เห่ขุทวาลู่ 8:21 - ลีเทส่อพ๊าอาเซ เร๊อ เห่ขุทวาลู๊

²¹ เบ๊อ จอแปแหร่ ตูจูเพร โนหวิเบ่ เตหลู่แตแถ่ อาเตโนมื๊อโนชือ อาโข่เออ เบ๊อะเนอ, เร๊อ โมโส่โมเซ๊ แหน่เจ๊อ ลูซิปล่อ, เร๊อ อา แด่แลเฮ๊อ อาซิปล่อ เร๊อ อา เฮ๊ เน๊อ, “เด๊อโหน่ เด๊อคยาคย๋า หม่า แว ซิเง เจ๊อ เน๊อ แกแยเห่ขุพู๊ เต๊เห่ เตเน เจ๊อ เตมู๊แหม่รีแจ่ ่ เต๊เห่ เด๊อ อาเป๊เจ่เค ปาเจ๊อ เบ่เบ่, เด๊อ เหย่ซี เตซื๊อ อาขว่าอาคยา, แว อิชอฮา ปา เห่ขุ โต่ เฮ๊อ. ฮู๊ แว เม โทเฮ๊อ กู๊แหน่เออ, เด๊อโหน่เด๊อคยาคย๋า หม่า แว เมเซอเมเหม่ ปา ล๋อ เตเบ่แบ๊ เด๊อ อาซิปล่อเซอเพร โอ่ เออเต๊เห่ โต่ เฮ๊อ.

เห่ขุทวาลู่ 8:21 ပူးပေါင်းရင်းမြစ်များ

โครินธ์ เนอบ่า ต๊าบ่า 2:15

เป เตโอ่เซอเพร เร๊อ เป เตเฮ๊โฉ่โด่แน เป่ อู เออเต๊เห่เนอ อาแซ่เน๊อ เตโนมื๊อโนชือ เด๊อ อา โนมื๊อ ปีชี จว๊าโต่ ลอเฮ๊อ เด๊อ แกแย ปว๋า เตเพร อา โอ่. อา โนมื๊อ จว๊าโต่ ลอเฮ๊อ เด๊อ แกแย เด๊อ อา พย๊าหนิเฮ๊อ เตเมแลเปล๊กา เต๊เห่ อา โอ่ เร๊อ แกแย เด๊อ อา เตปย๊าเตหลู่ ปา เต๊เห่ อา โอ่ เฮ๊อ.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

เห่ขุทวาลู่ 6:5

จอแปแหร่ ตูจูเพร แม๊เถอะ แกแยเห่ขุพู๊ ซีเต๊เห่ เน๊อ อาจาอาจือ อา, มู๊แหม่รีแจ่ อาก่าอาแปล่ แหน่เจ๊อ, โทโต่ เหย่ซีซิปล่อ เต๊เห่เนอ อา เตเนเครเม โชชื่อ เตมู๊แหม่รีแจ่ ่ ปว๋า โตโพ๊ เจ๊อ.

ฟีลิปปี 4:18

ล๋อ ซี ซูแฮ เป่ แว เต๊เห่เนอ แว พย๊าหนิ ลอ เฮ๊อ, เร๊อ อา เล๊อบา ตาลว๊าซิลือ เจ๊อ เด๊อ แวเง เจ๊อ. ล๋อ ซี เด๊อะ เต๊เห่เนอ คูเอปาโฟรดิทัส พย๊าแฮ เป่ เฮ๊อ แว, เร๊อ กู๊แหน่เออ, ล๋อ แว โหล่เบ่ เต๊เห่เนอ อาโอ่ ลอปลี เฮ๊อ. เตเด๊อะ เออเต๊เห่เนอ, อา แซ่เน๊อ เตหลู่โนมื๊อ เด๊อ อู หลู่แถ่ เด๊อ จอแปแหร่ โอ่ เนอเฮ๊อ. เตหลู่ เด๊อ อาโต จอแปแหร่ อาซิปล่อ, เร๊อ อา เมโม ลู ซิปล่อ เนอเต๊เห่ เฮ๊อ.

ꤚꤥꤗꤢꤩ꤬ 3:23

เมเตเฮ๊เรอ แกแย ปว๋า เตเพร เม เตซื๊อเตปล๊า. อา ลือ แถ่โต่ ทว๊าเบ๊ จอแปแหร่ แด่ม๊า อา เตอเรอดุเตอเรอทู เออเนอ เตเพร่ว โต่.

มัทธิว 15:19

เมเตเฮ๊เรอ, เต เด๊อ อาโอ่ แถ่ เด๊อ ซิปล่อกู เต๊เห่ เนอหม่า หม่า เหล่ เตเน มู๊แหม่ รีแจ่. แคร๋ หม่าเต เฮ๊เรอ, เมเซอ แกแย, จว๊าซื๊อ อูพู๊ อูเม, จว๊าซื๊อ เพรเหมาะ เพรคู, เอ่โห่เอ่ฮี๊, ข่าแหล่โฮ แลแห่ เต, แด๊อู แหย่โย, เน๊อ เตเน โพร๊มู๊แหม่ เต๊เห่, เออ เต๊เห่เฮ๊อ.

เห่ขุทวาลู่ 3:17

เร๊อ อา เฮ๊ ติ คูอาดาม เน๊อ, “แว เฮ๊แกโหง่ เน๊อ เน เบ่ เอ่ หนิ ส่อ เนอต๊อส่อ อาเส่ โต่ แว เฮ๊แก เน ตื๊อดื่อเรอ เน หนิดา เนเมโหง่ เร๊อ เน จว๊าเอ่ อาขว่าอาคยา, เด๊อ เนขว่าเนคยา เร๊อ แว อิชอฮา แกเฮ๊อ เห่ขุเออ เฮ๊อ. เน เหล่เอ่เหล่โอ อาเง เน เบ่ แอ๊จื๊อเอ่ แอ๊จื๊อแร เต ตูจูเพร ปา.

