ꤟꤤꤙꤚꤢꤨ 10:22 - ลีเทส่อพ๊าอาเซ เร๊อ เห่ขุทวาลู๊

²² ฮู๊เนอเรอ เป แฮผื่อ แลแค เด๊อ จอแปแหร่ อา โอ่ โป๊. เป เก่ แฮ เน๊อ เป ซิปล่อ เด๊อ อาจ๊ออาเต, เน๊อ เป เตหยื่อ เด๊อ อาตาอาเต เออเต๊เห่ โป๊. เมเตเฮ๊เนอ, เป ซิปล่อ อา เตเตเน มู๊แหม่เออ, แซ่ฮู๊ อา เก่ อาโพ๊อาแปละ อาเงเนอ, อู ซู๊ปลีแก โทเฮ๊อ เป เน๊อ ครี๊ อาสุ่ย เฮ๊อ. โท๊โต่ เปเหน่กล่อ เออเนอ, อู ซู๊ปลี โทเฮ๊อ เน๊อ เทอเช๊อ เออเนอเฮ๊อ.

Eastern Kayah Shadaw Dialect

²² ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤟꤢꤧ꤭ꤖꤢꤦ꤬ ꤊꤣꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤕꤥ꤮꤯ ꤕꤢꤩ꤬ ꤊ꤫ꤢꤦ꤬ ꤟꤢꤧ꤭ ꤔꤢꤧ ꤕꤢꤩ꤬ ꤞꤤꤕꤜꤢꤪ꤬ ꤘꤣ ꤢ꤬ꤡꤢꤪꤢ꤬ꤒꤢꤩ꤬, ꤔꤢꤧ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ ꤘꤣ ꤢ꤬ꤒꤢ꤭ꤢ꤬ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤕꤥ꤮꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤕꤢꤩ꤬ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤨꤗ꤫ꤢꤧ꤬ꤣꤧ꤭, ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤕꤜꤤ꤭ꤖꤥ ꤢ꤬ꤑꤢꤩ꤭ꤔꤣꤧ꤬, ꤢꤨ꤭ ꤞꤢꤨꤕꤜꤤ꤭ꤊꤢꤧ꤭ ꤓꤥ꤭ꤟꤣꤧ ꤕꤢꤩ꤬ ꤔꤢꤧ ꤋꤚꤤ ꤢ꤬ꤞꤝꤤ꤬ ꤟꤣꤧ꤯ ꤓꤥ꤭ꤒꤥ꤬ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ꤔꤣꤧ꤬, ꤢꤨ꤭ ꤞꤢꤨꤕꤜꤤ꤭ ꤓꤥ꤭ꤟꤣꤧ ꤔꤢꤧ ꤓꤣꤧ꤭ꤏꤣꤧ ꤣꤧ꤭ꤔꤣꤧ꤬ꤟꤣꤧ꤯

ꤟꤤꤙꤚꤢꤨ 10:22 ပူးပေါင်းရင်းမြစ်များ

ꤛꤥ꤭ꤟꤢ꤬ 3:5

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ เน๊อ เทอ เร๊อ จอแปแหร่ อาแหย่โยบูโพ๊ โต่ เต๊เห่เน๊อ, อา โนหนิ แจ่ เด๊อ จอแปแหร่ อาเทออาเก่กู โต่.

เปโตร อาเหร่อเล๊อ ต๊าบ่า 3:21

ซี เจ ซีเหน่ เร๊อ เทอ เออเนอหมา, อา เด๊อะโล แบ๊บือ เฮ๊อ เทอ เด๊อ เพโนอาห์ ทือเค เนอ เนอ, จอแปแหร่ เมแลเปล๊กา เฮ๊อ ซี กู๊แหน่เออ เนอแพ๊. ซี เจ ซีเหน่ เร๊อ เทอ เนอหม่า อา ซู๊ปลีแก เหน่กล่อ กู่เขร่อ เนอ หม่าโต่. หม่าแน๊เรอ, อาเจอูเทอ เออเนอหมา หม่าดื่อ เตอ๊อแล จอแปแหร่ เร๊อ ซี เก่ เม อาเต เด๊อ ซิปล่อ อาโพ๊อาแปละ อากู ฮู๊เนอแพ๊. เหย่ซู่ครี๊ ย๋อ เซอ เร๊อ อา เซอเพร กาคยา อาขว่าอาคยา, ซี เจ ซีเหน่ เร๊อ เทอ เนอหม่า อา เมแลเปล๊กา ซี แพ๊.

