เห่ขุทวาลู่ 6:9 - ลีเทส่อพ๊าอาเซ เร๊อ เห่ขุทวาลู๊

⁹ เออหม่า อู ราม๊า โอ่หนิ เพโนอาห์ อาหรี่อาแก. เบ๊อะ เพโนอาห์ อาทือเคเนอ, อา หม่า แกแยจ๊อแกแยเต เตเพร, อา โอ่เซอเพร ลว๊า เน๊อ อู แด่ ลู เตซื๊อ. โท๊โต่ อาแบ๊ซว๊าแบ๊โค จว๊าเต่อเคเต่อ เน๊อ จอแปแหร่ดุ.

เห่ขุทวาลู่ 6:9 ပူးပေါင်းရင်းမြစ်များ

ꤜꤢꤨꤊꤢ꤬ 1:6

เหย่ซี ซิเนอ ลอ อา โอ่เซอเพร จ๊ออาเตแร๊ ลอ เจ๊อ เด๊อ จอแปแหร่ อา เป๊เส่เง เจ๊อ เร๊อ ฮู๊ แบ่เจ่ จอแปแหร่ อา เตซว๊าเตแส่ เร๊อ อาโหง่เฮ๊แก เต๊เห่ เฮ๊โอ่เนอ เหย่ซี จูเอ่ เมเล๊อ เมบา ลอปลี เจ๊อ.

ꤟꤤꤙꤚꤢꤨ 11:7

เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

เปโตร เนอบ่า ต๊าบ่า 2:5

แกแย เห่ขุพู๊ เด๊อ อา เบ่หยื่อเบ่แหน่ เกอ จอแปแหร่ โต่ มู๊หนู่มู๊ส่าเค เนอเต๊เห่เนอ, จอแปแหร่ แด่ลว๊าแก เหย่ซี โต่โต่, อา นอดุบี๊ เซอแก ลอ เหย่ซี เร๊อ เทอ. อา เมแลเปล๊แก แพ๊ตื๊อ เพโนอาห์ เด๊อ อา แด๊โฉ่โด่แน เป่ อู เร๊อ เตจ๊อเตเต เออเนอ เตเพร เร๊อ เด๊อ อาโร โซซว๊าเตเพร แพ๊.

เห่ขุทวาลู่ 7:1

เร๊อ จอแปแหร่ ตูจูเพร เฮ๊ เพโนอาห์ เน๊อ, “เอ๊ หนิ เนหี่พู๊แพพู๊ เร๊อ โนมอ เด๊อ ส่อเกลอดุกู เนอ นี๋. เด๊อ แกแย เออตือทือ อาเกล เนอ, แว แม๊เถอะ เฮ๊อ เน เน๊อ เน หม่า แกแยจ๊อแกแยเต เตเพร เฮ๊อ.

เห่ขุทวาลู่ 5:24

เพเอโนค โอ่เซอเพร แบ๊ซว๊าเค๊โค อาเหน่ เน๊อ จอแปแหร่ดุ, โทเร๊อ จอแปแหร่ดุ เอ๊จว๊า โอ่เหม่แกลู อาขว่าอาคยา, อา โอ่เหม่ แกดื่อ อาเหน่.

ꤊꤢ꤬ꤜꤢ꤬ꤒꤤ 3:11

เป ซิเง ลอหล่าตี๊กลิ เจ๊อ เน๊อ แกแย เด๊อ อา แอ๊จื๊อ ครวาลือเม เกอ เตซว๊าเตแส่ อาคยา เต๊เห่เนอ, จอแปแหร่ แด่จ๊อแด่เต เหย่ซี เตเพร่ว โต่. เมเตเฮ๊เนอเรอ ลีเทส่อพ๊ากู เฮ๊ เน๊อ, “แกแยจ๊อแกแยเต เตเพร เด๊อ อา พย๊าหนิ ซิปล่อเซอเพร เนอหม่า หม่าเด๊อ อา เตหยื่อเตแหน่ อาขว่าอาคยา แพ๊.”

