ꤟꤤꤙꤚꤢꤨ 11:13 - ลีเทส่อพ๊าอาเซ เร๊อ เห่ขุทวาลู๊

¹³ ล๋อ แกแย เด๊อ จอแปแหร่ อ๊อแล เด๊อ อา เก่ เด๊อะ ลู เออเต๊เห่เนอ อา หยื่อเอ่ ตื๊อดื่อหนิ จอแปแหร่ โต่ เจ๊อ เบ๊อะอา เซอ แลแค เนอเตอเนอ เจ๊อ. เต เด๊อ จอแปแหร่ อ๊อแลแก ลู เด๊อ อา เก่ เด๊อะ เหย่ซี เออเต๊เห่เนอ, อา พย๊าหนิ ล๋ายโต่, หม่าแน๊เรอ เหย่ซี แม๊เถอะ หนื่ออื่อ เหร่อ งย๋า ลาเฮ๊อ เร๊อ อา ซิครือ พย๊าฉื่อ หนื่ออื่อ เหร่อเฮ๊อ เตอ๊อแล เออเต๊เห่ เฮ๊อ. เหย่ซี อ๊อแล แลแค เร๊อ เหย่ซี หม่า อา จว๊า ทวา ซิเผระ เด๊อ อูเทออูเก่ แพ๊, เร๊อ เหย่ซี แฮ โอ่โก๊ล๊าเกอ เบ๊อะเห่ขุเออ แตแปล๊เตอเปลอฮู๊ แพ๊, อา เฮ๊ แลแค ฮู๊เนอ.

Eastern Kayah Shadaw Dialect

¹³ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤘꤣ ꤢ꤬ ꤊ꤫ꤢꤦ꤬ ꤘꤣꤧ ꤜꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤒꤣꤧ꤬ꤘꤢꤦ꤬ꤚꤣꤧ ꤡꤢꤪꤗꤣꤧ꤬ꤚꤢꤧ꤬ ꤒ꤫ꤥ꤬ ꤡꤣꤧ ꤙꤣꤧ ꤢ꤬ ꤞꤣꤧ꤭ ꤜꤢ꤭ꤋꤢꤧ꤭ ꤔꤣꤧ꤬ꤒꤣ꤬ꤔꤣꤧ꤭ ꤡꤣꤧ꤯ ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ꤊꤢꤧ꤭ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤘꤣꤧ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤜꤢ꤭ꤟꤤꤒꤥ꤬, ꤒꤣꤧ꤬ꤘꤢꤦꤚꤣꤧ꤬ ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤥ꤬ꤔꤢꤩ꤬ ꤚ꤫ꤣꤧ꤬ ꤑꤢ꤭꤮ ꤜꤥ꤬ꤟꤣꤧ ꤚꤣꤧ꤬ ꤢ꤬ ꤞꤤꤋꤚꤢꤦ꤭ ꤖꤛꤢꤏꤢꤦ꤬ ꤥ꤬ꤔꤢꤩ꤬ ꤚ꤫ꤣꤧ꤬ꤟꤣꤧ ꤒꤢꤩ꤬ꤢꤪꤜꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤛꤢꤩ꤬ꤞꤤ꤭ ꤢꤪꤜꤢꤧ꤬ ꤜꤢ꤭ꤋꤢꤧ꤭ ꤔꤢꤧ ꤛꤢꤩ꤬ꤞꤤ꤭ ꤗꤢ꤬ ꤢ꤬ ꤡꤝꤢ ꤓꤝꤢ꤭ ꤞꤤꤖꤚ꤫ꤢꤩ꤬ ꤘꤣ ꤢꤨ꤭ꤓꤣꤧ꤭ꤢꤨ꤭ꤊ꤫ꤢꤩ꤬ ꤖꤢꤧ, ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤧ꤭ ꤥ꤬ꤊꤥꤜꤢꤊꤣꤧ꤭ ꤙꤣꤧ ꤟꤢꤩ꤬ꤋꤢꤨ꤬ꤣꤧ꤭ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧꤟꤢꤨ ꤖꤢꤧ, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯

