ꤟꤤꤙꤚꤢꤨ 11:7 - ลีเทส่อพ๊าอาเซ เร๊อ เห่ขุทวาลู๊

⁷ เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

Eastern Kayah Shadaw Dialect

⁷ ꤘꤣ ꤖꤢꤩ꤭ꤔꤥꤢ꤬ ꤢ꤬ꤒꤢꤩ꤬ꤛ꤫ꤢꤦ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤥ꤬ꤔꤢꤩ꤬ ꤜꤢꤨ꤭ ꤒꤢꤩ꤬ꤘꤣ ꤢ꤬ ꤗꤢꤧꤓ꤫ꤣꤧ꤬ ꤞꤤꤑꤢꤩ꤭ ꤜꤢ꤭ꤟꤤꤒꤥ꤬ ꤘꤣ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤏꤢ꤮ ꤔꤥ꤬ꤕꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬, ꤢ꤬ ꤔ꤫ꤤ꤬ꤘꤢ꤭ ꤜꤢꤨ꤭ꤍ꤫ꤥ꤬ ꤚꤣꤧ꤬ ꤢ꤬ ꤤ꤬ꤏꤢꤪꤓꤢꤧ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤔꤢꤧ ꤢ꤬ ꤟꤤ꤬ꤖꤢꤨꤖꤢꤧ꤭ꤖꤢꤨ ꤢ꤬ꤑꤢꤩ꤭ ꤒꤣ꤬ꤙꤢꤩ꤬꤯ ꤘꤣ ꤖꤢꤩ꤭ꤔꤥꤢ꤬ ꤒꤢꤩ꤬ꤛ꤫ꤢꤦ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤘꤣꤧꤜꤥ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤕꤢ꤭꤯ ꤚꤣꤧ꤬ ꤘꤣ ꤢ꤬ꤒꤢꤩ꤬ꤛ꤫ꤢꤦ꤬ ꤋꤝꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤟꤣꤧ ꤢ꤬ ꤟꤢꤨ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤒꤣ꤬ꤖꤚꤢꤩ꤬ ꤟꤣꤧ꤯

ꤟꤤꤙꤚꤢꤨ 11:7 ပူးပေါင်းရင်းမြစ်များ

เห่ขุทวาลู่ 6:13

จอแปแหร่ดุ เฮ๊ เพโนอาห์ เน๊อ, “แว แด่แล เฮ๊อ แว ซิปล่อ เน๊อ แว เก่ เมจา เมปย๊า แก ลอเฮ๊อ แกแย เห่ขุพู๊ ปว๋า เตเพร ปา. เมเตเฮ๊เร๊อ เห่ขุเออ อาเล๋อ บาลอ เจ๊อเฮ๊อ เน๊อ เตจาเตมู๊แหม่ เฮ๊อ. เมเตเฮ๊เรอ เด๊อ เหย่ซี อาขว่าอาคยา, แว เก่ เมปย๊าแก เต่อ ลอ เหย่ซี เน๊อ เห่ขุ ปา.

เปโตร อาเหร่อเล๊อ ต๊าบ่า 3:20

ซิปล่อเซอเพร เออเต๊เห่ เนอหม่า หม่าเฮ๊อ เบ๊อะเพโนอาห์ เมแถ่ ส่อเกลอดุ มู๋ หนู่เค เร๊อ เบ๊อะจอแปแหร่ โอ่ป่อ ซิปล่อทูหนิ เป่ เหย่ซี เบ๊อะเนอ หม่าแน๊เรอ อา จูเอ่ เกอ ลูโหง่ โต่ เนอเต๊เห่ เฮ๊อ. เด๊อ ส่อเกลอดุ อากูเนอ แกแย โนหนิ ปีตี๊ แพ๊. ล๋อ จอแปแหร่ เมแลเปล๊กา เหย่ซี เร๊อ เทอ เนอหม่า อาโอ่ แพ๊ เพรลุยซว๊า แพ๊.

ꤚꤥꤗꤢꤩ꤬ 4:13

จอแปแหร่ อ๊อแล เพอับราฮัม เร๊อ อากลุยอาแล เต๊เห่ เด๋อ เนอเค เน๊อ, เห่ขุ เออต๊าบ่าลอ, อา เก่ ทวาแถ่ เหย่ซีเต ปา. หม่าแน๊เรอ เด๊อ เหย่ซี จูเอ่ ลือครวา เมเกอ เตซว๊าเตแส่ อาคยา เร๊อ, อา เก่ ทวาแถ่ เหย่ซีเต ปา, อา อ๊อแล ลู ฮู๊เนอ หม่าโต่. จอแปแหร่ แด่จ๊อแด่เต เหย่ซี เร๊อ อา เตหยื่อเตแหน่ อาขว่าอาคยา, อา อ๊อแล เร๊อ อา เก่ เด๊อ เหย่ซี ปา แพ๊.

