เห่ขุทวาลู่ 45:8 - ลีเทส่อพ๊าอาเซ เร๊อ เห่ขุทวาลู๊

⁸ “ฮู๊เนออาขว่าอาคยา, เพร เด๊อ อา ซูแฮ แว เบ๊อะเออ เนอหม่า ซี หม่า โต่, จอแปแหร่ดุ แพ๊. อา นอ ทวา แว เน๊อ เพรเด๊อะซิเงจว่า คุ๊ย. อา นอทวา แว เพรเป๊อตี๊หรี่ หนิ คุ๊ยโฮ เตเมลอ เด๊อ อาดุเล๊อ เตเพร. โท๊โต่ อา นอ เป๊อะหนิลอ แว เน๊อ อียิปต์เก่ เต๊เก่เล เฮ๊อ.

เห่ขุทวาลู่ 45:8 ပူးပေါင်းရင်းမြစ်များ

ꤛꤥ꤭ꤟꤢ꤬ 15:16

ซี นว๊าแถ่ แว หม่าโต่. แว นว๊าแถ่ ซี เร๊อ แว แด่แถ่เฮ๊อ ซี เด๊อ ซี เก่ เถ่จว๊า แลแค เร๊อ จว๊า เส่แถ่อาโพแถ่ เอ๊ แลแค. แว แด่แถ่เฮ๊อ ซี เร๊อ ซี เก่ เส่จิจือหมะ แลแค เด๊อ อาตื๊อดื่อ. ซี เก่ เมฮู๊เนอ ตื๊อหม่า ซี กุย อิเตเต๊ เบ่เบ่, ซี เก่ กุย เร๊อ แวมุย เฮ๊เนอ, เพ เก่ เด๊อ ซี ปา.

ꤚꤥꤗꤢꤩ꤬ 9:16

ฮู๊เนอเรอ เป เหล่ซิเลแถ่ เกอเร๊อ เป แกแย อา เตซิหยื่อ, หม่าโต่เรอ, อาเต แอ๊จื๊อแอ๊เหร่ เต๊เห่ เนอหม่า อาหนิ โต่. เตล๋อ ปลี เด๊อ เป เหล่ซิเล แถ่หนิ เนอหม่า ตื๋อแพ๊ จอแปแหร่ อา เตซิยอ แพ๊.

ꤛꤥ꤭ꤟꤢ꤬ 19:11

เร๊อ แบ่เจ่ เหย่ซู่ เฮ๊ฉื่อ ลู เน๊อ, “จอแปแหร่ เก่ เด๊อะตา เน เตอเรอฉว่าชอ เออ โต่เนอ, เน พย๊าหนิ แจ่ โต่. ฮู๊เนอเรอ แกแย เด๊อ อา เด๊อะตาแก แว เด๊อ เน กู๊ยากู เออเต๊เห่เนอ, อาเตซื๊อ ดุเล๊อ ปา เจ๊อ เร๊อ เน.”

เห่ขุทวาลู่ 45:5

เด๊อ ซี อิเชจว๊าแก แว เบ๊อะเออ อาขว่าอาคยา, เบ่ย่อเบ่สี่ แลแค แต่เหม่ นี๊. โทโต่ ซิปล่อดุ เกอ เร๊อ แลแค ซีเหน่ แต่เหม่เหม่ นี๊. แซ่ฮู๊ แว เก่ เมแลเปล๊หนิ อูเตโอ่เซอเพร อาเงเนอเร๊อ, จอแปแหร่ดุ ซูจว๊าเหร่อแว เด๊อ เง แพ๊.

ฟีเลโมน 1:15

ตาแร๊หม่า เตหรี่เตแก เด๊อ อา เถ่จว๊า ตาพาแก เร๊อ เน แตแปล๊เตอเปลอ เออเนอหมา, แซ่ฮู๊ เน เก่ เมหนิ กาคยา คยาแซ๊ อา ตูจูเพร อาเง เนอแพ๊ เก่.

เห่ขุทวาลู่ 45:26

เร๊อ เหย่ซี กาเฮ๊ เกอเร๊อ แลแค อาเพ เน๊อ, “เพโยเซฟ โอ่เซอเพร ปา แพ๊! เร๊อ อา เป๊อหนิ ลอ เจ๊อ อียิปต์เก่ เต๊เก่เล เจ๊อ!” เร๊อ อา เถ่ตาปาแก เจ๊อ เพยาโคบ เร๊อ อา หยื่อเอ่ เบ๊ปา เจ๊อ เหย่ซี โต่.