เอเฟซัส 5:26

แซ่ฮู๊ อา เก่บูโพ๊หนิ อา เพรหยื่อเอ่ เออ ตู๊หมู่ตอกล๊อ เต๊เห่เนอ, อา เซอแก เป่ เจ๊อ เด๊อ เหย่ซี อาเง. เร๊อ อา ซู๊ปลีแกเฮ๊อ เหย่ซี เร๊อ เทอ เร๊อ อาลาอาโหง่ เออเนอ เฮ๊อ.

โครินธ์ อาเหร่อเล๊อ ต๊าบ่า 6:11

เด๊อ ซีเกล เต๊เห่เห่ เนอ, เด๊อ เนอเค หม่า อา ทวา โทเฮ๊อ แกแยจา แกแยมู๊แหม่ แซ่เน๊อ เนอเฮ๊อ หม่าแน๊เรอ จอแปแหร่ ซู๊ปลีแก โทเฮ๊อ ซี เตซื๊อ เฮ๊อ. เร๊อ กู๊แหน่เออ ซี ทวา เฮ๊อ จอแปแหร่ อาเต เฮ๊อ. เด๊อ แบ่เจ่ เหย่ซู่ครี๊ เร๊อ จอแปแหร่ อา แหย่โยบูโพ๊ อาขว่าอาคยาเร๊อ, กู๊แหน่เออ, จอแปแหร่ แด่เฮ๊อ ซี ฮู๊ แกแยจ๊อแกแยเต เต๊เห่เนอ เฮ๊อ.

ꤟꤤꤙꤚꤢꤨ 7:19

คูโมเสส อา เตซว๊าเตแส่ เนอ อา เมจ๊อเมเต แจ่ อู เตเพร่ว โต่. หม่าแน๊เรอ กู๊แหน่เออ เป เตแม๊ชือ แกล๊ อาเซ โตโบ เด๊อ อาแร๊เล๊อ ปา เจ๊อ เร๊อ เตซว๊าเตแส่ เออเนอ อา โอ่ เฮ๊อ. เร๊อ เป แฮโนผื่อเฮ๊อ เด๊อ จอแปแหร่ อา โอ่ เน๊อ แกล๊ อาเซ เออโตโบ หม่า อาหนิ เฮ๊อ.

โครินธ์ เนอบ่า ต๊าบ่า 7:1

โคแบ๊ซว๊า ซี๋, ล๊อ จอแปแหร่ อ๊อแล เต๊เห่ เนอหม่า เปเง ลอ เฮ๊อ. ฮู๊เนอเรอ, เป เก่ จว๊า ตาพาแก เร๊อ เปเหน่กล่อ อา เตซิหยื่อ มู๊แหม่รีแจ่ เต๊เห่ เร๊อ เป ซิปล่อ อา เตเตเน มู๊แหม่รีแจ่ เออเนอ เต๊เห่ โป๋. เร๊อ เด๊อ เป ซิอิเช แด่ซิแหน่ซิเตเร จอแปแหร่ เออ อาขว่าอาคยาเร๊อ เป เก่ ทวาแถ่ แลแค ดื่อ แกแย เด๊อ อา บูโพ๊ เต๊เห่ โป๋.

ꤟꤤꤙꤚꤢꤨ 4:16

ฮู๊เนอเรอ, เป โหล่เบ่ เต เบ๊อะเกเต๋ เบ่เบ่เนอ, เป โต แฮโน ฮาฮา เด๊อ เป จอแปแหร่ เด๊อ อา ซิยอเร๊อ อู เออเตเพร อา เหล่โอ่แน อาเป๊เส่เง เนอ. เร๊อ เป เก่ พย๊าหนิ อา เตซิยอ ปา เร๊อ เป เก่ แม๊เถอะเบ่ อาบุ๊ยดุอาเตอเรอทู เด๊อ อา เก่ เมจว่า เป เออเนอ ปา.