ꤜꤢꤨꤊꤢ꤬ 17:26

“แกแยพู๊คู หม่าเฮ๊อ แวเออ เก่ แฮปา เบ๊อะเนอ, อา เก่ ทวาแถ่ แซ่เกอดื่อ ฮู๊ เพโนอาห์ ทือเค เนอ ปา.

ฟีลิปปี 3:9

แว เตจ๊อเตเต เออเนอ, แว ซิเลแถ่หนิ ปา เด๊อ แว หนิดา ครวาเม เกอ เตซว๊าเตแส่ อาขุ เออเนอ หม่าโต่เฮ๊อ. หม่าโต่เรอ, แว ย๋อ หยื่อเอ่เฮ๊อ ครี๊ เฮ๊อ อาขว่าอาคยา, เร๊อ แว พย๊าหนิเฮ๊อ เตจ๊อเตเต เฮ๊อ. เตจ๊อเตเต เด๊อ จอแปแหร่ เด๊อะ เออเนอหม่า อา ซิเลแถ่หนิ เด๊อ เตหยื่อเตแหน่ อาลู แพ๊.

ꤊꤢ꤬ꤜꤢ꤬ꤒꤤ 5:5

หม่าแน๊เรอ เด๊อ แหย่โยบูโพ๊ แบ่เจ่ อาขว่าอาคยาเร๊อ, เป หยื่อเอ่เกอเร๊อ เปเหน่ เร๊อ จอแปแหร่ เก่ แด่จ๊อแด่เต เป, เมเตเฮ๊เรอ เป หยื่อเอ่หนิ เหย่ซู่ครี๊. เป โอ่ป่อแม๊ชือ หม่าแหน่ เจ๊อ เตเออเนอ เฮ๊อ.

ꤟꤤꤙꤚꤢꤨ 5:7

เบ๊อะเหย่ซู่ โอ่เซอเพร เบ๊อะเห่ขุเออ เบ๊อะเนอ, อา กุยจ๊อเบ แถ่ ซิปล่อชีเมลอ จอแปแหร่ เด๊อ อา เมแลเปล๊แจ่ ลู เด๊อ เตเซอเออ เตเพร, เร๊อ อา เอ๊โทแถ่ เป๊เส่เทอ ตา เจ๊อ. อา แด่หยว่า อาซิปล่อ เร๊อ อา ซิปล่อฉว่า หนิดา จอแปแหร่ โหง่ อาขว่าอาคยา, จอแปแหร่ หนิดา ลู เตกุยจ๊อเบ.

ꤚꤥꤗꤢꤩ꤬ 3:22

แกแย เด๊อ อา หยื่อเอ่ เร๊อ เหย่ซู่ครี๊ เมโท เป่เฮ๊อ ลูเง เต๊เห่เนอ, จอแปแหร่ แด่ เฮ๊อ ลู ฮู๊ แกแยจ๊อแกแยเต เนอเฮ๊อ. เออ หม่า แกล๊ เด๊อ จอแปแหร่ เม เป่ ล๋อ แกแย เด๊อ อา หยื่อเอ่ เหย่ซู่ครี๊ เนอเต๊เห่ อาเง เฮ๊อ. เด๊อ จอแปแหร่ อา เป๊เส่เงเนอ อาโค๊อาคยา เร๊อ ลู เตเพร่ว โต่.

ꤚꤥꤗꤢꤩ꤬ 1:17

จอแปแหร่ แด่จ๊อแด่เต เฮ๊อ แกแย เต๊เห่ อาเหน่ เร๊อดื่อ ฮู๊เตเนอ, เตซิครือมีลา เออ เด๊อะโลแถ่ เป่ เฮ๊อ. เตจ๊อเตเต เออเนอหมา, อา เป๊อแถ่ เน๊อ เตหยื่อ เร๊อ อา ตื๊อดื่อ เน๊อ เตหยื่อ. ลีเทส่อพ๊า เฮ๊ เน๊อ, “แกแย เด๊อ จอแปแหร่ แด่จ๊อแด่เต อา เน๊อ อาเตหยื่อ เต๊เห่เนอ, เหย่ซี เก่ พย๊าหนิ เตโอ่เซอเพร อาเซ หม่าแหน่ ปา.”

