ꤟꤤꤙꤚꤢꤨ 10:29 - ลีเทส่อพ๊าอาเซ เร๊อ เห่ขุทวาลู๊

²⁹ ฮู๊เนอเรอ ซี เตเน แม๊มอ แกแย เด๊อ อา เฮ๊ โตโมเต๊เก่ จอแปแหร่ อาพู๊คู เออเต๊เห่, เร๊อ อา วีแก ลู เต๊เห่เนอ, จอแปแหร่ เก่ เมจากาคยา จาเล๊อแหน่ เหย่ซี ปา. โทเรอ ครี๊ ข่าเซอ อาซิปล่อ เร๊อ อา เด๊อะทวาแถ่ เฮ๊อ จอแปแหร่ อา เตอ๊อแล อาเซ เออเนอเฮ๊อ เร๊อ ครี๊ ซู๊ปลีแก เฮ๊อ เป เน๊อ อาสุ่ย เฮ๊อ. ฮู๊เนอเรอ แกแย เด๊อ อา แด่ งูดุงูชอ เกอ ครี๊ อาสุ่ย โต่ เต๊เห่เนอ, จอแปแหร่ เก่ เมจากาคยา จาเล๊อ เหย่ซี ปา. โท๊โต่ แกแย เออเต๊เห่เนอ อา เฮ๊ มู๊แหม่รีแจ่ แหย่โยบูโพ๊ แบ่เจ่ เด๊อ อา เด๊อะ เหย่ซี เตบุ๊ยเตเตอเรอ เออเตเพร อาขว่าอาคยา, จอแปแหร่ เก่ เมจากาคยา เล๊อ เจ๊อ เหย่ซี เร๊อ แกแย เด๊อ อา เมซื๊อ คูโมเสส อา เตซว๊าเตแส่ เนอเต๊เห่ ปา.

Eastern Kayah Shadaw Dialect

²⁹ ꤟꤢꤨꤔꤣꤧ꤬ꤚꤣꤧ꤬ ꤞꤤ꤭ ꤒꤣꤧ꤬ꤔꤢꤩ꤬ ꤗꤢꤧꤗꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤠꤤ꤭ꤊꤢꤧ꤭ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤡꤢ꤭ꤜꤣꤔꤢꤧ꤭ ꤛꤢꤩ꤬ꤞꤤ꤭ ꤕꤢ꤭꤯ ꤓꤥ꤭ꤚꤣꤧ꤬ ꤋꤚꤤ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤚꤣꤧ꤬ ꤢ꤬ ꤘꤣꤧ ꤓꤝꤢ꤭ꤓꤢꤧ꤬ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤣ꤭ꤜꤢꤧ꤬ ꤢ꤬ꤞꤢꤩ꤭ ꤣꤧ꤭ꤔꤣꤧ꤬ꤟꤣꤧ ꤚꤣꤧ꤬ ꤋꤚꤤ ꤞꤢꤨꤕꤜꤤ꤭ꤊꤢꤧ꤭ ꤟꤣꤧ ꤕꤢꤩ꤬ ꤔꤢꤧ ꤢ꤬ꤞꤝꤤ꤬ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤊꤣꤧ꤭ ꤋꤚꤤ ꤢ꤬ꤞꤝꤤ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤡꤢ꤭ꤜꤣ ꤛꤢꤩ꤬ꤞꤤ꤭ ꤕꤢ꤭꤯ ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤢ꤬ ꤘꤣꤧ ꤛꤢꤩ꤬ꤞꤤ꤭ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ꤡꤢ꤭ ꤜꤣ ꤡꤣꤧ ꤛꤢꤩ꤬ꤞꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤢꤦ ꤋꤢꤨ꤭ꤗꤢꤪꤎꤢꤧ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

