ꤟꤤꤙꤚꤢꤨ 10:39 - ลีเทส่อพ๊าอาเซ เร๊อ เห่ขุทวาลู๊

³⁹ เป หม่า แกแย เด๊อ อา จว๊า ตาพา โค๊แก เต๊เห่, เร๊อ อา จว๊าโต่ เด๊อ เตปย๊าเตหลู่ ปา เนอเต๊เห่ หม่าโต่. เป หม่า แกแย เด๊อ อา หยื่อเอ่ เต เต๊เห่ เร๊อ อา เก่ พย๊าหนิ เตเมแลเปล๊กา ปา เต๊เห่ เฮ๊อ.

Eastern Kayah Shadaw Dialect

³⁹ ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤝꤢ ꤒꤣꤧ꤬ꤖꤢ꤭ ꤋꤥꤊꤢꤧ꤭ ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤡꤝꤢꤒ꤫ꤥ꤬ ꤘꤣ ꤒꤢꤩ꤬ꤕꤛꤢꤒꤢꤩ꤬ꤜ꤫ꤢꤨ꤬ ꤕꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗ꤫ꤢ꤬ꤒꤥ꤬꤯ ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤒꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢ꤭ ꤒꤣꤧ꤬ꤟꤢꤩ꤬ ꤟꤣꤧ꤯

ꤟꤤꤙꤚꤢꤨ 10:39 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:5

อูเป เตเพร เก่ เมเป่เบ๊ เห่ขุ อาเหล่โกล มู๊แหม่ เออเต๊เห่ เป? ตื๊อแพ๊ แกแย เด๊อ อา หยื่อเอ่ เร๊อ เหย่ซู่ เนอหม่า จอแปแหร่ อาพู๊คู เตเพร เนอเต๊เห่ เก่ เมเป่ ปา.

เปโตร อาเหร่อเล๊อ ต๊าบ่า 1:5

เด๊อ ซี หยื่อเอ่ ครี๊ อาขว่าอาคยา, เบ๊อะซี พย๊าหนิ แต่ล๋าย เตเมแลเปล๊กา โต่เนอ จอแปแหร่ โอ่ป่อหม่า หนิเป่ ซี เร๊อ อาโพรอาเตอเรอ. จอแปแหร่ ตี๊หรี่แตแร หนื่ออื่อเฮ๊อ อาเหน่ เร๊อ ช๋า ม๊อเนอ ตื๊อดื่อ ปาเนอ, อา เก่ เด๊อะโล เมแลเปล๊กา เออเนอ ปา.

ꤗꤢ꤬ꤊꤢꤨ 16:16

แกแย เด๊อ อา หยื่อเอ่ เตซิครือซิลอมีลา เออ เร๊อ อา เจอาเหน่ เร๊อ เทอ เตเพรเพร เนอ, อา เก่ พย๊าหนิ เตเมแลเปล๊กา ปา. หม่าแน๊เรอ แกแย เด๊อ อา หยื่อเอ่ โต่ เต๊เห่เนอ อา เก่ ข่าเบ่ เตเมจากาคยา ป๋า.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:16

แกแย เตเพรเพร เก่ แม๊เถอะ อาโป่แหว่ ครี๊พู๊ เตเพรเพร เมเตซื๊อ เด๊อ อา เก่ เด๊อ ทวาแถ่ ลู เตเซอ หม่าโต่ เฮ๊เนอ, อา เก่ กุยเต เด๊อ จอแปแหร่ อา โอ่ เร๊อ จอแปแหร่ เก่ เด๊อ แกแย เด๊อ อา เมเตซื๊อ เออเนอ เตเพร ซิปล่อเซอเพร ปา. หม่าแน๊เรอ เตซื๊อ เด๊อ อา เก่ เด๊อ ทวาแถ่ ลู เร๊อ เตเซอ เฮ๊เนอหม่า, แว ซิหยื่อ เฮ๊ ซี เร๊อ เตซื๊อ ฮู๊เนอ เต๊เห่เนอ ซี โต กุยจ๊อเบแถ่ เป่ ลูเง เด๊อ จอแปแหร่ อา โอ่ โต่.

