ꤟꤤꤙꤚꤢꤨ 1:14 - ลีเทส่อพ๊าอาเซ เร๊อ เห่ขุทวาลู๊14 เก่เฮ๊ฮู๊เนอเรอ, ม๊อขุ เตเน่วพู๊ เต๊เห่ หม่า อูเป? เหย่ซี หม่า ซิปล่อเซอเพร เด๊อ อา เม เป่ จอแปแหร่ อาเตเม เต๊เห่. จอแปแหร่ นอเมจว่า เป่ เหย่ซี เร๊อ แกแย เด๊อ อา เก่ พย๊าหนิ เตเมแลเปล๊กา ปา เต๊เห่ อาเง แพ๊. အခန်းကိုကြည့်ပါ။Eastern Kayah Shadaw Dialect14 ꤊꤢꤩ꤬ꤟꤢꤩꤟꤢꤨꤔꤣꤧ꤬ꤚꤣꤧ꤬, ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤗꤢ꤬ ꤢꤨ꤭ꤕꤢꤩ꤭? ꤛꤢꤩ꤬ꤞꤤ꤭ ꤗꤢ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬꤯ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤖꤢꤧ꤯ အခန်းကိုကြည့်ပါ။ |
ꤟꤤꤙꤚꤢꤨ 1:14
65 ပူးပေါင်းရင်းမြစ်များ
แบ่เจ่ อา เตเน่วม๊อขุพู๊ เตเพร จว๊า ก๊อถ่อ โอ่โลคย๊า เบ๊อะเนอ เร๊อ อา ลีเตเคแถ่ ลอ เบ๊อะคูเปโตร โอ่ เด๊อะ ทอกูเนอ. เตเน่วม๊อขุพู๊ แปล่ คูเปโตร รอเกล เร๊อ อา ถู่แรก๊อถ่อ ลู เร๊อ อา เฮ๊ ลู เน๊อ, “ก๊อถ่อแพรมอ” โตโพ๊เรอ สู่เปลอต่อเท๊ อาโอ่ เด๊อ คูเปโตร อากู๊ขุ เนอโค๊ลอ อากู เออเนอ อา แลปลื๊อตา ลอ หนิ เร๊อดื่อ อาเหน่.
อา เตเน ฮู๊เนอ ตื๊อดื่อเรอ, เบ๊อะอา โอ่เมอ เบ๊อะเนอ, อา โอ่เมอแหม่ แม๊เถอะ แบ่เจ่ จอแปแหร่ อา เตเน่วม๊อขุ เตเพร กาปย๊า เด๊อะโอ่โล เป่ ลู เร๊อ อา เฮ๊ ลู เน๊อ, “เพดาวิด อาพู๊คู คูโยเซฟ, เบ่ยอเบ่สี่ แต่ เด๊อ เน เก่ พย๊า เหมาะมารีย์ เออเนอ แต่เหม่ นี๋, หม่าเมเตเฮ๊เรอ, อา โหมะดอ เนอหม่า จอแปแหร่ อา แหย่โยบู๊โพ๊ แบ่เจ่ เด๊อะโหมะดอแถ่ ลู แพ๊.
เบ๊อะเพรลีแมลีเพ๊ เออเต๊เห่ กาโทเฮ๊อ เนอ, จอแปแหร่ อาม๊อขุ เตเน่วพู๊ เตเพร แฮโอ่โลเถ่ เป่ เพโยเซฟ เด๊อ อา เตโอ่เมอแหม่ อากู เร๊อ อา เฮ๊ ลู เน๊อ, “ก๊อถ่อมอ! เร๊อ เอ๊หนิ เป๊เจ่พู๊ เร๊อ อาโหมะเนอ เร๊อ เถ่แกล่จว๊าแก มอ เด๊อ อียิปต์เก่ เนอ. แว เก่ แด๊โฉ่ แต่ล๋าย เน เตอเจ๋อ โต่ เก่เฮ๊เรอ ตูรู๊ โอ่ตื๊อดื่อ แลแค เบ๊อะเนอ นี๋, เมเตเฮ๊เรอ คุ๊ยเฮโรด เตเร นอ อาเกลอฮู๊ เต๊เห่ แม๊ปูเมเซอ เป๊เจ่พู๊ เออเตเพร.”
