เห่ขุทวาลู่ 8:20 - ลีเทส่อพ๊าอาเซ เร๊อ เห่ขุทวาลู๊

²⁰ โทเร๊อ เพโนอาห์ ต่าแถ่ เตหลู่แตเหร่ เด๊อ จอแปแหร่ ตูจูเพร อาเง เตเม, โทเร๊อ อาพย๊า เตมีเตดอ เน๊อ ถู่ เด๊อ อาโพ๊แปละ เร๊อ อาโต หลู่แต แถ่เน๊อ จอแปแหร่ดุ เนอเต๊เห่, เร๊อ อา แด่แถ่ เด๊อ เตหลู่แตเหร่ขุ เร๊อ อา ชื๊ออือ หลู่แตแถ่ เน๊อ จอแปแหร่.

เห่ขุทวาลู่ 8:20 ပူးပေါင်းရင်းမြစ်များ

ꤚꤥꤗꤢꤩ꤬ 12:1

ฮู๊เนอเรอ, โป่แหว่ ซี๋, จอแปแหร่ อา เตซิยอ เป เนอ, อาดุอาแย ตาลว๊าซิลือ เจ๊อ เด๊อ เปเง อาขว่าอาคยา, แว กุยซิยอ ซี เร๊อ ซี เก่ เด๊อะแล ซี เหน่กล่อ เออ เด๊อ จอแปแหร่ อา โอ่ ฮู๊ เตหลู่ เด๊อ อา เซอเพร, ฮู๊ เตหลู่ เด๊อ อา บูโพ๊ เร๊อ ฮู๊ เตหลู่ เด๊อ อาโต ลูซิปล่อ อา เตซิหยื่อ เนอ นี๋. ซี โต จ๊อเบแถ่ จอแปแหร่ ฮู๊เออเนอหม่า หม่าเฮ๊อ แกล๊ เด๊อ อาโตอาเบ่ โตโบ เฮ๊อ.

เห่ขุทวาลู่ 22:9

เบ๊อะ เหย่ซี จว๊าโต่ เฮ๊อ เด๊อ จอแปแหร่ดุ เฮ๊ ลู เหล่โอ่ เนอโต๊โผะ เบ๊อะเนอ, เพอับราฮัม ต่าแถ่ เตหลู่แตเหร่ เบ๊อะเนอ, โทเร๊อ อา แด่แถ่ ขรุ เด๊อ เตหลู่แตเหร่ลู. โทเร๊อ อา จอกลอหม่า เกอเร๊อ อาพู๊ คูอิสอัค เร๊อ อา แด่แถ่ ลู เด๊อ เตหลู่แตเหร่ขุ เด๊อ ขรุขุ เนอ.

เปโตร อาเหร่อเล๊อ ต๊าบ่า 2:9

หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.

เปโตร อาเหร่อเล๊อ ต๊าบ่า 2:5

ซี เออเต๊เห่เนอ อา แซ่ เกอดื่อเฮ๊อ เร๊อ หล่อเซอเพร เต๊เห่ เฮ๊อ. จอแปแหร่ นอเอ่ หล่อ เด๊อ อา หม่าเฮ๊อ ซีเออ เร๊อ อา เก่ ช๊อแถ่ หี่ เด๊อ แหย่โย ตากยา เตเม. ซี เก่ แรเต เด๊อ หี่กู เออเนอ แซ่เน๊อ เพรหลู่แต บูโพ๊ เต๊เห่เนอ ปา. โท๊โต่ ซี เก่ หลู่แถ่ เตหลู่ เด๊อ จอแปแหร่ อา โอ่ เด๊อซิซิเง จอแปแหร่ ตากยา เต๊เห่ ปา. เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ พย๊าฉื่อ ซี เตหลู่ เออ เต๊เห่ ปา.