ꤟꤤꤙꤚꤢꤨ 11:13 ပူးပေါင်းရင်းမြစ်များ

ꤟꤤꤙꤚꤢꤨ 11:27

เด๊อ เตหยื่อ อาขว่าอาคยาเร๊อ, อา เถ่จว๊า เด๊อ อียิปต์เก่กู. คุ๊ย ซิปล่อดุ เจ๊อ ลู หม่าแน๊เรอ อา ซิอิเช โต่. เมเตเฮ๊เรอ อา แม๊เถอะเฮ๊อ จอแปแหร่ เด๊อ อู แม๊เถอะแจ่ ลู โต่ เออเตเพร อาขว่าอาคยา, อา แด่ทูซิปล่อ แฮเง ลาโป่ เจ๊อ.

เห่ขุทวาลู่ 23:4

“แว หม่า เทอโหร่เก่กลอพู๊ เตเพร เด๊อ อา แฮโอ่เกอ เน๊อ ซี, เร๊อ อิเช เป่เกอ แว ซีโลขุ ตื๋อ หม่า แวโล๊โน หนิ เน๊อ แวเม แพ๊.”

ꤛꤥ꤭ꤟꤢ꤬ 8:56

ซีเพ เพอับราฮัม ซิครือแม๊เถอะ เด๊อ แว เก่ แฮ เด๊อ เห่ขุเออ. อา แม๊เถอะเฮ๊อ เร๊อ อา ซิครือซิลอ เฮ๊อ,” อา เฮ๊ฉื่อ เหย่ซี ฮู๊เนอ.

ꤟꤤꤙꤚꤢꤨ 11:39

เด๊อ เหย่ซี เตหยื่อ อาขว่าอาคยาเร๊อ, ล๋อ แกแย เออเต๊เห่เนอ, จอแปแหร่ แม๊โม เกอเร๊อ แหน่เจ๊อ เหย่ซี. หม่าแน๊เรอ ล๋อ จอแปแหร่ อ๊อแลแก เต๊เห่เนอ, เหย่ซี พย๊าหนิ เกออู โต่.

เอเฟซัส 2:19

เก่ เมฮู๊เนอเรอ, ซี แกแยยิวพู๊ หม่าโต่ เออเต๊เห่เนอ, ซี ทวาปา เทอโรเก่กลอพู๊ เต๊เห่ หม่าปาโต่ เฮ๊อ, หม่าโต่เรอ ซี ทวาปา ซิเผระ เต๊เห่ หม่าปาโต่ เฮ๊อ. กู๊แหน่เออ ซี ทวาโต่ แซ่เกอเฮ๊อ จอแปแหร่ อา เทอพู๊เก่พู๊ แซ่เน๊อ อาแกแย เออเนอเต๊เห่ เฮ๊อ. โท๊โต่ ซี หม่า จอแปแหร่ อา หี่พู๊แพพู๊ เต๊เห่ เฮ๊อ.

ꤚꤥꤗꤢꤩ꤬ 8:24

เป๊อแถ่ เบ๊อะจอแปแหร่ เมแลเปล๊กา เป เนอ, เป แม๊ชือ เด๊อ อา เก่ เม เป่ เป เออเต๊เห่ ปา. หม่าแน๊เรอ แกแย เตเพรเพร เก่ พย๊าหนิ โทเฮ๊อ เต เด๊อ อา แม๊ชือ เออเนอ, อา โหล่ โอ่ป่อแม๊ชือ ปา เร๊อ โต่ เฮ๊อ. อู โอ่ป่อแม๊ชือ เต เด๊อ อู พย๊าหนิ โทเฮ๊อเนอ อา โอ่ เตเพร่ว โต่.

