ꤟꤤꤙꤚꤢꤨ 10:25 - ลีเทส่อพ๊าอาเซ เร๊อ เห่ขุทวาลู๊

²⁵ แกแย เต๊เห่เห่ เนอ, อา วีแก เตจ๊อเบ เต่อโหร่ลู เต๊เห่, หม่าแน๊เรอ เป เร๊อ, วีแก เกอ แต่ อู เป เหล่โกล จ๊อเบ เต่อลูเออ ฮู๊ เหย่ซี เนอเต๊เห่ วีแก เนอ แต่เหม่ นี๋. โท๊โต่, เป เก่ เด๊อะอ๊าเด๊อะเหร่ โหร่ลู เตเพร เร๊อ เตเพร โป๋. แบ่เจ่ เตเร แฮคยา ม๊อเนอม๊อเซ เออเนอ อา ผื่อแถ่เฮ๊อ อาขว่าอาคยา, เป ลื๋อ เด๊อะอ๊าเด๊อะเหร่ ฉว่าเล๊อ เกอเร๊อ โป่ เจ๊อ ลู เตเพร เร๊อ เตเพร โป๋.

Eastern Kayah Shadaw Dialect

²⁵ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬, ꤢ꤬ ꤠꤤ꤭ꤊꤢꤧ꤭ ꤒꤢꤩ꤬ꤡꤢꤪꤙꤢꤩ꤭ ꤒ꤫ꤣ꤬ꤚ꤫ꤥ꤬ꤜꤢꤨ꤭ ꤒꤣꤧ꤬ꤟꤢꤩ꤬, ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤚꤣꤧ꤬, ꤠꤤ꤭ꤊꤢꤧ꤭ ꤊꤣꤧ꤭ ꤒ꤫ꤢꤧ꤬ ꤢꤨ꤭ ꤕꤢꤩ꤬ ꤜ꤫ꤢꤩ꤬ꤊꤜꤥ꤭ ꤡꤢꤪꤙꤢꤩ꤭ ꤒ꤫ꤣ꤬ꤜꤢꤨ꤭ꤣꤧ꤭ ꤟꤢꤨ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤠꤤ꤭ꤊꤢꤧ꤭ ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬, ꤕꤢꤩ꤬ ꤊ꤫ꤢꤦ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤚ꤫ꤥ꤬ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤕꤥ꤮꤯ ꤙꤢꤧ꤬ꤡꤢꤩ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤋꤛꤢ꤭ ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤣꤧ꤭ꤔꤣꤧ꤬ ꤢ꤬ ꤖꤢꤦ꤬ꤓꤢꤧ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤜꤢꤦ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤏꤝꤢ꤬ꤜꤣ ꤚꤣꤧꤘꤢꤦ꤬ ꤜꤣ ꤕ꤫ꤥ꤬ ꤡꤣꤧ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤕꤥ꤮꤯

ꤟꤤꤙꤚꤢꤨ 10:25 ပူးပေါင်းရင်းမြစ်များ

เพรโด่แนพู๊ เต๊เห่ 2:42

เหย่ซี พย๊าหนิ แลแค ม๊อเนอม๊อเซ เด๊อ อา เบ่ อิซว๊า ซิเงแถ่หนิ เกอ อาเหน่ เด๊อ เพรโด่แนพู๊ เต๊เห่ อา โอ่, เร๊อ เหย่ซี แบ๊ซว๊าแบ๊โคหนิ ลู, เอ่โอ โหร่ลู เร๊อ กุยจ๊อเบ โหร่ลู.