ꤟꤤꤙꤚꤢꤨ 13:10

เป เด๊อ อา หยื่อเอ่ ครี๊ เต๊เห่ อาเงเนอ, เป โอ่ เฮ๊อ เน๊อ เป เตหลู่เหร่. หม่าแน๊เรอ แกแยยิวพู๊ เพรหลู่แตเต เด๊อ อา หลู่แตแถ่ เต เร๊อ อา เมเต เด๊อ เหล่สื่อดุ อากู เต๊เห่เนอ, เตหลู่แต เด๊อ เป เอ่ เร๊อ อาหนิ เนอ เหย่ซี เอ่หนิ เกออู โต่.

เห่ขุทวาลู่ 35:7

เร๊อ อา จว๊าต่าแถ่ ม๊าแก เน๊อ เตหลู่แตเหร่ เบ๊อะเนอ เร๊อ อา เอ๊ เหล่โอ่ เออโต๊โผะ อามุย เน๊อ เบธเอล อาจอแปแหร่ดุ, เมเตเฮ๊เร๊อ เบ๊อะ เพยาโคบ เถ่แกล่ แก อาแหม่ เพเอซาว เหล่ เบ๊อะเนอ, จอแปแหร่ดุ เด๊อะโล ลู เน๊อ อาเหน่ เบ๊อะเนอ โต๊โผะ.

เห่ขุทวาลู่ 35:1

งยาแต๋โต่เร๊อ จอแปแหร่ดุ เฮ๊ เพยาโคบ เน๊อ, “เถ่จว๊ามอ เด๊อ วีเบธเอล เร๊อ จว๊าโอ่ แลแค เบ๊อะเนอ. เร๊อ จว๊าต่าแถ่ เตหลู่แตเหร่ เด๊อ เหล่จ๊อเบแถ่ เน๊อ แว เง เตเม เมเตเฮ๊เร๊อ แว หม่า จอแปแหร่ดุ เด๊อ อา โอ่โลแถ่ เป่ เน เบ๊อะ เน เถ่แกล่จว๊า โอ่ว๊า เนแหม่ เพเอซาว อาเหล่ เบ๊อะเนอ เนอเตเพร เฮ๊อ.”

เห่ขุทวาลู่ 33:20

เร๊อ อา ต่าแถ่ เตหลู่แตเหร่ เบ๊อะเนอ โต๊โผะ เร๊อ อา เอ๊ เกอเร๊อ ลูมุย เน๊อ เอลเอโลเฮอิสราเอล. (อาโหง่แลช๊า หม่า อิสราเอลพู๊ อาจอแปแหร่ดุ เออหม่า จอแปแหร่.)

เห่ขุทวาลู่ 26:25

โทเร๊อ เพอิสอัค ต่าแถ่ เตหลู่แตเหร่ เต๊เหร่ เน๊อหล่อ เบ๊อะเนอ โต๊โผะ เร๊อ จ๊อบู่จ๊อเบแถ่ จอแปแหร่ ตูจูเพร. เร๊อ อา ช๊อแถ่ หนิ อาเหล่สื่อหล่อป่า เบ๊อะเนอ เร๊อ อาหลู่ เต๊เห่ เว แลแค เทอกลื่อ เบ๊อะเนอ ตื๊อกลื่อ.

เห่ขุทวาลู่ 13:18

ฮู๊เนออาขว่าอาคยา, คูอับราม ย๊าโพร๊จว๊า อาเหล่สื่อเหล่แบ่ เต๊เห่ เร๊อ อา จว๊า ช๊อโอ่ผื่อ เด๊อ คูมัมเร อาส่อเหมาะดุเจ๊แร๊ เหล่โอ่ เบ๊อะ วีเฮโบรน เนอโต๊โผะ, เร๊อ อา ต่าแถ่แตแถ่ หนิ เป่ เด๊อ จอแปแหร่ ตูจูเพร อาเง เตหลู่แตเหร่ เน๊อหล่อ เบ๊อะเนอ เต๊เหร่.

