ꤟꤤꤙꤚꤢꤨ 10:10 - ลีเทส่อพ๊าอาเซ เร๊อ เห่ขุทวาลู๊

¹⁰ เหย่ซู่ครี๊ ย๋อ เม เป่ ฮู๊ จอแปแหร่ อา เตซิหยื่อ โอ่เนอ, โท๊โต่ เด๊อ อา หลู่แถ่ อาเหน่กล่อ โตโพ๊แพ๊ เร๊อ อา โทปลื๊อ ลาเฮ๊อ อาขว่าอาคยา, อา เม บูโพ๊ เฮ๊อ เป.

Eastern Kayah Shadaw Dialect

¹⁰ ꤛꤢꤩ꤬ꤏꤛꤢꤨꤋꤚꤤ ꤜꤢ꤭ ꤗꤢꤩ꤬ ꤕ꤫ꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤥ꤬ꤔꤣꤧ꤬, ꤓꤥ꤭ꤒꤥ꤬ ꤘꤣ ꤢ꤬ ꤜꤢꤨ꤭ꤓꤢꤧ꤬ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤒꤣ꤬ꤖꤥꤖꤢꤧ ꤚꤣꤧ꤬ ꤢ꤬ ꤓꤥ꤭ꤕꤜꤢꤦ ꤜꤢ꤭ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤟꤣꤧ ꤕꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊꤣꤧ꤬ꤛꤢꤧ꤭ ꤟꤣꤧ꤯

ꤟꤤꤙꤚꤢꤨ 10:10 ပူးပေါင်းရင်းမြစ်များ

ꤟꤤꤙꤚꤢꤨ 10:14

เด๊อ ครี๊ หลู่แถ่ แพ๊ อาเหน่ โตโพ๊ อาขว่าอาคยา, แกแย เด๊อ อา เมโพ๊เมปลี โทเฮ๊อ เหย่ซี เตซื๊อ เต๊เห่เนอ, อา เมจ๊อเมเต เฮ๊อ เหย่ซี ตูจูเพร เฮ๊อ.

ꤟꤤꤙꤚꤢꤨ 10:12

หม่าแน๊เรอ ครี๊ หลู่แถ่ เป่ เป เตซื๊อ อาเง เออเต๊เห่เนอ, อา หลู่แถ่ โตโพ๊แพ๊ เร๊อ อา โท ปลื๊อลา ตูจูเพร เฮ๊อ. เร๊อ อา กา โอ่แนโอ่ เฮ๊อ เด๊อ จอแปแหร่ อากู๊ขุ จ๊อทว๊า ตากยา เฮ๊อ.

โครินธ์ อาเหร่อเล๊อ ต๊าบ่า 6:11

เด๊อ ซีเกล เต๊เห่เห่ เนอ, เด๊อ เนอเค หม่า อา ทวา โทเฮ๊อ แกแยจา แกแยมู๊แหม่ แซ่เน๊อ เนอเฮ๊อ หม่าแน๊เรอ จอแปแหร่ ซู๊ปลีแก โทเฮ๊อ ซี เตซื๊อ เฮ๊อ. เร๊อ กู๊แหน่เออ ซี ทวา เฮ๊อ จอแปแหร่ อาเต เฮ๊อ. เด๊อ แบ่เจ่ เหย่ซู่ครี๊ เร๊อ จอแปแหร่ อา แหย่โยบูโพ๊ อาขว่าอาคยาเร๊อ, กู๊แหน่เออ, จอแปแหร่ แด่เฮ๊อ ซี ฮู๊ แกแยจ๊อแกแยเต เต๊เห่เนอ เฮ๊อ.

ꤟꤤꤙꤚꤢꤨ 7:27

อา หม่า อาแซ่เน๊อ เพรหลู่แต กู่กล๊อดุเล๊อ เด๊อ อาโร เนอเต๊เห่ หม่าโต่. ปวาเนอเน๋อ อา โหล่ หลู่แถ่ เหร่อเล๊อ เกอเร๊อดื่อ อาเตซื๊อ เต๊เห่ โทเรอ อา หลู่แถ่ เนอ เป่ แกแย เด๊อ อาโร เต๊เห่ อาเตซื๊อ เต๊เห่ ฮู๊เนอ หม่าโต่. เบ๊อะอา หลู่แถ่ อาเหน่ เด๊อ อี๊ถื่อดีเต่ลู เบ๊อะเนอ, อา หลู่แถ่ แพ๊ โตโพ๊ เร๊อ อา โทปลื๊อ ลา ตูจูเพร เฮ๊อ.