เปโตร เนอบ่า ต๊าบ่า 3:7

หม่าแน๊เรอ เด๊อ จอแปแหร่ เฮ๊ตา แซ่เกอคยา อา โหง่ ฮู๊ อา แบ๊แลลู่ ม๊อเล เร๊อ เห่ขุ เบ๊อะเนอ เนอเฮ๊อ อาขว่าอาคยา, ม๊อเล เร๊อ เห่ขุ เด๊อ เป แม๊เถอะ อา กู๊แหน่ เออเต๊เห่เนอ, จอแปแหร่ ปื่อหม่า โอ่โก๊ เหย่ซี เร๊อ อา เก่ เมปย๊าแก เหย่ซี เร๊อ หมิ ปา. จอแปแหร่ เก่ ปื่อหม่าโอ่โก๊ โต่ เหย่ซี เด๊อ ม๊อเนอ เบ๊อะอา เก่ เมจากาคยา เมปย๊าแก เฮ๊อ แกแย เด๊อ อา แด่หยื่อแหน่เกอ ลู โต่ เนอเต๊เห่ ปา.

ꤟꤤꤙꤚꤢꤨ 11:1

เตหยื่อ อาโหง่แลช๊า หม่า เต เด๊อ เป แม๊ชือ ลู เต๊เห่เนอ, เป หยื่อเอ่ อาหม่าอากลอ เร๊อดื่อเฮ๊อ เน๊อ เป เก่ พย๊าหนิ เฮ๊อ. โท๊โต่ เตหยื่อ อาโหง่แลช๊า หม่า เตเด๊อ เป แม๊เถอะแจ่ ล๋ายโต่ เต๊เห่เนอ, เป หยื่อเอ่ อาหม่าอากลอ ตื๊อดื่อ หนิปา เร๊อ เป เก่ พย๊าหนิ ปาเนอเฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:9

จอแปแหร่ นว๊าแถ่ เป เร๊อ เป เก่ ข่าเบ่ อา เตซิปล่อดุ อาเตเมจากาคยา เออเนอ หม่าโต่. เด๊อ เป แบ่เจ่ เหย่ซู่ครี๊ ขว่าคยาเรอ, อา นว๊าแถ่ เป เร๊อ เป เก่ พย๊าหนิ ลาเฮ๊อ เตเมแลเปล๊กา เออเนอแพ๊.

ꤛꤥ꤭ꤟꤢ꤬ 17:12

เบ๊อะแว โอ่เต่อเกอ เร๊อ เหย่ซี เบ๊อะเนอ, แว ตอกอเตเกบี๊ เกอเร๊อ เหย่ซี เฮ๊อ, แว โอ่ป่อ แม๊ตู่หนิ เหย่ซี เร๊อ มุย เด๊อ เน เด๊อะ แว เนอ เฮ๊อ. อา โอ่เหม่แก เร๊อ เตเพร่ว โต่. แซ่ฮู๊ ลีเทส่อพ๊า เก่ เล๊อบาแฮ อาเงเนอ, อา โอ่เหม่แก ตือแพ๊ แกแย เนอเตเพร เด๊อ อู แด่ หนื่ออื่อ แหน่เฮ๊อ อา เด๊อ อา เก่ ปย๊าแหน่ ปา เนอเตเพร ตื้อดื่อ แพ๊.”

ꤛꤥ꤭ꤟꤢ꤬ 6:40

เมเตเฮ๊เรอ, แวเพ อา เตซิหยื่อ หม่า หม่าเฮ๊อ ล๋อ แกแย เด๊อ อา แม๊เถอะ อาพู๊คู เออ เร๊อ อา หยื่อเอ่ เต๊เห่เนอ, อา เก่ พย๊าหนิ ซิปล่อเซอเพร ตูจูเพร, เร๊อ แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เนอเตอเนอ ปา.”

