เห่ขุทวาลู่ 46:3 - ลีเทส่อพ๊าอาเซ เร๊อ เห่ขุทวาลู๊

³ เร๊อ จอแปแหร่ดุ เฮ๊ ลู เน๊อ, “แว หม่า จอแปแหร่ดุ, เนเพ อาจอแปแหร่ดุ, ซีอิเชจว๊า แต่ เด๊อ อียิปต์เก่ แต่เหม่. แว นอทวาแถ่ เน เน๊อ เมวเจ่อดู๋ เต๊อเจ่อ เบ๊อะเนอ ปา.

เห่ขุทวาลู่ 46:3 ပူးပေါင်းရင်းမြစ်များ

เห่ขุทวาลู่ 12:2

แว เก่ นอ ทวาแถ่ เน เน๊อ เมวเจ่อดู๋ เต๊อเจ่อ ปา, เร๊อ แว เก่ เมบุ๊ยเมเตอเรอ เน ปา, แว เก่ นอ โลเทอโลเก่ เนมุย ปา เร๊อ เน เก่ ทวา เป่ เตบุ๊ยเตเตอเรอ เต๊อเจ่อ เด๊อ อูเง ปา.

เพรโด่แนพู๊ เต๊เห่ 27:24

เร๊อ อา เฮ๊ แว เน๊อ, ‘คูเปาโล๋, ซิอิเช แต่เหม่. เน เบ่ แฮ ก๊อถ่อโอ่ โต่เบ่ เร๊อดื่อ เด๊อ คุ๊ยดุ ซีซาร์ อา เป๊เส่เง ปา. เร๊อ อา เก่ แด๊เฮอเจแม๊ ดื่อ เน ปา. จอแปแหร่ ย๊อ แม๊ เนเป๊เส่ เร๊อ อา เมบุ๊ยเมเตอเรอ เร๊อดื่อ เน อาขว่าอาคยา, อา เก่ เมแลเปล๊ เน เร๊อ แกแย เด๊อ อา แถ่แด๊ เต่อเกอ ส่อเกลอดุ เร๊อ เน เออเต๊เห่ ล๋อ ปลี ปา.’

เห่ขุทวาลู่ 35:11

เร๊อ จอแปแหร่ดุ เฮ๊ โป่ ลู เน๊อ, “แว หม่า จอแปแหร่ เด๊อ อาโพรเตอเรอฉว่าชอ เตเพร, พู๊โอ่โหร่เลอโอ่เอ๊ แลแค เร๊อ โอ่โหร่โอ่เอ๊แถ่ เกอ แลแค นี๊. แว เก่ นอทวาแถ่ เนกลุยเนแล เต๊เห่ เน๊อ เมวเจ่อดุ เต๊อเจ่อ เน๊อ เมวเจ่อ เอ๊ อาเมวเจ่อ เต๊เห่ ปา. เด๊อ เนกลุยเนแล อาเกล เต๊เห่ เนอ, อา เก่ ทวาแถ่ หนิดื่อ คุ๊ยจ๊อแผ่ เต๊เห่ ปา.

เพรโด่แนพู๊ เต๊เห่ 7:17

“เบ๊อะม๊อเนอ ผื่อแถ่เฮ๊อ เน๊อ จอแปแหร่ เก่ เมเล๊อเมบาแถ่ อา เตอ๊อแลนอแล เด๊อ อา อ๊อแลโทเฮ๊อ เน๊อ เพอับราฮับ เบ๊อะเนอ, เปเมวเจอะพู๊ เด๊อ อา โอ่ เด๊อ อียิปต์เก่กู เออเต๊เห่เนอ, อา โอ่โหร่แถ่ เร๊อ โอ่โหร่แถ่ เจ๊อ.

เห่ขุทวาลู่ 47:27

ฮู๊เนอเร๊อ อิสราเอลพู๊ เต๊เห่ โอ่ แลแค เบ๊อะ อียิปต์เก่กู โกเชนเหล่โอ่ เนอโต๊โผะ. เร๊อ เหย่ซี ดุแหย่แถ่ เน๊อ ดุแหย่แถ่, พู๊โอ่โหร่ เหลอโอ่เอ๊แถ่ เน๊อ โอ่เอ๊แถ่ แลแค เบ๊อะเนอ.

เห่ขุทวาลู่ 22:17

แว เด๊อะบุ๊ยเด๊อะเตอเรอ หม่าแหน่ เจ๊อ เน ปา. แว นอ โอ่โหร่โอ่เอ๊แถ่ เนกลุยเนลุ๊ย เต๊เห่ แซ่เจ๊อเน๊อ เฉ่ เด๊อ ม๊อเล, แซ่เจ๊อเน๊อ หล่อตาม๊า เด๊อ เทอดุซาวาทือ เด๊อ อู แด๊ ลอเป่ ปาเจ๊อโต่ เออเนอ ปา. เร๊อ เนกลุยเนลุ๊ย เนอ อา เมปย๊าแก เหย่ซี เต๊เห่ ปา, เร๊อ อา เป๊อะหนิลอ เหย่ซีวี เต๊เห่ ปา.