ꤛꤥ꤭ꤟꤢ꤬ 17:19

แซ่ฮู๊ เหย่ซี เก่ ซู๊ปลีบูโพ๊ เกอ แลแค ซิปล่อ เร๊อ เนลาเนโหง่ อาเตหมะเตจ๊อ เออเนอ เนอ, แว เด๊อะแล ลอหล่าตี๊กลิ โทเฮ๊อ แว ซิปล่อเซอเพร เด๊อ เหย่ซี อาเหล่โอ่ เฮ๊อ.”

ꤟꤤꤙꤚꤢꤨ 13:12

ฮู๊เนอเรอ แซ่ฮู๊ เหย่ซู่ เก่ เม บูโพ๊ หนิเป่ แกแย เห่ขุพู๊ เออเต๊เห่ เน๊อ อาสุ่ย เร๊อดื่อ อาเงเนอ, อา เบ่จว๊า ข่าเซอ อาเหน่ เด๊อ วีกลอ โต๊โผ่.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

ꤟꤤꤙꤚꤢꤨ 9:28

ฮู๊เนอเฮ๊อ แซ่ฮู๊ ครี๊ เก่ พย๊าจว๊า ตาพาแก ลอ แกแย โอ่โร๊ เต๊เห่ อาเตซื๊อ เต๊เห่เนอ เร๊อ อา ข่าเซอ แพ๊ โตโพ๊ แพ๊. อา แฮ คยาแซ๊ ปา หม่าแน๊เรอ อา เก่ แฮ พย๊าจว๊า ตาพาแก เป่ เป เตซื๊อ ปาเนอ หม่าโต่. อา เก่ แฮ เมแลเปล๊กา แกแย เด๊อ อา โอ่ป่อแม๊ชือ ลู เนอเต๊เห่ ปา แพ๊.

ꤟꤤꤙꤚꤢꤨ 9:12

เบ๊อะอา จว๊าโน หลู่แตแถ่เต เด๊อ เหล่โอ่ บูโพ๊ เล๊ออู เออตาดา เบ๊อะเนอ, อา พย๊าโนหนิ เปะ เต๊เห่ อาสุ่ย, ปู่เพ เต๊เห่ อาสุ่ย เนอหม่าโต่. อา เก่ โน หลู่แตแถ่เต อาเงเนอ, อา พย๊าโน เกอ เร๊อ ดื่อ เน๊อ อาสุ่ย อาขว่าอาคยา, อา แฮโน แพ๊ โตโพ๊ เร๊อ อาโทอาปลื๊อ ลาเฮ๊อ, เร๊อ อา เมแลเปล๊กา เป ตูจูเพร เฮ๊อ.

เปโตร อาเหร่อเล๊อ ต๊าบ่า 2:24

แซ่ฮู๊ เป เก่ จิจือปา แต่ เร๊อ เตซื๊อเตปล๊า เต๊เห่ แต่เหม่, โท๊โต่ แซ่ฮู๊ เป เก่ โอ่เซอเพรเบ๊ เกอ เด๊อ เตจ๊อเตเต ปา อาเงเนอเรอ, เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, อา พย๊าแถ่แกเฮ๊อ เป เตซื๊อเตปล๊า เออเต๊เห่ เด๊อ อาเหน่ลู เฮ๊อ. เด๊อ อา ข่าเบ่ เตจาเตจือ เออเต๊เห่ อาขว่าอาคยา, อา แหย่โอ่เหม่แก ลอเฮ๊อ ซี เฮ๊อ.

ꤟꤤꤙꤚꤢꤨ 10:20

แบ่เจ่ เหย่ซู่ ข่าเซอ อาซิปล่อ เด๊อ เปเง อาขว่าอาคยา, อา บ๊าโม เป่ เฮ๊อ เปแกล๊ อาเซ เด๊อ อา เด๊อ เป ซิปล่อเซอเพร เออโตโบ. แกล๊ เออโตโบเนอ, อา จว๊าโน ตาลว๊า เบ๊เฮ๊อ เร๊อ อู จ่อตาตือ อิเก บ่าดุ เด๊อ อา หม่าเฮ๊อ ครี๊ อาเหน่กล่อ เออต๊าบ่าเนอ เฮ๊อ, เร๊อ อา จว๊าโต่เฮ๊อ เด๊อ จอแปแหร่ อา โอ่ เฮ๊อ.

