ꤟꤤꤙꤚꤢꤨ 11:3 - ลีเทส่อพ๊าอาเซ เร๊อ เห่ขุทวาลู๊

³ เด๊อ เตหยื่อ อาขว่าอาคยา เป ซิเง เร๊อ จอแปแหร่ แบ๊ตา ม๊อเล อาครืออาขรว่า เน๊อ อาโหง่ แพ๊. ฮู๊เนอเรอ เต เด๊อ เป แม๊เถอะแจ่ กู๊แหน่เค เออเต๊เห่ เนอหม่า อา โอ่ เด๊อ เตเด๊อ เป แม๊เถอะ แจ่โต่ เต๊เห่ อา โอ่ แฮ แพ๊.

Eastern Kayah Shadaw Dialect

³ ꤘꤣ ꤒꤢꤩ꤬ꤛ꤫ꤢꤦ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤒꤢ꤭ ꤗꤢꤪꤜꤢꤩ꤭ ꤢ꤬ꤋꤚꤢꤦ꤬ꤢ꤬ꤋꤚ꤫ꤢꤪ꤬ ꤔꤢꤧ ꤢ꤬ꤍ꤫ꤥ꤬ ꤖꤢꤧ꤯ ꤟꤢꤨꤔꤣꤧ꤬ꤚꤣꤧ꤬ ꤒꤢꤩ꤬ ꤘꤣ ꤕꤢꤩ꤬ ꤗꤢꤧꤓ꤫ꤣꤧ꤬ꤡ꤫ꤢꤧ꤬ ꤊꤢꤨꤔ꤫ꤢꤧ꤬ꤋꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤥ꤬ ꤘꤣ ꤒꤢꤩ꤬ꤘꤣ ꤕꤢꤩ꤬ ꤗꤢꤧꤓ꤫ꤣꤧ꤬ ꤡ꤫ꤢꤧ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤟꤢꤧ꤭ ꤖꤢꤧ꤯

ꤟꤤꤙꤚꤢꤨ 11:3 ပူးပေါင်းရင်းမြစ်များ

เปโตร เนอบ่า ต๊าบ่า 3:5

มู๋หนู่เคเนอ, จอแปแหร่ เฮ๊ แพ๊ อา โหง่ ตือมือ เร๊อ ม๊อเล เน๊อ เห่ขุ ทวาแถ่, เร๊อ อา พย๊าแถ่ เทอ เต๊เห่ เด๊อ เทอเกล เร๊อ อา เม ทวาแถ่ เร๊อ เห่ขุ, เหย่ซี จ่าโชตาปา แลแค แพ๊.

ꤛꤥ꤭ꤟꤢ꤬ 1:3

จอแปแหร่ นอแบ๊แลโดโต่ แฮเง ลู ปว๊าเต๊อเจ่อ. เต เด๊อ อา แบ๊แล โต่ เนอ อา โอ่ เตอเจ๋อ โต่.

ꤚꤥꤗꤢꤩ꤬ 4:17

ลีเทส่อพ๊ากู เฮ๊หนื่ออื่อ เน๊อ, “แว นอทวาแถ่ เฮ๊อ เน เร๊อ เมวเจอะ ตูปลูเต๊เผ่ อาเพ เฮ๊อ.” อา ทวา เป่ เปเพ เด๊อ จอแปแหร่ อาเป๊เส่เง. จอแปแหร่ เออเตเพร เนอหม่า, อา หม่าเฮ๊อ เปเพ เพอับราฮัม หยื่อเอ่เกอเร๊อ เนอเตเพร เฮ๊อ. อา หม่า จอแปแหร่ เด๊อ อา เมเซอเพร กาคยา แกแยเซอ, โท๊โต่ อา เฮ๊ตา แพ๊ อาโหง่ ตือมือ แพ๊ เร๊อ เต เด๊อ อา โอ่ ล๋ายโต่ เต๊เห่เนอ อา ทวาแถ่ ลอปลี เจ๊อ.

เพรโด่แนพู๊ เต๊เห่ 17:24

“จอแปแหร่ เด๊อ อา แบ๊ทวาแล ต๊อเหมาะ, เฉ่, เล, เห่ขุ เด๊อ เตปว๋า เต๊อเจอะ เออเตเพร เนอหม่า ม๊อขุ เร๊อ เห่ขุ อา แบ่เจ่ เฮ๊อ. เร๊อ เตหลู่แตโฮ เด๊อ แกแย เม อา เร๊อ อากู๊ขุ เต๊เห่เนอ, จอแปแหร่ โอ่ เบ๊อะเนอเต๊เห่ อากู โต่.