ꤟꤤꤙꤚꤢꤨ 10:29 ပူးပေါင်းရင်းမြစ်များ

ꤟꤤꤙꤚꤢꤨ 6:6

เหย่ซี เก่ แม๊เถอะแฮ เบ่น๊อ โทเฮ๊อ เตเออเต๊เห่ เร๊อ อา เก่ ตีรี๊ จว๊าโค๊แก เร๊อ จอแปแหร่ เฮ๊เนอ, ถู่แหล่เต๊เปล่ กาคยา แจ่ ปา อาซิปล่อ แตแค๋ โต่. เออเนอหมา อา แซ่เฮ๊อ เน๊อ เหย่ซี มือเซอแถ่ คยาแซ๊ จอแปแหร่ อาพู๊คู เด๊อ อี๊ถื่อดีเต่ลู เร๊อ อา เม ซิเตเรแก แบ่เจ่ เหย่ซู่ เด๊อ อู ตูปลูเต๊เผ่ อาเป๊เส่เง เฮ๊อ.

เอเฟซัส 4:30

เมซิเปล แต่ จอแปแหร่ อา แหย่โยบูโพ๊ แต่เหม่. จอแปแหร่ เด๊อ ซี แหย่โยบูโพ๊แบ่เจ่ เออเนอหมา, อา แซ่เฮ๊อ เร๊อ เมม๊าเมแด เต๊อเจ่อ เด๊อ ซี หม่า จอแปแหร่ อาเต เฮ๊อ. แหย่โยบูโพ๊แบ่เจ่ เออเนอ, อา เก่ โอ่เต่อ เร๊อ ซี โต่เด๊อ จอแปแหร่ แฮ เมแลเปล๊กา ซี ปา เนอเตอเนอ ปา.

โครินธ์ อาเหร่อเล๊อ ต๊าบ่า 11:27

ฮู๊เนอเรอ, อูเปเป๋ เบ่เบ่ เด๊อ อา เอ่ ค๊อมูเออ เร๊อ อา โอ แบ่เจ่ อาเทอเบ เด๊อ เตแด่ซิแหน่ซิเตเร ลู โต่ เต๊เห่เนอ, อา เมซื๊อ เฮ๊อ แบ่เจ่ อาเหน่กล่อ เร๊อ อาสุ่ย เออเนอ เฮ๊อ.

ꤜꤢꤨꤊꤢ꤬ 12:10

ล๋อ แกแย เด๊อ อา เฮ๊ซื๊อ แกแยพู๊คู หม่าเฮ๊อ แว เออเนอ, จอแปแหร่ เก่ ปลวาแก ลูเตซื๊อ แพ๊. หม่าแน๊เรอ แกแย เด๊อ อา เฮ๊ซื๊อ แหย่โยบูโพ๊แบ่เจ่ เนอ, จอแปแหร่ ปลวาแก แจ่ ปา เหย่ซี เตซื๊อ โต่.

ꤟꤤꤙꤚꤢꤨ 2:3

ฮู๊เนอเรอ, กู๊แหน่เออ เป เก่ แด่หยื่อ เกออู เตเมแลเปล๊กา อาดุอาแย เออ โต่ เฮ๊เรอ จอแปแหร่ เก่ เมจากาคยา หม่าแหน่ เจ๊อ เป ปา. จอแปแหร่ อา เตเมแลเปล๊กา อาแกล๊อาโกล เออเนอ, แบ่เจ่ อาเหน่กล่อ เร๊อดื่อ แด๊โฉ่โด่แน โล เหร่อเล๊อ เป่ อู เฮ๊อ. เร๊อ แกแย เด๊อ อา หนิโฮ ลู เฮ๊เออ เต๊เห่เนอ อา เฮ๊โฉ่โปล เป่ แฮเง เป่ เน๊อ เตเมแลเปล๊กา เตหรี่เตแก เออเต๊เห่ เนอหม่า อา หม่าแหน่ เจ๊อ ฮู๊เนอ.

เพรโด่แนพู๊ เต๊เห่ 7:51

คูสเทเฟน เฮ๊ โป่ เน๊อ, “ซี ซิปล่อ เพรอเกอเด๊อ เจ๊อ! ซี ซิปล่อเนอ อา แซ่เจ๊อเร๊อ แกแย เด๊อ อา ซิเง จอแปแหร่ โต่ เต๊เห่ เนอ เจ๊อ! จอแปแหร่ อาลาอาโหง่ อาเง เร๊อ ซี กู๊หลิกอออ โกโน๋ โต่! ซี ครวาเมโตโคร แซ่เจ๊อเร๊อ ซี โหมะเพเพอโพ เด๋อ งย๊าเค เต๊เห่ เมเนอ เจ๊อ, เร๊อ ซี เมดี๊แด ตาตือ แหย่โยบูโพ๊ ปว๋า โตโพ๊ เจ๊อ!

