ꤟꤤꤙꤚꤢꤨ 1:1 - ลีเทส่อพ๊าอาเซ เร๊อ เห่ขุทวาลู๊

¹ จอแปแหร่ เฮ๊เบ่ ตาครือลา เปเพอเปโพ มู๊หนู่มู๊ส่าเค เต๊เห่ เน๊อ เด๊อ แกล๊โบ เอ๊โล. เร๊อ อา นอเฮ๊เบ่ แฮเง เร๊อ เพรโพร เต๊เห่.

Eastern Kayah Shadaw Dialect

¹ ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤙꤢꤩ꤬ ꤒꤢ꤭ꤋꤚꤢꤦ꤭ꤜꤢ꤭ ꤕꤢꤩ꤬ꤖꤣꤧ꤭ꤕꤢꤩ꤬ꤖꤥ꤭ ꤘꤣꤔꤢꤨ꤬ꤘꤣꤞꤢ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤔꤢꤧ ꤘꤣ ꤊꤜꤢꤧ ꤢꤩꤙꤥ꤭꤯ ꤚꤣꤧ꤬ ꤢ꤬ ꤔꤢꤪ꤭ꤟꤢꤩꤙꤢꤩ꤬ ꤘꤤ꤭ꤒ꤫ꤢꤦ꤬ ꤔꤢꤧ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬꤯

ꤟꤤꤙꤚꤢꤨ 1:1 ပူးပေါင်းရင်းမြစ်များ

ꤜꤢꤨꤊꤢ꤬ 24:27

โทเรอ เหย่ซู่ เฮ๊โฉ่โด่แนโปล เป่ เหย่ซี เร๊อ ลีเทส่อพ๊า เฮ๊หนื่ออื่อ โทเฮ๊อ อา อาหรี่อาแก, เป๊อแถ่ เด๊อ คูโมเสส ราแก ลี เนอเต๊เห่ เร๊อ ล๋อ เพรโพร ราแกหนื่ออื่อ เนอเต๊เห่.

เพรโด่แนพู๊ เต๊เห่ 2:30

โพดาวิด หม่า เพรโพร เตเพร. จอแปแหร่ อ๊อแล โทเฮ๊อ ลู เน๊อ เด๊อ อากลุยอาแล อาเกล เตเพรเนอ, จอแปแหร่ เก่ นอทวาแถ่ ลู เน๊อ คุ๊ย เด๊อ อากู๊เหล่ เออเนอ ปาเนอ, อา ซิเง แพ๊.

ꤜꤢꤨꤊꤢ꤬ 1:55

แซ่ฮู๊ อา เก่ ซิยอกล่าเบ่หนิ เพอับราฮัม เร๊อ อากลุยอาแล เออเต๊เห่ ตือทือ โท ตือทือ อาเงเนอเนอ, อาเตเนแถ่ เกอเร๊อ เฮ๊อ.”

เพรโด่แนพู๊ เต๊เห่ 13:32

“กู๊แหน่เร๊อ เป แด๊โฉ่ เป่ ซี เตซิครือมีลา. เร๊อ เตซิครือมีลา เออเนอหมา จอแปแหร่ อ๊อแล เป่ โทเฮ๊อ เน๊อ เปเพอเปโพ เด๋อ งย๊าเค เนอเต๊เห่ เฮ๊อ,

เห่ขุทวาลู่ 3:15

แว นอ ทวาแถ่ เนเออ เน๊อ เพรเหมาะ เออเตเพร เก่ ซิเถ่ซิฮา ลู ปา, เนกลุยเนลุ๊ย เน๊อ เพรเหมาะ อากลุยอาลุ๊ย เก่ ช๊า ลู ปา, เร๊อ เพรเหมาะ อากลุยอาลุ๊ย เก่ หยิหมื่อ เนกู่กล๊อ ปา, เร๊อ เน เก่ อ่าติ เพรเหมาะ อากลุยอาลุ๊ย เพรคู เนอเตเพร อากู๊โหน่แก ปา.”