ꤟꤤꤙꤚꤢꤨ 12:24

ซี แฮโต่เฮ๊อ เด๊อ เหย่ซู่ อาโอ่ เฮ๊อ เตอ๊อแล. อาเซ เด๊อ แกแยเห่ขุพู๊ เน๊อ จอแปแหร่ อาเปล่กู เออเนอ อา ทวา เป่ เฮ๊อ เพรแรเต เด๊อ อาเปล่กู เตเพร เฮ๊อ. โท๊โต่ ซี แฮโต่เฮ๊อ เด๊อ แบ่เจ่ เหย่ซู่ อาสุ่ย เหล่ทุ๊ยตา อาเหล่โอ่ เด๊อ อาแร๊ เล๊อเล๊อ ปา เจ๊อ เน๊อ คูอาแบล อาสุ่ย เนอ อา โอ่ เฮ๊อ.

ꤒꤤꤒꤢꤨ 3:5

เตเด๊อ อา เมแลเปล๊กา เป เออเนอหมา หม่าเด๊อ เป แหน่แบ่เจ่ เร๊อดื่อ เม อาจ๊ออาเต อาคยา เนอ หม่าโต่, หม่าเด๊อ อา ซิยอ เร๊อดื่อ เป ขว่าคยา อา เมแลเปล๊กา เป แพ๊. เด๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยาเร๊อ, อา ซู๊ปลีแก เป, โทเรอ อา เด๊อ เป เตโอ่เป๊เจ่แล อาเซ เร๊อ เตโอ่เซอเพร อาเซ เต๊เห่.

เปโตร อาเหร่อเล๊อ ต๊าบ่า 1:2

เพ จอแปแหร่ นว๊าแถ่ หนิ ซี ฮู๊ อา เตเตเนหนื่ออื่อ เร๊อดื่อเนอ เร๊อ จอแปแหร่ อา แหย่โยบูโพ๊ เมบูโพ๊แถ่ ซี, แซ่ฮู๊ ซี เก่ หนิดา เหย่ซู่ครี๊ อาโหง่ เร๊อ เด๊อ อาสุ่ย อาขว่าอาคยา, อา เก่ เมโพ๊เมปลี เป่ ซี. เตบุ๊ยเตเตอเรอ เร๊อ เตเพรอาดือ เก่ โอ่เล๊อะโอ่บา ดื่อ เร๊อ ซี นี๋.

เอเฟซัส 3:12

เด๊อ เป หยื่อเอ่ ครี๊, โทเรอ เด๊อ เป ทวาแถ่เฮ๊อ เตเต๊อเจ๋อโต เร๊อ ลู อาขว่าอาคยา, กู๊แหน่เออ เป เก่ แฮโน เด๊อ จอแปแหร่ อา โอ่ เร๊อ เตหยื่อเอ่ เกอเร๊อเหน่ เร๊อ เตคือเตฮา เนอหม่า อาหนิ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 4:8

ซ๊าซื๊อ แฮผื่อ แลแค ซีเหน่ เร๊อ จอแปแหร่ ตื๊อหม่า อา ซ๊าซื๊อ แฮผื่อเกอ อาเหน่ เร๊อ ซี แพ๊. เพรเมเตซื๊อ ซี๋, ซู๊ปลีแก แลแค ซี กู๊ขุเนอ. แกแย ซิปล่อ โอ่เอ๊ ซี๋, เมโพ๊เมแปละ แลแค ซี ซิปล่อเนอ.

ꤟꤤꤙꤚꤢꤨ 9:19

เบ๊อะคูโมเสส เฮ๊โล เป่ โทลอเฮ๊อ แกแย ปว๋า เตเพร เร๊อ ล๋อ จอแปแหร่ เฮ๊แก อา เตซว๊าเตแส่ เต๊เห่ เบ๊อะเนอ, อา พย๊า ปู่พู๊ เต๊เห่ อาสุ่ย เร๊อ เปะ เต๊เห่ อาสุ่ย เร๊อ อา โกล ซีแล๊เต่อ เร๊อ เทอ, โทเรอ อา พย๊า ซิหมิฉื่อลี เร๊อ อา โบ่หม่า เร๊อ ส่อแพ เด๊อ อู เอ๊ เร๊อ ฮี๊โซ๊แพพู๊ เออแตแพ อาเคอ เร๊อ อา ตีชิ เร๊อ ลี เด๊อ อู ราโอ่ เร๊อ จอแปแหร่ อา เตซว๊าเตแส่ อาโหง่เฮ๊แกเออ ต๊าบ่า, โท๊โต่ อา ตีชิหนิ ลอ เร๊อ แกแย ปว๋า เตเพร.

