เห่ขุทวาลู่ 48:16 - ลีเทส่อพ๊าอาเซ เร๊อ เห่ขุทวาลู๊

¹⁶ เตเน่วม๊อขุพู๊ เด๊อ อา เมแลเปล๊ แว เน๊อ ล๋อ เตแป่เตเช เนอเตเพร เก่ เด๊อะบุ๊ยเด๊อะเตอเรอ ดื่อ เหย่ซี นี๋. เด๊อเหย่ซีอาขว่าอาคยา เร๊อ อู เก่โต เร๊อ ดื่อแวมุย, แวโพ โพอับราฮัม อามุย เน๊อ แวเพ เพอิสอัค อามุยปานี๊. เหย่ซี เก่ พู๊โอ่โหร่เหลอโอ่เอ๊ ดื่อ เบ๊อะ เห่ขุ เออ ปา นี๋.”

เห่ขุทวาลู่ 48:16 ပူးပေါင်းရင်းမြစ်များ

เห่ขุทวาลู่ 49:22

เก๊อ คูโยเซฟ, เน หม่า อาแซ่เน๊อ แท๊ทือเหมาะ เด๊อ อาเส่กล๊อเส่โล ต๊อเหมาะ. เร๊อ อา แด๊แถ่ รีโร ตว่าแร๊ เด๊อ เทอเถ่ขู่ทือ. เร๊อ อาแพ เต๊เห่ ยูแถ่ ตาลว๊าลอ เจ๊อ เน๊อ วี เกเร๊ หล่อ เจ๊อ.

เห่ขุทวาลู่ 48:5

เร๊อ เพยาโคบ เฮ๊ เป่แฮ โป่ เน๊อ, “เบ๊อะ แว แฮ แต่ล๋าย เบ๊อะ อียิปต์เก่ เออ โต่ เบ๊อะเนอ, เนพู๊เพรคู เด๊อ อา โอ่เป๊เจ่แล เบ๊อะ อียิปต์เก่ เออซิเนอ เนอ, แว แด่เฮ๊อ เหย่ซี ฮู๊ แวพู๊ เนอเฮ๊อ. คูเอฟราอิม เน๊อ คูมนัสเสห์ เออซิเนอ เนอ, อา เก่ ทวาเฮ๊อ แวพู๊เพรคู แซ่เน๊อ คูรูเบน เน๊อ คูสิเมโอน เนอ เฮ๊อ.

ทิโมธี เนอบ่า ต๊าบ่า 4:18

แบ่เจ่ เก่ เมแลเปล๊ แว เน๊อ เตมู๊แหม่รีแจ่ ล๋อปลี เออเต๊เห่ ปา. โท๊โต่ อา เก่ พย๊ากา แว ปา เร๊อ อา เก่ ตอกอตอเก เกอเร๊อ แว เด๊อ ม๊อขุ อา เทอเลเก่กู ปา. เตลีเตเค เก่ แลเบ่ ดื่อ แบ่เจ่ เออ ตูจูเพร ตาแลเคร๊ นี๋. อาเมน.

ꤟꤤꤙꤚꤢꤨ 11:21

เด๊อ เตหยื่อ อาขว่าอาคยาเร๊อ, เบ๊อะเพยาโคบ เตเร ผื่อเซอ เฮ๊อ เบ๊อะเนอ, อา เด๊อะบุ๊ยเด๊อะเตอเรอ หนื่ออื่อแกเหร่อ อาเลอ หม่าเฮ๊อ เพโยเซฟ อาพู๊ ซิเนอ. อา ปื่อหม่า เต๊เต่เรแพ๊ อา อิแท๊โบเคอ แพ๊ เร๊อ อา จ๊อเบแถ่ จอแปแหร่.

เพรโด่แนพู๊ เต๊เห่ 15:17

แซ่ฮู๊ ล๋อ แกแยเห่ขุพู๊ เด๊อ อาโร เต๊เห่ ปว๋า เตเพร เร๊อ แกแยยิวพู๊ หม่าโต่ เต๊เห่ เด๊อ แว เอ๊ โทเฮ๊อ เหย่ซี เร๊อ แวมุย เด๊อ อา เก่ ทวาแถ่ หนิลอดื่อ แว เตเต๊เห่เนอ, อา เก่ แฮลอดื่อ เด๊อ แวโอ่ ปา.

ꤛꤥ꤭ꤟꤢ꤬ 17:15

แว กุยจ๊อเบ เร๊อ พย๊าเถ่ ตาพาแก เหย่ซี เร๊อ เห่ขุเออ ฮู๊เนอ หม่าโต่. หม่าโต่เรอ, แว กุยจ๊อเบ เร๊อ เน เก่ ตอกอเตเก บี่หนิ เหย่ซี เร๊อ แกแยจา แกแยมู๊แหม่ เด๊อ อู เอ๊ ลู เร๊อ ซาตาน เออเนอ โตโด.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

โครินธ์ อาเหร่อเล๊อ ต๊าบ่า 10:9

แบ่เจ่ โตโก๋ เร๊อ หม่า อาจ๊อ เร๊อ อา เตอ๊อแล แอ, หม่า อาจ๊อ โต่ แอ, ฮู๊เนอหม่า เป เบ่ เฮ๊แม๊เมแม๊ หนิ แบ่เจ่ ฮู๊ เหย่ซี เต๊เห่ เฮ๊แม๊เมแม๊ เนอ โต่. เปเพอเปโพ เต๊เห่เนอ อา ทื๊อแม๊ แลแค ฮู๊เนอ อาขว่าอาคยา, หรู่ เต๊เห่ อิโพ เซอแก เอ๊ลู เหย่ซี.