มัทธิว 18:20

หม่าเมเตเฮ๊เนอ, แกแย ซิเนอ แพ๊ เบ่เบ่, ซิโซ แพ๊ เบ่เบ่, เหย่ซี เก่ โอ่เต่อโอ่ปล๊อ ลู เด๊อ แวมุย คยา เก่เฮ๊เรอ, แว เก่ โอ่เต่อ เกอตื่อ เร๊อ เหย่ซี ปา.”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:11

ฮู๊เนอเรอ, เด๊อะอ๊าเด๊อะเหร่ เกอลู เตเพร เร๊อ เตเพร เร๊อ เมจว่าเลอ เมจว่าเก่ เกอลู เตเพร เร๊อ เตเพร ฮู๊ ซี เม เฮ๊อ กู๊แหน่ เออเนอ นี๋.

ꤟꤤꤙꤚꤢꤨ 3:13

โทโต่, กู๊แหน่เออ เตเมแลเปล๊กา เด๊อ จอแปแหร่ เด๊อะ เป เออ แซ่ฮู๊ เตซื๊อ เก่ อิลอแลโฮ แต่ ซี เตเพร๊ แต่เหม่, แซ่ฮู๊ ซี เก่ กู่กล๊อเพรอ แต่ แลแค เตเพร๊ แต่เหม่ อาเงเนอ, ปวาเนอเน๋อ เด๊อะอ๊าเด๊อะเหร่ เมจว่า คยาลู เตเพร เร๊อ เตเพร นี๋.

ꤟꤤꤙꤚꤢꤨ 10:24

เป เตโม เกอเร๊อ ลู เตเพร เร๊อ เตเพร เออ, แซ่ฮู๊ อา เก่ โอ่ เอ๊แถ่ เร๊อ โอ่ เอ๊แถ่ เนอ, แซ่ฮู๊ เป เก่ เมเต เด๊อ อาแร๊ เต๊เห่ อาเงเนอ, เป เก่ เตเน เป่เกอ อู เด๊อ เป เก่ เด๊อะอ๊า เด๊อะเหร่ เกอเร๊อ ลู เตเพร เร๊อ เตเพร ฮู๊เต อาหรี่อาแก เออเต๊เห่เนอ แพ๊ โป๋.

โครินธ์ อาเหร่อเล๊อ ต๊าบ่า 5:4

เบ๊อะซี โอ่กู๊ แม๊เถอะ ตาฉื่อ โหร่ลอ ลู เบ๊อะเนอปาเนอ, แว ซิหยื่อ นอเม ลอ ซี ปว๋า เต๊อเจ่อ เด๊อ อาแซ่เน๊อ แว โอ่เต่อเกอ เฮ๊อ เร๊อ ซี ฮู๊เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:18

ฮู๊เนอ อาขว่าอาคยา, โด่แน โม เกอเร๊อ คยา แลแค ซี ซิปล่อ เร๊อ เตหรี่เตแก เออ เตเพร เร๊อ เตเพร นี๋.

เพรโด่แนพู๊ เต๊เห่ 2:1

เบ๊อะม๊อเนอ เด๊อ อู เฮ๊ เร๊อ เพ็นเทคอสต์ แฮโต่เฮ๊อ เบ๊อะเนออาเค, เหย่ซี ล๋อ ปลี แฮ โอ่ปล๊อโอ่ปลู โหร่ลอ ลู เด๊อ เหล่โอ่ โต๊โผ่โต.

เพรโด่แนพู๊ เต๊เห่ 20:7

เบ๊อะม๊อก่อต่อ เหมาะเฮ๊ อาเบ๊อะเนอ, เป โอ่ปล๊อโอ่เต่อ คยาแซ๊ลู เด๊อ เก่ บิกยา ค๊อมู อาเง. ป่าโรปา เนอ คูเปาโล เตเร เถ่จว๊าเฮ๊อ อาขว่าอาคยา, อา เฮ๊เบ่ โต่ เจ๊อ แกแย เบ๊หมู่ เออเต๊เห่เนอ เด๊อ เหมาะเนเค เจ๊อ.

