เห่ขุทวาลู่ 7:14 - ลีเทส่อพ๊าอาเซ เร๊อ เห่ขุทวาลู๊

¹⁴ เร๊อ ล๋อ เตมีเตดอ เด๊อ หมิเกล เนอเต๊เห่ เน๊อ เตมีเตดอ เด๊อ อูโบ่ อา เด๊อะหี่เด๊อะแพ เนอเต๊เห่ เน๊อ ล๋อ เตมีเตดอ เด๊อ อาดุดุ อาปีตี๊ตี๊ เนอเต๊เห่ เน๊อ เตมีเตดอ เด๊อ อา โย เด๊อ ม๊อเล เนอเต๊เห่เนอ, อา โนโอ่ เต่อเกอลอ เน๊อ เหย่ซี.

เห่ขุทวาลู่ 7:14 ပူးပေါင်းရင်းမြစ်များ

เห่ขุทวาลู่ 1:21

ฮู๊เนอเร๊อ จอแปแหร่ดุ แบ๊ตา หนิ เตมีเตดอดุ เต๊เห่ เด๊อ เทอดุซาวากู เน๊อ ล๋อ เตมีเตดอ เด๊อ เทอกู เต๊เห่ เร๊อ อา โอ่บาตีปี๋ แถ่ ลอ เด๊อ เทอดุซาวากู. อา แบ๊ตา ถู่พู๊โหย่พู๊ ปว๊า เต๊อเจ่อ เด๊อ อา โย เด๊อ ม๊อเล ซีเต๊เห่, เร๊อ จอแปแหร่ดุ แม๊เถอะ เกอเร๊อ อาเตเมเออ เน๊อ อาแร๊ เร๊อ อาซิปล่อโม เกอเร๊อ แหน่เจ๊อ.

เห่ขุทวาลู่ 1:24

โทเร๊อ จอแปแหร่ดุ เฮ๊โป่ เน๊อ, “เก๊อ เห่ขุ, เด๊อะโอ่ทวาแถ่ มอ เตมีเตดอ เด๊อ อาแน เต๊เห่ เบ่เบ่, เตมีเตแหม่ เด๊อ อาแปล เต๊เห่ เบ่เบ่, อาดุดุ อาปีตี๊ตี๊ ล๋อ ปลี ฮู๊ อาเมวเจอะ เน๊อ อาเมวเจอะ โอ่ เร๊อดื่อ เนอ,” เร๊อ อา ทวาแถ่ ลอปลี ฮู๊ อา เฮ๊ เนอ.

เห่ขุทวาลู่ 6:19

แซ่ฮู๊ ล๋อ เตมีเตดอ เต๊เห่ เก่ โอ่เซอเพร เป่แฮ โป่ แลแค อาเงเนอ, ปื่อโน แบ๊ซว๊าหนิ เหย่ซี อาโหมะ เน๊อ อาเพ เต๊อเจ่อ เน๊อ ตาซว๊า เด๊อ ส่อเกลอดุกู เนอนี๊.

เห่ขุทวาลู่ 7:13

เร๊อ เพโนอาห์ เน๊อ อาพู๊เพรคู ซิโซ คูเซม, คูฮาม, คูยาเฟท เน๊อ เพโนอาห์ อาเม เน๊อ อาแด่ ซีเต๊เห่ โน แลแค เด๊อ ส่อเกลอดุกู เบ๊อะ เก่จือตา เนอเตอเนอ เจ๊อ เฮ๊อ.

เห่ขุทวาลู่ 7:15

เร๊อ ล๋อ เตเบ่แบ๊ เด๊อ อาซิปล่อ เซอเพร โอ่ เต๊เห่ เนอ, อาโหมะ โตโด อาเพ โตโด, ตาซว๊า โท ตาซว๊า อา โน โหร่เกอ แลแค เน๊อ เพโนอาห์ เด๊อ ส่อเกลอดุกู.