭ ꤟꤢꤨ ꤕꤢꤩ꤬ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤔꤣꤧ꤬ꤚꤣꤧ꤬, ꤢ꤬ ꤞꤤꤖꤚꤝꤢ꤭ ꤤ꤬ꤞꤝꤢꤤ꤬ꤞꤢꤧ꤬ ꤚꤢꤧꤊꤢ꤬ ꤚꤣꤧꤘꤢꤦ꤬ ꤕꤢꤩ꤬ ꤒꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤚꤣꤧꤘꤢꤦ꤬ ꤘꤣ ꤕꤢꤩ꤬ꤑꤢꤩ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

ꤟꤤꤙꤚꤢꤨ 12:10 ပူးပေါင်းရင်းမြစ်များ

เปโตร เนอบ่า ต๊าบ่า 1:4

เด๊อ อา เตโพรเตเตอเรอ เด๊อ อาดุอาทู เร๊อ อาเตแร๊ หม่าแหน่ เร๊อดื่อ เออเต๊เห่ อาขว่าอาคยา, อา เด๊อะแล โทเฮ๊อ เป อา เตอ๊อแล เด๊อ อางูดุ เร๊อ อาดุอาแย แหน่เจ๊อ เออเต๊เห่ เฮ๊อ. เด๊อ อา เด๊อะแล เตเออเต๊เห่ อาขว่าอาคยา, ซี เก่ แลเปล๊เถ่แก เร๊อ เหล่เตเน ปาต๊า มู๊แหม่รีแจ่ เด๊อ อา เมปย๊า ซี เด๊อ เห่ขุ เออเนอเต๊เห่ ปา. โท๊โต่ ซี เก่ ทวาแถ่ แซ่เกอดื่อ ฮู๊ จอแปแหร่ อาเหล่โกล เนอ ปา.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

โคโลสี 1:22

หม่าแน๊เรอ กู๊แหน่เออ, ครี๊ อาเหน่แบ่เจ่ เร๊อดื่อ แฮ ข่าเซอ อาเหน่ อาขว่าอาคยา, จอแปแหร่ เมโครเกล กาคยา คยาแซ๊ เฮ๊อ ซี เร๊อ อาเหน่กล่อ เร๊อดื่อ เจ๊อ เฮ๊อ. เด๊อ จอแปแหร่ อา เป๊เส่เง ปาเนอ, แซ่ฮู๊ ซี เก่ บูโพ๊ เร๊อ ซี เก่ ลว๊าแก เร๊อ เตซื๊อ, โท๊โต่ อู เก่ แด่แจ่ ปา แต่ เตซื๊อ เด๊อ ซีโอ่ เตเพร่ว แต่เหม่ เนอ, จอแปแหร่ เมโครเกล กาคยา คยาแซ๊เฮ๊อ ซี ฮู๊เนอ เฮ๊อ.

เอเฟซัส 4:24

เร๊อ อากืออาแซ๊ แลแค เตโอ่เซอเพร อาเซ ฮู๊ จอแปแหร่ แบ๊ตา แซ่เกอโทเฮ๊อ ซี เร๊อ อาเหน่กล่อ. เด๊อ อาจ๊ออาเต หม่าแหน่ เร๊อ เต บูโพ๊ หม่าแหน่ อากู เนอเต๊เห่ นี๋.

เปโตร อาเหร่อเล๊อ ต๊าบ่า 2:9

หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.

เปโตร อาเหร่อเล๊อ ต๊าบ่า 2:5

ซี เออเต๊เห่เนอ อา แซ่ เกอดื่อเฮ๊อ เร๊อ หล่อเซอเพร เต๊เห่ เฮ๊อ. จอแปแหร่ นอเอ่ หล่อ เด๊อ อา หม่าเฮ๊อ ซีเออ เร๊อ อา เก่ ช๊อแถ่ หี่ เด๊อ แหย่โย ตากยา เตเม. ซี เก่ แรเต เด๊อ หี่กู เออเนอ แซ่เน๊อ เพรหลู่แต บูโพ๊ เต๊เห่เนอ ปา. โท๊โต่ ซี เก่ หลู่แถ่ เตหลู่ เด๊อ จอแปแหร่ อา โอ่ เด๊อซิซิเง จอแปแหร่ ตากยา เต๊เห่ ปา. เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ พย๊าฉื่อ ซี เตหลู่ เออ เต๊เห่ ปา.

ꤟꤤꤙꤚꤢꤨ 12:14

แอ๊จื๊อ โอ่โครโอ่เกล เกอ เน๊อ อู ปว๋า เตเพร นี๋. แอ๊จื๊อ โอ่เซอเพร บูโพ๊ แลแค นี๋. เมเตเฮ๊เรอ เตโอ่เซอเพร บูโพ๊ เก่ โอ่โต่ เฮ๊เนอ, อู แม๊เถอะแจ่ แบ่เจ่ เตเพร่ว โต่.