เห่ขุทวาลู่ 41:8 - ลีเทส่อพ๊าอาเซ เร๊อ เห่ขุทวาลู๊

⁸ เบ๊อะ เหมาะลี เฮ๊อ เบ๊อะเนอ, คุ๊ย เตเนต๊อหร่อเซ๊ ซิอิเช เกอเร๊อ แหน่เจ๊อ อาเต อาขว่าอาคยา, อา นอจว๊า เอ๊แฮ ลอปลี เพร เด๊อ อา เฮ๊โฉ่โลโปลแจ่ เตโอ่เมอแหม่ อาโหง่แลช๊า เน๊อ เพรลีแมพู๊ เด๊อ อียิปต์เก่กู เนอเต๊เห่ เร๊อ อา เฮ๊โฉ่โล เป่ เหย่ซี เน๊อ อาเตโอ่เมอแหม่ เนอเต๊เห่. หม่าแน๊เรอ เตเพร่ว อู เฮ๊โฉ่ เถ่โล แจ่ เป่ ลู เตโอ่เมอแหม่ อาโหง่แลช๊า โต่.

เห่ขุทวาลู่ 41:8 ပူးပေါင်းရင်းမြစ်များ

มัทธิว 2:1

เหย่ซู่ โอ่เป๊เจ่แล เด๊อ วีเบธเลเฮม, ยูดาห์ เก่ อากู, เบ๊อะคุ๊ยเฮโรด เป๊อเทอเป๊อเก่ เบ๊อะเนอ. เหย่ซู่ โอ่เป๊เจ่แล โทเนอ เพรลีแมลีเพ๊ เด๊อ เก่ซิเถ่ เต๊เห่ แฮ เด๊อ วีเยรูซาเล็ม เร๊อ แฮแด๊เฮอ คุ๊ย เน๊อ,

เห่ขุทวาลู่ 40:8

เร๊อ เหย่ซี เฮ๊ฉื่อ ลู เน๊อ, “เปเออซิเนอลอ เป โอ่เมอแหม่ เตเพร เต๊อเจ่อ, เร๊อ อู เฮ๊โฉ่แจ่ เป่ เป อาโหง่แลช๊า เตเพร่ว โต่.” เร๊อ คูโยเซฟ เฮ๊ฉื่อ เหย่ซี เน๊อ, “เพร เด๊อ อา เฮ๊เถ่แจ่ เตโอ่เมอ แหม่ อาโหง่แลช๊า หม่า ตื๋อ จอแปแหร่ดุ เตเพร แพ๊ เมฮู๊เนอเร๊อ เฮ๊โฉ่โล เป่ แม๊ แว ซีเตโอ่เมอแหม่ เออเนอ.”

เห่ขุทวาลู่ 40:6

เบ๊อะ เหมาะลีเฮ๊อ เบ๊อะเนอ, คูโยเซฟ จว๊าโต เหย่ซี เร๊อ อา แม๊เถอะ เน๊อ เหย่ซีซิปล่อ ปย๊า ลอ แลแค.

โครินธ์ อาเหร่อเล๊อ ต๊าบ่า 1:19

จอแปแหร่ อาลาอาโหง่ เฮ๊ เน๊อ, “แว เก่ เมปย๊าแก เพรลีแมลีเพ๊ เต๊เห่ อา เตลีแมลีเพ๊ เต๊เห่ ปา. แว เก่ วีแก แก เพรแจ่ซิเง เต๊เห่ อา เตซิคว๊าซิเง เนอเต๊เห่ ปา,”อา เฮ๊ ฮู๊เนอ.

