เห่ขุทวาลู่ 5:2 - ลีเทส่อพ๊าอาเซ เร๊อ เห่ขุทวาลู๊

² อา แบ๊แลตื๊อ เพรเหมาะ เน๊อ เพรคู เร๊อ อา เด๊อะบุ๊ยเด๊อะเตอเรอ เหย่ซี. เด๊อ อา แบ๊ โทเฮ๊อ เหย่ซี เบ๊อะเนอ, อา เอ๊เร๊อ เหย่ซีมุย เน๊อ, “แกแยเห่ขุพู๊.”

เห่ขุทวาลู่ 5:2 ပူးပေါင်းရင်းမြစ်များ

ꤗꤢ꤬ꤊꤢꤨ 10:6

หม่าแน๊เรอ เด๊อ จอแปแหร่ แบ๊แลลู่ เห่ขุ เร๊อ ม๊อขุ เบ๊อะเนอหม่า ‘จอแปแหร่ แบ๊แลดื่อ เพรเหมาะ เตเพร เร๊อ เพรคู เตเพรแพ๊.’

มัทธิว 19:4

แบ่เจ่ เฮ๊ฉื่อ เหย่ซี เน๊อ, “เด๊อ เห่ขุทวาลู่ ม๊อขุทวาเซ เบ๊อะเนอ, ‘จอแปแหร่ แบ๊แล ตื้อ แพ๊ เพรคู เตเพร เร๊อ เพรเหมาะเตเพร แพ๊’ เนอหม่า ซี แด๊น๊อ เกออู โต่ แอ?

เห่ขุทวาลู่ 2:23

เร๊อ เพรคู เฮ๊ฉื่อ เน๊อ, “เก๋อ กู๊แหน่เร๊อ เออหม่า ครุ๊ย เด๊อ อา บ๊าเถ่ เด๊อ แวครุ๊ยกู, หย่า เด๊อ อา พย๊าเถ่ เด๊อ แวหย่ากู เฮ๊อ. อู พย๊าเถ่ อา เด๊อ เพรคูกู อาขว่าอาคยา, อู โตเบ่ เอ๊ ลูมุย เน๊อ ‘เพรเหมาะ.’”

เห่ขุทวาลู่ 1:27

ฮู๊เนอเร๊อ จอแปแหร่ดุ แบ๊ แกแยเห่ขุพู๊ แซ่เน๊อ อาเหน่ เร๊อ อา แบ๊ เพรคู เน๊อ เพรเหมาะ เออเนอ อาแซ่เน๊อ อาเหน่.

เพรโด่แนพู๊ เต๊เห่ 17:26

จอแปแหร่ แบ๊แล แพ๊ แกแย เตเพร แพ๊ เร๊อ อา นอโอ่ทวาแถ่ แกแยเห่ขุพู๊ ปวาเมวปวาเจ่อ เร๊อ อา นอโอ่ลอ อู เด๊อ เห่ขุต๊าบ่า อากู. อาแหน่แบ่เจ่ เร๊อดื่อ ตี๊หรี่แตแร หนื่ออื่อ ตาเต ม๊อเนอม๊อเซ เร๊อ เตเหล่โอ่เหล่แบ่ เด๊อ แกแยเห่ขุพู๊ เก่โอ่เก่ช๊อ อาเง.

เห่ขุทวาลู่ 2:15

แบ่เจ่ จอแปแหร่ ตูจูเพร โนเด๊อะโอ่ เพรคู เบ๊อะ เอเดน เตเร๊กูเนอ, เร๊อ อา นอเอ่แร นอแม๊ตู่ เร๊อ ลู.

เห่ขุทวาลู่ 1:28

โทเร๊อ จอแปแหร่ดุ เด๊อะบุ๊ยเด๊อะเตอเรอ เหย่ซี เร๊อ อา เฮ๊ เน๊อ, “พู๊โอ่โหร่เหลอโอ่เอ๊ แลแค เร๊อ โอ่บา ลอเจ๊อ เห่ขุ เออต๊าบ่า เร๊อ เป๊อตี๊หรี่ เร๊อดื่อ นี๋. เร๊อ เตมีเตดอ โอ่ เด๊อ เทอดุซาวากู เนอเต๊เห่ เบ่เบ่, ถู่พู๊โหย่พู๊ เด๊อ อา โย เด๊อ ม๊อเล เนอเต๊เห่ เบ่เบ่, เตมีเตดอ, เตมีเตแหม่ เด๊อ อา จว๊า เด๊อ เห่ขุ เนอเต๊เห่ ปว๊า เต๊อเจ่อ เบ่เบ่ เป๊อตี๊หรี่ เร๊อ ลอดื่อ เหย่ซี นี๋.”

เห่ขุทวาลู่ 5:3

เบ๊อะ เพอาดาม หน่าโอ่ เฮ๊อ เตเย เน๊อ โซเชอ เบ๊อะเนอ, อา พู๊โอ่ หนิ พู๊เพรคู เตเพร เด๊อ อาแซ่เจ๊อ เน๊อ อาเหน่ เจ๊อ เร๊อ อา เอ๊ เกอเร๊อ ลูมุย เน๊อ คูเสท.