ꤟꤤꤙꤚꤢꤨ 1:2 - ลีเทส่อพ๊าอาเซ เร๊อ เห่ขุทวาลู๊

² หม่าแน๊เรอ ม๊อเนอ เด๊อ คยา ตื๊อดื่อ เออเต๊เห่เนอ, อา เฮ๊เบ่ตา แฮเง เป เร๊อ อา พู๊เพรคู เฮ๊อ. จอแปแหร่ นอแบ๊ตา แฮเง อาพู๊คู เน๊อ เห่ขุ ม๊อขุ เน๊อ เตล๋อ ปลี. เด๊อ คยา ตื๊อดื่อ ปาเนอ, ล๋อ เตเออเต๊เห่ แซ่ฮู๊ อา เก่ ทวา ลอ ลูเต ปา เนอเรอ จอแปแหร่ นว๊าแถ่เฮ๊อ ลู เฮ๊อ.

Eastern Kayah Shadaw Dialect

² ꤗꤢ꤬ꤔꤢꤧꤚꤣꤧ꤬ ꤗ꤫ꤢꤪ꤬ꤔꤣꤧ꤭ ꤘꤣ ꤋꤛꤢ꤭ ꤒꤣꤧ꤬ꤘꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤩꤙꤢꤩ꤬ꤒꤢ꤭ ꤘꤤ꤭ꤒ꤫ꤢꤦ꤬ ꤕ꤫ꤢꤩ꤬ ꤔꤢꤧ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤙꤢꤧꤒꤢ꤭ ꤘꤤ꤭ꤒ꤫ꤢꤦ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤔꤢꤧ ꤟꤢꤩ꤬ꤋꤢꤨ꤬ ꤗꤢꤪꤋꤢꤨ꤬ ꤔꤢꤧ ꤒꤢꤩ꤬ꤜꤢꤪ꤭꤮ ꤕꤜꤤ꤭꤯ ꤘꤣ ꤋꤛꤢ꤭ ꤒꤣꤧ꤬ꤘꤢꤦ꤬ ꤕꤢ꤭ꤔꤣꤧ꤬, ꤜꤢꤪ꤭ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤝꤢ꤭ ꤜꤢꤪ꤭ ꤜꤢꤨ꤭ꤒꤢꤩ꤬ ꤕꤢ꤭ ꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ꤟꤣꤧ ꤜꤢꤨ꤭ ꤟꤣꤧ꤯

ꤟꤤꤙꤚꤢꤨ 1:2 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 8:6

หม่าแน๊เรอ เป ซิเง เร๊อ จอแปแหร่ หม่า อา โอ่แพ๊ เตเพรเพร่ว แพ๊. อา หม่า เปเพ, อา หม่า อา แบ๊แล เตปว๋า เต๊อเจ่อ เร๊อ เป โอ่เซอเพร เป่ เด๊อ ลูเง. แบ่เจ่ หม่า อา โอ่แพ๊ เตเพรเพร่ว แพ๊, อา หม่า เหย่ซู่ครี๊ เฮ๊อ จอแปแหร่ นอแบ๊ตา แฮเง เตปว๋า เต๊อเจ่อ เร๊อ เหย่ซู่ครี๊. เพร เด๊อ อา เด๊อะ เป ซิปล่อเซอเพร หม่า หม่า อา เฮ๊อ.

ꤛꤥ꤭ꤟꤢ꤬ 1:3

จอแปแหร่ นอแบ๊แลโดโต่ แฮเง ลู ปว๊าเต๊อเจ่อ. เต เด๊อ อา แบ๊แล โต่ เนอ อา โอ่ เตอเจ๋อ โต่.

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

เปโตร อาเหร่อเล๊อ ต๊าบ่า 1:20

เบ๊อะจอแปแหร่ แบ๊ทวาแล แต่ล๋าย เห่ขุ โต่ เบ๊อะเนอ, อา นว๊าแถ่ หนื่ออื่อโทเฮ๊อ ครี๊ เออเฮ๊อ. หม่าแน๊เรอ ม๊อเนอม๊อเซ เด๊อ คยา ตื๊อดื่อ อา หม่าเฮ๊อ กู๊แหน่เค เออเต๊เห่เนอ, จอแปแหร่ เด๊อะโล เป่เฮ๊อ ซี เร๊อ ครี๊ เฮ๊อ.

