เห่ขุทวาลู่ 6:13 - ลีเทส่อพ๊าอาเซ เร๊อ เห่ขุทวาลู๊

¹³ จอแปแหร่ดุ เฮ๊ เพโนอาห์ เน๊อ, “แว แด่แล เฮ๊อ แว ซิปล่อ เน๊อ แว เก่ เมจา เมปย๊า แก ลอเฮ๊อ แกแย เห่ขุพู๊ ปว๋า เตเพร ปา. เมเตเฮ๊เร๊อ เห่ขุเออ อาเล๋อ บาลอ เจ๊อเฮ๊อ เน๊อ เตจาเตมู๊แหม่ เฮ๊อ. เมเตเฮ๊เรอ เด๊อ เหย่ซี อาขว่าอาคยา, แว เก่ เมปย๊าแก เต่อ ลอ เหย่ซี เน๊อ เห่ขุ ปา.

เห่ขุทวาลู่ 6:13 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 4:7

เตล๋อ ปลี อา เตเร ตื๊อดื่อแกเฮ๊อเนอ อา แฮโต่ ผื่อเฮ๊อ. ฮู๊เนอ อาขว่าอาคยา, แซ่ฮู๊ ซี กุยจ๊อเบเบ๊ เกออู เนอ, โอส่าเซ เกอ แลแค เร๊อ เตอิซว๊าอี๊แส่ แล เกอเร๊อ แลแค ซีเหน่, โท๊โต่ โอ่เซอเพร ชาเผร่ เกอ แลแค นี๋.

เห่ขุทวาลู่ 7:23

ล๋อ เต เด๊อ อา โอ่ เซอเพร กู๊ก่าหรู่แร เด๊อ เห่ขุ เออเต๊เห่เนอ, อา เซอแก ลอปลี เฮ๊อ. แกแยเห่ขุพู๊ เบ่เบ่, ล๋อ เตมีเตดอ เด๊อ อา โอ่ เด๊อ มีเกล เนอเต๊เห่ เบ่เบ่, ล๋อ เตมีเตดอ เด๊อ อู โบ่ เด๊อ หี่ เนอเต๊เห่ เบ่เบ่, ถู่พู๊โหย่พู๊ โย เด๊อ ม๊อเล ซีเต๊เห่ เบ่เบ่, จอแปแหร่ ตูจูเพร เมเซอแก ลอปลี เฮ๊อ. เร๊อ อา โอ่ เซอเพรแก ตื๊อแพ๊ เพโนอาห์ เน๊อ แกแย เด๊อ อา โอ่ เกอ เน๊อ ลู เนอเต๊เห่ แพ๊.

เห่ขุทวาลู่ 6:4

เบ๊อะเนอ ตือทือเค เบ่เบ่, ทือเค เด๊อ คยาเนอ เบ่เบ่, จอแปแหร่ดุ อาเตเน่วพู๊ เต๊เห่ เน๊อ แกแยเห่ขุพู๊ อาพู๊เหมาะ เต๊เห่ พย๊าลู เร๊อ อา พู๊โอ่แลหนิ แกแยฉว่าแกแยชอ แกแยดุทู เต๊เห่. เร๊อ อามุยดุ โลเทอโลเก่ แลแค เด๊อ งย๊าเค เนอเต๊เห่ เฮ๊อ.

ꤟꤤꤙꤚꤢꤨ 11:7

เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

เห่ขุทวาลู่ 49:5

เก๋อ สิเมโอน เน๊อ เลวี ซี หม่า ซีโป่ เน๊อ แหม่ ลู. ซี นอเอ่ เกอเร๊อ ซี เน๊ เต๊เห่ เน๊อ เหล่เมปย๊าเมแก อู.

เห่ขุทวาลู่ 6:14

เร๊อ พย๊า มอ ส่อเหล่เห่อ เร๊อ เมแถ่มอ เน๊อ ส่อเกลอดุ เนอนี๋. ด๊อตาตือ ลู โต๊โต่ เน๊อ โต๊โต่ เร๊อ อากูกู อากลอกลอ โปล่บี๊ ลอปลี อา เน๊อ โตโซเนอ นี๊.

เห่ขุทวาลู่ 7:4

เมเตเฮ๊เรอ โซซว๊าเตอเนอ บาแถ่ เฮ๊อ ปา เนอ, แว นอ จือตา งยา เจ๊อ เก่ เหมาะคี๊คี๊ เหมาะเกลเกล อาเนอ ลุยเชอ เน๊อ อาเซ ลุยเชอ เจ๊อ ปา. ล๋อ แกแยเห่ขุพู๊ เน๊อ เตมีเตดอ เด๊อ แว แบ๊ตา ลู เบ๊อะ เห่ขุ เออเต๊เห่เนอ แว เก่ เมเซอ แกลอ เหย่ซี ปา.”

เห่ขุทวาลู่ 7:21

ฮู๊เนอเรอ ถู่พู๊โหย่พู๊ เต๊เห่ เบ่เบ่, เตมีเตดอ อา แน เด๊อ อู โบ่ ลู เด๊อ หี่ เนอเต๊เห่ เบ่เบ่, เตมีเตแหม่ เด๊อ อาแปล เนอเต๊เห่ เบ่เบ่, แกแยเห่ขุพู๊ เบ่เบ่, ล๋อ เต เด๊อ อา ซิปล่อเซอเพร กู๊ก่าหรู่แร เด๊อ เห่ขุ เออ เต๊เห่เนอ, อา เซอแก ลอปลี เจ๊อ.

เห่ขุทวาลู่ 8:21

เบ๊อ จอแปแหร่ ตูจูเพร โนหวิเบ่ เตหลู่แตแถ่ อาเตโนมื๊อโนชือ อาโข่เออ เบ๊อะเนอ, เร๊อ โมโส่โมเซ๊ แหน่เจ๊อ ลูซิปล่อ, เร๊อ อา แด่แลเฮ๊อ อาซิปล่อ เร๊อ อา เฮ๊ เน๊อ, “เด๊อโหน่ เด๊อคยาคย๋า หม่า แว ซิเง เจ๊อ เน๊อ แกแยเห่ขุพู๊ เต๊เห่ เตเน เจ๊อ เตมู๊แหม่รีแจ่ ่ เต๊เห่ เด๊อ อาเป๊เจ่เค ปาเจ๊อ เบ่เบ่, เด๊อ เหย่ซี เตซื๊อ อาขว่าอาคยา, แว อิชอฮา ปา เห่ขุ โต่ เฮ๊อ. ฮู๊ แว เม โทเฮ๊อ กู๊แหน่เออ, เด๊อโหน่เด๊อคยาคย๋า หม่า แว เมเซอเมเหม่ ปา ล๋อ เตเบ่แบ๊ เด๊อ อาซิปล่อเซอเพร โอ่ เออเต๊เห่ โต่ เฮ๊อ.