มัทธิว 3:7

หม่าแน๊เรอ เบ๊อะคูยอห์น แม๊เถอะ ฟาริสี เร๊อ สะดูสี เต๊เห่ แฮปลูแฮเผ่ เด๊อ อา เก่ แฮเจ เกอ อาเหน่ เร๊อ เทอ เบ๊อะเนอ, อา เฮ๊ เหย่ซี เน๊อ, “หรู่ซิ ซี๋! หม่าอูเป เตเพร เด๊อะรอเด๊อะเร ซี เนอ ซี อา เหล่แลเปล๊ เร๊อ จอแปแหร่ อา เตเมจากาคยา เด๊อ อา เก่ แฮปา เออเนอ เป?

เห่ขุทวาลู่ 7:23

ล๋อ เต เด๊อ อา โอ่ เซอเพร กู๊ก่าหรู่แร เด๊อ เห่ขุ เออเต๊เห่เนอ, อา เซอแก ลอปลี เฮ๊อ. แกแยเห่ขุพู๊ เบ่เบ่, ล๋อ เตมีเตดอ เด๊อ อา โอ่ เด๊อ มีเกล เนอเต๊เห่ เบ่เบ่, ล๋อ เตมีเตดอ เด๊อ อู โบ่ เด๊อ หี่ เนอเต๊เห่ เบ่เบ่, ถู่พู๊โหย่พู๊ โย เด๊อ ม๊อเล ซีเต๊เห่ เบ่เบ่, จอแปแหร่ ตูจูเพร เมเซอแก ลอปลี เฮ๊อ. เร๊อ อา โอ่ เซอเพรแก ตื๊อแพ๊ เพโนอาห์ เน๊อ แกแย เด๊อ อา โอ่ เกอ เน๊อ ลู เนอเต๊เห่ แพ๊.

เปโตร เนอบ่า ต๊าบ่า 3:6

เบ๊อะอา นอดุเทอ เร๊อ อา เมปย๊าแก เห่ขุเลอ เนอต๊าบ่า เบ๊อะเนอ เบ่เบ่, อา นอเอ่ เฮ๊อ เทอ เออ เนอเฮ๊อ.

เปโตร เนอบ่า ต๊าบ่า 2:5

แกแย เห่ขุพู๊ เด๊อ อา เบ่หยื่อเบ่แหน่ เกอ จอแปแหร่ โต่ มู๊หนู่มู๊ส่าเค เนอเต๊เห่เนอ, จอแปแหร่ แด่ลว๊าแก เหย่ซี โต่โต่, อา นอดุบี๊ เซอแก ลอ เหย่ซี เร๊อ เทอ. อา เมแลเปล๊แก แพ๊ตื๊อ เพโนอาห์ เด๊อ อา แด๊โฉ่โด่แน เป่ อู เร๊อ เตจ๊อเตเต เออเนอ เตเพร เร๊อ เด๊อ อาโร โซซว๊าเตเพร แพ๊.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

ꤟꤤꤙꤚꤢꤨ 11:1

เตหยื่อ อาโหง่แลช๊า หม่า เต เด๊อ เป แม๊ชือ ลู เต๊เห่เนอ, เป หยื่อเอ่ อาหม่าอากลอ เร๊อดื่อเฮ๊อ เน๊อ เป เก่ พย๊าหนิ เฮ๊อ. โท๊โต่ เตหยื่อ อาโหง่แลช๊า หม่า เตเด๊อ เป แม๊เถอะแจ่ ล๋ายโต่ เต๊เห่เนอ, เป หยื่อเอ่ อาหม่าอากลอ ตื๊อดื่อ หนิปา เร๊อ เป เก่ พย๊าหนิ ปาเนอเฮ๊อ.

ꤚꤥꤗꤢꤩ꤬ 10:6

หม่าแน๊เรอ แกแย เด๊อ จอแปแหร่ แด่จ๊อแด่เต อา เน๊อ อา เตหยื่อเตแหน่ ขว่าคยา เต๊เห่เนอ, อา โตเบ่ แด๊เฮอหนิ เน๊อ, “อูเป เตเร แถ่ (เอ๊ตา ครี๊) เด๊อ ม๊อขุเป?” ฮู๊เนอโต่.