ꤟꤤꤙꤚꤢꤨ 2:2

จอแปแหร่ เด๊อะตา เปเพอเปโพ เด๊อ เหร่อเคเนอ เต๊เห่ เตหรี่เตแก เต๊อเจ่อ. เร๊อ อา เฮ๊เบ่ตา แฮเง เร๊อ ม๊อขุ เตเน่วพู๊ เต๊เห่. เร๊อ แกแย เด๊อ อา หนิโฮ เตหรี่เตแก เออเต๊เห่เนอ, อาเบ่ หนิดา ครวาเม อา. แกแย เด๊อ อา หนิดา ครวาเม เกออู โต่ เต๊เห่เนอ, จอแปแหร่ เมจากาคยาแก โทเฮ๊อ เหย่ซี ฮู๊ อา โต เร๊อ เหย่ซี เนอเฮ๊อ.

ꤜꤢꤨꤊꤢ꤬ 1:72

อา เฮ๊ เร๊อ อา เก่ เด๊อะโล อา เตซิยอ กล่าเบ่ เด๊อ เปเพอเปโพ เต๊เห่ อาโอ่ ปา, โท๊โต่ อา เก่ เตเนแถ่ เบ่โต่ คยาแซ๊ อา เตอ๊อแล โพ๊แปละบูโพ๊ เนอเต๊เห่ ปา.

เพรโด่แนพู๊ เต๊เห่ 28:23

ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.

ꤛꤥ꤭ꤟꤢ꤬ 9:29

“จอแปแหร่ เฮ๊เบ่ เน๊อ คูโมเสส มู๋ หนู่เค เนอหม่า เป ซิเง. หม่าแน๊เรอ แกแย เออเตเพร, อา โอ่โต เบ๊อะเตแฮ เนอ เป ซิเงน๊อ เจ๊อ ตีกี๋ โต่.”

ꤛꤥ꤭ꤟꤢ꤬ 7:22

คูโมเสส เฮ๊แก ซี เนอ, ล๋อ ซี พู๊เพรคู เต๊เห่เนอ ซี เบ่ ดื๊อตีลี๊ ลูพ๊า อา เฮ๊ เร๊อ ซี ดื๊อตีลี๊ แลแค อาพ๊า เบ๊อะม๊อเนอโด่ เนอเตอเนอ. เก่ เฮ๊แกล๊จ๊อ เร๊อ เพร เด๊อ อา เม เหร่อเล๊อ เออเนอหมา, คูโมเสส หม่าโต่. ซีเพอซีโพ เด๊อ หนู่เค เต๊เห่ เป๊อแถ่ เมเหร่อเล๊อ แพ๊.

ꤜꤢꤨꤊꤢ꤬ 24:44

โทเรอ อา เฮ๊ เป่ เหย่ซี เน๊อ, “เบ๊อะแว โอ่เกอปา เร๊อ ซี เบ๊อะเนอ, ล๋อ อู ราโอ่ โทเฮ๊อ แวหรี่แวแก เด๊อ คูโมเสส อาลีกู เนอเต๊เห่ เบ่เบ่, เพรโพร ราโอ่แก เนอเต๊เห่ เบ่เบ่, เด๊อ ลีถู่เซ๊แถ่ อากู เนอเต๊เห่ เบ่เบ่, อา เบ่ เล๊อบาแถ่ ลอปลี ปว๋า เต๊อเจ่อ ปาเนอ, แว แด๊โฉ่โล เป่ โทลอเฮ๊อ ซี เฮ๊อ.”

เห่ขุทวาลู่ 6:3

เร๊อ จอแปแหร่ ตูจูเพร เฮ๊ เน๊อ, “แว ปลวา โอ่ ตื๊อดื่อ หนิเกอ แวแหย่โยเซอเพร เน๊อ แกแยเห่ขุพู๊ เออเต๊เห่ ตูจูเพร หม่า อาแร๊ โต่. เมเตเฮ๊เร๊อ เหย่ซี โอ่ เน๊อ พ๊าหย่าสุ่ยเทอ เด๊อ อา เซอ แจ่ แพ๊ อาขว่าอาคยา, เหย่ซี เบ่ โอ่เซอเพร แพ๊ อาหน่า เตเย เน๊อ เนอเชอ แพ๊.”