มัทธิว 3:11

“เด๊อ ซี ถู่แหล่แต๊แกละ ซีซิปล่อ อาขว่าอาคยา, แว เจ ซี เร๊อ เทอ. หม่าแน๊เรอ แกแย โอ่เตเพร เด๊อ อา เตอเรอฉว่าชอ เล๊อ เจ๊อ เน๊อ แว เตเพรเนอ อา เก่ แฮ เด๊อ แวคยา ปา. อา เก่ เจ ซี เร๊อ แหย่โยบูโพ๊ แบ่เจ่ เร๊อ หมิ ปา. แว กู๊กลอแพ๊ อาแข่แด๊พ๊า เน๋อ อา ต่าเร๊อ แว โต่.

ꤡꤛꤢꤩ꤭ꤗꤢ꤬ꤎꤣ꤬ 1:6

หม่าแน๊เรอ, เบ๊อะซี กุยจ๊อเบ เบ๊อะเนอ, ซี เบ่ โอ่ เน๊อ เตหยื่อ, เร๊อ ซี โต ซิปล่อหร่าเหร่หนิ ตีกี๋ โต่. แกแย เด๊อ อา ซิปล่อหร่าเหร่ เต๊เห่เนอ, อาแซ่เน๊อ เก่แลเซ๊ แฮ เร๊อ เทอฮ๊าโฮ๊ เด๊อ เทอดุซาวา อากู เนอเต๊เห่ แพ๊.

ꤟꤤꤙꤚꤢꤨ 11:28

เด๊อ เตหยื่อ อาขว่าอาคยาเร๊อ, อา เมโอ่แถ่ เป่ อู ป่วย เด๊อ อู เอ๊ เร๊อ ป่วยเตจว๊า ตา ลว๊า. แซ่ฮู๊ เตเน่วพู๊ เด๊อ อา เมเซอ พู๊แหว่เพร่วเออ เก่ แฮ เมเซอ แต่ อิสราเอลพู๊ แหว่เพร่ว เต๊เห่ แต่เหม่ เนอ, อา นอ โปล่ลอ อู ซิหมิสุ่ย เด๊อ กู่ดาโคลู.

ꤟꤤꤙꤚꤢꤨ 10:19

ฮู๊เนอเรอ, แว โป่แหว่ ซี๋. เด๊อ เหย่ซู่ อาสุ่ย อาขว่าอาคยา, เป แฮโน เร๊อ ซิปล่อ คือฮา บื่อเจ๊อ เด๊อ เตเหล่โอ่ บูโพ๊ เล๊ออู เออโต๊โผ่ หม่า อาหนิ เฮ๊อ.

ꤟꤤꤙꤚꤢꤨ 9:10

เตหลู่เตแต เออเต๊เห่เนอ, อา ตาเต ซิเลเกอเร๊อ แพ๊ เตจ๊อบู่จ๊อเบ อา เหล่โกลเหล่แบ่ เต๊เห่ เด๊อ อา เฮ๊ เน๊อ เออ หม่า เอ่หนิ, เออ หม่า โอหนิ โต่, โตเบ่ ซู๊ปลีซู๊แปละ อาเหน่ ฮู๊เออ ฮู๊เนอ, อา เฮ๊ เออเนอเต๊เห่ เฮ๊อ. เตซว๊าเตแส่ เออเนอหมา ลือครวา เมเต เด๊อ อากลอ ตากยา แพ๊, อา เม แต๊แกละแจ่ ซิปล่อ โต่. เหน่กล่อ พ๊าหย่า ตากยา, แกแยเห่ขุพู๊ เบ่ ครวาเม โต่เด๊อ จอแปแหร่ เมเต๊เปละ เป่ เหย่ซี แกล๊ อาเซ โตโบ.

ทิโมธี อาเหร่อเล๊อ ต๊าบ่า 4:2

เตอิซว๊าอี๊แส่ เออเต๊เห่ เนอหม่า อา แฮ เด๊อ แกแย แลโฮแลแห่ เต๊เห่ อา โอ่. เบ๊อะเหย่ซี เมซื๊อเจ๊อเต เบ๊อะเนอ, อา เตเน เร๊อ อา เมซื๊อเต ตีกี๋ โต่.

