เห่ขุทวาลู่ 41:54 - ลีเทส่อพ๊าอาเซ เร๊อ เห่ขุทวาลู๊

⁵⁴ เร๊อ เก่วีเก่กอดุ โซซว๊าต๊าหน่า เป๊อทวาแถ่ แหน่ เฮ๊อ ฮู๊ เพโยเซฟ เฮ๊ หนื่ออื่อโท เฮ๊อ เนอ. ล๋อ เทอเก่ เด๊อ อาโร เต๊เห๋ หม่า เก่วีเก่กอดุ โอ่แถ่ ลอลอ. หม่าแน๊เรอ เบ๊อะ อียิปต์เก่ เต๊เก่ เลลอ เนอ เฉ่เอ่เฉ่โอ โอ่ แพ๊.

เห่ขุทวาลู่ 41:54 ပူးပေါင်းရင်းမြစ်များ

เพรโด่แนพู๊ เต๊เห่ 7:11

“เบ๊อะเนออาเค เตโอ่วีโอ่กอ โอ่แถ่ เด๊อ อียิปต์เก่ เน๊อ เด๊อ คานาอันเก่กู เร๊อ เตจาเตจือดุ ตื๊อดื่อ เต๊เห่ โอ่ทวาแถ่ โต่ เจ๊อ เด๊อ เปเพอเปโพ เต๊เห่ เหล่เอ่เหล่โอ โอ่ ปา เจ๊อ โต่ เจ๊อ.

เห่ขุทวาลู่ 45:11

เพ แฮโอ่ เบ๊อะเออ ปา เร๊อ แว เก่ แม๊ตู่เมจว่า เกอเร๊อดื่อ เพ ปา. เมเตเฮ๊เร๊อ เก่วีเก่กอดุ โอ่แก ปาเจ๊อ แงหน่าเจ๊อปา. แว ซิหยื่อ นอ โอ่วีโอ่กอ เพ เน๊อ เพตี๊หี่แตแพพู๊ เน๊อ เพเตมีเตดอ เต๊เห่ โต่,”’ กาเฮ๊ ลู ฮู๊เนอ นี๊.”

เห่ขุทวาลู่ 41:30

หม่าแน๊เรอ เนอโซซว๊าต๊าหน่า โทปา เร๊อ เก่วีเก่กอ เก่ โอ่แถ่ เกอติ โซซว๊าต๊าหน่า ปา. เร๊อ อู เก่ โชตาปาแก ลอเจ๊อ หน่า เด๊อ โบ๊โฮดี เหล่เอ่เหล่โอ่ โอ่เล๊อโอ่บาเจ๊อ เนอโซซว๊าต๊าหน่า ปา. เมเตเฮ๊เร๊อ เก่วีเก่กอ จา แหน่เจ๊อ เร๊อ อา เก่ เมปย๊าแก อียิปต์เก่ เจ๊อปา.

เห่ขุทวาลู่ 47:13

กู๊แหน่เออ เก่วีเก่กอ จา แหน่เจ๊อ อาขว่าอาคยา, เหล่โอ่ เบ๊อะเต โต๊โผะ เต๋ เบ่เบ่ เฉ่เอ่เฉ่โอ โอ่ปา โต๊โพ๋ โต่ เฮ๊อ. อียิปต์เก่พู๊ เต๊เห่ เบ่เบ่, คานาอันเก่พู๊ เต๊เห่ เบ่เบ่, เด๊อ เก่วีเก่กอ จา อาขว่าอาคยา, เหย่ซี ข่าเบ่ลอเฮ๊อ เตโอ่วีโอ่กอ เฮ๊อ.

เห่ขุทวาลู่ 43:1

กู๊แหน่เร๊อ เด๊อ คานาอันเก่กูเนอ เก่วีเก่กอ จา ตอ แหน่ปา แพ๊.

เห่ขุทวาลู่ 42:2

แว หนิโฮ เน๊อ เด๊อ อียิปต์เก่ เนอ โบ๊กู่ลา โอ่ เฮ๊ ว๊า. แซ่ฮู๊ เป เก่ เซอ โต่, เป เก่ โอ่เซอเพร เป่แฮ เบ๊ปา อาเงเนอ, ตากาแลมอ, จว๊ามอ เร๊อ จว๊าพรี เกอมอ แลแค อู โบ๊กู่ลา เบ๊อะเนอ นี๊.”

เห่ขุทวาลู่ 41:27

ปู่โหมะแคร เด๊อ อา แถ่โหน่ เนอ โซซว๊าโตโด หม่า อา ตาช๊า เร๊อ หน่า เด๊อ อา แฮ โหน่ โป่ โซซว๊าต๊าหน่า เนอ ปา. เก่แลเซ๊ พอ เด๊อ เก่เชเทอแก่ขุ พอแฮเบ่ ลู เร๊อ อาแปล เถ่ โบ๊กู่ลาแปล เด๊อ อาโน๊อาครา, อาเส่สู่เส่พี เออเนอหม่า อา ตาช๊า เร๊อ หน่า เกเร กล่า ปา โซซว๊าต๊าหน่า เออเนอ เฮ๊อ.

เห่ขุทวาลู่ 41:53

เฉ่เอ่เฉ่โอ โอ่เล๊อโอ่บา เด๊อ อียิปต์เก่กู โซซว๊าต๊าหน่า เออเนอ อาตื๊อดื่อแก เฮ๊อ.