ꤛꤥ꤭ꤟꤢ꤬ 3:6

แกแย เห่ขุพู๊ โอ่เป๊เจ่แล เกอเร๊อ คยาดื่อ แกแย เห่ขุพู๊ แพ๊. หม่าแน๊ เตโอ่ เป๊เจ่แล เร๊อ แหบ่โยบูโพ๊ แบ่เจ่เนอ, อา เด๊อะ โอ่ เซอเพร อู เด๊อ แหย่โย ตากยา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:19

เป ซิเง เร๊อ เป เออเต๊เห่ เนอหม่า จอแปแหร่ อาพู๊อาเลอ เต๊เห่ หม่าแน๊เรอ ล๋อ แกแย เด๊อ อาโร เต๊เห่ เนอหม่า อา โอ่ แลแค เด๊อ โลเน๊มู๊แหม่รีแจ่ กู่กล๊อ เด๊อ อา เม เตมู๊แหม่ เออโตโด อา เตเป๊อตี๊หรี่ อาเล.

ꤚꤥꤗꤢꤩ꤬ 1:21

เหย่ซี ซิเงเฮ๊อ จอแปแหร่ หม่าแน๊เรอ เหย่ซี แด่หยื่อแด่แหน่ เกอ ลู ฮู๊ จอแปแหร่ เตเพร โต่. อา เฮ๊บุ๊ยเฮ๊เตอเรอ เกอ ลู โต่โต่. ฮู๊เนอเรอ เหย่ซี อาเหล่เตเน เต๊เห่เนอ, อา ทวาแถ่ ลอ เตโอ่เล๊อโอ่กลอ. โท๊โต่ เหย่ซี อาเหล่เตเน โอ่เล๊อโอ่กลอ. เออเต๊เห่เนอ, เตคี๊เตลอ เมบี๊แก เฮ๊อ เหย่ซี เฮ๊อ.

เห่ขุทวาลู่ 6:17

แวเก่ นอ ดุแถ่ เทอ เด๊อ เห่ขุเออ เร๊อ แว เก่ เมปย๊าแก ล๋อ เต เด๊อ อา โอ่ เด๊อ ม๊อเล เต๊เห่ ปา. ล๋อ เต เด๊อ โอ่ เด๊อ เห่ขุ เออเต๊เห่เนอ อา เก่ เซอ แกลอ ปา.

เห่ขุทวาลู่ 5:29

เร๊อ อา เอ๊ เกอเร๊อ ลูมุย เน๊อ คูโนอาห์ เร๊อ อา เฮ๊ เกอเร๊อ อาโหง่แลช๊า เน๊อ, “เห่ขุ เด๊อ จอแปแหร่ ตูจูเพร อิชอฮาแก อาเออ, เป่ เบ่ เอ่แร ซิพร๊าแลแด๊, เบ่ แรจาแรจือ แหน่เจ๊อ เร๊อ พู๊เพรคู เออ เตเพร เก่ เมโมเมพุย กาหนิ คยาแซ๊ เปซิปล่อ ปา,” อา เฮ๊ เกอเร๊อ ฮู๊เนอ.

เห่ขุทวาลู่ 4:12

ช๋า เนเอ่เนแร อิช๊ออิปลือ เกออู เบ๊อะ เห่ขุ เออ ปาเนอ, อา เก่ เส่เถ่โพเถ่ เป่ เกอ เน โต่ ปา. เนโชโดหี่ โชโดเพร๊ ปา, เน เบ่ แกล่โทแกล่แล เด๊อ เห่ขุเออ ปา,” อา เฮ๊ ลู ฮู๊เนอ.

เห่ขุทวาลู่ 6:7

เร๊อ จอแปแหร่ ตูจูเพร เฮ๊ เน๊อ, “ล๋อ แกแยเห่ขุพู๊ เน๊อ เตมีเตดอ เด๊อ อาดุดุ อาปีตี๊ตี๊ เนอเต๊เห่ เน๊อ ถู่พู๊โหย่พู๊ เด๊อ แว แบ๊ตา ลอ เหย่ซี เต๊เห่เนอ, แว เมโอ่เหม่แก ลอ เหย่ซี เบ๊อะ เห่ขุ เออเนอ ปา. เมเตเฮ๊เรอ เด๊อ แว แบ๊ตาหนิ เหย่ซี อาขว่าอาคยา, อา โซแร แหน่เจ๊อ แวซิปล่อ.”

เห่ขุทวาลู่ 6:13

จอแปแหร่ดุ เฮ๊ เพโนอาห์ เน๊อ, “แว แด่แล เฮ๊อ แว ซิปล่อ เน๊อ แว เก่ เมจา เมปย๊า แก ลอเฮ๊อ แกแย เห่ขุพู๊ ปว๋า เตเพร ปา. เมเตเฮ๊เร๊อ เห่ขุเออ อาเล๋อ บาลอ เจ๊อเฮ๊อ เน๊อ เตจาเตมู๊แหม่ เฮ๊อ. เมเตเฮ๊เรอ เด๊อ เหย่ซี อาขว่าอาคยา, แว เก่ เมปย๊าแก เต่อ ลอ เหย่ซี เน๊อ เห่ขุ ปา.