เปโตร อาเหร่อเล๊อ ต๊าบ่า 2:11

แว โคแบ๊ซว๊าโม ซี๋, เด๊อ เห่ขุเออเนอ ซี หม่า อาแซ่เน๊อ แกแย จว๊าทวา เทอโรเก่กลอพู๊ เร๊อ ซิเผระ เต๊เห่ แพ๊. แว กุยซิยอ ซี เร๊อ ซี เก่ จว๊า ตาพาแก แลแค เร๊อ ซี เหน่กล่อ อา เตซิหยื่อซิลอ มู๊แหม่ เด๊อ อาช๊าอาปา โตโมโม เกอเร๊อ ซี ซิปล่อ เออเนอเต๊เห่ นี๋.

เปโตร อาเหร่อเล๊อ ต๊าบ่า 1:17

เบ๊อะซี กุยจ๊อเบแถ่ จอแปแหร่ เบ๊อะเนอ, “เพ” ซี เอ๊ แลแค ลู ฮู๊เนอ. แกแย ปว๋า เตเพร เมโทเฮ๊อ เตอิเตเต๋ เบ่เบ่ เนอ, จอแปแหร่ เมจากาคยา จ๊อจ๊อเตเต แพ๊, อา แม๊ดุแม๊ปีตี๊ โต่. ฮู๊เนอเรอ เบ๊อะซี โอ่เซอเพร ปา ฮู๊ ซิเผระ เด๊อ เห่ขุเออ เบ๊อะเนอ, โอ่เซอเพร แลแค เด๊อ เตซิอิเซ แด่หยื่อแด่แหน่ จอแปแหร่ อากู นี๋.

ꤚꤥꤗꤢꤩ꤬ 4:21

จอแปแหร่ เก่ เม ฮู๋ อา อ๊อแลเนอ ปาเนอ, อา หยื่อเอ่ลอ เจ๊อ ซิปล่อซีเมเจ๊อ.

เห่ขุทวาลู่ 49:18

โทเร๊อ เพยาโคบ จ๊อเบแถ่ จอแปแหร่ เน๊อ, “เก๋อ จอแปแหร่ ตูจูเพร, แว โอ่ป่อแม๊ชือ เฮ๊อ เน เตเมแลเปล๊กา เฮ๊อ.”

เห่ขุทวาลู่ 47:9

เพยาโคบ เฮ๊ฉื่อ ลู เน๊อ, “แว ทวาซิเผระ เร๊อ จว๊าโอ่ โต๊โผะ โท โต๊โผะ เบ๊อะ เห่ขุเออ เด๊อ อาหน่าหน่า อาเลเลกู เจ๊อ, แว โอ่ เฮ๊อ อาหน่า เตเย เน๊อ โซเซอ เฮ๊อ. แวหน่า ทู เกอ น๊อ อู โต่, โทเร๊อ อาแป่อาเช ลา. โท๊โต่ แวหน่า ทู ครื่อแนเล๊ เกอ เน๊อ แวเพอแวโพ ซี เด๊อ อา ทวาซิเผระ เร๊อ จว๊าโอ่ โต๊โผะ โท โต๊โผะ เบ๊อะ เห่ขุเออ เนอเต๊เห่ อาหน่า โต่.”

เห่ขุทวาลู่ 25:8

อา โอ่เซอเพร โต่ เด๊อ อาโหมะเพร่ หน่าดุเลทู, หน่าบาเลบา เร๊อ อา เซ๊ปลื๊อแก, เร๊อ อู โล๊โน เต่อ เกอดื่อ ลู เน๊อ อาเพออาโพ ซีเต๊เห่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:19

เป เก่ โม เกอเร๊อ ลู เตเพร เร๊อ เตเพร ฮู๊เนอ เฮ๊เรอ, เป ซิเง เร๊อ เป โอ่เกอเฮ๊อ เด๊อ เตหมะเตจ๊อ ตากยา เฮ๊อ. เร๊อ เป เก่ ซิปล่อโม, ซิปล่อ ตู๊จู่เตอเจ๊อ เฮ๊อ เด๊อ จอแปแหร่ อา เป๊เส่เง เฮ๊อ.