ꤛꤥ꤭ꤟꤢ꤬ 16:13

เบ๊อะแหย่โยบูโพ๊แบ่เจ่ เด๊อ อา เด๊อะโล เตหมะเตจ๊อเออ แฮปา เบ๊อะเนอ, อา เก่ ยูแกล๊ยูโกล เป่ ซี เน๊อ ล๋อ เตหมะเตจ๊อ เนอเต๊เห่ ปา. อา เก่ แด๊โฉ่โล เป่ ซี เร๊อ อา เต เตเน เร๊อดื่อเนอ หม่าโต่. อา เก่ แด๊โฉ่โล เป่ ซี ฮู๊ อา หนิโฮ แฮหนิ เด๊อ จอแปแหร่ อา โอ่ เนอเต๊เห่ ปา. อา เก่ เด๊อะโล เป่ ซี เร๊อ เต เด๊อ อา ทวาแถ่ ล๋ายโต่ เนอเต๊เห่ ปา.

เพรโด่แนพู๊ เต๊เห่ 3:21

ฮู๊ จอแปแหร่ เด๊อ ซิเงหนื่ออื่อ โทดื่อเฮ๊อ เน๊อ เพรโพร บูโพ๊ มู๋ หนู่เค เต๊เห่ เน๊อ เหย่ซู่ เออเนอ อา โตเบ่ โอ่ เด๊อ ม๊อขุ โต่เด๊อ แบ่เจ่ จอแปแหร่ เมเซ กาคยา ลอเฮ๊อ เตปว๋า เต๊อเจ่อ เบ๊อะเนอ ปา.

ꤟꤤꤙꤚꤢꤨ 2:3

ฮู๊เนอเรอ, กู๊แหน่เออ เป เก่ แด่หยื่อ เกออู เตเมแลเปล๊กา อาดุอาแย เออ โต่ เฮ๊เรอ จอแปแหร่ เก่ เมจากาคยา หม่าแหน่ เจ๊อ เป ปา. จอแปแหร่ อา เตเมแลเปล๊กา อาแกล๊อาโกล เออเนอ, แบ่เจ่ อาเหน่กล่อ เร๊อดื่อ แด๊โฉ่โด่แน โล เหร่อเล๊อ เป่ อู เฮ๊อ. เร๊อ แกแย เด๊อ อา หนิโฮ ลู เฮ๊เออ เต๊เห่เนอ อา เฮ๊โฉ่โปล เป่ แฮเง เป่ เน๊อ เตเมแลเปล๊กา เตหรี่เตแก เออเต๊เห่ เนอหม่า อา หม่าแหน่ เจ๊อ ฮู๊เนอ.

ꤟꤤꤙꤚꤢꤨ 3:5

คูโมเสส เออเนอ อาจ๊อ เร๊อ อาเตเม เด๊อ จอแปแหร่ อา หี่พู๊แพพู๊ เต๊เห่ อาเง ฮู๊ เพรแรเต เตเพร เนอเฮ๊อ. เร๊อ อาเตเม เต๊เห่เนอ, อา เด๊อะโล แบ๊บือ หนื่ออื่อ เหร่อ เตหมะเตจ๊อ เต๊เห่ เด๊อ จอแปแหร่ เก่ เด๊อะโล อู ช๋า เนอปา เต๊เห่ อาเง ปา.

ꤟꤤꤙꤚꤢꤨ 4:8

คูโยชูวา ซูโน อู เด๊อ คานาอัน เก่กู เออเนอ, อา เก่ หม่าแหน่ เก่ เด๊อ จอแปแหร่ อ๊อแลแก เหล่โอ่โก๊ เตเบ๊ซิพร๊า อาเหล่โอ่ เออ เต๊เก่ เก่เฮ๊เรอ, จอแปแหร่ เฮ๊โค๊ โต่ปา ม๊อเนอ เด๊อ อาโร เตอเนอ แตแค๋ โต่.

