เห่ขุทวาลู่ 41:52 - ลีเทส่อพ๊าอาเซ เร๊อ เห่ขุทวาลู๊

⁵² เร๊อ อา เอ๊ เกอเร๊อ อาพู๊เพรคู เด๊อ อาโหน่ เออเตเพร อามุย เน๊อ คูเอฟราอิม, เร๊อ อา เฮ๊โป่ เน๊อ, “จอแปแหร่ดุ เด๊อะเฮ๊อ แว พู๊เต๊เห่ เบ๊อะ เทอเก่ เด๊อ แว ข่าเบ่ เตจาเตจื่อ เออเต๊เก่ อากู เออเฮ๊อ.” (เอฟราอิม อาโหง่แลช๊า หม่า เส่แถ่โพแถ่ เอ๊ แลแค.)

เห่ขุทวาลู่ 41:52 ပူးပေါင်းရင်းမြစ်များ

เห่ขุทวาลู่ 49:22

เก๊อ คูโยเซฟ, เน หม่า อาแซ่เน๊อ แท๊ทือเหมาะ เด๊อ อาเส่กล๊อเส่โล ต๊อเหมาะ. เร๊อ อา แด๊แถ่ รีโร ตว่าแร๊ เด๊อ เทอเถ่ขู่ทือ. เร๊อ อาแพ เต๊เห่ ยูแถ่ ตาลว๊าลอ เจ๊อ เน๊อ วี เกเร๊ หล่อ เจ๊อ.

เห่ขุทวาลู่ 50:23

เร๊อ เบ๊อ อาเซอ แต่ล๋ายโต่ อาเคเนอ เพโยเซฟ แม๊เถอะ หนิเล๊ ปา อาพู๊ เพเอฟราอิม อาพู๊อาเลอ โต่เด๊อ อาลูอายา เต๊เห่ เจ๊อ. โท๋ โต่ อา โบ่ หนิเล๊ ปา อาลู เต๊เห่ หม่าเฮ๊อ เพมนัสเสห์ อาพู๊ เพมาร์คี อาพู๊ เนอเต๊เห่ แซ่เน๊อ อาพู๊ เร๊อ อาเหน่เร๊อดื่อ เนอเจ๊อ. (มาร์คี อาโหง่แลช๊า หม่า อู อิเชเอ่ ลู.)

เห่ขุทวาลู่ 17:6

แว เก่ นอ โอ่โหร่โอ่เอ๊แถ่ เนกลุยเนแล เต๊เห่ ปา. แว เก่ นอ โอ่แถ่ เมวเจ่อ เต๊เห่ เด๊อ เนกลุยเนแล อาเกล ปา, โท๊โต่ คุ๊ย เต๊เห่ เก่ โอ่แถ่ เด๊อ เนกลุยเนลุ๊ย อาเกล ปา.

เห่ขุทวาลู่ 28:3

จอแปแหร่ เด๊อ อาโพรเตอเรอฉว่าชอ เออเตเพร เก่ เด๊อะบุ๊ยเด๊อะเตอเรอดื่อ เน ปา นี๋, เร๊อ เน เก่ พู๊โอ่โหร่เลอโอ่เอ๊ดื่อ เร๊อ โอ่โหร่โอ่เอ๊แถ่ เกอ แลแค นี๋. เร๊อ เน เก่ ทวาแถ่ เกอดื่อ เมวเจ่อดู๋ เต๊อเจ่อ เน๊อ เมวเจ่อ เอ๊เต๊เห่ อาเมวเจ่อ ปา.

เพรโด่แนพู๊ เต๊เห่ 7:10

โทเรอ เบ๊อะอา ป่อชิเต่อ เตแป่เตเช เบ๊อะเนอ, จอแปแหร่ เมแลเปล๊ ลู ปว๋า โตโพ๊ เจ๊อ. เบ๊อะคูโยเซฟ จว๊าโต่ เด๊อ อียิปต์เก่ คุ๊ยฟาโรห์ เป๊เส่เง เบ๊อะเนอ, จอแปแหร่ เด๊อะ ลู เตลีแมลีเพ๊ เร๊อ คุ๊ยฟาโรห์ อาเตแม๊ดุ โค๊ เกอเร๊อดื่อลู เต๊เห่. โทเรอ คุ๊ยฟาโรห์ นอเป๊อหนิเร๊อ ลู เร๊อ อียิปต์เก่ เน๊อ อาหี่อาแพ เน๊อ อาโฮเท ซีเต๊เห่.

เห่ขุทวาลู่ 41:51

เร๊อ เพโยเซฟ เฮ๊ เน๊อ, “จอแปแหร่ดุ นอ โชตาปา แกลอ เฮ๊อ แว เน๊อ แว เตข่าจาข่าจือ เน๊อ แวเพ อาหี่พู๊แพพู๊ เฮ๊อ.” อาเฮ๊ฮู๊เนอเร๊อ อา เอ๊ เกอเร๊อ อาพู๊แหว่เพร่ว เพรคู เออเตเพร อามุย เน๊อ คูมนัสเสห์. (มนัสเสห์ อาโหง่แลช๊า หม่า โชตาปา.)

เห่ขุทวาลู่ 41:53

เฉ่เอ่เฉ่โอ โอ่เล๊อโอ่บา เด๊อ อียิปต์เก่กู โซซว๊าต๊าหน่า เออเนอ อาตื๊อดื่อแก เฮ๊อ.

เห่ขุทวาลู่ 48:1

เด๊อ อาโหน่เนอ อู แฮเฮ๊โฉ่ เพโยเซฟ เน๊อ อาเพ โอ่โม โต่. ฮู๊เนอเร๊อ เพโยเซฟ เอ๊หนิ อาพู๊เพรคู คูมนัสเสห์ เน๊อ คูเอฟราอิม เนอซิเนอ เร๊อ อา จว๊าแม๊ แลแค อาเพ.

เห่ขุทวาลู่ 48:14

หม่าแน๊เรอ เพยาโคบ แด่ อากู๊ขู่, เร๊อ คูเอฟราอิม ปีตี๊เล๊อ ตื๊อดื่อเร๊อ อา แด่แถ่ อากู๊ขู่จ๊อทว๊า เด๊อ ลูกู่กล๊อลู. เร๊อ คูมนัสเสห์ ทวา พู๊แหว่เพร่ว ตื๊อดื่อเร๊อ อา แด่แถ่ อากู๊ขู่จ๊อจิ เด๊อ ลูกู่กล๊อลู.

เห่ขุทวาลู่ 48:5

เร๊อ เพยาโคบ เฮ๊ เป่แฮ โป่ เน๊อ, “เบ๊อะ แว แฮ แต่ล๋าย เบ๊อะ อียิปต์เก่ เออ โต่ เบ๊อะเนอ, เนพู๊เพรคู เด๊อ อา โอ่เป๊เจ่แล เบ๊อะ อียิปต์เก่ เออซิเนอ เนอ, แว แด่เฮ๊อ เหย่ซี ฮู๊ แวพู๊ เนอเฮ๊อ. คูเอฟราอิม เน๊อ คูมนัสเสห์ เออซิเนอ เนอ, อา เก่ ทวาเฮ๊อ แวพู๊เพรคู แซ่เน๊อ คูรูเบน เน๊อ คูสิเมโอน เนอ เฮ๊อ.