เห่ขุทวาลู่ 48:14 - ลีเทส่อพ๊าอาเซ เร๊อ เห่ขุทวาลู๊

¹⁴ หม่าแน๊เรอ เพยาโคบ แด่ อากู๊ขู่, เร๊อ คูเอฟราอิม ปีตี๊เล๊อ ตื๊อดื่อเร๊อ อา แด่แถ่ อากู๊ขู่จ๊อทว๊า เด๊อ ลูกู่กล๊อลู. เร๊อ คูมนัสเสห์ ทวา พู๊แหว่เพร่ว ตื๊อดื่อเร๊อ อา แด่แถ่ อากู๊ขู่จ๊อจิ เด๊อ ลูกู่กล๊อลู.

เห่ขุทวาลู่ 48:14 ပူးပေါင်းရင်းမြစ်များ

เห่ขุทวาลู่ 41:51

เร๊อ เพโยเซฟ เฮ๊ เน๊อ, “จอแปแหร่ดุ นอ โชตาปา แกลอ เฮ๊อ แว เน๊อ แว เตข่าจาข่าจือ เน๊อ แวเพ อาหี่พู๊แพพู๊ เฮ๊อ.” อาเฮ๊ฮู๊เนอเร๊อ อา เอ๊ เกอเร๊อ อาพู๊แหว่เพร่ว เพรคู เออเตเพร อามุย เน๊อ คูมนัสเสห์. (มนัสเสห์ อาโหง่แลช๊า หม่า โชตาปา.)

ทิโมธี อาเหร่อเล๊อ ต๊าบ่า 5:22

จว๊า แด่แถ่แพรลิ่ว แต่ ซี กู๊ขุ เด๊อ อูโอ่ เตเพรเพร เด๊อ อา เก่ เม จอแปแหร่ อา เตเอ่เตแร อาเงเนอ แต่เหม่ นี๋. จว๊าโน เกอ แต่ เด๊อ อู เม เตซื๊อเตปล๊า อาเกลเนอ แต่เหม่ นี๋, โอ่โพ๊โอ่แปละดื่อ เนเต นี๋.

ทิโมธี อาเหร่อเล๊อ ต๊าบ่า 4:14

แม๊ตาเบ๊แก แต่ แหย่โยบูโพ๊ แบ่เจ่ อาเชหยู่ เด๊อ จอแปแหร่ เด๊อะโทเฮ๊อ เนเนอ แต่เหม่ นี๋. เบ๊อะเพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ แด่แถ่ เฮ๊อ อากู๊ขุ เด๊อ เนโอ่ เบ๊อะเนอ, เน พย๊าหนิ แฮเงเฮ๊อ เชหยู่ เออเนอ เด๊อ แกแย เฮ๊โพร หนื่ออื่อ เนหรี่เนแก เนอเต๊เห่ อา โอ่ เฮ๊อ.

เพรโด่แนพู๊ เต๊เห่ 13:3

เหย่ซี โด่เอ่ เหล่เอ่เหล่โอ เร๊อ อา กุยจ๊อเบ, โทเร๊อ เหย่ซี แด่แถ่ อากู๊ขุ เด๊อ คูเซาโล เร๊อ คูบารนาบัส อาลู เร๊อ อา นอเถ่จว๊า เหย่ซี.

เพรโด่แนพู๊ เต๊เห่ 6:6

เหย่ซี อาตู๊หมู่ตอกล๊อเออ ซูแฮ แกแยเออ โซซว๊าเตเพร เด๊อ เพรโด่แนพู๊ เต๊เห่ อา โอ่. เร๊อ อา กุยจ๊อเบ เป่ โท เหย่ซี เร๊อ อา แด่แถ่ แลแค อากู๊ขุ เด๊อ เหย่ซี เออเต๊เห่ อาโอ่.

ꤜꤢꤨꤊꤢ꤬ 13:13

เร๊อ อา แด่แถ่ อากู๊ขุ เด๊อ ลูเหน่ลู เร๊อ โตโพ๊โต อาแหง่ จ๊อแถ่คยา เร๊อ อา ถู่เซ๊แถ่ จอแปแหร่.

ꤜꤢꤨꤊꤢ꤬ 4:40

เบ๊อะเหมาะตา เบ๊อะเนอ, แกแย เต๊เห่ เอ๊แฮ ลอปลี อา โคแบ๊ซว๊า เด๊อ อาชุ๊ยอาเช อาเมวเมว อาเจ่อเจ่อ เต๊เห่ เด๊อ เหย่ซู่ อา โอ่ เร๊อ เหย่ซู่ แด่แถ่ อากู๊ขุ เด๊อ เหย่ซี อาเหน่ลู เตเพร โท เตเพร เร๊อ อา แหย่โอ่เหม่แก เป่ ลอปลี เหย่ซี เตชุ๊ยเตเช ปว๋า เตเพร.

มัทธิว 19:15

เร๊อ อา แด่แถ่โท อากู๊ขุ เด๊อ เหย่ซี อาลู เร๊อ อา เถ่จว๊าแก.