มัทธิว 28:18

เร๊อ แบ่เจ่ เหย่ซู่ แฮ เด๊อ เหย่ซี โอ่ เร๊อ อา เฮ๊ เหย่ซี เน๊อ, “เตอเรอฉว่าชอ เด๊อ ม๊อขุ เบ่เบ่, เด๊อ เห่ขุเออเนอ เบ่เบ่, อู เด๊อะ ลอเฮ๊อ เน๊อ แว เฮ๊อ.

ꤛꤥ꤭ꤟꤢ꤬ 13:3

แบ่เจ่ เหย่ซู่ ซิเงดื่อเฮ๊อ เร๊อ อาเพ เด๊อะตา โทลอเฮ๊อ ลู เตโพรเตเตอเรอ ฉว่าชอ เด๊อ เตล๋อ ปลี อาขุ เฮ๊อ. อา ซิเง เร๊อ อา โอ่ เด๊อ จอแปแหร่ โอ่แฮ เร๊อ อา เก่ กาคยา คยาแซ๊ เด๊อ จอแปแหร่ อา โอ่ ปา.

มัทธิว 17:5

เบ๊อะอา เฮ๊เบ่ ปาแพ๊ เบ๊อะเนอ, อ๊อโหล่ อู ตาบา อู ตาบี๊แก เหย่ซี เร๊อ โหง่พราเถ่ ตือมือ เด๊อ อ๊อโหล่ อากู เน๊อ, “เออ หม่า แวพู๊ เด๊อ แว โมหนิเกอเร๊อ อา เร๊อ แว ซิปล่อโอ่ เกอเร๊อ อา เตเพร, หนิดา แลแค อาโหง่ นี๋.”

ꤟꤤꤙꤚꤢꤨ 11:3

เด๊อ เตหยื่อ อาขว่าอาคยา เป ซิเง เร๊อ จอแปแหร่ แบ๊ตา ม๊อเล อาครืออาขรว่า เน๊อ อาโหง่ แพ๊. ฮู๊เนอเรอ เต เด๊อ เป แม๊เถอะแจ่ กู๊แหน่เค เออเต๊เห่ เนอหม่า อา โอ่ เด๊อ เตเด๊อ เป แม๊เถอะ แจ่โต่ เต๊เห่ อา โอ่ แฮ แพ๊.

ꤚꤥꤗꤢꤩ꤬ 8:17

กู๊แหน่เออ เป เก่ ทวา หม่าเฮ๊อ อาพู๊อาเลอ เร๊อ อา เก่ เด๊อะ เป อา เตบุ๊ยเตเตอเรอ อู่เจเต๊เหย่ เด๊อ อา แด่ โอ่ดว๊า เป่ เป เนอเต๊เห่ ปา. อา เก่ เด๊อะเตเด๊อะบุ๊ยเด๊อะเตอเรอ เด๊อ อาพู๊อาเลอ เต๊เห่ โต พย๊าหนิ เนอเต๊เห่ ปา. โท๊โต่ อู่เจเต๊เหย่ เด๊อ อาหม่าอากลอ ตูจูเพร เออ เป เก่ พย๊าหนิ ผร่วาเกอ เร๊อ ครี๊ ปา. เก่ เป ข่าจาข่าจือ โหร่เต่อเกอ เร๊อ ครี๊ เฮ๊เรอ, เป เก่ พย๊าหนิ โหร่โต่เกอ เตเตอเรอดุทู เร๊อ อา ปา.

ꤛꤥ꤭ꤟꤢ꤬ 3:16

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

มัทธิว 26:63

หม่าแน๊เรอ อา แด๊ต๊ากลว่า แพ๊. เพรหลู่แต กู่กล๊อดุเล๊อ เนอเตเพร เฮ๊ เน๊อ, “แว แบ แวโหง่ เร๊อ จอแปแหร่ เด๊อ อา เซอเพร เออเตเพร เร๊อ แว เก่ แด๊เฮอ เน, เน หม่า เมสิยาห์ หม่าเฮ๊อ จอแปแหร่ อาพู๊ เนอเตเพร หม่าแหน่ ฮ๊อแอเนอ, เฮ๊เป่แม๊เป.”