เตเด๊อะโลแถ่ 1:5

ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.

เอเฟซัส 6:5

หลู่ ซี๋, หนิดา แลแค ซี เห่ขุ แบ่เจ่ เออเต๊เห่ อาโหง่ นี๋. ชิอิเช เหย่ซี เร๊อ เบ่เบ่หยื่อเบ่แหน่ เหย่ซี นี๋. ฮู๋ ซี หนิดา ครี๊ อาโหง่ เนอ, หนิดา ซิกอล๊อแกแน เหย่ซี อาโหง่ นี๋.

เพรโด่แนพู๊ เต๊เห่ 8:21

เน หม่า แกแย เด๊อ อา โอ่เต่อ เกอ เด๊อ เป เตเอ่เตแร อากู หม่าโต่, เมเตเฮ๊เรอ เน ซิปล่อ เออเนอ, อาจ๊อ เด๊อ จอแปแหร่ อา เป๊เส่เง โต่.

ꤛꤥ꤭ꤟꤢ꤬ 8:9

เบ๊อะเหย่ซี หนิโฮเฮ๊อ เหย่ซู่ เฮ๊ฮู๊เนอ เบ๊อะเนอ, เหย่ซี เถ่กาคยา ลอ เตเพร โท เตเพร. อา โหมะเผระ เต๊เห่ เถ่กา เหร่อเล๊อ อู. เด๊อคยา เร๊อ เพรเหมาะ เนอเตเพร ก๊อถ่อ โอ่แก ตื้อเกอดื่อ เร๊อ เหย่ซู่ แพ๊.

ꤜꤢꤨꤊꤢ꤬ 1:1

แกแย โอ่เอ๊ลู แอ๊จื๊อ ราม๊าราแด แลแค เต เด๊อ อา ทวาแถ่ เบ๊อะเปเกล เออเต๊เห่ อาหรี่อาแก.

เพรโด่แนพู๊ เต๊เห่ 22:16

เน เม แป่เหย่ เนเหน่ เมเต? ก๊อถ่อมอ เร๊อ เจเกอมอ เนเหน่ เร๊อ เทอเนอ, เร๊อ กุยจ๊อเบแถ่ มอ อา เด๊อ อา เก่ ซู๊ปลีแก เน เตซื๊อ เออเนอ,’” คูเปาโล เฮ๊ เป่ เหย่ซี ฮู๊เนอ.

ꤟꤤꤙꤚꤢꤨ 6:11

เป เตซิหยื่อ หม่า ฮู๊เออ แซ่ฮู๊ เตแร๊ เด๊อ ซี ซิปล่อทู โอ่ป่อแม๊ชือ เต๊เห่ เก่ เล๊อแถ่บาแถ่ เป่ ซี อาเงเนอ, เป ซิหยื่อ เด๊อ ซี ปว๋า เตเพร เก่ ซิปล่อฉว่า เมโต่ แลแค เด๊อ อาตื๊อดื่อ ฮู๊ ซี เมโทเฮ๊อ เออเนอปา.

ꤟꤤꤙꤚꤢꤨ 10:1

กู๊แหน่เออ เป ซิเงโปล เฮ๊อ เน๊อ เตซว๊าเตแส่ เด๊อ คูโมเสส แด่แก เออเนอหมา หม่าแพ๊ เตแหย่โย เตม๊าเตแด เต๊อเจ่อแพ๊. เต อาหม่าแหน่ เด๊อ เตซว๊าเตแส่ ซิหยื่อ ยูโล เออเนอหมา หม่าเฮ๊อ. ล๋อ เตตว่าเตแร๊ เด๊อ อา แฮ แฮเง เด๊อ ครี๊ อา โอ่ เออเต๊เห่เนอ เฮ๊อ เตซว๊าเตแส่ เออเนอ. อา เฮ๊ เน๊อ, ปวาหน่าหน๋า โตเบ่ หลู่แถ่ เตมีเตดอ เออ อาขว่าอาคยา, เมเล๊อเมบาแถ่ แจ่ เป่ ลอ แกแยเห่ขุพู๊ โต่.