ꤟꤤꤙꤚꤢꤨ 11:8 - ลีเทส่อพ๊าอาเซ เร๊อ เห่ขุทวาลู๊

⁸ เบ๊อะจอแปแหร่ เอ๊ เพอับราฮัม เร๊อ อา นอเถ่จว๊า ลู เด๊อ เก่เต๊เก่ เด๊อ อา เก่ เด๊อะ เร๊อ ลู ปา เบ๊อะเนอ, อา โต เถ่จว๊า โต เบ๊อะโต๊โผ่เนอ อา ซิเง โต่ หม่าแน๊เรอ เด๊อ อาเตหยื่อ อาขว่าอาคยา, อา หนิดา เร๊อ อา เถ่จว๊า.

Eastern Kayah Shadaw Dialect

⁸ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤚꤣꤧ꤬ ꤢ꤬ ꤔꤢꤪ꤭ꤓꤢꤩ꤬ꤡꤝꤢ ꤜꤢꤨ꤭ ꤘꤣ ꤊ꤫ꤢꤩ꤬ꤒꤣ꤬ꤊ꤫ꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤘꤣꤧ ꤔꤢꤧ ꤜꤢꤨ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤒꤥ꤭ ꤓꤢꤩ꤬ꤡꤝꤢ ꤒꤥ꤭ ꤙꤣꤧꤒꤢꤩ꤭ ꤒꤣ꤬ꤖꤥ꤬ꤔꤣꤧ꤬ ꤢ꤬ ꤞꤤꤑꤢꤩ꤭ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤘꤣ ꤢ꤬ꤒꤢꤩ꤬ꤛ꤫ꤢꤦ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤔ꤫ꤤ꤬ꤘꤢ꤭ ꤚꤣꤧ꤬ ꤢ꤬ ꤓꤢꤩ꤬ꤡꤝꤢ꤯

ꤟꤤꤙꤚꤢꤨ 11:8 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

เห่ขุทวาลู่ 22:18

เน หนิดา แวโหง่ อาขว่าอาคยา, ล๋อ เมวเจ่อ เด๊อ เห่ขุ เออเต๊เห่ อา เก่ พย๊าหนิ แฮเง เตเด๊อะบุ๊ยเด๊อะเตอเรอ เด๊อ เนกลุยเนลุ๊ย อาขว่าอาคยา ปา.’”

เห่ขุทวาลู่ 12:7

เบ๊อะเนอเค, จอแปแหร่ ตูจูเพร โอ่โลแถ่ เป่ คูอับราม เร๊อ อา เฮ๊ ลู เน๊อ, “เก่ เออเต๊เก่ หม่า แว เก่ เด๊อะ เน๊อ เนพู๊เนเลอ ปา,” โทเร๊อ คูอับราม ต่าแถ่ หนิเป่ จอแปแหร่ ตูจูเพร เด๊อ อา โอ่โลแถ่ เป่ ลู เนอเตเพร อาเง เตหลู่แตเหร่ เต๊เหร่ เน๊อหล่อ.

ꤚꤥꤗꤢꤩ꤬ 10:16

หม่าแน๊เรอ อิสราเอลพู๊ เต๊เห่เนอ, อา พย๊าฉื่อลอ เตซิครือมีลา ปว๋า เตเพร โต่. เมเตเฮ๊เรอ, เพรโพร อิสยาห์ เฮ๊ เน๊อ, “เก๋อ แบ่เจ่, หม่าอูเป เตเร หยื่อเอ่เกอ เป เตหรี่เตแก เออเนอ เป?”

เปโตร อาเหร่อเล๊อ ต๊าบ่า 4:17

หม่าเมเตเฮ๊เรอ, เตม๊อเนอ ม๊อเซ แฮโต่เฮ๊อ เด๊อ จอแปแหร่ เก่ เป๊อแถ่ เมจากาคยาหนิ เหร่อเล๊อดื่อ อาแกแย เฮ๊อ. เก่ อา เป๊อแถ่ เมจากาคยา เหร่อเล๊อ เกอเร๊อ เป ปา เก่เฮ๊เรอ แกแย เด๊อ อา หนิดา เกอ จอแปแหร่ อา เตซิครือมีลา โต่ เต๊เห่เนอ อา เก่แป่เก่เช เก่จาเก่จือ เจ๊อ บ๋า เต ปา เจ๊อ.