โครินธ์ อาเหร่อเล๊อ ต๊าบ่า 14:3

เก่ แม๊ลาติ แกล๊ เด๊อ อาโร โตโบ เฮ๊เนอ, แกแย เด๊อ อา แด๊โฉ่โด่แน เป่ อู เร๊อ จอแปแหร่ อาลาอาโหง่ เต๊เห่เนอหม่า, อา เฮ๊เบ่ เร๊อ แกแยเหขุ เต๊เห่ เฮ๊อ, เร๊อ อา ทวา เตเมจว่า เด๊อ แกแยเหขุ เต๊เห่ อาเง, อา เด๊อะอ๊าเด๊อะเหร่ แกแยเหขุ, เร๊อ อา เมโมแถ่ คยาแซ๊ แกแยเหขุ เต๊เห่ อาซิปล่อ.

ꤚꤥꤗꤢꤩ꤬ 12:8

เก่ จอแปแหร่ เด๊อ แกแย เตเพรเพร อา เตแจ่เตลีแม เด๊อ อา เบ่ แฉ่ครวา อูคยา เก่เฮ๊เรอ อา โตเบ่ แฉ่ครวา อู. เก่ แกแย เตเพร อา ซิปล่อฉว่า เมหลู่เมแต แกแย โซพ๊าโซแรพู๊ เต๊เห่ เร๊อ อา ตาหมื่อตาเต เต๊เห่ เก่เฮ๊เรอ อา โตเบ่ ซิปล่อฉว่า เมหลู่เมแต เป่ดื่อ อู. จอแปแหร่ เก่ เด๊อ แกแย เตเพรเพร อา เตแจ่เตลีแม เด๊อ อา เบ่ ทวา ทวาดุทวาเต เฮ๊เรอ อา โตเบ่ เม ชาเผร่ชาอ่อ เร๊อดื่อ. แกแย เตเพรเพร เก่ อา ซิยอ เมจว่าหนิ อู เก่เฮ๊เรอ, อา โตเบ่ เม เด๊อ เตซิครือซิลอ อากู.

ฟีลิปปี 4:5

เน ซิปล่อ ซิโดซิงา เออเนอ นอแม๊เถอะ ลอ เร๊อ อูปวา เตเพร นี๋. แบ่เจ่ เตเร แฮโน อาผื่อลาเฮ๊อ.

เปโตร เนอบ่า ต๊าบ่า 3:9

ฮู๊เนอเรอ แกแย เต๊เห่เห่ เตเน เร๊อ ม๊อเนอ ม๊อเซยอ หม่าแน๊เรอ, แบ่เจ่ อ๊อแล เด๊อ อา เก่ แฮ คยาแซ๊ ปาเนอ, อา เมยอ เน๊อ โต่. จอแปแหร่ ซิหยื่อ นอจว๊าโต่ อู เด๊อ เตปย๊าเตแก เตเพร่ว โต่, โทเรอ อา ซิหยื่อ นอ ซิปล่อ แต๊แกละกา ลอ อู ปว๋า เตเพร อาขว่าอาคยา, อา แด่ทูซิปล่อ เป่ เด๊อ ซีเง แพ.

ꤡꤛꤢꤩ꤭ꤗꤢ꤬ꤎꤣ꤬ 5:8

ซี เบ่เบ่ ซี โต แด่ทูซิปล่อ เกอเกอ ฮู๊เนอ. ตูรู๊ แด่หม่าแด่กลอ แลแค ซี เตแม๊ชือ เนอ, เมเตเฮ๊เรอ แบ่เจ่ เก่ แฮ คยาแซ๊ ปาเนอ, อาม๊อเนอ ผื่อลา เฮ๊อ.

