เห่ขุทวาลู่ 47:12 - ลีเทส่อพ๊าอาเซ เร๊อ เห่ขุทวาลู๊

¹² โทเร๊อ เพโยเซฟ เมจว่าหนิเป่โป่ อาเพ เน๊อ อาโป่อาแหม่ เน๊อ ล๋อ อาเพ อาตี๊หี่แตแพ เต๊เห่ เหล่เอ่เหล่โอ อาเง, เป๊เจ่ปีตี๊ฮู๊ โอ่ บ๊าเพรเต๋ เนอ อา เมจว่า หนิลอ เจ๊อ.

เห่ขุทวาลู่ 47:12 ပူးပေါင်းရင်းမြစ်များ

เห่ขุทวาลู่ 45:11

เพ แฮโอ่ เบ๊อะเออ ปา เร๊อ แว เก่ แม๊ตู่เมจว่า เกอเร๊อดื่อ เพ ปา. เมเตเฮ๊เร๊อ เก่วีเก่กอดุ โอ่แก ปาเจ๊อ แงหน่าเจ๊อปา. แว ซิหยื่อ นอ โอ่วีโอ่กอ เพ เน๊อ เพตี๊หี่แตแพพู๊ เน๊อ เพเตมีเตดอ เต๊เห่ โต่,”’ กาเฮ๊ ลู ฮู๊เนอ นี๊.”

ทิโมธี อาเหร่อเล๊อ ต๊าบ่า 5:8

แกแย เตเพรเพร เก่ อาแม๊อาตู่หนิ เร๊อเกอ อากลุยอาแล โต่ เฮ๊เนอ, อา เท๊บี๊แกเฮ๊อ ครี๊พู๊ อา เตอิซว๊าอี๊แส่ เฮ๊อ. เร๊อ อา หม่า แกแย เด๊อ อา จาเล๊อ ปา เจ๊อ เน๊อ แกแย เด๊อ อา หยื่อเอ่เกออู ครี๊ โต่ เตเพร เจ๊อ. อา จาเล๊อ หม่า แกแย เด๊อ อา แม๊หนิ เด๊อะเกอ อา หี่ด๊อหี่แพพู๊ อาพู๊อาเม โต่ เนอเต๊เห่ เฮ๊อ.

ทิโมธี อาเหร่อเล๊อ ต๊าบ่า 5:4

หม่าแน๊เรอ เพรเหมาะโอ่แคร๊ เตเพรเนอ อา เก่ พู๊โอ่, หม่าโต่เรอ อาเลอ เต๊เห่ เก่โอ่ เฮ๊เนอ, อาพู๊อาเลอ ซีเต๊เห่ โตเบ่ แม๊ตู่หนิ เร๊อเกอ อา โหมะโอ่แคร๊ อา เพอโอ่แคร๊ เออ ฮู๊ ครี๊พู๊ เหล่โกล เมเนอ. ฮู๊เนอ อาขว่าอาคยา, เมบุ๊ยเมเตอเรอ คยา โหมะเพเพอโพ เต๊เห่ เน๊อ แกล๊ ฮู๊เออ นี๋, เมเตเฮ๊เรอ เมเตฮู๊เออ เต๊เห่ เนอหม่า อาโต จอแปแหร่ อาซิปล่อ.

ทิโมธี อาเหร่อเล๊อ ต๊าบ่า 4:8

เตอิซว๊า แจ่แถ่ เนเหน่ เด๊อ เหน่กล่อพ๊าหย่า ตากยา เนอหม่า, อาบุ๊ยอาเตอเรอ โอ่ เต๊เห่. หม่าแน๊เรอ อิซว๊า แจ่แถ่ หนิ เนเหน่ ฮู๊ จอแปแหร่ ซิหยื่อ นอ โอ่เซอเพร เน เนอหม่า อาบุ๊ยเตอเรอ โอ่ ลอปลี เจ๊อ. เป จว๊าอิซว๊า แจ่แถ่ หนิโต่ เปเหน่ ฮู๊ จอแปแหร่ อา เตซิหยื่อ เนอ เมเตเฮ๊เรอ, เตเออเนอ อา เก่ ทวาบุ๊ยทวาเตอเรอ หม่าแหน่ ตื๊อเออ ตือทือ อาเงเนอ หม่าโต่, ช๋า เนอปา ตือทือ อาเง เบ่เบ่, อา ทวาบุ๊ยทวาเตอเรอ หม่าแหน่ เจ๊อ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:7