ꤟꤤꤙꤚꤢꤨ 11:33

เด๊อ เตหยื่อ อาขว่าอาคยาเร๊อ, เหย่ซี เออเต๊เห่เนอ, อา ช๊าเป่ เทอเก่ เต๊เห่. เหย่ซี เป๊อเต จ๊อจ๊อเตเต เร๊อ อา พย๊าหนิ เต เด๊อ จอแปแหร่ อ๊อแล เหย่ซี เนอเต๊เห่. อา เมเป่ แลแค แอ๊ซี เร๊อ แอ๊ซี เต๊เห่เนอ อา อ่า เหย่ซี โต่.

ꤚꤥꤗꤢꤩ꤬ 6:17

แว เฮ๊บุ๊ยเฮ๊เตอเรอ จอแปแหร่, เมเตเฮ๊เรอ, เด๊อ เหร่อ เคเนอ ซี ทวาน๊อ โทเฮ๊อ เตซื๊อ อาหลู่ โตโพ๊ หม่าแน๊เรอ กู๊แหน่เออ ซี หนิดา ลอ ซิปล่อซีเมเฮ๊อ จอแปแหร่ อา เตอิซว๊า อาเซ เด๊อ ซี พย๊าหนิ เออเนอเต๊เห่ เฮ๊อ.

เห่ขุทวาลู่ 26:3

โอ่เกอ โก๊เหร่อ เบ๊อะ เก่ เนอเต๊เก่ อากู นี๋. แว เก่ โอ่ เกอเน๊อ เน เร๊อ แว เก่ เด๊อะบุ๊ยเด๊อะเตอเรอ เน ปา, เมเตเฮ๊เร๊อ เตอ๊อแล เด๊อ แว ออแล หนื่ออื่อ โทเฮ๊อ เน๊อ เนเพอับราฮัม เนอ แว เก่ เมเล๊อเมบาแถ่ ดื่อ ปา เร๊อ ล๋อ เห่ขุ เหล่โอ่ เบ๊อะเออ เต๊เห่เนอ, แว เก่ เด๊อะ ลอดื่อ เน๊อ เน เน๊อ เนกลุยเนลุ๊ย เต๊เห่ ปา.

เห่ขุทวาลู่ 17:8

คานาอันเก่ เต๊เก๋ ลอ เด๊อ เน โอ่ เกอเร๊อ อา แซ่เน๊อ เทอโรเก่กลอพู๊ เตเพร กู๊แหน่เออ เนอ, แว เก่ เด๊อะลา เน๊อ เน เน๊อ เนกลุยเนแล ตากาแล เด๊อ คยา เต๊เห่ ตูจูเพร ปา เร๊อ แว เก่ ทวา เหย่ซีจอแปแหร่ ปา,”

เห่ขุทวาลู่ 15:5

จอแปแหร่ เอ๊เถ่ คูอับราม เด๊อ เหล่สื่อกลอ เร๊อ อา เฮ๊ ลู เน๊อ, “แม๊แถ่ เด๊อ ม๊อเลเนอ, เน เก่ แด๊เบ๊ เร๊อ แด๊ แม๊แม๊ ล๋อ เฉ่ เนอเต๊เห่.” โทเร๊อ อา เฮ๊ ลู เน๊อ, “เนพู๊เนเหลอ เนกลุยเนแล เก่ โอ่โหร่โอ่เอ๊ แซ่เจ๊อเน๊อ เฉ่ เด๊อ ม๊อเล เนอเต๊เห่ ปา.”

