ꤟꤤꤙꤚꤢꤨ 10:23 - ลีเทส่อพ๊าอาเซ เร๊อ เห่ขุทวาลู๊

²³ เป เก่ ปื่อหม่า เกอเร๊อดื่อ เป เตแม๊ชือ เด๊อ เป เฮ๊ เป่ โทเฮ๊อ อู เออเนอเต๊เห่ โป๋, เมเตเฮ๊เรอ เป ซิเง เร๊อ จอแปแหร่ เนอ อาจ๊อ เน๊อ อา เตอ๊อแล เร๊อ อา เมฮู๊ อา เฮ๊เนอ ปว๋า โตโพ๊ เจ๊อ.

Eastern Kayah Shadaw Dialect

²³ ꤕꤢꤩ꤬ ꤊ꤫ꤢꤦ꤬ ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤕꤢꤩ꤬ ꤒꤢꤩ꤬ꤗꤢꤧꤏꤢꤦ꤭ ꤘꤣ ꤕꤢꤩ꤬ ꤟꤢꤩ ꤕ꤫ꤢꤩ꤬ ꤓꤥ꤭ꤟꤣꤧ ꤢꤨ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤕꤥ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ ꤢ꤬ꤡꤢꤪ ꤔꤢꤧ ꤢ꤬ ꤒꤢꤩ꤬ꤢꤪꤜꤢꤧ꤬ ꤚꤣꤧ꤬ ꤢ꤬ ꤗꤢꤩ꤬ꤟꤢꤨ ꤢ꤬ ꤟꤢꤩꤔꤣꤧ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯

ꤟꤤꤙꤚꤢꤨ 10:23 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:24

จอแปแหร่ เด๊อ อา เอ๊ ซี เออเตเพรเนอ, อา เก่ เม หม่าแหน่ เป่ดื่อ ซี ฮู๊เนอ ปา, เมเตเฮ๊เรอ อา หม่า จอแปแหร่ เด๊อ อาจ๊อ เร๊อ อาโหง่ เตเพร.

โครินธ์ อาเหร่อเล๊อ ต๊าบ่า 1:9

จอแปแหร่ เออเตเพร หม่า เหล่หยื่อเอ่หนิ แหน่เจ๊อ. อา หม่า เพร เด๊อ อา เอ๊ ซี เร๊อ อา ซิหยื่อ นอ แบ๊ซว๊าแบ๊โค ซี เน๊อ อาพู๊คู หม่าดื่อเฮ๊อ เป แบ่เจ่ เหย่ซู่ครี๊ เออเตเพรเนอ เฮ๊อ.

เธสะโลนิกา เนอบ่า ต๊าบ่า 3:3

หม่าแน๊เรอ แบ่เจ่ เออเนอ อาจ๊อ เร๊อ อาโหง่ เร๊อ อา เก่ เด๊อะฉว่าแถ่ ซี ซิปล่อ อาอ๊าอาเหร่ ปา, เร๊อ อา เก่ ตอกอเตเก ตาตือ เปเร๊อ ซี เร๊อ แกแยมู๊แหม่ เนอเตเพร ปา.

ꤟꤤꤙꤚꤢꤨ 6:18

ฮู๊เนอเรอ จอแปแหร่ เด๊อะ ลอเฮ๊อ เป อา เตอ๊อแล เน๊อ อา เตแบแลหนิ อาโหง่เออ เนอเจ่อลอ เฮ๊อ. จอแปแหร่ แลโฮแจ่โต่ อาขว่าอาคยา, เออเนอเจ่อ เนอ อา ถู่แหล่ เต๊เปล่ โค๊แจ่ โต่โต่. เป เด๊อ อา แกล่ ตาดวา โอ่ว่าวโอ่โอ๊บี๊ เฮ๊อ เด๊อ จอแปแหร่ อา โอ่ เต๊เห่เนอ, เด๊อ จอแปแหร่ ถู่แหล่ เต๊เปล่ โค๊แจ่ ปา อา เตอ๊อแล โต่ อาขว่าอาคยา, เป ซิปล่อโม ซิปล่อชอแถ่ แหน่เจ๊อ. เด๊อ เป ซิปล่อโม ซิปล่อชอ อาขว่าอาคยา, เตแม๊ชือ เด๊อ จอแปแหร่ เด๊อ เปเออ เนอ, เป ปื่อหม่า แฮเง ตื๊อดื่อ เต่อเบ๊เฮ๊อ เด๊อ อาตื๊อดื่อ เฮ๊อ.

ꤒꤤꤒꤢꤨ 1:2

เตจ๊ออาเต เออเนอ อา เด๊อ เหย่ซี เตแม๊ซื๊อ เด๊อ เหย่ซี เก่ พย๊าหนิ ซิปล่อเซอเพร ตูจูเพร ตาเลเคร๊ อาเง เฮ๊อ. เบ๊อะเห่ขุ โอ่ทวาแถ่ แต่ล๋ายโต่ เบ๊อะเนอ, จอแปแหร่ เด๊อ อา แลโฮน๊อ แตแค๋ โต่ เออเตเพรเนอ, อา อ๊อแล หนื่ออื่อ โทเฮ๊อ เร๊อ อา เก่ เด๊อะ เป เตเซอเพร เออเนอ เฮ๊อ.