มัทธิว 19:13

อู แเอ๊แฮ เป๊เจ่พู๊ เต๊เห่ เด๊อ แบ่เจ่ เหย่ซู่ อา โอ่, เมเตเฮ๊เรอ เหย่ซี ซิหยื่อ นอแด่แถ่ แบ่เจ่ เหย่ซู่ อากู๊ขุ เด๊อ เป๊เจ่พู๊ เออเต๊เห่ อาเหน่ลู, โทเรอ อา ซิหยื่อ นอกุยจ๊อเบเป่ พู๊เจ่ เต๊เห่ เร๊อ เหย่ซู่. หม่าแน๊เรอ อา โคเจ่ เต๊เห่ ซิพรวาฉื่อ แกแย เด๊อ อา เอ๊แฮ เป๊เจ่พู๊ เออเต๊เห่.

มัทธิว 16:18

เร๊อ แว เฮ๊ เน, เนมุย เร๊อ คูเปโตร เร๊อ แว เก่ ช๊อแล แว เพรหยื่อเอ่ ตู๊หมู่ตอกล๊อ เด๊อ หล่อเออ อาลู ปา. เตเซอ อาเตฉว่าเตชอ เออเนอ, อา เมเป่แจ่ เพรหยื่อเอ่ปล๊อหมู่ โต่.

มัทธิว 6:5

“เร๊อ เบ๊อะซี กุยจ๊อเบ เบ๊อะเนอ, เม แต่ ฮู๊ แกแย เกล จ่าจ๊อจ่าเต อาเหน่ เต๊เห่ แต่เหม่, เมเตเฮ๊เรอ, แซ่ฮู๊ อู เก่ แม๊เถอะ เหย่ซี เนอ, เหย่ซี ซิหยื่อ โอ่ ก๊อถ่อ กุยจ๊อเบ แลแค เด๊อ ยูดาห์ เตจ๊อเบโฮกู เน๊อ แกล๊ ทือแกล๊เด ฮู๊เนอ. แว เฮ๊จ๊อจ๊อ ซี, เหย่ซี พย๊าหนิ เล๊อบา โท ลอเฮ๊อ เตเมหนิคว๊าเก่ เต๊เห่เฮ๊อ.

เห่ขุทวาลู่ 48:18

เร๊อ เพโยเซฟ เฮ๊ อาเพ เน๊อ, “เพ, อาหม่า โต่, พู๊แหว่เพร่ว หม่า เด๊อ เออเตเพร ดื่อ, แด่แถ่ เนกู๊ขู่จ๊อทว๊า เด๊อ อากู่กล๊อลู เนอ.”

เห่ขุทวาลู่ 46:20

เบ๊อะ อียิปต์เก่กู เนอ เพโยเซฟ เน๊อ อาเม เหมาะอาเสนัท พู๊โอ่แล พู๊เพรคู ซิเนอ, เร๊อ อามุย เน๊อ คูมนัสเสห์ เน๊อ คูเอฟราอิม, เร๊อ เหมาะอาเสนัท เนอหม่า วีโอน อาเพรหลู่แตเต เพโปทิเฟรา อาพู๊เพรเหมาะ.

เห่ขุทวาลู่ 41:52

เร๊อ อา เอ๊ เกอเร๊อ อาพู๊เพรคู เด๊อ อาโหน่ เออเตเพร อามุย เน๊อ คูเอฟราอิม, เร๊อ อา เฮ๊โป่ เน๊อ, “จอแปแหร่ดุ เด๊อะเฮ๊อ แว พู๊เต๊เห่ เบ๊อะ เทอเก่ เด๊อ แว ข่าเบ่ เตจาเตจื่อ เออเต๊เก่ อากู เออเฮ๊อ.” (เอฟราอิม อาโหง่แลช๊า หม่า เส่แถ่โพแถ่ เอ๊ แลแค.)

เห่ขุทวาลู่ 48:13

เพยาโคบ เอ๊แฮ ลอ อาพู๊เนอ ซิเนอ เร๊อ คูเอฟราอิม เด๊อ อาเพ ยาโคบ จ๊าทว๊า ตากยา เร๊อ อาโอ่โตเด เน๊อ เพยาโคบ อากู๊ขุ จ๊าจิโตโค๊, เร๊อ เด๊อ คูมนัสเสห์ ติเร๊อ อา แด่โอ่ ลู เด๊อ เพยาโคบจ๊าจิตากยา เร๊อ อาโอ่ โตเด ติ เร๊อ เพยาโคบ อา กู๊ขุ จ๊าทว๊า โตโค๊, โทเร๊อ คูโยเซฟ นอ แฮโอ่ผื่อ เหย่ซี เน๊อ เพยาโคบ.

เห่ขุทวาลู่ 48:17

เบ๊อะ เพโยเซฟ แม๊เถอะ เน๊อ อาเพ แด่แถ่ อากู๊ขู่จ๊อทว๊า เด๊อ อาพู๊ คูเอฟราอิม อากู่กล๊อลู เบ๊อะเนอ, อาโตลูซิปล่อโต่. ฮู๊เนออาขว่าอาคยา, อา ปื่อ อาเพกู๊ขู่ จ๊อทว๊า เด๊อ อาแด่แถ่ เด๊อ คูเอฟราอิม อากู่กล๊อลู เออ เร๊อ อา เกเร แด่จว๊า เด๊อ คูมนัสเสห์ อากู่กล๊อลู.