ꤟꤤꤙꤚꤢꤨ 12:25

ฮู๊เนอเร๊อ, แซ่ฮู๊ ซี เก่ ทวา แต่ แกแย เด๊อ อา หนิโฮ จอแปแหร่ อาโหง่พราแถ่ เร๊อ อา เท๊ฉื่อแก จอแปแหร่ เนอเต๊เห่ อาเตเมเนอ, รอหนิ แลแค ซีเหน่ นี๋. เบ๊อะอิสราเอลพู๊ เต๊เห่ หนิโฮ เตเด๊อะรอ เหย่ซี เด๊อ เห่ขุเออ เบ๊อะเนอ, เหย่ซี หนิดา แลแค ลูโหง่ โต่. ฮู๊เนอเร๊อ อา เกล๊ แลเปล๊เบ๊ แลแค เน๊อ เตเมจากาคยาโต่ เก่ เมฮู๊เนอเร๊อ เปเก่ เท๊ฉื่อแก เด๊อ ม๊อขุ เออเตเพร เด๊อะรอเปเออ เก่เฮ๊เรอ, เตเนแม๊มอ, ซี เกล๊ แลเปล๊ เบ๊แจ่ ปา เจ๊อแหน่ เน๊อ จอแปแหร่ อา เตจามือกาคยา ตีกี๋ เจ๊อแหน่โต่เฮ๊อ.

ꤟꤤꤙꤚꤢꤨ 9:13

เด๊อ เป เตซว๊าเตแส่ อาเลอเออ อากูเนอ, เปะ เต๊เห่ เร๊อ ปู่เพดุ เต๊เห่ อาสุ่ย เออ เร๊อ ปู่โหมะโตโล่ เด๊อ อู ชื๊ออือ ทวาลอ ลู เร๊อ กู๊เผ่ เออเต๊เห่เนอ, อู เบ่ เว๊อ เน๊อ แกแย เด๊อ อา โตโพร๊มู๊แเหมะอี๊แอ่ เร๊อ เตจ๊อบู่จ๊อเบ อาเหล่โกล เออเนอ เตเพร อาลู, เมเตเฮ๊เรอ แซ่ฮู๊ อาเหน่กล่อ เก่ อาโพ๊อาแปละ เด๊อ อากลอ ตากยา อาเงเนอเรอ, เหย่ซี เมโพ๊เมปลี ลู ฮู๊เนอ.

โครินธ์ อาเหร่อเล๊อ ต๊าบ่า 11:29

เบ๊อะซี เอ่ ค๊อมู, ซี โอ แท๊ทือเส่เทอ เออ เบ๊อะเนอ, ซี เบ่ เตเน ตาเต โต่ ครี๊ อาเหน่กล่อ อาโหง่แลช๊า เออเนอ. ซี เก่ เตเน ตาเต โต่ เฮ๊เนอ, จอแปแหร่ เก่ ปลี๊ ซี ปา.

ꤟꤤꤙꤚꤢꤨ 6:4

แกแย เด๊อ อา วีแก อาเตหยื่อ เต๊เห่เนอ เหย่ซี ถู่แหล่เต๊เปล่ กาคยา แจ่ ปา อาซิปล่อ แตแค๋ โต่. เด๊อ เนอเค, เหย่ซี ซิเง โทเฮ๊อ จอแปแหร่ อา เตหมะเตจ๊อ เต๊เห่ เฮ๊อ. เหย่ซี แม๊เถอะ ซิเงแฮเบ่น๊อ โทเฮ๊อ จอแปแหร่ อาเชหยู่ เร๊อ อา พย๊าหนิโหร่ เกอโทเฮ๊อ แหย่โยบูโพ๊ แบ่เจ่ เร๊อ แกแย เด๊อ อาโรเต๊เห่ เฮ๊อ.

