เห่ขุทวาลู่ 41:16 - ลีเทส่อพ๊าอาเซ เร๊อ เห่ขุทวาลู๊

¹⁶ คูโยเซฟ เฮ๊ฉื่อ ลู เน๊อ, “แว เฮ๊โฉ่แจ่ เน๊อ เพคุ๊ย เตโอ่เมอแหม่ อาโหง่แลช๊า โต่, หม่าแน๊เรอ จอแปแหร่ดุ เก่ เด๊อะโลดื่อ เพคุ๊ย เตโอ่เมอแหม่ อาโหง่แลช๊า เด๊อ อาแร๊ ปา.”

เห่ขุทวาลู่ 41:16 ပူးပေါင်းရင်းမြစ်များ

โครินธ์ เนอบ่า ต๊าบ่า 3:5

เป ซิเลแถ่ เกอเร๊อ เป เตแจ่เตลีแม เต๊เห่เนอ หม่าโต่. เป โอ่ เร๊อ เตแจ่เตลีแม เด๊อ เป เมเบ๊เฮ๊อ เตเม เออเต๊เห่ เนอหม่า อา โอ่ เด๊อ จอแปแหร่ อา โอ่ แฮ แพ๊.

เห่ขุทวาลู่ 40:8

เร๊อ เหย่ซี เฮ๊ฉื่อ ลู เน๊อ, “เปเออซิเนอลอ เป โอ่เมอแหม่ เตเพร เต๊อเจ่อ, เร๊อ อู เฮ๊โฉ่แจ่ เป่ เป อาโหง่แลช๊า เตเพร่ว โต่.” เร๊อ คูโยเซฟ เฮ๊ฉื่อ เหย่ซี เน๊อ, “เพร เด๊อ อา เฮ๊เถ่แจ่ เตโอ่เมอ แหม่ อาโหง่แลช๊า หม่า ตื๋อ จอแปแหร่ดุ เตเพร แพ๊ เมฮู๊เนอเร๊อ เฮ๊โฉ่โล เป่ แม๊ แว ซีเตโอ่เมอแหม่ เออเนอ.”

เพรโด่แนพู๊ เต๊เห่ 3:12

คูเปโตร แม๊เถอะ เหย่ซี เร๊อ อา เฮ๊ เหย่ซี เน๊อ, “แว โคแบ๊ซว๊า อิสราเอลพู๊ ซี๋, ซี จว๊า อาคย๊าอายื๊อ แลแค เตเม เออเต๊อเจ่อ อาเหล่ เมเต? ซี จว๊า แม๊โอ่แต่ โต่ ลอ เป เมเต? แกแย เออเตเพร จว๊าแจ่ เออเนอหมา ซี เตเน แลแค เน๊อ เป เม เป่ อา เน๊อ เปเตโพรเตเตอเรอ เนอ แอ? ซี เตเน แลแค เน๊อ หม่า แกแย บูโพ๊ เต๊เห่ อาขว่าอาคยา ฮู๊เนอ แอ?

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

เพรโด่แนพู๊ เต๊เห่ 3:7

อา เฮ๊โท ฮู๊เนอเรอ อา ปื่อ ลูกู๊ขุ จ๊อทว๊า เร๊อ อา จุ่ยก๊อถ่อ ลูลู เน๊อ โตโพ๊โต อากู๊โด่ตารา เน๊อ กู๊โด่ ชาเดอะ อา ฉว่าแถ่ชอแถ่ ล๊อปลี เจ๊อ.

ꤜꤢꤨꤊꤢ꤬ 19:42

เร๊อ อา เฮ๊ เน๊อ, “เออเตอเนอ, เน เก๊ ซิเง เบ่ เร๊อ อู พย๊าแฮ เป่ เน เตเปเตดวา เฮ๊เนอหม่า อาแร๊ แหน่เจ๊อ, หม่าแน๊เรอ กู๊แหน่เออ เน แม๊เถอะ แจ่ เกออู โต่.

เห่ขุทวาลู่ 37:14

เร๊อ อาเพ เฮ๊ โป่ ลู เน๊อ, “จว๊ามอ กู๊แหน่ เร๊อ จว๊าแม๊แม๊ หม่า เนแหม่ ซี โอ่โมโอ่แร๊ ช๊าเหล่ แอ, โทเร๊อ ซิหมิ เน๊อ เป่ ซีเต๊เห่ หม่า อา เม แคร๋ ฮู๊เต เนอ, กาเฮ๊โฉ่โล เป แว นี๊.” เร๊อ อา โอ่ เบ๊อะ เฮโบรน เก่ตอกู เนอเร๊อ อา นอเถ่จว๊า คูโยเซฟ เด๊อ วีแซ๊เก่. เบ๊อะ คูโยเซฟ แฮโต่ เฮ๊อ เด๊อ วีเชเคม ช๊าเบ๊อะเนอ,

เห่ขุทวาลู่ 41:17

ฮู๊เนอเรอ คุ๊ย แด๊โล เป่ คูโยเซฟ เน๊อ, “แว โอ่เมอแหม่ เน๊อ แว จว๊า ก๊อถ่อ โอ่ เด๊อ เทอแลโหมะดุไนล์ทือ,

เห่ขุทวาลู่ 41:25

โทเร๊อ คูโยเซฟ เฮ๊ฉื่อ ลู เน๊อ, “เตโอ่เมอแหม่ เออ เนอเจ่อ หม่า เตอเจ๋อ แพ๊ เร๊อ อาโหง่แลช๊า แซ๊ ลู แพ๊. จอแปแหร่ดุ เกเร เม เฮ๊อ เต เร๊อ อา เด๊อะโล หนื่ออื่อเหร่อเฮ๊อ เพคุ๊ย เฮ๊อ.

เห่ขุทวาลู่ 41:28

จอแปแหร่ดุ เกเร เมเฮ๊อ เต เออเนอ อา เด๊อะโล หนื่ออื่อเหร่อ เฮ๊อ เพคุ๊ย เฮ๊อ อาขว่าอาคยา, อา เก่ทวาแถ่ ฮู๊ แว เฮ๊โฉ่โล เป่ เฮ๊อ เพคุ๊ย เออเนอ ปา.