เปโตร อาเหร่อเล๊อ ต๊าบ่า 3:1

ฮู๊เนอเฮ๊อ ซี เด๊อ อา ทวา เมเต๊เห่ เนอเบ่เบ่, แด่หยว่า แลแค ซีซิปล่อ เด๊อ ซีเว เต๊เห่ อาเล นี๋. เด๊อ เหย่ซี อาเกลเนอ, อา เก่ หยื่อเอ่ เกออู จอแปแหร่ อาลาอาโหง่ โต่ เก่โอ่ เตเพรเพร เฮ๊เรอ, ซี เฮ๊ เป่ เจ๊อ เหย่ซี โหง่ ตือมื๋อ โต่ เบ่เบ่, เด๊อ ซี เตโอ่ซาแรฉ่าเผร่ ซีเหน่ อาขว่าอาคยา, อา เก่ อี๊หล่าอี๊ลอหนิ คยา เหย่ซี ซิปล่อ เร๊อ อา เก่ หยื่อเอ่แหน่ เกอ ครี๊ ปา.

ꤟꤤꤙꤚꤢꤨ 5:9

เบ๊อะครี๊ หนิดา โทลอเฮ๊อ จอแปแหร่ อาโหง่ ปว๋า เต๊อเจ่อ เบ๊อะเนอ, อา ทวาแถ่ เป่เฮ๊อ ล๊อ แกแย เด๊อ อา หนิดา ลูโหง่ เนอเต๊เห่ อา เมแลเปล๊กา อาตูจูเพรเง อา แก่ช๊าแก่แร เฮ๊อ.

โครินธ์ เนอบ่า ต๊าบ่า 10:5

เป เมตาพรอแก ลอ ล๋อ เตแด่ดุแด่แถ่โล เหน่ เด๊อ อา เมดู๊แด ตาตือฉื่อ เตซิเง จอแปแหร่ เนอเต๊เห่. ล๋อ แกแย อา เตเตเน เต๊เห่เนอ เป ปื่อด๊อโอ่ ลอ อา เร๊อ เป นอ จูเอ่ หนิดา อา เร๊อ ครี๊ อาโหง่.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.

เห่ขุทวาลู่ 11:31

เพเทราห์ โอ่ เบ๊อะ วีอูรา, บาเบลเก่กู เนอเร๊อ อา เอ๊หนิ อาพู๊ คูอับราม เน๊อ อาแด่ เหมาะซาราย เน๊อ อาเลอ เพฮาราน อาพู๊ คูโลท เร๊อ อา เถ่แกล่จว๊า แลแค เด๊อ คานาอันเก่. หม่าแน๊เรอ เบ๊อะ เหย่ซี จว๊าโต่ ปาแพ๊ เด๊อ วีฮาราน เบ๊อะเนอ, อา โอ่ แลแค เบ๊อะเนอ.

เห่ขุทวาลู่ 12:5

คูอับราม เอ๊หนิ เร๊อ อาเม เหมาะซาราย, อาพู๊ดุ คูโลท, โทเร๊อ อา พย๊า เกอเร๊อ ล๋อ อาเตดุแหย่แถ่เซ เน๊อ อาเตมีเตดอ เน๊อ หลู่ เด๊อ อา พย๊าหนิ เบ๊อะ วีฮารานกู เนอเต๊เห่, เร๊อ เหย่ซี เถ่จว๊า แลแค เด๊อ คานาอันเก่, เร๊อ อา จว๊าโต่ แลแค เบ๊อะเนอ.

เห่ขุทวาลู่ 20:13

เร๊อ เบ๊อะ จอแปแหร่ดุ เอ๊เถ่แก แว เด๊อ แวเพหี่ เร๊อ อา นอ เถ่จว๊าเล เฮ๊อ แว โต๊โผะ โท โต๊โผะ เบ๊อะเนอ, แว เฮ๊ ลู เน๊อ, ‘เป จว๊าโต่ เหล่โอ่ เบ๊อะเต โต๊โผะ เต๋ เบ่เบ่, ตูรู๊ เฮ๊ เป่ อู เน๊อ แว หม่า เนแหม่, ฮู๊เนอ ปา นี๋. เน เก่ เฮ๊ ฮู๊เนอหม่า เน เด๊อะโล ดื่อเฮ๊อ เน๊อ เน โม เกอเร๊อ แว เฮ๊อ.’”

มัทธิว 2:21

เร๊อ อา ป่าก๊อถ่อ, เร๊อ อา เอ๊หนิ เป๊เจ่เออ เร๊อ อาโหมะ เร๊อ อา กาคยา เด๊อ อิสราเอล เก่.