เห่ขุทวาลู่ 17:1

เบ๊อะ เพอับราม หน่า โอ่ เฮ๊อ ลุยซว๊า เตอเชอ เน๊อ ลุยซว๊า ต๊าหน่า เฮ๊อ เบ๊อะเนอ, จอแปแหร่ ตูจูเพร โอ่โลแถ่ เป่ ลู เร๊อ อา เฮ๊ ลู เน๊อ, “แว หม่า จอแปแหร่ เด๊อ อาโพรฉว่าชอ เตเพร. หนิดา แวโหง่ เร๊อ โอ่เซอเพร เมโตเมเบ่ แวซิปล่อ ปว๋า โตโพ๊ นี๋.

เห่ขุทวาลู่ 5:22

เบ๊อะ อา พู๊โอ่ โทเฮ๊อ คูเมธูเสลาห์ เบ๊อะเนอ, อา โอ่เซอเพร แบ๊ซว๊าเค๊โค เน๊อ จอแปแหร่ดุ อาหน่า โซเย, เร๊อ อา พู๊โอ่ หนิโป่ พู๊เหมาะ พู๊คู เด๊อ อาโร เต๊เห่.

เห่ขุทวาลู่ 2:4

เตหรี่เตแก เออเต๊เห่ เนอหม่า หม่าเฮ๊อ เบ๊อะ จอแปแหร่ดุ แบ๊แลเตแล ม๊อขุ เน๊อ เห่ขุ เบ๊อะเนอ เต๊เห่ อาหรี่อาแก เฮ๊อ. เบ๊อะ แบ่เจ่ จอแปแหร่ ตูจูเพร แบ๊ตา เห่ขุ เน๊อ ม๊อขุ เต๊เห่ เบ๊อะเนอ,

เปโตร อาเหร่อเล๊อ ต๊าบ่า 2:5

ซี เออเต๊เห่เนอ อา แซ่ เกอดื่อเฮ๊อ เร๊อ หล่อเซอเพร เต๊เห่ เฮ๊อ. จอแปแหร่ นอเอ่ หล่อ เด๊อ อา หม่าเฮ๊อ ซีเออ เร๊อ อา เก่ ช๊อแถ่ หี่ เด๊อ แหย่โย ตากยา เตเม. ซี เก่ แรเต เด๊อ หี่กู เออเนอ แซ่เน๊อ เพรหลู่แต บูโพ๊ เต๊เห่เนอ ปา. โท๊โต่ ซี เก่ หลู่แถ่ เตหลู่ เด๊อ จอแปแหร่ อา โอ่ เด๊อซิซิเง จอแปแหร่ ตากยา เต๊เห่ ปา. เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ พย๊าฉื่อ ซี เตหลู่ เออ เต๊เห่ ปา.

เพรโด่แนพู๊ เต๊เห่ 10:22

เร๊อ เหย่ซี เฮ๊ฉื่อ เน๊อ, “เกลอฮู๊ทวาดุ เพโครเนลิอัส นอแฮ เป. อา หม่า แกแยจ๊อแกแยเต เตเพร, โท๊โต่ แกแย เด๊อ อา เบ่หยื่อเบ่แหน่เกอ จอแปแหร่ เตเพร. แกแยยิวพู๊ เต๊เห่ เบ่หยื่อแหน่หนิ ลอปลี เจ๊อ ลู ปว๋า เตเพร เจ๊อ. แซ่ฮู๊ อา เก่ หนิโฮน๊อ เกอ เน เตเฮ๊เบ่อี๊โช เต๊เห่เนอ เร๊อ, จอแปแหร่ อา เตเน่วม๊อขุพู๊ แฮ เฮ๊ ลู เร๊อ เบ่ จว๊า เอ๊แฮ เน เด๊อ อาหี่.”

ꤚꤥꤗꤢꤩ꤬ 1:17

จอแปแหร่ แด่จ๊อแด่เต เฮ๊อ แกแย เต๊เห่ อาเหน่ เร๊อดื่อ ฮู๊เตเนอ, เตซิครือมีลา เออ เด๊อะโลแถ่ เป่ เฮ๊อ. เตจ๊อเตเต เออเนอหมา, อา เป๊อแถ่ เน๊อ เตหยื่อ เร๊อ อา ตื๊อดื่อ เน๊อ เตหยื่อ. ลีเทส่อพ๊า เฮ๊ เน๊อ, “แกแย เด๊อ จอแปแหร่ แด่จ๊อแด่เต อา เน๊อ อาเตหยื่อ เต๊เห่เนอ, เหย่ซี เก่ พย๊าหนิ เตโอ่เซอเพร อาเซ หม่าแหน่ ปา.”

