เห่ขุทวาลู่ 48:18 - ลีเทส่อพ๊าอาเซ เร๊อ เห่ขุทวาลู๊

¹⁸ เร๊อ เพโยเซฟ เฮ๊ อาเพ เน๊อ, “เพ, อาหม่า โต่, พู๊แหว่เพร่ว หม่า เด๊อ เออเตเพร ดื่อ, แด่แถ่ เนกู๊ขู่จ๊อทว๊า เด๊อ อากู่กล๊อลู เนอ.”

เห่ขุทวาลู่ 48:18 ပူးပေါင်းရင်းမြစ်များ

เพรโด่แนพู๊ เต๊เห่ 11:8

หม่าแน๊เร๊อ แว เฮ๊ฉื่อ เน๊อ, ‘แบ่เจ๋, แว เอ๋ เจ๊อแหน่ ตีกี๋ โต่. เต เด๊อ อู แด่ อา เร๊อ อา บูโพ๊ โต่ เต๊เห่ เร๊อ อา โพ๊แปละอาโพ๊อาแปละ โต่ เต๊เห่เนอ, แว เอ่น๊อ เจ๊อ โตโพ๋ โต่.’

เพรโด่แนพู๊ เต๊เห่ 10:14

หม่าแน๊เรอ คูเปโตร เฮ๊ฉื่อ เน๊อ, “แบ่เจ๋ แว เอ่ เจ๊อแหน่ ตีกี๋ โต่, เตเด๊อ อู แด่เฮ๊อ อา เน๊อ อา โพ๊แปละโต่ เนอเต๊เห่ เบ่เบ่, หม่าโต่เรอ อา อาโพ๊อาแปละ โต่ เนอเต๊เห่ เบ่เบ่, แว เอ่น๊อ อา โตโพ๋ โต่.”

มัทธิว 25:9

“หม่าแน๊เรอ เหย่ซี เฮ๊ฉื่อ เน๊อ, ‘โต่, อาโป่เป่ โต่ เกอ ปา ซีเง โต่, อาแร๊เล๊อ หม่า ซี จว๊าพรี เกอเร๊อ ข่อดื่อ ซีเง เด๊อ อู เหล่อิเช หน่าฉิ เหล่โอ่เนอ.’

เห่ขุทวาลู่ 49:3

เก๋อ รูเบน, เน หม่า แวพู๊แหว่เพร่ว. เน หม่า แวเตอเรอฉว่าชอ, แวอ๊าแวเหร่ อาแก่ช๊าแกแหร่. เน พย๊าหนิ เหล่โอ่ เด๊อ อาแถ่โลเล๊อ. เด๊อ แวพู๊ ลอปลี อาเกล เนอ, เนหม่า แกแย เด๊อ อาฉว่าอาชอ เล๊อเจ๊อ อู.

เห่ขุทวาลู่ 43:33

เพโยเซฟ นอ โอ่แนแด๊หร่า ลอ อาโป่แหม่ซี เด๊อ อาเป๊เส่เง, อา นอโอ่แน เป๊อแถ่เหร่อ อาหน่าดุเล๊อ ตากาแล เด๊อ อาหน่า ปีตี๊เล๊อ ฮู๊เนอ, เร๊อ เหย่ซี แม๊ เกอเร๊อ ลู เตเพร เน๊อ เตเพร เร๊อ อาคย๊าอายื๊อ ลอปลี เจ๊อ.

เห่ขุทวาลู่ 29:26

เพลาบัน เฮ๊ฉื่อ ลู เน๊อ, “เป่ เหล่โกล โอ่ เน๊อ, แหม่เพรเหมาะ ตาหี่ตาเพร๊ แต่ล๋ายโต่ เนอ, โป่เพรเหมาะ ปีตี๊ ตาหี่ตาเพร๊ เหร่อ ลู หม่า อา หนิ โต่.

เห่ขุทวาลู่ 27:15

เร๊อ โหมะเรเบคาห์ พย๊า อาพู๊แหว่เพร่ว คูเอซาว เห่อจ่า เด๊อ อาแร๊เล๋อ เด๊อ อาโอ่ เบ๊อะ หี่ด๊อกู เนอเต๊เห่ เร๊อ อา เด๊อะแซ๊แถ่ เน๊อ อาพู๊ เด๊อ อาปีตี๊เล๊อ คูยาโคบ เออเตเพร.

เห่ขุทวาลู่ 19:18

หม่าแน๊เรอ เพโลท เฮ๊ฉื่อ เหย่ซี เน๊อ, “เก๋อ แวแบ่เจ่ ซี, แด่ทูซิปล่อ เร๊อนอ จว๊ายาปา แต่ เป แต่เหม่ นี๋.

เห่ขุทวาลู่ 48:17

เบ๊อะ เพโยเซฟ แม๊เถอะ เน๊อ อาเพ แด่แถ่ อากู๊ขู่จ๊อทว๊า เด๊อ อาพู๊ คูเอฟราอิม อากู่กล๊อลู เบ๊อะเนอ, อาโตลูซิปล่อโต่. ฮู๊เนออาขว่าอาคยา, อา ปื่อ อาเพกู๊ขู่ จ๊อทว๊า เด๊อ อาแด่แถ่ เด๊อ คูเอฟราอิม อากู่กล๊อลู เออ เร๊อ อา เกเร แด่จว๊า เด๊อ คูมนัสเสห์ อากู่กล๊อลู.

เห่ขุทวาลู่ 48:19

หม่าแน๊เรอ อาเพ จูเกอลูโต่ เร๊อ อา เฮ๊ เน๊อ, “แว ซิเง แพ๊, พู๊คู, แว ซิเง แพ๊, คูมนัสเสห์ อากลุยอาลุ๋ย หม่า อา เก่ ทวาแถ่ เมวเจ่อดุ เต๊อเจ่อ ปาปา. อากลุยอาลุ๊ย ตากาแล เต๊เห่ เก่ โอ่โหร่โอ่เอ๊แถ่ ปาปา. ฮู๊เตเต๋ เบ่เบ่, อาโป่ อากลุยอาลุ๊ย เออเนอ อา เก่ ดุ เล๊อเล๊อ เน๊อ ลู ปา. เร๊อ อากลุยอาลุ๊ย เนอ อา เก่ ทวาแถ่ เอ๊แหน่เจ๊อ เมวเจ่อดุ เต๊เห่ ปา.”