ꤜꤢꤨꤊꤢ꤬ 11:26

เร๊อ อา เถ่จว๊า เอ๊กาหนิ โป่ อาโค เด๊อ อา จามู๊แหม่ เล๊อ เจ๊อ เนอ ลูเนอ โซซว๊าโตโด เจ๊อ, เร๊อ เหย่ซี กาโกโน โอ่ แลแค เบ๊อะเนอ. เร๊อ แกแย เนอเตเพร เก่ จา เล๊อ เจ๊อ เร๊อ อา เลอ อาเหล่โกล เนอ เจ๊อ ปา.”

เธสะโลนิกา เนอบ่า ต๊าบ่า 2:3

นออิลออี๊โหล่ แต่ ซีเหน่ แต่เหม่ นี๋. แบ่เจ่ เหย่ซู่ครี๊ แฮ แต่ล๋ายโต่ เนอ, แกแย เต๊เห่ เก่ เท๊ฉื่อ จอแปแหร่ ปา. เร๊อ แกแย เด๊อ อา เท๊ฉื่อแก จอแปแหร่ เร๊อ จอแปแหร่ อา เตซว๊าเตแส่ เนอเตเพร เก่ โอ่โลแถ่ ปา. เตเออเต๊เห่ เก่ ทวาแถ่เหร่อ โทปาเรอ แบ่เจ่ เหย่ซู่ครี๊ แฮ คยาแซ๊ ปา อาม๊อเนอ เออเนอ, อา เก่ แฮ ทวาแถ่ เนอ ปา. โทเรอ จอแปแหร่ เก่ เมปย๊าปลื๊อแก แกแยมู๊แหม่ เนอเตเพร เด๊อ ปอรากยากู ปา.

ꤛꤥ꤭ꤟꤢ꤬ 20:31

หม่าแน๊เรอ อู ราโอ่ ลี เออต๊าบ่า หม่า แซ่ฮู๊ ซี เก่ หยื่อเอ่ เร๊อ เหย่ซู่ หม่า เพรเมแลเปล๊กา เมสิยาห์, อา หม่า จอแปแหร่ อาพู๊คู เตเพร, เร๊อ เด๊อ ซี หยื่อเอ่ ลู อาขว่าอาคยา, เร๊อ ซี เก่ พย๊าหนิ ซิปล่อเซอเพร อาเงเนอ, อู รา เป่ ซี แพ๊.

เตเด๊อะโลแถ่ 17:11

เตมีเตแหม่ เด๊อ อา โอ่เซอเพร โทเฮ๊อ โตโพ๊ เร๊อ กู๊แหน่เออ อา โอ่ ปา โต่ เนอโตโดเนอ, อา หม่า หม่าเฮ๊อ จ๊อแผ่ อาเพรลุยซว๊า เนอเตเพร เฮ๊อ. อา หม่า อา โอ่ป่าเต่อ เกอดื่อ เด๊อ จ๊อแผ่ โซซว๊าเตเพร เนอเต๊เห่ อาเกล. แบ่เจ่ เอ๊จว๊า ลู เด๊อ อา เก่ จว๊า เมจากาคยา เมปย๊าแกลู.

ꤟꤤꤙꤚꤢꤨ 10:26

เป พย๊าหนิ โทเฮ๊อ เตหมะเตจ๊อ อา เตซิคว๊าซิเง เร๊อ เป เก่ เม เต๊เก่ แฮเง ตื๊อดื่อปา เตซื๊อ เก่เฮ๊เรอ เตหลู่เตแต เด๊อ อา เก่ ปลวาแก เป เตซื๊อ อาเงเนอ อา โอ่ ปา โต่.