ꤜꤢꤨꤊꤢ꤬ 23:50

แกแย เด๊อ อามุย เร๊อ คูโยเซฟ โอ่ เตเพร. อา โอ่ เด๊อ วีอาริมาเธีย, ยูดาห์เก่กู. อา หม่า แกแยแร๊, แกแยจ๊อจื้อ เด๊อ อา โอ่ป่อแม๊ชือ จอแปแหร่ อาเทออาเก่ เก่ แฮ ปา เตเพร. อา หม่า อา โอ่ป่าเต่อเกอ เร๊อ แกแย ทวาดุ อาตู๊หมู่ตอกล๊อกู เตเพร ตื๊อดื่อเรอ เบ๊อะอู อ๊อแล ลอ เร๊อ อู เก่ เมจากาคยา เหย่ซู่ เบ๊อะเนอ, อา อ๊อแล ป่าเต่อ เกออู โต่.

ꤜꤢꤨꤊꤢ꤬ 2:25

เบ๊อะเนอเค, เด๊อ วีเยรูซาเล็ม อากูเนอ แกแย โอ่เตเพร, อามุย เร๊อ เพสิเมโอน. อา หม่า แกแย จูเอ่ เบ่หยื่อเบ่แหน่ จอแปแหร่ เตเพร, โท๊โต่ แหย่โยบูโพ๊แบ่เจ่ โอ่เกอ เร๊อ อา. อา หม่า แกแย เด๊อ อา โอ่ป่อแม๊ชือ จอแปแหร่ เก่ เมแลเปล๊กา อิสราเอล เด๊อ เตจาเตจือ อากู เตเพร.

เห่ขุทวาลู่ 48:15

โทเร๊อ อา เด๊อะบุ๊ยเด๊อะเตอเรอ เพโยเซฟ เร๊อ อา เฮ๊ เน๊อ, “จอแปแหร่ดุ เด๊อ แวโพ โพอับราฮัม เน๊อ แวเพ เพอิสอัค โอ่เซอเพร เมโต ลูซิปล่อ เนอเตเพร เก่ เด๊อะบุ๊ยเด๊อะเตอเรอ ดื่อ เป๊เจ่ เออเต๊เห่ นี๋. จอแปแหร่ดุ เด๊อ อา แม๊ตู่ แว โต่กู๊แหน่ เออเตเพร เก่ เด๊อะบุ๊ยเด๊อะเตอเรอดื่อ เป๊เจ่ เออเต๊เห่ นี๋.

เห่ขุทวาลู่ 10:1

เออ หมา เตราม๊าราแดหนิ เพโนอาห์ อาพู๊เพรคู คูเซม, คูฮาม เน๊อ คูยาเฟท ซี อากลุยอาแล ตากาแล เต๊เห่ เด๊อ อาพู๊ โอ่แล แลแค เบ๊อะ เทอดุ โทเฮ๊อ เห่ขุ เบ๊อะเนอเต๊เห่ อาหรี่อาแก เฮ๊อ.

เห่ขุทวาลู่ 5:1

ลี เออหม่า เตราม๊าราแด หนิ เพอาดาม อากลุยอาแล ตากาแล ซีเต๊เห่ อาหรี่อาแก. เบ๊อะ จอแปแหร่ดุ แบ๊ แกแย เห่ขุพู๊ เบ๊อะเนอ, อา แบ๊ เหย่ซี แซ่เจ๊อเน๊อ อาเหน่ เจ๊อ.

เห่ขุทวาลู่ 6:10

เพโนอาห์ อาพู๊เพรคู โอ่ ซิโซ. เร๊อ เหย่ซี มุย เน๊อ คูเชม, คูฮาม เน๊อ คูยาเฟท.