มัทธิว 21:38

“หม่าแน๊เรอ เบ๊อะเพรเมเอ่ โก๊ เอ่เพร๊ เออเต๊เห่ แม๊เถอะ ลู เบ๊อะเนอ, เหย่ซี เฮ๊ เกอเร๊อลู เน๊อ, ‘อา หม่า เพร เด๊อ อา พย๊าหนิ อู่เจเต๊เหย่ เนอเตเพร เฮ๊อ, จว่า! จว๊าเมเซอแก ลู โป๋, เร๊อ เป เก่ พย๊า แกเผ่ อา อูเจเต๊เหย่ ปา,’ อา เฮ๊ แลแค ฮู๊เนอ.

ꤟꤤꤙꤚꤢꤨ 5:8

เหย่ซู่ ทวา เจ๊อ จอแปแหร่ อาพู๊คู เตเพร เจ๊อ หม่าแน๊เรอ เบ๊อะอา ข่าเบ่ เตจาเตจือ เบ๊อะเนอ, อา แม๊ปู พย๊าหนิ แฮเงปา เตหนิดา โหง่ เด๊อ จอแปแหร่ อา โอ่.

เอเฟซัส 1:10

ช๋า ตาโตตาเบ่ เฮ๊อ ปาเนอ, จอแปแหร่ เก่ เมเล๊อเมบาแถ่ อา เตตี๊หรี่แตแร หนื่ออื่อ เออเต๊เห่ ปา. ล๋อ เตเด๊อ อา โอ่ เด๊อ ม๊อขุ เนอเต๊เห่ เบ่เบ่, ล๋อ อา โอ่ เด๊อ เห่ขุ เออเต๊เห่ เนอเบ่เบ่, อา เก่ เมปล๊อเมจือ เต่อลอ ลู เด๊อ อา กู่กล๊อดุเล๊ออู ครี๊ เออเตเพร อาเล ปา.

ꤟꤤꤙꤚꤢꤨ 7:3

เมลคีเซเดค อาเพ เบ่เบ่, อาโหมะ เบ่เบ่, อาเพอโพ กลุยแล เต๊เห่ เบ่เบ่, อู ราม๊าราแด โอ่แก เกอ อา เตอเจ๋อ โต่. อา เตโอ่เป๊เจ่แล เน๊อ อาเตเซอ อาหรี่อาแก เต๊เห่เนอ เบ่เบ่, อู ราม๊าราแด โอ่แก เกอ ลู โต่โต่. อา หม่า อาแซ่เน๊อ จอแปแหร่ อาพู๊คู เตเพร. อา ทวา เพรหลู่แตเต ตูจูเพร.

ꤟꤤꤙꤚꤢꤨ 2:3

ฮู๊เนอเรอ, กู๊แหน่เออ เป เก่ แด่หยื่อ เกออู เตเมแลเปล๊กา อาดุอาแย เออ โต่ เฮ๊เรอ จอแปแหร่ เก่ เมจากาคยา หม่าแหน่ เจ๊อ เป ปา. จอแปแหร่ อา เตเมแลเปล๊กา อาแกล๊อาโกล เออเนอ, แบ่เจ่ อาเหน่กล่อ เร๊อดื่อ แด๊โฉ่โด่แน โล เหร่อเล๊อ เป่ อู เฮ๊อ. เร๊อ แกแย เด๊อ อา หนิโฮ ลู เฮ๊เออ เต๊เห่เนอ อา เฮ๊โฉ่โปล เป่ แฮเง เป่ เน๊อ เตเมแลเปล๊กา เตหรี่เตแก เออเต๊เห่ เนอหม่า อา หม่าแหน่ เจ๊อ ฮู๊เนอ.

ꤟꤤꤙꤚꤢꤨ 1:5

ลีเทส่อพ๊ากู ราโอ่ เน๊อ จอแปแหร่ เฮ๊ อาพู๊คู ฮู๊เออ, “เน หม่า แวพู๊คู, เออเตอเนอเรอ, แว ทวา เฮ๊อ เนเพ เฮ๊อ,” อา เฮ๊ ฮู๊เนอ. หม่าแน๊เรอ จอแปแหร่ เฮ๊น๊อเกอ ม๊อขุ เตเน่วพู๊ ฮู๊เนอ เตเพร่ว โต่. ลีเทส่อพ๊า ราโอ่ ปา เด๊อ อาโร ตามา เร๊อ อา เฮ๊ เน๊อ, “แว เก่ ทวา อาเพ ปา, เร๊อ อา เก่ ทวา แวพู๊ ปา,” โหง่ ฮู๊เออเนอ อา เฮ๊น๊อเกอ ม๊อขุ เตเน่วพู๊ เตเพร่ว โต่โต่.