เบ๊อะเนออาเค แว แม๊เถอะ ซิหมิพู๊ โตโด ก๊อถ่อ โอ่เด๊อ จ๊อแผ่ กู่แกล๊เท แถ่โล กล๊าเมกู เนอโต๊โผะ. เตเซอเพร ลุยโด เออเนอ เร๊อ โหมะพรูโหมะเผร่ เออเต๊เห่ โอ่ตาวา หนิลอ ลู. ซิหมิพู๊ เด๊อ อา โอ่โลแถ่ เออเนอโตโดเนอ อา แซ๊ เร๊อ อู เมเซอน๊อ โทเฮ๊อ ลู เนอ. อานอ โอ่ โซซว๊าแตแพ, โทเรอ อา เป๊เส่ปล่อ โอ่ โซซว๊าต๊อปล่อ, เออ หม่า อา หม่าเฮ๊อ จอแปแหร่ อา ซิปล่อเซอเพร โซซว๊าเตเม เด๊อ ซูจว๊า เฮ๊อ เหย่ซี เด๊อ เหล่โอ่ ปว๋า โต๊โผ่ เด๊อ เห่ขุ เออเนอเฮ๊อ.
เร๊อ จอแปแหร่ เด๊อะโล เป่ เพรโพร เออเต๊เห่ เร๊อ เหย่ซี เมเต เออเต๊เห่ เนอหม่า เหย่ซีเง เร๊อดื่อ หม่าโต่. เฮ๊ตาเต้าเจ๊อหม่า ซีเง แพ๊. กู๊แหน่เออ เต เออเต๊เห่เนอ อา เฮ๊ เป่ ซี เร๊อ ซี หนิโฮ เฮ๊อ. เด๊อ จอแปแหร่ นอแฮ แหย่โยบูโพ๊ แบ่เจ่ อา เตโพรเตเตอเรอ เด๊อ อา โอ่ เด๊อ ม๊อขุ แฮเร๊อ, อา แฮ แรเตเออ อาขว่าอาคยา, เหย่ซี แฮ แด๊โฉ่ เป่ ซี เร๊อ เตซิครือมีลา เออ เฮ๊อ. ม๊อขุเตเน่วพู๊ เต๊เห่ เจ๊อ เน๋อ อา ซิหยื่อ แม๊ปูซิเง ตาเตเกอ แหน่เจ๊อ เตหรี่เตแก เออเต๊เห่ เจ๊อ.
แว โตเบ่ นอกาคยา เป่ ซี คูเอปาโฟรดิทัส เด๊อ ซี โอ่ แว เตเน ฮู๊เนอ. อา หม่า แว โป่แหว่ เตเพร, อา หม่า แกแย เด๊อ อา เมเต่อ โทเฮ๊อ เต เร๊อ แว เร๊อ อา ช๊า โหร่เต่อเกอ โทเฮ๊อ เต เร๊อ แว เฮ๊อ. อา หม่า แกแย เด๊อ อา ซู เป่ ซี ลี เนอเตเพร เฮ๊อ เร๊อ แซ่ฮู๊ อา เก่ เมจว่า เป่ แว เตโหล่ เต๊เห่เนอ เร๊อ ซี นอแฮ ลู เด๊อ แว โอ่ เนอเตเพร เฮ๊อ.
เหย่ซี ซิปล่อฉว่า เมลู แหน่เจ๊อ. เก่ เฮ๊หม่าแหน่ เนอ, เหย่ซี โหล่เมจว่า แหน่ แกแยยิวพู๊ เด๊อ อา หยื่อเอ่ กาเกอ เออเนอเต๊เห่ เฮ๊อ. อาแซ่เน๊อ เหย่ซี ฉู่ โอ่เอ๊ เฮ๊อ แกแยยิวพู๊ เออเต๊เห่ เฮ๊อ. เมเตเฮ๊เรอ แกแยยิวพู๊ เออเต๊เห่เนอ อา เด๊อะเอ่ แฮเง เป่เกอโต่ดื่อ เฮ๊อ แกแยยิวพู๊ หม่าโต่ เต๊เห่ เตบุ๊ยเตเตอเรอ เด๊อ แหย่โย ตากยา เต๊เห่ เฮ๊อ ฮู๊เนอเรอ แกแยยิวพู๊ หม่าโต่ เต๊เห่ ฉู่โอ่ แกแยยิวพู๊ เต๊เห่ เน๊อ อา เก่ เบ่ เบเอ่ กาคยา เป่ คยาแซ๊ เหย่ซี เร๊อ เตบุ๊ยเตเตอเรอ หม่าเฮ๊อ รือเท เร๊อ ตาหมื่อตาเต เออเต๊เห่ เฮ๊อ.
จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.
ฮู๊เนอเร๊อ ซี เด๊อ อา ทวา เว เต๊เห่เนอ, เบ๊อะซี เบ่ โอ่เต่อ เร๊อ ซีเม เบ๊อะเนอ, ซิเง จว่า เป่ เกอดื่อ เร๊อ เหย่ซี หม่า อา อ๊าเจ่เหร่เจ่ เล๊อะดื่อเง เร๊อ ซี ฮู๊เนอ นี๋. ซิเง แด่ซิแหน่ซิเเร ฉื่อเกอ ซีเม นี๋. เมเตเฮ๊เรอ จอแปแหร่ เด๊อะครา ซิปล่อเซอเพร เชหยู่ เออเนอ, เหย่ซี พย๊าหนิ แซ่เกอดื่อ เร๊อ ซีซี แพ๊. เบ๊อะซี กุยจ๊อเบ เบ๊อะเนอ, แซ่ฮู๊ เต เก่ เมดู๊แด ตาตือ แต่ ซี แต่เหม่ เนอ, ตูรู๊ เม แลแค ฮู๊เนอ นี๋.
เหย่ซู่ เมเต ฮู๊ เพรหลู่แตเต เตเพรเนอ, อาแร๊ เล๊อปา เจ๊อ เน๊อ เพรหลู่แต เด๊อ เห่ขุ เออเต๊เห่ เมเนอ เจ๊อ. ฮู๊เนอเฮ๊อ, จอแปแหร่ อา เตอ๊อแล อาเซ เด๊อ เหย่ซู่ พย๊าแฮหนิ เออเนอหมา อาแร๊เล๊อ ปา เจ๊อ เร๊อ เตอ๊อแล อาเลอ เออเนอ เจ๊อ. เตอ๊อแล อาเซ เออเนอ, อา ตาเต ซิเลเกอเร๊อ เตอ๊อแล เด๊อ อาแร๊เล๊อ เต๊เห่ อาลู.
เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.
จอแปแหร่ อา เตจ่อเตแย เด๊อ อู ซิเงทว๊า โต่ เออเนอหมา หม่าเฮ๊อ จอแปแหร่ เด๊อะตา เป่เฮ๊อ แกแยยิวพู๊ เตเด๊อะบุ๊ยเด๊อะเตอเรอ เฮ๊อ. เร๊อ เตเด๊อะบุ๊ยเด๊อะเตอเรอ เออเต๊เห่เนอ, ซี แกแยยิวพู๊ หม่าโต่ เต๊เห่ พย๊าหนิ โหร่แซ่เกอเฮ๊อ เร๊อ เหย่ซี เออเนอเฮ๊อ. แกแยยิวพู๊ หม่าโต่ เต๊เห่ เร๊อ แกแยยิวพู๊ เออเต๊เห่เนอ, อา ทวาเฮ๊อ ลู เหน่ เตเพรจือ เฮ๊อ. ล๋อ จอแปแหร่ อ๊อแลแก อาแกแย เต๊เห่เนอ, ซี แกแยยิวพู๊ หม่าโต่ เต๊เห่ เก่ พย๊าหนิ โหร่เกอเฮ๊อ เร๊อ เหย่ซี เฮ๊อ. เด๊อ ซี หยื่อเอ่ เตซิครือมีลา เร๊อ ซี ทวาแถ่เฮ๊อ เต๊อเจ๋อโต เร๊อ เหย่ซู่ครี๊ อาขว่าอาคยา, ซี พย๊าหนิเกอ ลอเฮ๊อ เตเด๊อะบุ๊ยเด๊อะเตอเรอ เนอเต๊เห่ เฮ๊อ.