เห่ขุทวาลู่ 18:18

อา หม่า อา เก่ทวา หม่าแหน่ เมวเจ่อดู๋ เต๊อเจ่อ เด๊อ อา โอ่ เน๊อ เตเตอเรอฉว่าชอ เนอ ปา. เร๊อ ล๋อ เมวเจ่อ เด๊อ อา โอ่ เด๊อ เห่ขุเออ เต๊เห่ เก่ พย๊าหนิ แฮเง เกอ เตเด๊อะบุ๊ยเด๊อะเตอเรอ เน๊อ อาขว่าอาคยา ปา.

เห่ขุทวาลู่ 15:13

เร๊อ จอแปแหร่ เฮ๊ตา ลู เด๊อ เตโอ่เมอแหม่ อากูเนอ เน๊อ, “ซิเง ตาเต เร๊อดื่อ เน๊อ เนกลุยเนลุ๊ย เต๊เห่เนอ, อา เก่ จว๊าทวา ซิเผระ เด๊อ อูเทออูเก่กู ปา. เหย่ซี เก่ จว๊าทวา อูหลู่ เบ๊อะเนอ ปา, เร๊อ อู เก่ เมจาเมจือ เหย่ซี อาหน่า ลุยเย เจ๊อ ปา.

เห่ขุทวาลู่ 15:1

เบ๊อะ คูอับราม เมแลเปล๊ หนิแก คูโลท โทเนอ, อา แม๊เถอะลว๊า เต เต๊อเจ่อ เร๊อ จอแปแหร่ ตูจูเพร เฮ๊เบ่ตา ลู เน๊อ, “เก๋อ คูอับราม, ซิอิเช แต่ เตอเจ๋อ แต่เหม่ นี๋. แว เก่ ตอกอเตเก เร๊อดื่อ เน ปา, โท๊โต่ แว เก่ เด๊อะโป่ เน เตเมหนิ คว๊าเก่ เด๊อ อาแร๊ดุเล๊อ เออเนอ ปา.”

เห่ขุทวาลู่ 17:1

เบ๊อะ เพอับราม หน่า โอ่ เฮ๊อ ลุยซว๊า เตอเชอ เน๊อ ลุยซว๊า ต๊าหน่า เฮ๊อ เบ๊อะเนอ, จอแปแหร่ ตูจูเพร โอ่โลแถ่ เป่ ลู เร๊อ อา เฮ๊ ลู เน๊อ, “แว หม่า จอแปแหร่ เด๊อ อาโพรฉว่าชอ เตเพร. หนิดา แวโหง่ เร๊อ โอ่เซอเพร เมโตเมเบ่ แวซิปล่อ ปว๋า โตโพ๊ นี๋.

เห่ขุทวาลู่ 48:16

เตเน่วม๊อขุพู๊ เด๊อ อา เมแลเปล๊ แว เน๊อ ล๋อ เตแป่เตเช เนอเตเพร เก่ เด๊อะบุ๊ยเด๊อะเตอเรอ ดื่อ เหย่ซี นี๋. เด๊อเหย่ซีอาขว่าอาคยา เร๊อ อู เก่โต เร๊อ ดื่อแวมุย, แวโพ โพอับราฮัม อามุย เน๊อ แวเพ เพอิสอัค อามุยปานี๊. เหย่ซี เก่ พู๊โอ่โหร่เหลอโอ่เอ๊ ดื่อ เบ๊อะ เห่ขุ เออ ปา นี๋.”

เห่ขุทวาลู่ 48:19

หม่าแน๊เรอ อาเพ จูเกอลูโต่ เร๊อ อา เฮ๊ เน๊อ, “แว ซิเง แพ๊, พู๊คู, แว ซิเง แพ๊, คูมนัสเสห์ อากลุยอาลุ๋ย หม่า อา เก่ ทวาแถ่ เมวเจ่อดุ เต๊อเจ่อ ปาปา. อากลุยอาลุ๊ย ตากาแล เต๊เห่ เก่ โอ่โหร่โอ่เอ๊แถ่ ปาปา. ฮู๊เตเต๋ เบ่เบ่, อาโป่ อากลุยอาลุ๊ย เออเนอ อา เก่ ดุ เล๊อเล๊อ เน๊อ ลู ปา. เร๊อ อากลุยอาลุ๊ย เนอ อา เก่ ทวาแถ่ เอ๊แหน่เจ๊อ เมวเจ่อดุ เต๊เห่ ปา.”