เอเฟซัส 3:9

จอแปแหร่ เก่ เมเล๊อบาแฮ อา เตตี๊หรี่แตแร หนื่ออื่อ เต อาจ่ออาแย เออเต๊อเจ่อ ฮู๊เต ปาเนอ, อา เด๊อะตาเฮ๊อ แว เตเม เด๊อ แว เบ่ จว๊า เฮ๊โฉ่โปล เป่ อู เตเออเนอ เฮ๊อ. หนะ เด๊อ อา ตาลว๊า โทเต๊เห่ เนอ, จอแปแหร่ เด๊อ อา แบ๊แล เต ล๋อ ปลี เออเตเพรเนอ, อา เด๊อะโล เป่ อู อาเตเออ ล๋ายโต่.

ꤊꤢ꤬ꤜꤢ꤬ꤒꤤ 4:4

หม่าแน๊เรอ เบ๊อะม๊อเนอโต ม๊อเนอเบ่ แฮโต่เฮ๊อ เบ๊อะเนอ, จอแปแหร่ นอแฮแล อาพู๊คู เร๊อ อา แฮ โอ่เป๊เจ่แล เด๊อ เพรเหมาะ เตเพร อา โอ่, เร๊อ อา แฮ โอ่ เป๊เจ่แล เด๊อ แกแยยิวพู๊ อา เตซว๊าเตแส่ อาเล.

เพรโด่แนพู๊ เต๊เห่ 10:36

ซี ซิเง โทดื่อ เฮ๊อ เตหรี่เตแก เด๊อ จอแปแหร่ นอจว๊า เป่ เหย่ซู่ เด๊อ อิสราเอล อากลุยอาแล เต๊เห่ อาเง เร๊อ อา จว๊า แด๊โฉ่โล เป่ เหย่ซี เร๊อ เตซิครือซิลอมีลา อาหรี่อาแก เออเนอ เฮ๊อ. เด๊อ เหย่ซู่ครี๊ เด๊อ อา ทวา อู ปว๋า เตเพร อา แบ่เจ่ เออเตเพร อาขว่าอาคยาเร๊อ, เป พย๊าหนิเฮ๊อ เตเปเตดวา เฮ๊อ.

ꤛꤥ꤭ꤟꤢ꤬ 15:15

แว เอ๊ ปา ซี เร๊อ หลู่ โต่ เฮ๊อ, เมเตเฮ๊เรอ หลู่ เฮ๊เนอหม่า อา ซิเง เกอเร๊อ เกอ อาแบ่เจ่ อาเตเม อาหรี่อาแก คยา โต่. แว เก่ เอ๊โค๊ เฮ๊อ ซี เน๊อ ซี หม่า แว โคแบ๊ซว๊า เต๊เห่ เฮ๊อ, เมเตเฮ๊เรอ ล๋อ แว หนิโฮ เต เด๊อ แวเพ อา โอ่ เต๊เห่เนอ, แว แด๊โฉ่โล เป่ลอเฮ๊อ ซี เฮ๊อ.

ꤛꤢꤨꤘꤢ꤬ 1:18

เหย่ซี เฮ๊ เป่ ซี เน๊อ, “ช๋า ม๊อเนอม๊อเซ เด๊อ คยา ตื๊อดื่อ ปา เต๊เห่เนอ, แกแย เด๊อ อา เก่ เป๊อเจ่ออิแช๊ งยาโคร ซี เต๊เห่ เก่ โอ่แถ่ ปา. เหย่ซี เนอเต๊เห่ หม่า อา ครวาเม โชชื่อ แพ๊ ฮู๊ อา เตซิหยื่อ มู๊แหม่ เด๊อ อา โตเกอ เร๊อ จอแปแหร่ อาซิปล่อ โต่ เนอเต๊เห่ แพ๊.”

ꤚꤥꤗꤢꤩ꤬ 1:4

เด๊อ แหย่โยบูโพ๊ แบ่เจ่ อาขว่าอาคยา, เร๊อ เบ๊อะจอแปแหร่ เมเซอเพร กาคยา เป แบ่เจ่ เหย่ซู่ครี๊ เด๊อ เตเซอ เร๊อ อา เตโพรเตเตอเรอ เบ๊อะเนอ, อา เด๊อะโล เฮ๊อ ลู เร๊อ อา หม่า จอแปแหร่ อาพู๊คู เตเพร หม่าแหน่ เฮ๊อ.

