เห่ขุทวาลู่ 9:26 - ลีเทส่อพ๊าอาเซ เร๊อ เห่ขุทวาลู๊

²⁶ โทเร๊อ อาเฮ๊ โป่ เน๊อ, “เก๋อ จอแปแหร่ ตูจูเพร, คูเซม อาจอแปแหร่ดุ, อู เก่ ถู่เซ๊แถ่ หนิดื่อ เน นี๋. คูคานาอัน เก่ ทวาดื่อ คูเซม อาหลู่ ปา นี๋.

เห่ขุทวาลู่ 9:26 ပူးပေါင်းရင်းမြစ်များ

ꤟꤤꤙꤚꤢꤨ 11:16

หม่าแน๊เรอ เหย่ซี แม๊ชือ ซิหนิโส่ แหน่เจ๊อ ม๊อขุ เทอเก่ เด๊อ อา โมเล๊อ เออเนอ ต๊าบ่า. ฮู๊เนอเรอ เหย่ซี เอ๊ จอแปแหร่ เร๊อ เหย่ซี จอแปแหร่ เนอ, จอแปแหร่ ซิเตเรโต่. เด๊อ จอแปแหร่ ตี๊หรี่แตแร หนื่ออื่อ เป่เฮ๊อ เหย่ซี วีเออ อาขว่าอาคยา, อา เด๊อะโล เฮ๊อ เน๊อ เหย่ซี เต๊เห่ เก่ เอ๊ จอแปแหร่ เน๊อ เหย่ซี จอแปแหร่ เนอ อา ซิเตเร แลแค โต่.

ꤚꤥꤗꤢꤩ꤬ 9:5

เหย่ซี เพอโพ กลุยแล หม่า ฮีบรู อากลุยอาแล เด๊อ อามีลาดุ มู๋ หนู่เค เต๊เห่. เบ๊อะครี๊ แฮแล โอ่เป๊เจ่ ฮู๊ แกแย เห่ขุพู๊ เบ๊อะเนอ, อา แฮโอ่ เด๊อ เหย่ซี อากลุยอาแล อากู. อา หม่า จอแปแหร่ เด๊อ อา เป๊อตี๊หรี่เต ล๋อ ปลี เตเพร, เร๊อ อู เก่ ถู่เซ๊แถ่ดื่อ อา ตูจูเพร แตแลเคร๊ นี๋. อาเม.

เห่ขุทวาลู่ 27:37

เพอิสอัค เฮ๊ฉื่อ ลู เน๊อ, “แว นอ เป๊อตี๊หรี่ หนิเฮ๊อ ลู เน๊อ เน เฮ๊อ, เร๊อ ล๋อ อากลุยอาแล เต๊เห่เนอ แว นอ ทวาแก เฮ๊อ เน๊อ ลูหลู่ เฮ๊อ. แว เด๊อะบุ๊ยเด๊อะเตอเรอ ลอ โป่เฮ๊อ ลู โบ๊กู่ลา เน๊อ แท๊ทือเทอแย เต๊เห่เฮ๊อเฮ๊อ. เก๋อ แวพู๊เพรคู, เด๊อ เนเงเนอ แว เมแจ่ ปา เตอเจ๋อ โต่ เฮ๊อ.”

เห่ขุทวาลู่ 27:40

เน เบ่ โอ่เซอเพร เน๊อ เน๊ ปา, เน เบ่ ทวา เนโป่หลู่ ปา. หม่าแน๊เรอ เบ๊อะ เน ซิหยื่อโอ่ ปา เด๊อ ลูเล โต่ เบ๊อะเนอ ปาเนอ, อา เป๊อตี๊หรี่ น๊อปา เน โต่. เร๊อ เน เก่ พย๊าหนิ เตป่าลา ปา.”

เห่ขุทวาลู่ 14:20

จอแปแหร่ เด๊อ อาดุอาทูเล๊อ อู, เด๊อ อา นอ ช๊าเป่ แก เน เน๊อ เนกู๊ยากู เต๊เห่ เออเตเพรเนอ, อู เก่ ถู่เซ๊แถ่ เร๊อดื่อ อา นี๋.” โทเร๊อ คูอับราม พย๊า ตาหมื่อตาเต เด๊อ ล๋อ อา พย๊าหนิ เนอเต๊เห่ อาปุ๊ยเช๊อ เร๊อ ตีปุ๊ย เร๊อ อา เด๊อะ เน๊อ คุ๊ยเมลคีเซเดค.

เห่ขุทวาลู่ 24:27

เร๊อ อา เฮ๊ เน๊อ, “ถู่เซ๊แถ่ จอแปแหร่ ตูจูเพร, แวแบ่เจ่ เพอับราฮัม อาจอแปแหร่ดุ. อา หม่า อา โมเร๊อ แวแบ่เจ่ เน๊อ อาเตโม เด๊อ อาลอเป่แจ่ โต่ เออ เร๊อ อา จ๊อ เน๊อ อาโหง่. อา ซูแฮ แว เร๊อ อา นอ แม๊เถอะ โตตื๋อ เจ๊อ แว เน๊อ แวแบ่เจ่ อากลุยอาแล เจ๊อ.”

เห่ขุทวาลู่ 27:29

เมวเจ่อ เต๊เห่ เก่ ทวาดื่อ เนหลู่เล๊ เต๊เห่ ปา, เร๊อ เหย่ซี เก่ แด๊งือแล ลอดื่อ เด๊อ เนเป๊เส่เง ปา นี๋. เน เก่ เป๊อตี๊หรี่ เร๊อดื่อ เนโป่แหว่ เต๊เห่ ปา, เร๊อ ล๋อ เนโหมะ อากลุยอาลุ๊ย เต๊เห่ เก่ แด๊งือ ลอดื่อ เด๊อ เนเป๊เส่เง ปา นี๋. แกแย เด๊อ อา อิชอมู๊แหม่, เน เต๊เห่เนอ, จอแปแหร่ เก่ อิชอมู๊แหม่ ฉื่อ เหย่ซี ปา, เร๊อ แกแย เด๊อ อา เด๊อะบุ๊ยเด๊อะเตอเรอ เน เต๊เห่เนอ, จอแปแหร่ดุ เก่ เด๊อะบุ๊ยเด๊อะเตอเรอ ดื่อ เหย่ซี ปา นี๋.”