ꤟꤤꤙꤚꤢꤨ 5:5

ฮู๊เนอเฮ๊อ, แซ่ฮู๊ ครี๊ เก่ ทวา เพรหลู่แต กู่กล๊อดุเล๊อ เออเนอ, อา แด่แถ่ เกอเร๊อดื่อ อาเหน่ หม่าโต่, อา เมลีเมเตเค เกอเร๊อดื่อ อาเหน่ หม่าโต่, จอแปแหร่ แด่แถ่ ลู แพ๊. เร๊อ จอแปแหร่ เฮ๊ ลู เน๊อ, “เน หม่า แวพู๊คู, เออเตอเนอเรอ, แว ทวา เฮ๊อ เนเพ เฮ๊อ,” อา เฮ๊ ลู ฮู๊เนอ.

ꤟꤤꤙꤚꤢꤨ 9:19

เบ๊อะคูโมเสส เฮ๊โล เป่ โทลอเฮ๊อ แกแย ปว๋า เตเพร เร๊อ ล๋อ จอแปแหร่ เฮ๊แก อา เตซว๊าเตแส่ เต๊เห่ เบ๊อะเนอ, อา พย๊า ปู่พู๊ เต๊เห่ อาสุ่ย เร๊อ เปะ เต๊เห่ อาสุ่ย เร๊อ อา โกล ซีแล๊เต่อ เร๊อ เทอ, โทเรอ อา พย๊า ซิหมิฉื่อลี เร๊อ อา โบ่หม่า เร๊อ ส่อแพ เด๊อ อู เอ๊ เร๊อ ฮี๊โซ๊แพพู๊ เออแตแพ อาเคอ เร๊อ อา ตีชิ เร๊อ ลี เด๊อ อู ราโอ่ เร๊อ จอแปแหร่ อา เตซว๊าเตแส่ อาโหง่เฮ๊แกเออ ต๊าบ่า, โท๊โต่ อา ตีชิหนิ ลอ เร๊อ แกแย ปว๋า เตเพร.

ꤟꤤꤙꤚꤢꤨ 11:2

จอแปแหร่ ถู่เซ๊หนิ แกแย มู๋ หนู่เค เต๊เห่ หม่า หม่าเด๊อ อา โอ่ แลแค เร๊อ เตหยื่อเตแหน่ ฮู๊เออเนอ เฮ๊อ.

ꤟꤤꤙꤚꤢꤨ 11:18

จอแปแหร่ เฮ๊เจ๊อ ลู เน๊อ, “แว อ๊อแล เร๊อ เนกลุยเนแล เต๊เห่เนอ อา เก่ แฮตา แฮเง เด๊อ คูอิสอัค อา โอ่ ปา.” หม่าแน๊เรอ เพอับราฮัม โอ่ ตี๊หรี่แตแร เด๊อ อา เก่ หลู่แถ่ อาพู๊คู เด๊อ อา โอ่ แพ๊ เตเพรเพร่ว เออเนอ เตเพร.

ꤟꤤꤙꤚꤢꤨ 12:25

ฮู๊เนอเร๊อ, แซ่ฮู๊ ซี เก่ ทวา แต่ แกแย เด๊อ อา หนิโฮ จอแปแหร่ อาโหง่พราแถ่ เร๊อ อา เท๊ฉื่อแก จอแปแหร่ เนอเต๊เห่ อาเตเมเนอ, รอหนิ แลแค ซีเหน่ นี๋. เบ๊อะอิสราเอลพู๊ เต๊เห่ หนิโฮ เตเด๊อะรอ เหย่ซี เด๊อ เห่ขุเออ เบ๊อะเนอ, เหย่ซี หนิดา แลแค ลูโหง่ โต่. ฮู๊เนอเร๊อ อา เกล๊ แลเปล๊เบ๊ แลแค เน๊อ เตเมจากาคยาโต่ เก่ เมฮู๊เนอเร๊อ เปเก่ เท๊ฉื่อแก เด๊อ ม๊อขุ เออเตเพร เด๊อะรอเปเออ เก่เฮ๊เรอ, เตเนแม๊มอ, ซี เกล๊ แลเปล๊ เบ๊แจ่ ปา เจ๊อแหน่ เน๊อ จอแปแหร่ อา เตจามือกาคยา ตีกี๋ เจ๊อแหน่โต่เฮ๊อ.