ꤟꤤꤙꤚꤢꤨ 2:11

เหย่ซู่ เม อาโพ๊อาแปละ กา แกแยเห่ขุพู๊ เต๊เห่ อา เตเมซื๊อ เต๊เห่. แกแยเห่ขุพู๊ เด๊อ เหย่ซู่ เม โพ๊แปละกา เหย่ซีเตซื๊อ เนอเต๊เห่ เน๊อ เหย่ซู่ เออเนอหมา, อาเพ จือลู เตเพรเพร่ว แพ๊ อาขว่าอาคยา, เหย่ซู่ เอ๊ เหย่ซี เน๊อ โป่แหว่ เนอ อา ซิเตเร โต่.

ꤛꤥ꤭ꤟꤢ꤬ 17:19

แซ่ฮู๊ เหย่ซี เก่ ซู๊ปลีบูโพ๊ เกอ แลแค ซิปล่อ เร๊อ เนลาเนโหง่ อาเตหมะเตจ๊อ เออเนอ เนอ, แว เด๊อะแล ลอหล่าตี๊กลิ โทเฮ๊อ แว ซิปล่อเซอเพร เด๊อ เหย่ซี อาเหล่โอ่ เฮ๊อ.”

มัทธิว 7:6

“เตบูโพ๊ เนอ เด๊อะ แต่ เร๊อ ถุ่ยเต๊เห่ แต่เหม่, โทปาเร๊อ อา เก่ อ่า กาคยา ซี ปา. วีตา เป่ แต่ หล่อเซ๊หล่อโพร เต๊เห่ เด๊อ แท๊ เต๊เห่ อาเป๊เส่เง เนอ แต่เหม่, ซี เก่ วีตา เป่ อา เฮ๊เนอหม่า อา เก่ หยิตาแก ลอ ปา, โทปาเรอ อา อ่า กาคยา ซีปา”

ꤟꤤꤙꤚꤢꤨ 13:20

แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.

ꤛꤥ꤭ꤟꤢ꤬ 10:36

ฮู๊เนอเรอ เพ นว๊าแถ่ แว เร๊อ อา นอแฮแล แว เด๊อ เห่ขุเออ. เร๊อ เบ๊อะแว เฮ๊ เน๊อ, ‘แว หม่า จอแปแหร่ อาพู๊คู เตเพร’ เบ๊อะเนอ, ซี จว๊า เฮ๊โต่ แว เร๊อ แว เฮ๊ซื๊อ จอแปแหร่ ฮู๊เต?

ꤟꤤꤙꤚꤢꤨ 9:20

คูโมเสส เฮ๊ แกแย เต๊เห่ เน๊อ, “สุ่ย เออเนอหมา อา เมหม่าเมกลอ เฮ๊อ จอแปแหร่ เตอ๊อแล เด๊อ จอแปแหร่ หม่าแก โหง่ เด๊อ ซี เก่ ครวาเมเกอ อาเง เนอเฮ๊อ” อา เฮ๊ เหย่ซี ฮู๊เนอ.

โครินธ์ อาเหร่อเล๊อ ต๊าบ่า 15:25

เมเตเฮ๊เรอ ครี๊ เบ่ เป๊อ โต่ เต ช๋า จอแปแหร่ เมเป่ ลอหล่าตี๊กลิ โทลอเฮ๊อ เพร เด๊อ อา ซิเถ่ ครี๊ เออเต๊เห่เนอ, เร๊อ อา แด่ตา ลอ เฮ๊อ เหย่ซี เด๊อ ครี๊ อา กู๊โด่เล เฮ๊อ ปา.

ꤚꤥꤗꤢꤩ꤬ 16:20

งยาแต๋โต่ ปาหม่า เตเพรอาดือ อา จอแปแหร่ เออ เก่ นอหยี่ตาพรอ หมื่อแก โลเน๊มู๊แหม่รีแจ่ กู่กล๊อ เออโตโด เด๊อ ซี กู่ยาเล ปา. แบ่เจ่ เหย่ซู่ครี๊ อาบุ๊ยอาเตอเรอ เก่ โอ่เกอดื่อ เร๊อ เหย่ซี นี๋.