ꤟꤤꤙꤚꤢꤨ 3:6

หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.

โครินธ์ อาเหร่อเล๊อ ต๊าบ่า 10:13

ล๊อ เตอิลออี๊โหล่ เด๊อ เน แม๊เถอะ แฮเบ่น๊อ เต๊เห่ เนอหม่า อา แซ๊ แพ๊ เร๊อ แกแย เห่ขุพู๊ เด๊อ อาโร เต๊เห่ แม๊เถอะ ซิเต่อเบ่น๊อ เนอเต๊เห่ แพ๊. หม่าแน๊เรอ จอแปแหร่ เนอ อาจ๊อ เร๊อ อาโหง่, เมเตเฮ๊เรอ เตอิลออี๊โหล่ เด๊อ อาฉว่าอาชอ เด๊อ เน ข่าเบ๊ โต่ เต๊เห่เนอ, อา นอข่า เน โต่. เบ๊อะเตเมแม๊ แฮเบ่ เน เบ๊อะเนอ, แซ่ฮู๊ เน เก่ แด่ทูซิปล่อ เบ๊ อา, โท๊โต่ แซ่ฮู๊ เน เก่ เหล่แลเปล๊เบ๊ เน๊อ เตอิลออี๊โหล่ เออ อาเงเนอ, จอแปแหร่ เก่ โบ๊โม เป่ เน แกล๊ ปา.

เตเด๊อะโลแถ่ 3:11

“งยาแต่โต่เนอ แว เก่ แฮ ปา. แซ่ฮู๊ อู เก่ พย๊าเผ่แก แต่ เน กู๊โก่เท แต่เหม่เนอ, ปื่อหม่า หนิ แร๊ เต เด๊อ ซี พย๊าหนิ โทเฮ๊อ, เตอิซว๊าอี๊แส่ เด๊อ อาโตอาเบ่ เนอ เต๊เห่ นี๋.

ꤡꤛꤢꤩ꤭ꤗꤢ꤬ꤎꤣ꤬ 1:6

หม่าแน๊เรอ, เบ๊อะซี กุยจ๊อเบ เบ๊อะเนอ, ซี เบ่ โอ่ เน๊อ เตหยื่อ, เร๊อ ซี โต ซิปล่อหร่าเหร่หนิ ตีกี๋ โต่. แกแย เด๊อ อา ซิปล่อหร่าเหร่ เต๊เห่เนอ, อาแซ่เน๊อ เก่แลเซ๊ แฮ เร๊อ เทอฮ๊าโฮ๊ เด๊อ เทอดุซาวา อากู เนอเต๊เห่ แพ๊.

ꤟꤤꤙꤚꤢꤨ 11:11

เพอับราฮัม โหมะเผระ ลาเฮ๊อ, โท๊โต่ อาเม โหมะซาราห์ หม่า อา โชพู๊พู๊ หม่าแน๊เรอ เด๊อ อาเตหยื่อ อาขว่าอาคยา, อาพู๊ โอ่เบ๊ปา เร๊อ อา ทวาแถ่เบ๊ปา เพ เตเพร. อา หยื่อเอ่ เร๊อ จอแปแหร่ เนอ อาจ๊อ เร๊อ อา เตอ๊อแล.

ꤟꤤꤙꤚꤢꤨ 4:14

ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.

ꤟꤤꤙꤚꤢꤨ 3:14

เมเตเฮ๊เรอ, เป เตหยื่อเอ่ จอแปแหร่ เด๊อ กูลู่เค เนอ, เป เก่ ปื่อหม่าแร๊หนิ อา โต่เด๊อ อาตื๊อดื่อ เฮ๊เรอ, เป ทวาเฮ๊อ เพรเมเต่อเต เร๊อ ครี๊ เฮ๊อ.

โครินธ์ เนอบ่า ต๊าบ่า 9:13

ซี เตเมจว่า เออเนอ อา ข่าเด๊อะโล เน๊อ ซี หยื่อเอ่ หม่าแหน่ แบ่เจ่ เหย่ซู่ เฮ๊อ. เด๊อ ซี ย๋อ หยื่อเอ่ ครวาเมเกอ ฮู๊ ครี๊ อา เตซิครือมีลา เฮ๊เนอ อาขว่าอาคยา, อู เก่ ถู่เซ๊แถ่ เอ๊แหน่เจ๊อ จอแปแหร่ ปา. เมเตเฮ๊เรอ เด๊อ ซี ซิปล่อฉว่า เมจว่า เป่ เหย่ซี เร๊อ อู ปว๋า เตเพร อาขว่าอาคยา, แกแย เก่ ถู่เซ๊แถ่ โร๊ลา จอแปแหร่ ฮู๊เนอ ปา.

ꤟꤤꤙꤚꤢꤨ 3:1

ฮู๊เนอ อาขว่าอาคยา, โป่แหว่ ครี๊พู๊ เด๊อ จอแปแหร่ เอ๊ ซี เออเต๊เห๋ เตเน แม๊มอ แลแค เหย่ซู่ เด๊อ จอแปแหร่ นอแฮ ทวา ลู เน๊อ เพรเฮ๊โฉ่โด่แหน่ จอแปแหร่ อาลาอาโหง่ เน๊อ เพรหลู่แต กู่กล๊อดุเล๊อ เออเตเพรเนอ.