ꤟꤤꤙꤚꤢꤨ 1:6 - ลีเทส่อพ๊าอาเซ เร๊อ เห่ขุทวาลู๊

⁶ เบ๊อะจอแปแหร่ นอกี๊ตาเฮ๊อ อาพู๊คู แหว่เพร่ว เด๊อ เห่ขุ เบ๊อะเนอ, อา เฮ๊ เน๊อ, “จอแปแหร่ อา เตเน่วพู๊ ล๋อ ปลี เบ่ จ๊อเบแถ่ พู๊คูเออ,” อา เฮ๊ ฮู๊เนอ.

Eastern Kayah Shadaw Dialect

⁶ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤤ꤬ꤒꤢ꤭ꤟꤣꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤠ꤫ꤢꤧ꤬ꤖꤚ꤫ꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤟꤢꤩ ꤔꤢꤧ, “ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤜꤢꤪ꤭꤮ ꤕꤜꤤ꤭ ꤙꤢꤩ꤬ ꤡꤢꤪꤙꤢꤩ꤭ꤓꤢꤧ꤬ ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭,” ꤢ꤬ ꤟꤢꤩ ꤟꤢꤨꤔꤣꤧ꤬꤯

ꤟꤤꤙꤚꤢꤨ 1:6 ပူးပေါင်းရင်းမြစ်များ

โคโลสี 1:18

ล๋อ แกแย เด๊อ อา หยื่อเอ่ ครี๊ เต๊เห่เนอ, ครี๊ เป๊อตี๊หรี่หนิ เหย่ซี เร๊อ อา ยูแกล๊ยูโกล เหย่ซี แซ่เน๊อ กู่กล๊อ ยูแกล๊ยูโกล หนิ เหน่กล่อ เนอ, เร๊อ แกแย เด๊อ อา หยื่อเอ่ ลู เต๊เห่เนอ อาแซ่เน๊อ เหน่กล่อ เออเนอ เฮ๊อ. โท๊โต่ อา หม่า อา เด๊อะเป่ เพร เด๊อ อา หยื่อเอ่แหน่เอ่เต เต๊เห่ อา ซิปล่อเซอเพร เตเพร เฮ๊อ. โทเรอ แซ่ฮู๊ อา เก่ ทวาแถ่ เตล๋อ ปลี อากู่กล๊อ อาเงเนอ, จอแปแหร่ เม ก๊อถ่อเซอเพร กาคยา เหร่อเล๊อ เฮ๊อ อา เฮ๊อ.

โคโลสี 1:15

เหย่ซู่ครี๊ เด๊อ เป แม๊เถอะแจ่ อา เออเตเพรเนอ, อา เด๊อะโล ตาตาเตเต ดื่อ เฮ๊อ เป เร๊อ จอแปแหร่ เด๊อะ เป แม๊เถอะแจ่ อา โต่ เออเตเพร เฮ๊อ. อา หม่า จอแปแหร่ อาพู๊คู แหว่เพร่ว เด๊อ อาโพร, อาฉว่าอาชอ อา ดุเล๊อทูเล๊อ เร๊อ เตแบ๊ทวาแถ่ ปว๋า เต๊อเจ่อ เตเพร เฮ๊อ.

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

เตเด๊อะโลแถ่ 1:5

ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.

ꤚꤥꤗꤢꤩ꤬ 8:29

เมเตเฮ๊เรอ, แกแย เด๊อ อา เตเร หยื่อเอ่ จอแปแหร่ เต๊เห่เนอ, อา ซิเง หนื่ออื่อ เร๊อดื่อเฮ๊อ. โท๊โต่ อา แด่แลหนื่ออื่อ โทดื่อเฮ๊อ อาซิปล่อ มู๋ หนู่เค เร๊อ อา เก่ นอทวาแถ่ แซ่เกอ เหย่ซี เร๊อ อาพู๊คู เออเนอ ปา. ฮู๊เนอเรอ อาพู๊คูเออ ทวาแถ่เฮ๊อ พู๊แหว่เพร่ว เตเพร เด๊อ อาโป่แหว่ โอ่โหร่โอ่เอ๊ เออเต๊เห่ อาเกล เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:9