ꤟꤤꤙꤚꤢꤨ 9:26

เก่ ครี๊ โหล่โน โตโมโม เกอ ฮู๊เนอ เก่เฮ๊เรอ, อา โตเบ่ ข่าเซอ โตโมโม เกอ อาซิปล่อ เด๊อ เห่ขุ ทวาแถ่ลู่ เบ๊อะเนอ ปา เจ๊อ กอกอ. อา โหล่ ข่าเซอ ฮู๊เนอโต่. กู๊แหน่เออ เบ๊อะเห่ขุ เตเร พื๋อ ตื๊อดื่อเฮ๊อ เบ๊อะเนอ, อา แฮ ข่าเซอ แพ๊ โตโพ๊ เร๊อ อา โทปลื๊อ ลาเฮ๊อ. เด๊อ อา หลู่แตแถ่ อาเหน่กล่อ เร๊อ อาเหน่เออ อาขว่าอาคยา, อา พย๊าจว๊า ตาพาแก ลอ แกแย เต๊เห่ อาเตซื๊อ เต๊เห่ เฮ๊อ.

ꤟꤤꤙꤚꤢꤨ 2:14

พู๊เหมาะพู๊คู อา เอ๊ ลู เออเต๊เห่เนอ, อา เน๊อ อาเหน่กล่อ สุ่ยเทอ เด๊อ อา เซอแจ่เออ อาขว่าอาคยา, แบ่เจ่ เหย่ซู่ แฮแล พย๊าหนิ เกอดื่อ แกแย เห่ขุพู๊ อาเหน่กล่อ เด๊อ อา แซ่เกอ ดื่อ เน๊อ เหย่ซีเนอ. อา ทวาแถ่ แซ่เน๊อ แกแยเห่ขุพู๊ อาขว่าอาคยา, อา เซอ แจ่. แซ่ฮู๊ เหย่ซู่ เก่ เมปย๊าแก โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ ซาตาน เด๊อ อา โอ่ เร๊อ อา เตโพรเตเตอเรอ ฉว่าชอ เด๊อ อา เก่ เป๊อตี๊หรี่หนิ เตเซอ เออโตโด อาเงเนอ, อา ข่าเซอแก อาซิปล่อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:6

เหย่ซู่ครี๊ แฮแล เด๊อ เห่ขุเออ เร๊อ อา แฮเจ อาเหน่ เร๊อ เทอ, อา แฮ ข่าเซอ อาเหน่ เร๊อ อาสุ่ย เบ่ทุ๊ยแล. อา แฮ ตื๊อแพ๊ เร๊อ เทอ เต๊อเจ่อ หม่าโต่. อา แฮ ลอ เจ๊อ เทอ เร๊อ สุ่ย เนอเจ่อ ลอ เจ๊อ. แหย่โยบูโพ๊ แบ่เจ่ เร๊อดื่อ ข่าเฮ๊อ อาซิปล่อ เร๊อ เออเนอหมา อา โตเฮ๊อ, เมเตเฮ๊เรอ แหย่โยบูโพ๊ แบ่เจ่ หม่า อาจ๊ออาเต.

ꤛꤥ꤭ꤟꤢ꤬ 19:34

หม่าแน๊เรอ เกลอฮู๊ เออเต๊เห่ อาเกล เตเพรเนอ, อา ชือ เหย่ซู่ รอเกล เร๊อ แตแบ เร๊อ โตโพ๊โต สุ่ย เร๊อ เทอ ช๊าตาเถ่.

ꤟꤤꤙꤚꤢꤨ 2:11

เหย่ซู่ เม อาโพ๊อาแปละ กา แกแยเห่ขุพู๊ เต๊เห่ อา เตเมซื๊อ เต๊เห่. แกแยเห่ขุพู๊ เด๊อ เหย่ซู่ เม โพ๊แปละกา เหย่ซีเตซื๊อ เนอเต๊เห่ เน๊อ เหย่ซู่ เออเนอหมา, อาเพ จือลู เตเพรเพร่ว แพ๊ อาขว่าอาคยา, เหย่ซู่ เอ๊ เหย่ซี เน๊อ โป่แหว่ เนอ อา ซิเตเร โต่.

ꤟꤤꤙꤚꤢꤨ 10:5

ฮู๊เนอ อาขว่าอาคยา, เบ๊อะครี๊ แฮแล เด๊อ เห่ขุเออ เบ๊อะเนอ, อา เฮ๊ จอแปแหร่ เน๊อ, “อู หลู่แตแถ่ เป่ เน เตมีเตดอ ซีเต๊เห่ เร๊อ เตหลู่เตแต ซี เต๊เห่เนอ, เน ซิหยื่อ โต่. หม่าแน๊เรอ เน ตี๊หรี่แตแร หนื่ออื่อเฮ๊อ แว เหน่กล่อ เด๊อ แว เก่ เบ่ หลู่แถ่ อา อาเงเฮ๊อ.