โครินธ์ อาเหร่อเล๊อ ต๊าบ่า 14:23

เฮ๊โก๊หลื่อ, ซี แฮ จ๊อบู่จ๊อเบ โหร่ลอ ลู เร๊อ ซี เก่ เฮ๊เบ่ เร๊อ โหง่โค๊ตีกลี๊ เออเต๊เห่ ปว๋า เตเพร เก่เฮ๊เนอ, แกแย เด๊อ อาโร เต๊เห่, หม่าโต่เรอ แกแย เด๊อ อา หยื่อเอ่เกอ ล๋าย อู ครี๊ โต่ เต๊เห่ เก่ แฮจ๊อเบ เต่อเกอ ซี เฮ๊เรอ เหย่ซี เก่ หนิโฮน๊อ เกอ โหง่ เออเต๊เห่ โตโพ๋ โต่ เก่เฮ๊เนอ. เหย่ซี เก่ เฮ๊ แลแค ซี เร๊อ แกแย ตีมุย ปา.

ꤛꤢꤨꤘꤢ꤬ 1:19

แกแย เออเต๊เห่ เนอหม่า หม่าเฮ๊อ แกแย เด๊อ อา เม ลูโพร๊ลูแพร ลอ อู, แกแย เด๊อ อา ครวาเมเกอ ฮู๊ อาเหน่กล่อ พ๊าหย่า อา เตซิหยื่อซิลอ โอ่ เนอ เต๊เห่, โท๊โต่ เหย่ซี เออเต๊เห่ เนอหม่า อา พย๊าหนิ เกออู จอแปแหร่ อา แหย่โยบูโพ๊ โต่.

เปโตร เนอบ่า ต๊าบ่า 3:14

ฮู๊เนอเรอ โคแบ๊ซว๊าโม ซี๋, เด๊อ ซี โอ่ป่อแม๊ชือ เตเออ อาขว่าอาคยา, แซ่ฮู๊ จอแปแหร่ เก่ แม๊เถอะ แต่ ซี เร๊อ แกแย เด๊อ อา โตโพร๊วี๊ เร๊อ เตซื๊อ แต่เหม่, โทเรอ แซ่ฮู๊ อาเหล่แด่ เตซื๊อ เด๊อ ซีโอ่ เก่ โอ่ แต่เหม่, โท๊โต่ แซ่ฮู๊ ซี เก่ โอ่เปดวา เต่อเร๊อ อา ปา เนอ, แอ๊จื๊อแอ๊เหร่ ตื๊อดื่อ แลแค นี๋.

เปโตร อาเหร่อเล๊อ ต๊าบ่า 4:7

เตล๋อ ปลี อา เตเร ตื๊อดื่อแกเฮ๊อเนอ อา แฮโต่ ผื่อเฮ๊อ. ฮู๊เนอ อาขว่าอาคยา, แซ่ฮู๊ ซี กุยจ๊อเบเบ๊ เกออู เนอ, โอส่าเซ เกอ แลแค เร๊อ เตอิซว๊าอี๊แส่ แล เกอเร๊อ แลแค ซีเหน่, โท๊โต่ โอ่เซอเพร ชาเผร่ เกอ แลแค นี๋.

เปโตร เนอบ่า ต๊าบ่า 3:11

จอแปแหร่ เก่ เมปย๊าแก ลอ ฮู๊เออเนอ ปา อาขว่าอาคยา, ซี เนอ, ซี โตเบ่ โอ่เซอเพร ฮู๊เต เฮ๊เนอเรอ, เบ๊อะซี โอ่ป่อ แม๊ชือ จอแปแหร่ แฮ ปา เบ๊อะเนอ, ซี โต โอ่เซอเพร บูโพ๊ เนอ, ซี โต โอ่เซอเพร โต เร๊อ จอแปแหร่ อาซิปล่อ.

โครินธ์ อาเหร่อเล๊อ ต๊าบ่า 11:20

เบ๊อะซี แฮ เอ่โอ โหร่ลู แบ่เจ่ เตเอ่โอ บูโพ๊ เหมาะเฮ๊ เบ๊อะเนอ, ซี เอ่โอ แซ่ปา เจ๊อ เร๊อ อู เอ่โอ แบ่เจ่ เตเอ่โอ บูโพ๊ เหมาะเฮ๊ โต่.