โครินธ์ อาเหร่อเล๊อ ต๊าบ่า 10:4

โทเรอ เหย่ซี โอโหร่ ลอปลี ลู เทอ เด๊อ จอแปแหร่ เด๊อะ เหย่ซี เออเนอ เฮ๊อ. เทอ เด๊อ เหย่ซี โอ เออเนอหมา อา โอ่ เด๊อ หล่อกู เถ่. หล่อ เออเนอหมา หม่าเฮ๊อ เหย่ซู่ครี๊ เฮ๊อ. เหย่ซี จว๊า เบ๊อะเต๋ โต๊โผ่ เบ่เบ่ เนอ, เหย่ซู่ จว๊า เต่อเกอ เร๊อ เหย่ซี.

ꤚꤥꤗꤢꤩ꤬ 8:23

ล๋อ เตแบ๊ตา เออเต๊เห่ โปโอเปเช ตื๊อดื่อ หม่าโต่, เป ล๋อ ปลีเออ เบ่เบ่, เป โปโอเปเช เต่อเกอ ลอ ดื่อแพ๊. เป เด๊อ อา พย๊าหนิ แหย่โยบูโพ๊ แบ่เจ่ หม่าเฮ๊อ จอแปแหร่ เด๊อะครา เชหยู่ เด๊อ อาเหร่อเล๊อ เออเต๊เห่เนอ เบ่เบ่, เป โปโอเปเช เกอดื่อ เด๊อ ซิปล่อกูกู. เป โอ่ป่อแม๊ชือ โปโอเปเช เกอดื่อเฮ๊อ จอแปแหร่ เน๊อ ช๋า อา เก่ แฮ อี๊เฮ๊อ เป เร๊อ อาพู๊ ปา เตอเนอ, เร๊อ ช๋า อา เก่ แฮเด๊อะเฮ๊อ เป เหน่กล่อ อาเซ ปา เออเนอเฮ๊อ.

มัทธิว 6:13

นอจว๊าโน แต่ เป เด๊อ เตอิลออี๊โหล่ อาเกล เนอ แต่เหม่ นี๋. หม่าแน๊เรอ เมแลเปล๊กา เร๊อเป เด๊อ โลเน๊มู๊แหม่ กู่กล๊อ อา กู๊ยากู เออเนอ นี๋. (เมเตเฮ๊เรอ เทอเก่ เบ่เบ่, เตโพรเตเตอ เรอ เบ่เบ่, เตเตอเรอดุ เตอเรอทู เบ่เบ่ หม่าดื่อเฮ๊อ เนเต ตูจูเพร ตาแลเคร๊ เฮ๊อ. อาเมน.)’

เห่ขุทวาลู่ 32:28

เร๊อ แกแย เนอเตเพร เฮ๊ ลู เน๊อ, “เนมุย เน๊อ คูยาโคบ หม่า ปา โต่ เฮ๊อ, เน เก่ มุยติ เฮ๊อ เน๊อ คูอิสราเอล ปา, เมเตเฮ๊เร๊อ เน วื๊อฉื่อ เน๊อ จอแปแหร่ดุ เน๊อ แกแยเห่ขุพู๊ เร๊อ เน เป่ เฮ๊อ.”

เห่ขุทวาลู่ 22:11

หม่าแน๊เรอ จอแปแหร่ ตูจูเพร อาเตเน่วพู๊ โอ่ เด๊อ ม๊อขุ เร๊อ อา เอ๊โทตา ลู เน๊อ, “เก๋อ อับราฮัม, อับราฮัม.” เร๊อ อา เต๊ฉื่อ ลู เน๊อ, “เมเต, แบ่เจ่ดุ, แว โอ่ แพ๊.”

เห่ขุทวาลู่ 22:15

จอแปแหร่ ตูจูเพร อาเตเน่วพู๊ โอ่ เด๊อ ม๊อขุ เร๊อ เอ๊ คยาแซ๊ เพอับราฮัม เนอโพ๊โต๊โพ๊.

เห่ขุทวาลู่ 46:3

เร๊อ จอแปแหร่ดุ เฮ๊ ลู เน๊อ, “แว หม่า จอแปแหร่ดุ, เนเพ อาจอแปแหร่ดุ, ซีอิเชจว๊า แต่ เด๊อ อียิปต์เก่ แต่เหม่. แว นอทวาแถ่ เน เน๊อ เมวเจ่อดู๋ เต๊อเจ่อ เบ๊อะเนอ ปา.