มัทธิว 13:17

เมเตเฮ๊เรอ, แว เฮ๊จ๊อจ๊อ ซี, เพรโพร โอ่โหร่เอ๊ เน๊อ แกแยจ๊อแกแยเต โอ่โหร่เอ๊ ซีเต๊เห่ เหย่ซี ซิหยื่อ แม๊เถอะเกอ แลแค เต เด๊อ ซี แม๊เถอะ ตื๊อดื่อเรอ เหย่ซี แม๊เถอะน๊อ เกออู โต่. โท๊โต่ เหย่ซี ซิหยื่อ หนิโฮเกอ แลแค เต เด๊อ ซี หนิโฮ ตื๊อดื่อเรอ เหย่ซี หนิโฮน๊อ เกออู โต่.

เห่ขุทวาลู่ 49:33

เบ๊อะ เพยาโคบ เมแก โทเฮ๊อ อาพู๊ซี โหง่ เบ๊อะเนอ, อา โอ่เมอตา กาคยา เด๊อ เหล่เมอขุ เร๊อ อา เซ๊ปลื๊อ แก เร๊อ อา จว๊าโอ่เต่อ โก๊แก เน๊อ อาโหมะ เพ เพอโพ ซี เต๊เห่.

เห่ขุทวาลู่ 49:10

อู เก่ พย๊าตาพาแก แจ่ปา คูยูดาห์ อาเตอเรอฉว่าชอแจ่ เตเพร่ว โต่. โท๊โต่ คุ๊ยอิแท๊โบ เนอ อา เก่ โอ่หม่าโอ่กลอ เด๊อ อากลุยอาลุ๊ย เต๊เห่ อากู๊ขู่กู ปา. เน เก่ เป๊อ โต่เด๊อ เมวเจ่อ เต๊เห่ พย๊าแฮ เป่ ลู เชหยู่ ปา. เร๊อ เมวเจ่อ เต๊เห่ เก่ แด่ดุหยื่อแหน่ ลอ เน ปา.

ꤛꤥ꤭ꤟꤢ꤬ 12:41

เพรโพร อิสยาห์ เฮ๊ฮู๊เออ เมเตเฮ๊เรอ อา แม๊เถอะน๊อ แบ่เจ่ เหย่ซู่ อา เตอเรอดุเตอเรอทู ตื๊อเรอ อา เฮ๊ ลูหรี่ลูแก ฮู๊เออ แพ๊.

เห่ขุทวาลู่ 50:24

โทเร๊อ อา เฮ๊ อาโป่แหม่ เต๊เห่ เน๊อ, “แว โอ่เซอเพร งยา ปาโต่ เฮ๊อ. จอแปแหร่ดุ เก่ แฮแล เมจว่า หม่าแหน่ เจ๊อ ซี ปา, เร๊อ อา เก่ เอ๊เถ่แก ซี เน๊อ เก่ เบ๊อะเออ เต๊เก่ ปา, เร๊อ อา เก่ ซูกา ซี เก่ เด๊อ อา แบแลโทเฮ๊อ อาโหง่ เน๊อ โพอับราฮัม, โพอิสอัค, เพยาโคบ เนอเต๊เก่ ปา.”

เห่ขุทวาลู่ 49:28

ล๋อ เออเต๊เห่ หม่า อิสราเอล เมวเจ่อเช๊อเนอโหมะ เต๊เห่ เฮ๊อ, เร๊อ เออหม่า โหง่ เด๊อ อาเพ เฮ๊โมเฮ๊แร๊ แก เหย่ซี ฮู๊ อาโตอาเบ่ เน๊อ เหย่ซี เตเพร่ว เน๊อ เตเพร เนอเต๊เห่ เฮ๊อ.

เห่ขุทวาลู่ 48:21

โทเร๊อ เพยาโคบ เฮ๊ เพโยเซฟ เน๊อ, “ฮู๊ เน แม๊เถอะ ดื่อ เฮ๊อ เออ, แวม๊อเนอ ผื่อโต เฮ๊อ, หม่าแน๊เรอ จอแปแหร่ดุ เก่ โอ่เกอดื่อ เน๊อ เน ปา เร๊อ อา เก่ เอ๊กา คยาแซ๊ดื่อ เน เด๊อ เนเพอเนโพซี เต๊เห่ อาเก่เนอ ปา.