เตเด๊อะโลแถ่ 4:11

“เก๋อ เป แบ่เจ่ จอแปแหร่, เน โต พย๊าหนิ แหน่ เตลีเตตาเค, เตแด่ซิแหน่ซิเตเร เร๊อ เตโพรฉว่าชอ เฮ๊อ, เมเตเฮ๊เรอ เน แบ๊แล เต ล๊อ ปลี เร๊อ เน แบ๊แล เหย่ซี เร๊อ เน แด่ โอ่เซอเพร เหย่ซี จู๋ ดื่อ เนซิปล่อเฮ๊อ.”

ꤟꤤꤙꤚꤢꤨ 1:2

หม่าแน๊เรอ ม๊อเนอ เด๊อ คยา ตื๊อดื่อ เออเต๊เห่เนอ, อา เฮ๊เบ่ตา แฮเง เป เร๊อ อา พู๊เพรคู เฮ๊อ. จอแปแหร่ นอแบ๊ตา แฮเง อาพู๊คู เน๊อ เห่ขุ ม๊อขุ เน๊อ เตล๋อ ปลี. เด๊อ คยา ตื๊อดื่อ ปาเนอ, ล๋อ เตเออเต๊เห่ แซ่ฮู๊ อา เก่ ทวา ลอ ลูเต ปา เนอเรอ จอแปแหร่ นว๊าแถ่เฮ๊อ ลู เฮ๊อ.

เห่ขุทวาลู่ 1:1

เบ๊อะ จอแปแหร่ดุ แบ๊ตาลู่ เต อากูลู่เคเนอ อา แบ๊ตา หนิดื่อ ม๊อขุ เน๊อ เห่ขุ.

เพรโด่แนพู๊ เต๊เห่ 14:15

“ซี จว๊าเมฮู๊เออ เมเต? เป หม่า แกแย แซ่เน๊อ ซี แพ๊. เป แฮแด๊โฉ่ เป่ ซี เตซิครือมีลา อาหรี่อาแก แพ๊. เป ซิหยื่อ แด๊โฉ่โล เป่ ซี เร๊อ จ๊อเบปา แต่ แลแค เต เด๊อ อาโหง่แลช๊า โอ่โต่ เนอเต๊เห่ แต่เหม่. เป ซิหยื่อ นอจ๊อเบ ซี เร๊อ จอแปแหร่ เด๊อ อา เซอเพร เออเตเพร. อา หม่า จอแปแหร่ เด๊อ อา แบ๊แล ม๊อขุ, เห่ขุ, เทอดุซาวา เน๊อ เตโอ่ เด๊อ อากู เนอเต๊เห่ ล๋อ ปลี เตเพร.

โครินธ์ อาเหร่อเล๊อ ต๊าบ่า 2:7

แว แด๊โฉ่โด่แน เป่ อู เร๊อ จอแปแหร่ อา เตลีแมลีเพ๊ เด๊อ อาจ่ออาแย เต๊เห่. เด๊อหนู่เด๊อะส่า เคเนอ, จอแปแหร่ เด๊อะโล เป่ แต่ล๋าย อู เน๊อ เตลีแมลีเพ๊ เออเต๊เห่ ล๋ายโต่. เด๋อ จอแปแหร่ แบ๊แล แต่ล๋ายเห่ขุ โต่ อาเค ปาเนอ, อา เตเนหนื่ออื่อ เป่ โทเฮ๊อ เด๊อ อา เก่ เม เป่ เป เตอเรอดุเตอเรอทู เออเต๊เห่ เฮ๊อ.

ทิโมธี อาเหร่อเล๊อ ต๊าบ่า 4:5

เมเตเฮ๊เรอ หม่า เด๊อ จอแปแหร่ อาลาอาโหง่ เร๊อ เป เตกุยจ๊อเบ อาขว่าอาคยา, จอแปแหร่ จูเฮ๊อ เด๊อ อา เก่ พย๊าฉื่อ เตเออเต๊เห่ เฮ๊อ.

ꤟꤤꤙꤚꤢꤨ 6:5

จอแปแหร่ อาลาอาโหง่ เนอ, อาแร๊ แหน่เจ๊อ เนอหม่า เหย่ซี ซิเงแฮ โทเฮ๊อ. เหย่ซี แม๊เถอะแฮเบ่ น๊อเกอ โทเฮ๊อ จอแปแหร่ อา เตโพรเตเตอเรอ ฉว่าชอ เด๊อ อา เก่ โอ่โลแถ่ เป่ อู ช๋า เนอปา ตือทือ เนอเต๊เห่ เฮ๊อ.