จอแปแหร่ โมเร๊อ เป บ๋า เตเนอ อา เด๊อะโล เป่ เฮ๊อ เป เร๊อ อา นอแฮแล อาพู๊คู เด๊อ อา โอ่ ตื๊อ เตเพรเพร่ว เออเนอแพ๊ เด๊อ เห่ขุ เออเนอ เฮ๊อ. แซ่ฮู๊ เป เก่ พย๊าหนิ เกอ แฮเง ซิปล่อเซอเพร เด๊อ อาพู๊คู อาโอ่ เออเนอ เร๊อ, อา นอแฮ เป่ เฮ๊อ เป เฮ๊อ.

ꤛꤥ꤭ꤟꤢ꤬ 1:18

อู แม๊เถอะน๊อ จอแปแหร่ เตเพร่ว โต่ ตื๊อดื่อเร๊อ, อาพู๊คู โอ่ตื๋อ เตเพรเออ, อา หม่า จอแปแหร่ เฮ๊อเฮ๊อ เร๊อ อา โอ่เต่อเกอ เร๊อ อาเพ เออ เด๊อะโลแถ่เฮ๊อ เป่ เร๊อ จอแปแหร่ เฮ๊อ.

ꤟꤤꤙꤚꤢꤨ 10:5

ฮู๊เนอ อาขว่าอาคยา, เบ๊อะครี๊ แฮแล เด๊อ เห่ขุเออ เบ๊อะเนอ, อา เฮ๊ จอแปแหร่ เน๊อ, “อู หลู่แตแถ่ เป่ เน เตมีเตดอ ซีเต๊เห่ เร๊อ เตหลู่เตแต ซี เต๊เห่เนอ, เน ซิหยื่อ โต่. หม่าแน๊เรอ เน ตี๊หรี่แตแร หนื่ออื่อเฮ๊อ แว เหน่กล่อ เด๊อ แว เก่ เบ่ หลู่แถ่ อา อาเงเฮ๊อ.

ꤛꤥ꤭ꤟꤢ꤬ 3:16

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

ꤟꤤꤙꤚꤢꤨ 1:5

ลีเทส่อพ๊ากู ราโอ่ เน๊อ จอแปแหร่ เฮ๊ อาพู๊คู ฮู๊เออ, “เน หม่า แวพู๊คู, เออเตอเนอเรอ, แว ทวา เฮ๊อ เนเพ เฮ๊อ,” อา เฮ๊ ฮู๊เนอ. หม่าแน๊เรอ จอแปแหร่ เฮ๊น๊อเกอ ม๊อขุ เตเน่วพู๊ ฮู๊เนอ เตเพร่ว โต่. ลีเทส่อพ๊า ราโอ่ ปา เด๊อ อาโร ตามา เร๊อ อา เฮ๊ เน๊อ, “แว เก่ ทวา อาเพ ปา, เร๊อ อา เก่ ทวา แวพู๊ ปา,” โหง่ ฮู๊เออเนอ อา เฮ๊น๊อเกอ ม๊อขุ เตเน่วพู๊ เตเพร่ว โต่โต่.

มัทธิว 24:14

โทเรอ ม๊อขุ อาเทอ อาเก่ อา เตซิครือซิลอมีลา เออเนอ, อู เก่ แด๊โฉ่โด่แน หนิโฮ เป่ลอ แกแย โอ่ เด๊อ เห่ขุเออ ต๊าบ่า ลอ ปา, เทอเก่ ปว๊าเต๊เก่ อา หนิโฮน๊อ ลอโทเฮ๊อ เตข่าเฮ๊โล ปา ตื๊อหม่า เห่ขุเออ เก่ ตื๊อดื่อแก โหน่ แพ๊.”