เป หม่า ครี๊ อา เพรโด่แน เต๊เห่ อาขว่าอาคยา, เป เก่ กุยฉว่า เต เด๊อ ซีโอ่ เนอหม่า อาโตอาเบ่ แพ๊, หม่าแน๊เรอ เป เมฮู๊เนอโต่. เบ๊อะเป โอ่เกอ เร๊อ ซี เบ๊อะเนอ, เป เฮ๊เบ่เจ่เฮ๊เบ่หนิ แพ๊ ซี, แซ่เน๊อ โหมะเตเพร อาแม๊อาตู่หนิ เร๊อ อาพู๊ เต๊เห่ เนอแพ๊.

เห่ขุทวาลู่ 47:24

หม่าแน๊เรอ เบ๊อะ ซี เก๊กาป่อกา เฮ๊อ ซีเตเส่เตโพ ปา เบ๊อะเนอ, แฮเด๊อะ กาคยา เป่ คยาแซ๊ คุ๊ย แงปุ๊ย เร๊อ ตีปุ๊ย ปานี๊. เด๊อ อา โอ่แก เนอลุยปุ๊ย เร๊อ แด่แก เน๊อ อากลุยอาลุ๊ย โทเร๊อ นอเอ่ เน๊อ ซีเง เร๊อดื่อ เน๊อ ซีตี๊หี่แตแพพู๊ เน๊อ ซีพู๊ซีเหลอ เต๊เห่ อาเหล่เอ่เหล่โอ อาเงเนอ.”

เห่ขุทวาลู่ 47:21

ล๋อ แกแย โอ่ เบ๊อะ อียิปต์เก่กือทือ โต่เด๊อ เก่กือตื๊อดื่อ เต๊เห่เนอ เพโยเซฟ นอ แฮทวาลอ เหย่ซี เน๊อ หลู่.

เห่ขุทวาลู่ 47:1

โทเร๊อ เพโยเซฟ แฮแด๊โฉ่ คุ๊ยเน๊อ, “แวเพ เน๊อ แวโป่แหม่ซี โอ่ เด๊อ คานาอันเก่ เร๊อ อา โตจว๊าเกอเร๊อ ลอ เหย่ซีซิหมิ เบ๊หมู่ เต๊เห่, เตมีเตดอโหมะหมู่ เต๊เห่ เน๊อ ล๋อ เต เด๊อ อาโอ่ เน๊อ เหย่ซี เต๊เห่ เร๊อ อา แฮโต่ เฮ๊อ. กู๊แหน่เร๊อ เหย่ซี เกเร แฮ โอ่แลแค เด๊อ โกเชนเก่ เนอ.”

เห่ขุทวาลู่ 50:21

ฮู๊เนออาขว่าอาคยา, ซิอิเช แต่ แลแค เหม่ นี๋. แว เก่ เด๊อะเอ่เด๊อะโอ ดื่อ ซี เน๊อ ซีพู๊ซีเลอ เต๊เห่ ปา.” โทเร๊อ อา เด๊อะอ๊าเด๊อะเหร่หนิ เหย่ซี เร๊อ อา เฮ๊เบ่โมเฮ๊เบ่แร๊ หนิ เหย่ซี.

เห่ขุทวาลู่ 45:7

แซ่ฮู๊ ซีกลุยซีแล เต๊เห่ เก่ โอ่แก เกออู เบ๊อะ เห่ขุเออ เร๊อ ซี ซิปล่อเซอเพร เก่ แลเปล๊ โค๊แก เกอ ดื่อ อาเงเนอ, จอแปแหร่ดุ ซูจว๊าเหร่อ เฮ๊อ แว เด๊อ ซีแบ๊เง เด๊อ เก่ เออเต๊เก่ อากูเฮ๊อ.

เห่ขุทวาลู่ 45:10

เพ เน๊อ เพอาพู๊ อาเลอ ซีเต๊เห่, เน๊อ เพ อาซิหมิเน๊อเป่โหมะ เน๊อ เตมีเตดอ เบ๊หมู่ซี เต๊เห่ เน๊อ ล๋อ เพ อาตาหมื่อตาเต เนอเต๊เห่ เก่ แฮโอ่ผื่อ ลอดื่อ เน๊อ แว เบ๊อะ โกเชนเก่ เออเนอ ปา.