เพรโด่แนพู๊ เต๊เห่ 2:17

‘จอแปแหร่ เฮ๊ เน๊อ, เออ หม่า เต เด๊อ แว เก่ นอทวาแถ่ อา เบ๊อะม๊อเนอ เด๊อ คยาตื๊อดื่อเล๊อ ปา เต๊เห่เนอ เฮ๊อ. แว เก่ กลอตา แว แหย่โยบูโพ๊แบ่เจ่ เด๊อ แกแย เห่ขุพู๊ ล๋อ ปลี เต๊เห่ อาลู ปา. ซี พู๊เหมาะพู๊คู เต๊เห่ เก่ แด๊โฉ่โล หนื่ออื่อ แว เตหรี่เตแก เต๊เห่ ปา, ซี เพรคูพู๊เส่ เต๊เห่ เก่ แม๊เถอะลว๊า หนื่ออื่อ ปา, เร๊อ ซี โหมะเผระ เต๊เห่ เก่ โอ่เมอแหม่ลว๊า เต เต๊เห่ ปา.

ꤛꤥ꤭ꤟꤢ꤬ 17:2

เมเตเฮ๊เรอ แซ่ฮู๊ ล๋อ แกแย เด๊อ เน เด๊อะ แว เต๊เห่ เก่ พย๊าหนิ ซิปล่อเซอเพร ตูจูเพร อาเงเนอ, เน เด๊อะ โทลอเฮ๊อ แว เตเตอเรอฉว่าชอ เด๊อ แว เก่ เป๊อ ลอ แกแย เออเต๊เห่ เฮ๊อ.

ꤛꤥ꤭ꤟꤢ꤬ 16:15

ล๋อ เต เด๊อ อา โอ่ เร๊อ เพ เต๊เห่ เนอหม่า แวเต ล๋อ ปลี เฮ๊อ. ตื๊อเรอ แว เฮ๊ เป่ ซี เน๊อ แหย่โยบูโพ๊แบ่เจ่ เก่ แฮ แด๊โฉ่โล เป่ ซี ล๋อ อา หนิโฮ เต เด๊อ แวโอ่ เนอเต๊เห่ ปา, ฮู๊เนอ เฮ๊อเนอ.”

ꤗꤢ꤬ꤊꤢꤨ 12:6

“แท๊ทือเผ่แหน่แบ่เจ่ เหล่นอแฮโป่ อู เนอ อา โอ่แก ปาแพ๊ตื๊อ อาพู๊คู เด๊อ อา โม เกอเร๊อ เออเตเพร แพ๊. เด๊ออาโน่เตเพรเฮ๊อ เร๊อ อา อาเตเน เน๊อ, ‘แว เก่ นอแฮ แว พู๊เพรคู หม่า อา เบ่หยื่อเบ่แหน่ เล๊อปา เกอเหล่,’ อา เตเน เร๊อ อา นอแฮ ลู เด๊อ เพรเมเอ่โก๊แท๊ทือเผ่ เออเต๊เห่ อา โอ่.

ꤗꤢ꤬ꤊꤢꤨ 1:1

เออ หม่า เตซิครือมีลา อา แกช๊า เด๊อ อา แด๊โฉ่โล จอแปแหร่ อาพู๊คู เหย่ซู่ครี๊ อาหรี่อาแก.

เปโตร เนอบ่า ต๊าบ่า 3:3

อาเหร่อเล๊อหม่า, ซี โตเบ่ ซิเงโปล เร๊อ ช๊าม๊อเนอ ตื๊อดื่อ ปาหม่า แกแย เต๊เห่เห่ เก่ โอ่โลแถ่ ปา เร๊อ อา เก่ เป๊อเจ่ออิแช๊ งยาโคร ลอ ปา. เหย่ซี เนอเต๊เห่ หม่า อา เก่ ครวา เมโชชื่อแพ๊ อา เตซิหยื่อ มู๊แหม่รีแจ่ เต๊เห่ ปา.