ꤛꤥ꤭ꤟꤢ꤬ 6:51

แว หม่า เหล่เอ่ เด๊อ อา เด๊อะอู ซิปล่อเซอเพร เร๊อ อา โอ่ เด๊อ ม๊อขุ ตาแล. อูเปเป๋ เบ่เบ่, อา เก่ เอ่ เหล่เอ่ เออเนอ, อา เก่ เซอเพร ตูจูเพร ปา. เหล่เอ่ เออเนอหมา หม่าเฮ๊อ แวหย่า เออเนอ เฮ๊อ. แซ่ฮู๊ แกแย เห่ขุพู๊ เก่ เซอเพร อาเงเนอ แว เด๊อะแลแก แว เหน่กล่อ เออ เด๊อ เหย่ซีเง เฮ๊อ.”

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

เอเฟซัส 5:26

แซ่ฮู๊ อา เก่บูโพ๊หนิ อา เพรหยื่อเอ่ เออ ตู๊หมู่ตอกล๊อ เต๊เห่เนอ, อา เซอแก เป่ เจ๊อ เด๊อ เหย่ซี อาเง. เร๊อ อา ซู๊ปลีแกเฮ๊อ เหย่ซี เร๊อ เทอ เร๊อ อาลาอาโหง่ เออเนอ เฮ๊อ.

ꤟꤤꤙꤚꤢꤨ 5:7

เบ๊อะเหย่ซู่ โอ่เซอเพร เบ๊อะเห่ขุเออ เบ๊อะเนอ, อา กุยจ๊อเบ แถ่ ซิปล่อชีเมลอ จอแปแหร่ เด๊อ อา เมแลเปล๊แจ่ ลู เด๊อ เตเซอเออ เตเพร, เร๊อ อา เอ๊โทแถ่ เป๊เส่เทอ ตา เจ๊อ. อา แด่หยว่า อาซิปล่อ เร๊อ อา ซิปล่อฉว่า หนิดา จอแปแหร่ โหง่ อาขว่าอาคยา, จอแปแหร่ หนิดา ลู เตกุยจ๊อเบ.

ꤟꤤꤙꤚꤢꤨ 9:14

ฮู๊เนอเรอ, เตเน แม๊มอ แลแค ครี๊ อาสุ่ย เออเนอ, อา เก่ เม โพ๊เมแปล่ บูโพ๊เล๊อ เจ๊อ เป เร๊อ เตเออเต๊เห่ ปา เจ๊อ. เด๊อ จอแปแหร่ อา แหย่โยบูโพ๊ โอ่เซอเพร ตูจูเพร อาขว่าอาคยา, ครี๊ หลู่แถ่เฮ๊อ อาเหน่กล่อ เด๊อ อาเตซื๊อ โอ่ เตอเจ๋อ โต่ เออ เด๊อ จอแปแหร่ อา โอ่ เฮ๊อ. แซ่ฮู๊ เป เก่ เม เป่ จอแปแหร่ เด๊อ อา เซอ เพร เออเตเพร อาเตเม อาเงเนอ, ครี๊ เก่ ซู๊ปลีแก เป ซิปล่อ เออเต๊เห่ เร๊อ เป เตเม เด๊อ อาบุ๊ยอาเตอเรอ โอ่เกออู โต่ เออเต๊เห่ เน๊อ อาสุ่ย ปา.

ꤟꤤꤙꤚꤢꤨ 10:29

ฮู๊เนอเรอ ซี เตเน แม๊มอ แกแย เด๊อ อา เฮ๊ โตโมเต๊เก่ จอแปแหร่ อาพู๊คู เออเต๊เห่, เร๊อ อา วีแก ลู เต๊เห่เนอ, จอแปแหร่ เก่ เมจากาคยา จาเล๊อแหน่ เหย่ซี ปา. โทเรอ ครี๊ ข่าเซอ อาซิปล่อ เร๊อ อา เด๊อะทวาแถ่ เฮ๊อ จอแปแหร่ อา เตอ๊อแล อาเซ เออเนอเฮ๊อ เร๊อ ครี๊ ซู๊ปลีแก เฮ๊อ เป เน๊อ อาสุ่ย เฮ๊อ. ฮู๊เนอเรอ แกแย เด๊อ อา แด่ งูดุงูชอ เกอ ครี๊ อาสุ่ย โต่ เต๊เห่เนอ, จอแปแหร่ เก่ เมจากาคยา จาเล๊อ เหย่ซี ปา. โท๊โต่ แกแย เออเต๊เห่เนอ อา เฮ๊ มู๊แหม่รีแจ่ แหย่โยบูโพ๊ แบ่เจ่ เด๊อ อา เด๊อะ เหย่ซี เตบุ๊ยเตเตอเรอ เออเตเพร อาขว่าอาคยา, จอแปแหร่ เก่ เมจากาคยา เล๊อ เจ๊อ เหย่ซี เร๊อ แกแย เด๊อ อา เมซื๊อ คูโมเสส อา เตซว๊าเตแส่ เนอเต๊เห่ ปา.

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.