โครินธ์ เนอบ่า ต๊าบ่า 4:18

ฮู๊เนอเรอ, เตแป่เตเช เด๊อ แว แม๊เถอะเบ่ เออเต๊เห่เนอ, แว แด่เน๊ออาเส่ เตอเจ๋อ โต่. เต เด๊อ อา โอ่ จิจือหมะ เล๊อ เด๊อ แว ซิปล่อกู เต๊อเจ่อเนอหม่า หม่าเฮ๊อ เตตว่าเตแร๊ เด๊อ จอแปแหร่ เก่ เด๊อะ แว ปา เออเนอ แพ๊. เต เด๊อ เป แม๊เถอะแจ่ เต๊เห่เนอ, อา เก่ โอ่งยา แพ๊ เตอเปลอฮู๊ แพ๊, หม่าแน๊เรอ เต เด๊อ เป แม๊เถอะแจ่โต่ เต๊เห่เนอ, อา เก่ โอ่งยา เจ๊อ ตูจูเพร ปา.

โครินธ์ เนอบ่า ต๊าบ่า 5:6

ฮู๊เนอ อาขว่าอาคยา เป หยื่อเอ่ ตาเต หนิ เฮ๊อ เตเออเต๊เห่ เฮ๊อ. เป ดา โอ่ ปาแพ๊ เบ๊อะเปเหน่กล่อ เออเต๊เห่ อากู แพ๊ เฮ๊เนอหม่า, เป จว๊า โอ่ แต่ล๋าย เด๊อ เหล่โอ่ เบ๊อะแบ่เจ่ เหย่ซู่ โอ่ เนอ หม่า ล๋ายโต่.

ꤟꤤꤙꤚꤢꤨ 11:14

แกแย เด๊อ อา เฮ๊ แลแค ฮู๊เออ เต๊เห่เนอ อา เด๊อะโล โล๊ลีเจ๊อเฮ๊อ เร๊อ เหย่ซี แม๊ปู เกอเร๊อ แลแค ดื่อเฮ๊อ อาเทออาเก่ เร๊อดื่อ เฮ๊อ.

ꤟꤤꤙꤚꤢꤨ 11:17

เบ๊อะจอแปแหร่ เมแม๊ เพอับราฮัม เบ๊อะเนอ, เด๊อ อาเตหยื่อ อาขว่าอาคยา, อา หลู่แถ่ อาพู๊คู คูอิสอัค. อา พย๊าหนิ จอแปแหร่ อา เตอ๊อแล หม่าแน๊เรอ อา โอ่ ตี๊หรี่แตแร หนื่ออื่อ เด๊อ อา เก่ หลู่แตแถ่ อาพู๊คู เด๊อ อา โอ่ตื๊อ เตเพรเพร่ว เออเนอ เตเพร.

เปโตร อาเหร่อเล๊อ ต๊าบ่า 1:1

แว ราจว๊าเป่ ลีเออ เด๊อ แกแย เด๊อ จอแปแหร่ นว๊าแถ่ ลู เร๊อ อา จว๊า โอ่โก๊ แตแปล๊เตอเปล๊อ, อา จว๊า ทวา ซิเผระ เด๊อ อูเทออูเก่, เร๊อ อา โอ่ จว๊าปีชี ลอ เด๊อ อาเหล่โอ่ ปว๋า โต๊โผ่ เด๊อ ปอนทัสเก่, กาลาเทียเก่, คัปปาโดเซียเก่, กาลาเทียเก่, คัปปาโดเซียเก่, เอเซียเก่ เร๊อ บิธีเนียเก่กู เนอเต๊เห่ อา โอ่. แว หม่า คูเปโตร, แว หม่า เหย่ซู่ครี๊ อา เพรโด่แน เตเพร.

เห่ขุทวาลู่ 21:34

เร๊อ อา โอ่ งยากู๋ เกอ ลา เบ๊อะฟีลิสเตียเก่กู เนอ.