เพรโด่แนพู๊ เต๊เห่ 17:18

ซ๊าร๊า เด๊อ อู เอ๊ เร๊อ, เอปิคูเรียนพู๊ เร๊อ สโตอิกพู๊ เต๊เห่ เฮ๊เบ่โด่แน เคร๊แขระ แลแค เร๊อ คูเปาโล. เหย่ซี อาเกล เต๊เห่เห่เนอ, อา เฮ๊ แลแค คูเปาโล เน๊อ, “แกแย เตซิเง โอ่เกออู เตอเจ๋อ โต่ เร๊อ อา จว๊าจ่าเม อาเหน่ ฮู๊ เพรเบ่แจ่เฮ๊แจ่ เออเตเพรเออ อา จว๊า เฮ๊แคร๋ อิเตเต?” เต๊เห่เรอ อา เฮ๊ติ เน๊อ, “อา แซ่เน๊อ อา โด่แน เทอโรเก่กลอ อา จอแปแหร่ เต๊เห่ อาหรี่อาแก,” อา เฮ๊ ฮู๊เนอ. เหย่ซี จว๊าเฮ๊โต่ แลแค ฮู๊เออ เมเตเฮ๊เรอ อา โตเบ๊อะคูเปาโล แด๊โฉ่โด่แน เป่ อู เร๊อ เหย่ซู่ อาหรี่อาแก เร๊อ อาเตเซอ ก๊อถ่อ เซอเพร กาคยา อาหรี่อาแก เบ๊อะเนอ อาขว่าอาคยา อา เฮ๊ แลแค ฮู๊เนอ.

เพรโด่แนพู๊ เต๊เห่ 7:22

อู อิซว๊าอี๊แส่ หนิ คูโมเสส เร๊อ อียิปต์เก่พู๊ อา เตลีแมลีเพ๊ ปว๋า เต๊อเจอะ เร๊อ อา เตเฮ๊เบ่เฮ๊โช เร๊อ อา เตเอ่เตแร เต๊เห่เนอ, อา เล๊อบา เร๊อ เตเตอเรอฉว่าชอ เจ๊อ.

เห่ขุทวาลู่ 41:7

เร๊อ โบ๊กู่ลาแปล เด๊อ อาโน๊อาครา, อาเส่สู่เส่พี เนอ โซซว๊าแตแปล สู่กลูโนแก โบ๊กู่ลาแปล เด๊อ อาแปลดุแปลจวา เร๊อ อาเส่เช๊แร๊ เนอ โซซว๊าแตแปล. โทเร๊อ แม๊! คุ๊ย เกล๊ดา อา โอ่เมอแหม่ แพ๊.

เห่ขุทวาลู่ 41:15

เร๊อ คุ๊ย เฮ๊ ลู เน๊อ, “แว โอ่เมอแหม่ เตโอ่เมอแหม่ เต๊อเจ่อ, เร๊อ เตเพร่ว อู เฮ๊โฉ่โลโปล แจ่ เป่แว อาโหง่แลช๊า โต่. หม่าแน๊เรอ อู เฮ๊โฉ่โล เป่ แว เน๊อ เน เฮ๊โฉ่โลโปลแจ่ เตโอ่เมอแหม่ เต๊เห่ อาโหง่แลช๊า, แว หนิโฮ ฮู๊เนอ.”

เห่ขุทวาลู่ 41:24

เร๊อ โบ๊กู่ลาแปล เด๊อ อาโน๊อาครา, อาเส่สู่เส่พี เนอ โซซว๊าแตแปล ฉู่กลูโนแก โบ๊กู่ลาแปล เด๊อ อาแปลดุแปลจวา เร๊อ อาเส่ เช๊ แร๊ เนอ โซซว๊าแตแปล. เตโอ่เมอแหม่ เออ แว เฮ๊โฉ่โล เป่ เน๊อ เพร เด๊อ อา เฮ๊เถ่โลโปลแจ่ เตโอ่เมอแหม่ อาโหง่แลช๊า เนอเต๊เห่ ตื๊อดื่อเร๊อ เหย่ซี เฮ๊โฉ่โล แจ่ เป่ แว อาโหง่แลช๊า เตเพร่ว โต่.”