ꤟꤤꤙꤚꤢꤨ 1:8

หม่าแน๊เรอ, เบ๊อะอา เฮ๊ลาติ อาพู๊คู อาหรี่อาแก เบ๊อะเนอ, “เก๋อ จอแปแหร่ เนเทอเนเก่ เนอ, อา เก่ โอ่งยาดื่อ ตูจูเพร แตแลเคร๊ ป๋า. เน เก่ เป๊อตี๊หรี่ เร๊อดื่อ เน แกแย เต๊เห่ เร๊อ เตจ๊อเตเต ป๋า.

เห่ขุทวาลู่ 49:1

เพยาโคบ เอ๊แฮ เร๊อ อาพู๊เต๊เห่ เร๊อ อา เฮ๊ เน๊อ, “แฮโอ่ ตาวา แลแค เน๊อ แว เบ๊อะเออ, ช๋า อาโหน่ปา เต เกเร ทวาแถ่ เน๊อ ซี ฮู๊เต ปา เนอ แว เฮ๊โฉ่ เป่ ซี,

ꤟꤤꤙꤚꤢꤨ 9:26

เก่ ครี๊ โหล่โน โตโมโม เกอ ฮู๊เนอ เก่เฮ๊เรอ, อา โตเบ่ ข่าเซอ โตโมโม เกอ อาซิปล่อ เด๊อ เห่ขุ ทวาแถ่ลู่ เบ๊อะเนอ ปา เจ๊อ กอกอ. อา โหล่ ข่าเซอ ฮู๊เนอโต่. กู๊แหน่เออ เบ๊อะเห่ขุ เตเร พื๋อ ตื๊อดื่อเฮ๊อ เบ๊อะเนอ, อา แฮ ข่าเซอ แพ๊ โตโพ๊ เร๊อ อา โทปลื๊อ ลาเฮ๊อ. เด๊อ อา หลู่แตแถ่ อาเหน่กล่อ เร๊อ อาเหน่เออ อาขว่าอาคยา, อา พย๊าจว๊า ตาพาแก ลอ แกแย เต๊เห่ อาเตซื๊อ เต๊เห่ เฮ๊อ.

ꤛꤥ꤭ꤟꤢ꤬ 3:25

เบ๊อะเนอโตโพ๊ คูยอห์น อา โคเจ่ เต๊เห่ เร๊อ แกแยยิวพู๊ เตเพร เคร๊แขะ แคลู เร๊อ เหล่โกลเหล่แบ่ โอ่เร๊อ เตเมโพ๊เมแปละ ฮู๊เต เนอ อาหรี่อาแก.

มัทธิว 3:17

โทเรอ โหง่พราเถ่ ตือมือ เด๊อ ม๊อขุเนอ เร๊อ อา เฮ๊ เน๊อ, “เออเตเพร หม่า แวพู๊คู เด๊อ แว โมหนิเกอเร๊อ อา โท๊โต่ แวพู๊ เด๊อ แว แม๊ดุ เกอเร๊อ อา เตเพร.”

มัทธิว 13:39

เพรซิค๊าซิเถ่ เด๊อ อา แฮ เว๊อตา โร๊ยกลุย เนอเต๊เห่ อาโหง่แลช๊า หม่า โลเน๊มู๊แหม่รีแจ่ เฮ๊อ. เก๊โบ๊ กู่ลาเค อาโหง่แลช๊า หม่า ช๋า ม๊อเนอ ตื๊อดื่อปา เนอ เฮ๊อ. เพรเก๊ โบ๊กู่ลา หม่า เตเน่ว เนอเต๊เห่ เฮ๊อ.

ꤗꤢ꤬ꤊꤢꤨ 12:7

“หม่าแน๊เรอ เพรเมเอ่โก๊ เออเนอเต๊เห่ อา เฮ๊เบ่ เร๊อ ลู เตเพร เร๊อ เตเพร เร๊อ อา เฮ๊ แลแค เน๊อ, ‘แกแย เออเตเพร หม่า แท๊ทือเผ่แหน่แบ่เจ่ อาพู๊คู เด๊อ อา เตเร พย๊าหนิ อู่เจเต๊เหย่ เนอเตเพร เฮ๊อ. จว๊า! จว๊าเมเซอแก ลู โป๋! อา อู่เจเต๊เหย่ เต๊เห่เนอ อา เก่ ทวาลอ เปเต ปา.’