ꤚꤥꤗꤢꤩ꤬ 4:11

อา ดื๊อตีลี๊พ๊า เนอหม่า อาเนอ เด๊อ คยา แพ๊. เบ๊อะอา ดื๊อตีลี๊ แต่ลา พ๊า โต่ เบ๊อะเนอ, เด๊อ อาเตหยื่อ อาขว่าอาคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพรเฮ๊อ. ฮู๊เนอเรอ อา เมม๊าเมแดแก ลู เร๊อ เตดื๊อตีลี๊พ๊า ฮู๊เนอ เต๊อเจ่อ แพ๊. ฮู๊เนอเรอ แกแย เด๊อ อา ดื๊อตีลี๊ เกอ เจ๊ออู พ๊า โต่ หม่าแน๊เรอ, อา หยื่อเอ่ จอแปแหร่ เต๊เห่เนอ, เพอับราฮัม ทวา เป่ ลอ แกแย ฮู๊เนอ เต๊เห่ อาเพ เฮ๊อ. ฮู๊เนอ อาขว่าอาคยา, จอแปแหร่ แด่จ๊อแด่เต เกอเฮ๊อ เหย่ซี เฮ๊อ.

มัทธิว 24:38

เมเตเฮ๊เรอ เบ๊อะเทอ ดุบี๊ แต่ล๋ายโต่ เบ๊อะเนอ, อูเอ่อูโอ, กาฉู่แด่ฉู่เม ลูโต่ เจ๊อ เบ๊อะเพโนอาห์ โน เด๊อ ส่อเกลอดุกู เนอเตอเนอ เจ๊อ.

มัทธิว 24:25

หนิดา แลแคนี๋, เตเออ เต๊เห่ ทวาแถ่ แต่ล๋ายโต่ เบ๊อะเนอ, แว เด๊อะรอเด๊อะเรโทเฮ๊อ เป่ ซี เฮ๊อ.

เห่ขุทวาลู่ 19:14

ฮู๊เนอเร๊อ เพโลท เถ่จว๊า แด๊โฉ่โล เป่ อาเมเพรคูซี เด๊อ อา แฮเด๊อะม๊า โทเฮ๊อ เน๊อ อาพู๊เหมาะซี เออเต๊เห่ เน๊อ, “จอแปแหร่ ตูจูเพร เตเร เมจากาคยา ปย๊าแก ลอเฮ๊อ วี เออตีวี เฮ๊อ อาขว่าอาคยา, เมแพรมอ, เถ่ จว๊าตาพาแพรแกมอ เน๊อ วีเออ ตีวี.” หม่าแน๊เรอ อาเมเพรคูซี เต๊เห่ เตเนแพ๊ เน๊อ อา ฉู่เบ๊แลวอ เหย่ซี แพ๊.

เห่ขุทวาลู่ 7:5

เร๊อ เพโนอาห์ เม ฮู๊ ล๋อ จอแปแหร่ ตูจูเพร เฮ๊ตา ลู เนอเต๊เห่.

เห่ขุทวาลู่ 6:9

เออหม่า อู ราม๊า โอ่หนิ เพโนอาห์ อาหรี่อาแก. เบ๊อะ เพโนอาห์ อาทือเคเนอ, อา หม่า แกแยจ๊อแกแยเต เตเพร, อา โอ่เซอเพร ลว๊า เน๊อ อู แด่ ลู เตซื๊อ. โท๊โต่ อาแบ๊ซว๊าแบ๊โค จว๊าเต่อเคเต่อ เน๊อ จอแปแหร่ดุ.

ꤚꤥꤗꤢꤩ꤬ 9:30

เก่ เมฮู๊เนอเรอ, เป เก่ เฮ๊ ฮู๊เต? แกแยยิวพู๊ หม่าโต่ เต๊เห่เนอ, อา แม๊ปู เกออู แกล๊ เด๊อ จอแปแหร่ แด่จ๊อแด่เต อู เออเนอโตโบ โต่ หม่าแน๊เรอ เหย่ซี พย๊าหนิ เฮ๊อ. เด๊อ เหย่ซี เตหยื่อเตแหน่ อาขว่าอาคยา, เร๊อ จอแปแหร่ แด่จ๊อแด่เต เฮ๊อ เหย่ซี เฮ๊อ.