ทิโมธี อาเหร่อเล๊อ ต๊าบ่า 6:9

หม่าแน๊เรอ แกแย เด๊อ อา ซิหยื่อ ดุแหย่แถ่เซ เต๊เห่เนอ, อา แลตาโนเฮ๊อ เด๊อ เตอิลออี๊โหล่ อากูเฮ๊อ. โท๊โต่ อา แลตา โนเฮ๊อ เด๊อ เตซิหยื่อซิลอ เด๊อ อา แกเด เออเนอ เต๊เห่ อากู เน๊อ เตซิหยื่อซิลอ เด๊อ อา เมเบ่เช กาคยา เกอเร๊อ คยา ลู เออเนอ อากู เฮ๊อ. อา เตซิหยื่อซิลอ เออเนอ อา จอกลอหม่าเฮ๊อ ลู เน๊อ สู่เปลอ เฮ๊อ เร๊อ เตซิหยื่อซิลอ เออเนอ อา แฉ่ตาเฮ๊อ เหย่ซี เด๊อ เตปย๊าเตหลู่ เร๊อ เตแลโพร๊แลแพร อากู เออเนอเฮ๊อ.

ꤛꤥ꤭ꤟꤢ꤬ 5:24

“แว เฮ๊จ๊อจ๊อ ซี, แกแย เด๊อ อา หนิโฮ แว ลาโหง่ เออเรอ อา หยื่อเอ่แหน่ เพร เด๊อ อา นอแฮแล แว เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร เฮ๊อ. เร๊อ อา แม๊เถอะ เบ่น๊อปา เด๊อ เตเมจากาคยาโต่. อา จว๊า ตาลว๊าเบ๊ เฮ๊อ เร๊อ เตเซอ เร๊อ อา จว๊าโน เฮ๊อ เด๊อ เตเซอเพร อากูเฮ๊อ.

เตเด๊อะโลแถ่ 17:8

เตมีเตแหม่ เด๊อ เน แม๊เถอะ โทเฮ๊อ เน๊อ โตโพ๊เคเนอ อาโอ่ โทเฮ๊อ หม่าแน๊เรอ กู๊แหน่เออ อา โอ่ ปา โต่ เนอโตโด เก่ โอ่โลแถ่ คยาแซ๊ ปา. อา โอ่ เด๊อ ครอกูดุ ครอกูแย เนอตูกู เร๊อ อา เก่ แฮเถ่ ปา. เร๊อ แบ่เจ่ เอ๊จว๊า ลู เด๊อ เตเมจากาคยา อาเหล่โอ่ เร๊อ อา เก่ เมปย๊าแก ลู ตูจูเพร ปา. เป๊อแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ล๋าย เหย่ซีมุย เด๊อ ลีเซอเพร อากู ล๋ายโต่ เต๊เห่เนอ, อา เก่ คย๊ายื๊อ ลอ แลแค เบ๊อะเหย่ซี แม๊ เตมีเตแหม่ เออโตโด อาเค เนอ ปา, เมเตเฮ๊เรอ, โตโพ๊เคเนอ เตมีเตแหม่ เออโตโด ย๊อ โอ่เซอเพร เร๊อ กู๊แหน่ เร๊อ อา โอ่ ปา โต่, หม่าแน๊เรอ อา เก่ โอ่โล คยาแซ๊ ปา อาขว่าอาคยา, เหย่ซี คย๊ายื๊อ ลอ แลแค แพ๊.

ꤟꤤꤙꤚꤢꤨ 10:38

แว แกแยจ๊อแกแยเต ซี เต๊เห่เนอ, เด๊อ อา หยื่อเอ่แหน่ แว อาขว่าอาคยา, อา เก่ เซอเพร แลแค ปา. หม่าแน๊เรอ แกแย เด๊อ อา จว๊า ตาพาโค๊แก เร๊อ แว เต๊เห่เนอ, อาโต แว ซิปล่อ โต่,” ลีเทส่อพ๊ากู เฮ๊ ฮู๊เนอ.