กู๊แหน่เออ เป เก่ ทวา หม่าเฮ๊อ อาพู๊อาเลอ เร๊อ อา เก่ เด๊อะ เป อา เตบุ๊ยเตเตอเรอ อู่เจเต๊เหย่ เด๊อ อา แด่ โอ่ดว๊า เป่ เป เนอเต๊เห่ ปา. อา เก่ เด๊อะเตเด๊อะบุ๊ยเด๊อะเตอเรอ เด๊อ อาพู๊อาเลอ เต๊เห่ โต พย๊าหนิ เนอเต๊เห่ ปา. โท๊โต่ อู่เจเต๊เหย่ เด๊อ อาหม่าอากลอ ตูจูเพร เออ เป เก่ พย๊าหนิ ผร่วาเกอ เร๊อ ครี๊ ปา. เก่ เป ข่าจาข่าจือ โหร่เต่อเกอ เร๊อ ครี๊ เฮ๊เรอ, เป เก่ พย๊าหนิ โหร่โต่เกอ เตเตอเรอดุทู เร๊อ อา ปา.
ฮู๊ จอแปแหร่ เมแร๊ โทเป่เฮ๊อ ซี แกแยยิวพู๊ หม่าโต่ เต๊เห่ อาเงเนอ, แว แม๊ชือ เน๊อ แซ่ฮู๊ แว เก่ เม ซิเคว๊ หนิเป่ เกอดื่อ แวโค แกแยยิวพู๊ เร๊อดื่อ เต๊เห่ อาเง, โท๊โต่ แซ่ฮู๊ แว เก่ อี๊ลอกาหนิ เกอ เหย่ซี เต๊เห่เห่ เน๊อ อา เก่ พย๊าหนิ เกออู เตเมแลเปล๊กา อาเง เนอเรอ, แว เตเนดุ เกอเร๊อ แหน่เจ๊อ เตเม เด๊อ จอแปแหร่ เด๊อ แว เออเนอ เจ๊อ.
จอแปแหร่ อา เตลีแมลีเพ๊ หม่า อาดุอาแย หม่าแหน่ เจ๊อ. ฮู๊เนอเรอ แกแยเห่ขุพู๊ เออเต๊เห่ เก่ แม๊ปูซิเงเบ๊ จอแปแหร่ เน๊อ เหย่ซี เตซิคว๊าซิเง เต๊เห่เนอ, อา เบ๊แตแค๋ โต่. โท๊โต่ จอแปแหร่ ซิปล่อโอ่ เด๊อ อา เก่ เมแลเปล๊กา แกแย เด๊อ อา หยื่อเอ่ ครี๊ อา เตซิครือมีลา เด๊อ เป แด๊โฉ่โด่แน เป่ อู เออเนอ เต๊เห่ ปา. หม่าแน๊เรอ แกแย เด๊อ อา หยื่อเอ่ เตซิครือมีลา เออ โต่ เต๊เห่เนอ, อา เตเนซื๊อ แลแค เน๊อ เตเฮ๊โฉ่โด่แน เออเต๊เห่ เนอหม่า อา โอ่เล๊อโอ่กลอ แพ๊, อา เตเน แลแค ฮู๊เนอ.
ฮู๊เนอเรอ, กู๊แหน่เออ เป เก่ แด่หยื่อ เกออู เตเมแลเปล๊กา อาดุอาแย เออ โต่ เฮ๊เรอ จอแปแหร่ เก่ เมจากาคยา หม่าแหน่ เจ๊อ เป ปา. จอแปแหร่ อา เตเมแลเปล๊กา อาแกล๊อาโกล เออเนอ, แบ่เจ่ อาเหน่กล่อ เร๊อดื่อ แด๊โฉ่โด่แน โล เหร่อเล๊อ เป่ อู เฮ๊อ. เร๊อ แกแย เด๊อ อา หนิโฮ ลู เฮ๊เออ เต๊เห่เนอ อา เฮ๊โฉ่โปล เป่ แฮเง เป่ เน๊อ เตเมแลเปล๊กา เตหรี่เตแก เออเต๊เห่ เนอหม่า อา หม่าแหน่ เจ๊อ ฮู๊เนอ.
ကြော်ငြာတွေ