มัทธิว 26:28

เบเออหมา เต๊อ๊อแล นอแล อาเซ เด๊อ หม่าเฮ๊อ แวสุ่ย เด๊อ อา เก่ ทุ๊ยตา เร๊ออาเก่ โปลแก แกแยโอ่โหร่ เตซื๊อปา.

โครินธ์ อาเหร่อเล๊อ ต๊าบ่า 15:27

“จอแปแหร่ เก่ แด่ตา ลอ เตปว๋า เต๊อเจ่อ เด๊อ อากู๊โด่เล ปา,” ลีเทส่อพ๊ากู เฮ๊ฮู๊เนอ. หม่าแน๊เรอ โหง่ เออตือมือเนอ หม่า, อา ซิหยื่อ เฮ๊ เร๊อ จอแปแหร่ โอ่ เด๊อ ครี๊ อา เตอเรอโพร ฉว่าชอ อาเล ฮู๊เนอ หม่าโต่, เมเตเฮ๊เรอ, เพร เด๊อ อา นอเป๊อ เหย่ซู่ครี๊ หม่า จอแปแหร่ แพ๊.

ꤗꤢ꤬ꤊꤢꤨ 7:2

เหย่ซี แม๊เถอะ แบ่เจ่ เหย่ซู่ โคเจ่ เต๊เห่ อาเอ่อาโอ เร๊อ อา ซู๊ปลี เกออู อากู๊ขุ โต่. อาโหง่แลช๊า หม่า เหย่ซี ซิหยื่อ เฮ๊ เร๊อ ฮู๊ เตจ๊อบู่จ๊อเบ อาเหล่โกล โอ่ เร๊อ เบ๊อะอาเอ่ แต่ลาเฉ่ โต่ เนอ โตเบ่ ซู๊ปลี เหร่อ กู๊ขุ. หม่าแน๊เรอ อา โคเจ่ เต๊เห่ เมเกอ ฮู๊เนอ โต่.

โครินธ์ อาเหร่อเล๊อ ต๊าบ่า 6:11

เด๊อ ซีเกล เต๊เห่เห่ เนอ, เด๊อ เนอเค หม่า อา ทวา โทเฮ๊อ แกแยจา แกแยมู๊แหม่ แซ่เน๊อ เนอเฮ๊อ หม่าแน๊เรอ จอแปแหร่ ซู๊ปลีแก โทเฮ๊อ ซี เตซื๊อ เฮ๊อ. เร๊อ กู๊แหน่เออ ซี ทวา เฮ๊อ จอแปแหร่ อาเต เฮ๊อ. เด๊อ แบ่เจ่ เหย่ซู่ครี๊ เร๊อ จอแปแหร่ อา แหย่โยบูโพ๊ อาขว่าอาคยาเร๊อ, กู๊แหน่เออ, จอแปแหร่ แด่เฮ๊อ ซี ฮู๊ แกแยจ๊อแกแยเต เต๊เห่เนอ เฮ๊อ.

เอเฟซัส 5:26

แซ่ฮู๊ อา เก่บูโพ๊หนิ อา เพรหยื่อเอ่ เออ ตู๊หมู่ตอกล๊อ เต๊เห่เนอ, อา เซอแก เป่ เจ๊อ เด๊อ เหย่ซี อาเง. เร๊อ อา ซู๊ปลีแกเฮ๊อ เหย่ซี เร๊อ เทอ เร๊อ อาลาอาโหง่ เออเนอ เฮ๊อ.

ꤟꤤꤙꤚꤢꤨ 4:14

ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.

ꤟꤤꤙꤚꤢꤨ 10:10

เหย่ซู่ครี๊ ย๋อ เม เป่ ฮู๊ จอแปแหร่ อา เตซิหยื่อ โอ่เนอ, โท๊โต่ เด๊อ อา หลู่แถ่ อาเหน่กล่อ โตโพ๊แพ๊ เร๊อ อา โทปลื๊อ ลาเฮ๊อ อาขว่าอาคยา, อา เม บูโพ๊ เฮ๊อ เป.

เตเด๊อะโลแถ่ 1:5

ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.