มัทธิว 24:15

ฮู๊เนอเรอ, “ซีเก่ แม๊เถอะ เน๊อ ซิหย่อซิบี โต ก๊อถ่อ โอ่ เด๊อ เตหลู่ แตโฮกู เหล่โอ่เนอโต่ ตื๊อดื่อ เร๊อ อา ก๊อถ่อ โอ่ เบ๊อะเนอ ปา. เร๊อ เด๊อ เออ อาขว่าอาคยา, เร๊อ อู เก่ แด่ โอ่ แหร่ แก เตเตหลู่เตโฮกู เหล่โอ่ปา. เพรโพร คูดาเนียล เฮ๊โล โทเฮ๊อ เน๊อ. เตซีหย่อซิบี อาหรี่อาแก เออ เฮ๊อ. เบ๊อะซี แม๊เถอะ อาทวา แถ่เฮ๊อ ฮู๊เออ อาเค ปาเนอ, แกแย เด๊อ อาแด๊ ลี เออ ต๊าบ่า โต ซิเงโปล แลแค, เด๊อ เพรโพร คูดาเนียล เหล่แด๊โฉ่ เฮ๊แก เด๊อซี แด๊ ลี เออเต๊เห่ โตเบ่ ซิเงโปล แลแค.

เห่ขุทวาลู่ 8:16

“เก๋อ โนอาห์, เอ๊หนิ เนเม, เนพู๊เพรคูซี เน๊อ เนแด่ซี เนอเต๊เห่ เร๊อ เถ่ลอ มอ เด๊อ ส่อเกลอดุ อากลอ เนอ.

เห่ขุทวาลู่ 6:22

โทเร๊อ เพโนอาห์ ครวา เมเกอ ฮู๊ จอแปแหร่ดุ เฮ๊แก ลู เนอ ปว๋า เต๊อเจ่อ.

มัทธิว 2:12

เร๊อ จอแปแหร่ เด๊อะรอเด๊อะเร เพรลีแมลีเพ๊ เออเต๊เห่ เด๊อ อา เตโอ่เมอแหม่ อากู เน๊อ เหย่ซี เก่ กาโต ปา แต่ คุ๊ยเฮโรด แต่เหม่. เร๊อ เหย่ซี กาโค๊แก แกล๊ เด๊อ อาโร โตโบ เด๊อ อาเก่.

ꤟꤤꤙꤚꤢꤨ 8:5

เหล่สื่อดุ บูโพ๊ เด๊อ เพรหลู่แตเนอ เต๊เห่ โนเม เกอเร๊อ ลู เด๊อ เห่ขุ เออเตเม เนอหม่า, อา แม๊ แบ๊บือเกอ จอแปแหร่ อา เตหลู่เเตโฮ หม่าแหน่ เด๊อ ม๊อขุ เนอเตเม แพ๊. เหล่สื่อดุ เออเตเม เนอ อา หม่าแหน่ หม่าโต่, หม่าแพ๊ เด๊อ ม๊อขุ อา หม่าแหน่ เนอเตเม อา แหย่โย แพ๊. เมเตเฮ๊เรอ, เบ๊อะจอแปแหร่ นออิ ช๊อแถ่ คูโมเสส เหล่สื่อดุ เด๊อ เห่ขุเออ เบ๊อะเนอ, อา เฮ๊ ลู เน๊อ, “ครวาเม แบ๊บือ ตาเตแร๊ แซ่เกอลอ ฮู๊ อู เด๊อะโล โทเฮ๊อ เน ม๊อขุ เตหลู่เเตโฮ อาแหย่โย เด๊อ โฉ่ขุเค เนอนี๋,” จอแปแหร่ เฮ๊ ลู ฮู๊เนอ.

ꤟꤤꤙꤚꤢꤨ 12:25

ฮู๊เนอเร๊อ, แซ่ฮู๊ ซี เก่ ทวา แต่ แกแย เด๊อ อา หนิโฮ จอแปแหร่ อาโหง่พราแถ่ เร๊อ อา เท๊ฉื่อแก จอแปแหร่ เนอเต๊เห่ อาเตเมเนอ, รอหนิ แลแค ซีเหน่ นี๋. เบ๊อะอิสราเอลพู๊ เต๊เห่ หนิโฮ เตเด๊อะรอ เหย่ซี เด๊อ เห่ขุเออ เบ๊อะเนอ, เหย่ซี หนิดา แลแค ลูโหง่ โต่. ฮู๊เนอเร๊อ อา เกล๊ แลเปล๊เบ๊ แลแค เน๊อ เตเมจากาคยาโต่ เก่ เมฮู๊เนอเร๊อ เปเก่ เท๊ฉื่อแก เด๊อ ม๊อขุ เออเตเพร เด๊อะรอเปเออ เก่เฮ๊เรอ, เตเนแม๊มอ, ซี เกล๊ แลเปล๊ เบ๊แจ่ ปา เจ๊อแหน่ เน๊อ จอแปแหร่ อา เตจามือกาคยา ตีกี๋ เจ๊อแหน่โต่เฮ๊อ.