เห่ขุทวาลู่ 50:18 - ลีเทส่อพ๊าอาเซ เร๊อ เห่ขุทวาลู๊

¹⁸ โทเร๊อ อาโป่แหม่ เต๊เห่ แฮโน แด๊งืองอแล แลแค เด๊อ ลูเป๊เส่เง เร๊อ เหย่ซี เฮ๊ ลู เน๊อ, “กู๊แหน่เออ เป ทวา หม่าแหน่ เฮ๊อ เนหลู่ เฮ๊อ.”

เห่ขุทวาลู่ 50:18 ပူးပေါင်းရင်းမြစ်များ

เห่ขุทวาลู่ 45:3

เพโยเซฟ เฮ๊ อาโป่แหม่ซี เน๊อ, “แว หม่า เพโยเซฟ เฮ๊อ, แวเพ โอ่เซอเพร ปา แพ๊ แอ?” หม่าแน๊เรอ อาโป่แหม่ซี ซิอิเช ตาลว๋า ซิลือ ลูเหล่ อาขว่าอาคยา, อา เฮ๊กาคยาฉื่อ เบ๊ ลู ตือมื๋อ โต่.

เห่ขุทวาลู่ 44:14

เบ๊อะ คูยูดาห์ เน๊อ อาโป่แหม่ซี กาคยาโต่ เฮ๊อ เด๊อ เพโยเซฟหี่ เบ๊อะเนอ, เพโยเซฟ โอ่ปา เบ๊อะ หี่ เนอ เตเม แพ๊. เร๊อ เหย่ซี แด๊งือ งอแล แลแค เด๊อ ลูเป๊เส่เง.

เห่ขุทวาลู่ 42:6

กู๊แหน่เร๊อ คูโยเซฟ แถ่ทวา เฮ๊อ เพรเป๊อเทอเป๊อเก่ เบ๊อะ อียิปต์เก่ เนอ, เร๊อ อา อิเชตา เป่ ล๋อ เทอพู๊เก่พู๊ เต๊เห่ โบ๊กู่ลา. เร๊อ เบ๊อะ คูโยเซฟ อาแหม่ซี เต๊เห่ แฮโต่ เฮ๊อ เบ๊อะเนอ, เหย่ซี แด๊งือ งอแล แลแค เด๊อ เห่ขุ.

เห่ขุทวาลู่ 27:29

เมวเจ่อ เต๊เห่ เก่ ทวาดื่อ เนหลู่เล๊ เต๊เห่ ปา, เร๊อ เหย่ซี เก่ แด๊งือแล ลอดื่อ เด๊อ เนเป๊เส่เง ปา นี๋. เน เก่ เป๊อตี๊หรี่ เร๊อดื่อ เนโป่แหว่ เต๊เห่ ปา, เร๊อ ล๋อ เนโหมะ อากลุยอาลุ๊ย เต๊เห่ เก่ แด๊งือ ลอดื่อ เด๊อ เนเป๊เส่เง ปา นี๋. แกแย เด๊อ อา อิชอมู๊แหม่, เน เต๊เห่เนอ, จอแปแหร่ เก่ อิชอมู๊แหม่ ฉื่อ เหย่ซี ปา, เร๊อ แกแย เด๊อ อา เด๊อะบุ๊ยเด๊อะเตอเรอ เน เต๊เห่เนอ, จอแปแหร่ดุ เก่ เด๊อะบุ๊ยเด๊อะเตอเรอ ดื่อ เหย่ซี ปา นี๋.”

เห่ขุทวาลู่ 41:43

โทเร๊อ คุ๊ย นอ แถ่สี่แด๊ คูโยเซฟ ตีซิโหล่ เด๊อ อาสี่แด๊ เกอเร๊อ เด๊อคยาเนอ เนอขู่ตู๊ขู่ เร๊อ อู เอ๊โทจว๊า เด๊อ ลูเป๊เส่เง เน๊อ, “แด๊งือแล แลแค!” คุ๊ย นอ แถ่เป๊อหนิ ลอเฮ๊อ ลู เน๊อ อียิปต์เก่ เต๊เก่เล เฮ๊อ.

เห่ขุทวาลู่ 50:17

เร๊อ เพ นอเฮ๊ เป เน๊อ, ‘ซี โตเบ่ เฮ๊ โยเซฟ ฮู๊เต เฮ๊เนอเร๊อ, แด่ทูซิปล่อ เร๊อ ปลวาแก เป่เหร่อ เนโป่เนแหม่ เต๊เห่ อาเตเมซื๊อเมปล๊า เด๊อ อาเมซื๊อเมปล๊า, อา เมหน่าเมจา เนเนอเต๊เห่ นี๋,’ ฮู๊เนออาขว่าอาคยา, กู๊แหน่เร๊อ แด่ทูซิปล่อ เร๊อ ปลวาแก เป่เหร่อ เนเพ อาจอแปแหร่ดุ อาหลู่เล๊ เต๊เห่ อาเตเมซื๊อเมปล๊า เนอเต๊เห่ นี๋.” เบ๊อะ คูโยเซฟ หนิโฮ เฮ๊อ โหง่ ฮู๊เออ เบ๊อะเนอ, อา เป๊เส่เทอตา เจ๊อ.

เห่ขุทวาลู่ 50:19

หม่าแน๊เรอ เพโยเซฟ เฮ๊ฉื่อ เหย่ซี เน๊อ, “ซิอิเช ต๊อหร่อเซ๊ แต่ แลแค เหม่, แว หม่า จอแปแหร่ดุ แหน่ แอ? แว เมจากาคยา ซีหม่า อาหนิ โต่.