เห่ขุทวาลู่ 50:11 - ลีเทส่อพ๊าอาเซ เร๊อ เห่ขุทวาลู๊

¹¹ เบ๊อะ คานาอันเก่พู๊ โอ่ เบ๊อะเนอ เต๊เห่ แม๊เถอะ แกแย เนอเต๊เห่ โหง่เห่ แลแค เบ๊อะ คูอาทาด โบ๊กู่ลา โกล่เหล่ กู เบ๊อะเนอ, เหย่ซี เฮ๊ แลแค เน๊อ, “อียิปต์เมวเจ่อพู๊ เต๊เห่ โหง่เซอโหง่โอ่ ซิเปลซิหย่อจา แหน่เจ๊อ ว๊า,” ฮู๊เนอเร๊อ อู เอ๊ แก เหล่โอ่ เนอโต๊โผะ อามุย เน๊อ อาเบลมิสราอิม. เร๊อ เหล่โอ่ เนอโต๊โผะ หม่า อา โอ่ เด๊อ จอร์แดน แลโหมะ ซิเถ่ ตากยา. (อาเบลมิสราอิม อาโหง่แลช๊า หม่า อียิปต์เก่ อาโหง่เซอ โหง่โอ่)

เห่ขุทวาลู่ 50:11 ပူးပေါင်းရင်းမြစ်များ

เห่ขุทวาลู่ 24:6

เพอับราฮัม เฮ๊ฉื่อ ลู เน๊อ, “โต่! เฮ๊แซแร เกออู! เอ๊กา แต่ แวพู๊เพรคู เด๊อเนอ ตีกี๋ แต่ เหม่.

เห่ขุทวาลู่ 50:10

เบ๊อะ เหย่ซี กาโต่ เฮ๊อ คูอาทาดโบ๊กู่ลา โกล่เหล่ กู, จอร์แดน แลโหมะ แบ๊เถ่ เนอโต๊โผะ เบ๊อะเนอ, เหย่ซี โหง่เห่ เอ๊โทเอ๊โม ซิเปลซิหย่อ แลแค เบ๊อะ เนอ. เร๊อ เพโยเซฟ โหง่เห่ ซิเปลซิหย่อ เกอเร๊อ อาเพ เบ๊อะเนอ โซซว๊าเตอเนอ.

เห่ขุทวาลู่ 34:30

เร๊อ เพยาโคบ เฮ๊ คูสิเมโอน เน๊อ คูเลวี เน๊อ, “ซี เมแป่เมเช แหน่เจ๊อ แว. คานาอันเมวเจ่อพู๊ เน๊อ เปริสซี เมวเจ่อพู๊ เด๊อ อา โอ่ เบ๊อะ เก่กู เออ เต๊เห่ เก่ ซิเถ่ซิฮา แหน่เฮ๊อ แว ปา เฮ๊อ. เปแกแย โอ่ ปีตี๊ แพ๊. เหย่ซี เก่ เพร ลู เร๊อ อา เก่ แฮช๊า แลแค แว เฮ๊หม่า, อา เก่ เมปย๊าเมแก เมเซอเมเหม่ ลอปลี แว เน๊อ แวหี่พู๊แพพู๊ เต๊เห่ ปา เฮ๊อ.”

เห่ขุทวาลู่ 13:7

โทโต่ เพรเก เป่ คูอับราม อาเตมีเตดอ เต๊เห่ เน๊อ เพรเก เป่ คูโลท อาเตมีเตดอ เต๊เห่ กย๊าตางา เฮ๊เบ่โอ่เอ๊ เกอเร๊อโป่ ลูลู. เบ๊อะเนอเค, คานาอันเมวเจ่อพู๊ เต๊เห่ เน๊อ เปริสซี เมวเจ่อพู๊ เต๊เห๋ หม่า อา โอ่ แลแค เบ๊อะ เก่กู เนอเนอ.

เห่ขุทวาลู่ 50:12

ฮู๊เนออาขว่าอาคยา, เพยาโคบ อาพู๊เต๊เห่ เม แลแค เฮ๊อ ฮู๊ อาเพ เฮ๊แก เหย่ซี โหง่ เนอ.