โครินธ์ อาเหร่อเล๊อ ต๊าบ่า 3:13

แกแย เตเพร เร๊อ เตเพร อา เตอิช๊อแถ่ หี่ อา เตแจ่เตลีแม เออเนอ, อา เก่ โอ่โลแถ่ ช๋า แบ่เจ่ ครี๊ แฮ อาม๊อเนอ เนอเตอเนอ ปา. แกแย ปว๋า เตเพร เม เต เต๊เห่เนอ, อู เก่ ทื๊อแม๊ อา เร๊อ หมิ ปา. เตเพร เร๊อ เตเพร อา เตแจ่เตลีแม อาเตเม เออเนอ, หมิ เก่ ล๊าอือ แม๊ ลอ ปา. เร๊อ อา เก่ เด๊อะ เถ่โล ลอ ปา.

เพรโด่แนพู๊ เต๊เห่ 16:16

เตอเนอเค เบ๊อะเป จว๊า เด๊อ เตกุยจ๊อเบ อาเหล่โอ่ โต๊โผ่ เบ๊อะเนอ, เป แม๊เถอะ ตาฉื่อ เน๊อ หลู่เล๊โหมะ พู๊ เตเพร. เร๊อ หลู่เล๊โหมะพู๊ เออเตเพรเนอ, โลเน๊โลหน่า โอ่ เด๊อ ลูเหน่ เร๊อ อา นอเฮ๊ ลู เน๊อ, ม๊อเนอม๊อเซ เด๊อ อา เก่ แฮทวาแถ่ เด๊อ เง ปา เนอเต๊เห่ อาหรี่อาแก. เด๊อ อา แด๊โฉ่ เป่ อู ฮู๊เนอ อาขว่าอาคยา, อาเมแจ่ เต๊เห่ พย๊าหนิ เอ๊แหน่เจ๊อ รือ เร๊อ อาขุคยา เจ๊อ.

มัทธิว 10:15

แว เฮ๊จ๊อจ๊อ ซี, ช๋า จอแปแหร่ เมจากาคยา แกแยเห่ขุพู๊ เบ๊อะเนอ, อาเก่ เมจา จาเล๊อ ลอเจ๊อ แกแย เออเนอ ตอดอปา. เน๊อ วีโสโดม เน๊อ วีโกโมราห์ปา.

ꤛꤥ꤭ꤟꤢ꤬ 12:48

แกแย เด๊อ อา เคร๊ฉื่อ แว เร๊อ อา พย๊าฉื่อ เกอ แวลาแวโหง่ โต่ เต๊เห่เนอ, เพร เมจากาคยา เหย่ซี อา โอ่ เตเพร. ม๊อเนอม๊อเซ เด๊ออาโน่เล๊อ เบ๊อะเนอปา เนอ, โหง่ เด๊อ แว เฮ๊เบ่ เออเต๊เห่ เก่ ทวา เหย่ซี เพรเมจากาคยา เต ปา.

ꤟꤤꤙꤚꤢꤨ 10:37

เมเตเฮ๊เรอ, ลีเทส่อพ๊ากู เฮ๊ เน๊อ, “งยาแต๋โต่ ปาเนอ, เพร เด๊อ อา เตเร แฮเออ เตเพร เก่ แฮแล ปา, อา เมคอเมยอ ปาโต่.

ꤟꤤꤙꤚꤢꤨ 13:22

แว โคแบ๊ซว๊า ซี, ลี เด๊อ แว รา เด๊อะอ๊าเด๊อะเหร่ ซี เออเนอ อา ทูลาน๊อโต่. โทเรอ แว กุยซิยอ ซี เด๊อ ซี เก่ แด่ทูซิปล่อ เร๊อ หนิดา แว เตเด๊อะอ๊าเด๊อะเหร่ ซี เออเนอ นี๋.