เห่ขุทวาลู่ 13:4

เร๊อ อาเหล่โอ่ เออโต๊โผะ หม่า เบ๊อะ อาเหล่ ต่าแถ่ เกอเร๊อ เตหลู่แตเหร่ เนอ โต๊โผะเฮ๊อ. เร๊อ อา จ๊อเบแถ่ จอแปแหร่ ตูจูเพร เบ๊อะเนอ.

เห่ขุทวาลู่ 7:2

ล๋อ เตมีเตดอ เด๊อ อาโพ๊แปละ เต๊เห่เนอ, ปื่อโน แบ๊ซว๊า หนิ ลู อาโหมะ โซซว๊าโตโด เน๊อ อาเพ โซซว๊า โตโด นี๊. เร๊อ เตมีเตดอ เด๊อ อา โพ๊แปละ เกออู โต่ เร๊อ อาโตหลู่แตแถ่ เน๊อ จอแปแหร่ดุ โต่ เนอเต๊เห่, อาโหมะโตโด, อาเพโตโด, ปื่อโนหนิ อา เต๊อเจ่อเร๊อตาซว๊า เนอ แพ๊ นี๊.

เห่ขุทวาลู่ 4:4

หม่าแน๊เรอ คูอาแบล เนอ อา พย๊าแฮหนิ ซิหมิ พู๊แหว่เพร่ว เด๊อ อาโปกู เร๊อดื่อ เออโตโด เร๊อ อา หลู่แถ่ อาบ๊า เด๊อ อาหวิเล๊อ ตื๊อบื่อ เน๊อ จอแปแหร่ ตูจูเพร เร๊อ จอแปแหร่ ซิปล่อ โตเร๊อ คูอาแบล เน๊อ อาเตหลู่เตแต.

เห่ขุทวาลู่ 22:2

เร๊อ จอแปแหร่ดุ เฮ๊ ลู เน๊อ, “เอ๊หนิ เนพู๊เพรคู คูอิสอัค เด๊อ เน พู๊โอ่ ตื๊อ แพ๊ ลู เร๊อ เน โมเกอเร๊อ แหน่เจ๊อ ลู เออเตเพรเนอ เร๊อ จว๊า เด๊อ เก่ เต๊เก่ เด๊อ อู เอ๊ เน๊อ โมริยาห์ เนอ. เร๊อ จว๊า เด๊อ โฉ่ เด๊อ แว เก่ ยูโล เน ปา เนอเตเม อาลู, เร๊อ เมเซอ เนพู๊ เร๊อ ชื๊ออือ หลู่แตแถ่ ลูเบ๊อะ เนอปา นี๊.”

เห่ขุทวาลู่ 8:19

โทเร๊อ ล๋อ เตมีเตดอ เด๊อ อาดุดุ อาปีตี๊ตี๊ เน๊อ ล๋อ ถู่พู๊โหย่พู๊ เน๊อ เตมีเตแหม่, เตมีเตดอ โอ่ เด๊อ เห่ขุ เออ เต๊เห่ ล๋อ ปลี โอ่ลอ เด๊อ ส่อเกลอดุกู เร๊อ เถ่ แลแค ตู๊หมู่ โท ตู๊หมู่.

เห่ขุทวาลู่ 7:3

เร๊อ ถู่ เมวเจ่อ ปว๊า เต๊อเจ่อเนอ, ปื่อโน หนิ อา เต๊อเจ่อ เน๊อ อาซว๊า โซซว๊าตาซว๊า, เร๊อ ปว๊า เต๊อเจ่อ ปื่อโนหนิ อาโหมะ เต๊เบ่ อาเพ เต๊เบ่ นี๊. แซ่ฮู๊ เหย่ซี เก่ พู๊เพ๊ โอ่เอ๊แถ่ เป่แฮ เด๊อ เห่ขุ ต๊าบ่าลอ อาเงเนอ, เม ฮู๊เนอ นี๊.