ꤛꤥ꤭ꤟꤢ꤬ 1:10

อา แฮ โอ่เซอเพร โทเฮ๊อ เด๊อ เห่ขุเออ เฮ๊อ. เร๊อ อา แบ๊แล เร๊อดื่อ เจ๊อ เห่ขุเออ ตื๊อดื่อเร๊อ อา หม่า แกแย ฮู๊เต เตเพรเนอ เห่ขุพู๊ ซิเงโปล ลู โต่.

ꤛꤥ꤭ꤟꤢ꤬ 5:26

ฮู๊ แวเพ โอ่ดื่อ เร๊อ อา เตอเรอฉว่าชอ เด๊อ อา เด๊อะ แจ่ อู ซิปล่อเซอเพร เน๊อ, เพเออ อา เด๊อะ เกอเฮ๊อ อาพู๊คูเออ อา เตอเรอฉว่าชอ เด๊อ อา เด๊อะ อู ซิปล่อเซอเพร เฮ๊อ.

ꤛꤥ꤭ꤟꤢ꤬ 5:27

เร๊อ อา หม่า แกแยเห่ขุ พู๊คู อาขว่าอาคยา, จอแปแหร่ เด๊อะตาเกอ เฮ๊อ อา เตอเรอฉว่าชอ เด๊อ อา เก่ เมจากาคยา เกออู เฮ๊อ.

ꤛꤥ꤭ꤟꤢ꤬ 9:29

“จอแปแหร่ เฮ๊เบ่ เน๊อ คูโมเสส มู๋ หนู่เค เนอหม่า เป ซิเง. หม่าแน๊เรอ แกแย เออเตเพร, อา โอ่โต เบ๊อะเตแฮ เนอ เป ซิเงน๊อ เจ๊อ ตีกี๋ โต่.”

โครินธ์ อาเหร่อเล๊อ ต๊าบ่า 2:7

แว แด๊โฉ่โด่แน เป่ อู เร๊อ จอแปแหร่ อา เตลีแมลีเพ๊ เด๊อ อาจ่ออาแย เต๊เห่. เด๊อหนู่เด๊อะส่า เคเนอ, จอแปแหร่ เด๊อะโล เป่ แต่ล๋าย อู เน๊อ เตลีแมลีเพ๊ เออเต๊เห่ ล๋ายโต่. เด๋อ จอแปแหร่ แบ๊แล แต่ล๋ายเห่ขุ โต่ อาเค ปาเนอ, อา เตเนหนื่ออื่อ เป่ โทเฮ๊อ เด๊อ อา เก่ เม เป่ เป เตอเรอดุเตอเรอทู เออเต๊เห่ เฮ๊อ.

ꤟꤤꤙꤚꤢꤨ 3:6

หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.

ꤟꤤꤙꤚꤢꤨ 4:14

ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.

ꤟꤤꤙꤚꤢꤨ 7:28

เพรหลู่แตเต เต๊เห่เนอ, อา เตซื๊อเตปล๊า โอ่ แพ๊ แลแค หม่าแน๊เรอ เตซว๊าเตแส่ ย๋อ โอ่ อาขว่าอาคยา, อู เบ่ แด่แถ่ เหย่ซี แพ๊. หม่าแน๊เรอ เบ๊อะจอแปแหร่ เด๊อะตาโท เฮ๊อ เตซว๊าเตแส่ เออ เด๊อคยา อางยาลาเฮ๊อ เนอ, อา อ๊อแล ข่อคยาโป่ ตือมือ เร๊อ อา แบโน เต่อหนิ อาโหง่ เบ๊อะเนอ. อา แบตา เฮ๊อ อาโหง่ เน๊อ อา แด่แถ่ เฮ๊อ อา พู๊เพรคู เด๊อ อาเตซื๊อ โอ่โต่, อา เล๊อบา เออเตเพร เน๊อ อา เก่ ทวาแถ่ เพรหลู่แต กู่กล๊อดุเล๊อ ตูจูเพร เฮ๊อ.

ꤛꤥ꤭ꤟꤢ꤬ 13:32

จอแปแหร่ เก่ พย๊าหนิ โดโต่ อา เตเตอเรอดุ เตอเรอทู เด๊อ อา โอ่ เก่เฮ๊เรอ จอแปแหร่ เก่ อาลีอาเตเค อาพู๊คูเออ เร๊อ อาเหน่ เร๊อดื่อ ปา. อา เก่ อาลีอาเตเค เจ๊อ ลู กู๊แหน่เจ๊อ.