เห่ขุทวาลู่ 42:30 - ลีเทส่อพ๊าอาเซ เร๊อ เห่ขุทวาลู๊

³⁰ “เพรเป๊อเทอเป๊อเก่ เด๊อ อา เป๊อหนิ เทอ เก่ เบ๊อะ อียิปต์เก่ เนอ เตเพร, อา เฮ๊เบ่ฉว่าเฮ๊เบ่ชอ แหน่เจ๊อ เป เจ๊อ. อา เฮ๊ เป เน๊อ เป แฮทื๊อเจแม๊ เหย่ซีเก่.

เห่ขุทวาลู่ 42:30 ပူးပေါင်းရင်းမြစ်များ

เห่ขุทวาลู่ 42:7

เพโยเซฟ แม๊เถอะ อาแหม่ ซีซี เน๊อ อา ซิเงแพ๊ เหย่ซี, หม่าแน๊เรอ อา จ่า ฮู๊ อา ซิเง เหย่ซี โต่ เนอ, เร๊อ อา เฮ๊เบ่ฉว่าเฮ๊เบ่ชอ เหย่ซี เน๊อ, “ซี โอ่ เบ๊อะเต แฮ?” เร๊อ เหย่ซี เฮ๊ฉื่อ ลู เน๊อ, “เป โอ่ เด๊อ คานาอันเก่ แฮ เร๊อ เป แฮ พรี เกออู โบ๊กู่ลา เหล่เอ่ เบ๊อะเออ.”

เห่ขุทวาลู่ 42:29

เบ๊อะ เหย่ซี กาโต่ เฮ๊อ เด๊อ คานาอันเก่ เหย่ซีอาเพ เพยาโคบ โอ่เกอเร๊อ เก่ เบ๊อะเนอ, เหย่ซี กา เฮ๊โฉ่ โลลอ เป่ อาเพ เน๊อ ล๋อ เต เด๊อ อา ทวาแถ่ เน๊อ เหย่ซี เนอเต๊เห่. เร๊อ เหย่ซี เฮ๊ เน๊อ,

เห่ขุทวาลู่ 42:9

เพโยเซฟ เตเนแถ่โต่ คยาแซ๊ อา โอ่เมอแหม่เร๊อ เหย่ซี อาหรี่อาแก เนอ เร๊อ อา เฮ๊ เหย่ซี เน๊อ, “ซี หม่า เพรทื๊อเจเครแม๊ เต๊เห่ ว๊า! แซ่ฮู๊ ซี เก่ แฮช๊า เร๊อ เป อาเงเนอ, ซี แฮทื๊อเจแม๊ เหร่อ เปเทอเก่ อา อ๊าเจ่เหร่เจ่ เด๊อ เป เตเกบี๊หนิเบ๊ เร๊อ โต่ เนอ โต๊โผะโผะ แวเฮ๊ แต.”

เห่ขุทวาลู่ 42:16

เด๊อ ซีเกล เตเพรเพร เบ่ กาเอ๊แฮ ซีโป่, เด๊อ อา โอ่แก เต๊เห่ เร๊อ เบ่ ด๊อตา ลอ เหย่ซี เด๊อ ทอกู ปา. แซ่ฮู๊ แว เก่ ซิเง เน๊อ ซี เฮ๊เบ่จ๊อ โหง่ แอ หม่าโต่แอ อาเงเนอ, แว เบ่ เมแม๊ ซี ฮู๊เออ. ซี เก่ เฮ๊แลโฮ เฮ๊หม่า, แว แบเฮ๊อ แวโหง่ เน๊อ คุ๊ย อามุย เร๊อ ซี หม่า เพรทื๊อเจเครแม๊ เต๊เห่ เฮ๊อ.”