เห่ขุทวาลู่ 41:1 - ลีเทส่อพ๊าอาเซ เร๊อ เห่ขุทวาลู๊

¹ เบ๊อะ เพร เด๊อ คุ๊ย หยื่อเอ่ หนิ ลู เร๊อ อา โอแม๊ เป่ คุ๊ย อาแท๊ทือเส่เทอแย อาทวาดุทวาเต เนอเตเพร พย๊าหนิ คยาแซ๊ เฮ๊อ อาเตแร อา ตาลว๊าแฮ เฮ๊อ เนอหน่า เนอ, คุ๊ย โอ่เมอแหม่ เน๊อ อา จว๊า ก๊อถ่อ โอ่ เด๊อ เทอ แลโหมะ ไนล์ดุ ทือ เด๊อ อียิปต์เก่ กู เนอ.

เห่ขุทวาลู่ 41:1 ပူးပေါင်းရင်းမြစ်များ

มัทธิว 27:19

เบ๊อะคุ๊ยปีลาต โอ่แนโอ่ เด๊อ อาเหล่แด๊เฮอ เจแม๊ อู กู่ แกล๊แถ่อาโล เบ๊อะเนอ, อาเม นอแฮแด๊โฉ่ แกแยเต๊เห่ เร๊อ อา เวคุ๊ยปีลาต เร๊อ อา เฮ๊ เน๊อ, “จว๊าเมเบ่แต แกแย เด๊อ อาเตซื๊อ โอ่โต่ เออเตเพรเนอ ตีกี๋ แต่เหม่ นี๋, เมเตเฮ๊เรอ แว โอ่เมอแหม่ แร๊ เจ๊อ อาหรี่อาแก ตีกี๋ เจ๊อ โต่.”

เห่ขุทวาลู่ 40:5

เบ๊อะ เหย่ซี โอ่ เบ๊อะ ทอกู เบ๊อะเนอ, เตเซเค, เพร เด๊อ คุ๊ย หยื่อเอ่ เร๊อ ลู เร๊อ อา โอแม๊ เป่ คุ๊ย อาแท๊ทือเส่เทอแย ทวาดุทวาเต เน๊อ เพรเม เป่ คุ๊ยค๊อมู ทวาดุทวาเต เด๊อ อู ด๊อตา เหย่ซี เด๊อ ทอกู เออซิเนอ อา โอ่เมอแหม่ โพรแลแค ลู เตเซเซ๋ อากู, เร๊อ เตเพร่ว เน๊อ เตเพร อาเตโอ่เมอแหม่ เนอ อาโอ่ ดื่อ เน๊อ อาโหง่แลช๊า.

เห่ขุทวาลู่ 31:21

ฮู๊เนอเร๊อ อา โต่กา หนิลอ อาตาหมื่อตาเต ล๋อ ปลี เร๊อ อา กาจว๊าเบ๊ แก ยูเฟรติส เทอแลโหมะดุ เร๊อ อา กาจว๊าโต่ เด๊อ กิเลอาดโฉ่ ตากยา.

เห่ขุทวาลู่ 29:14

เร๊อ เพลาบัน เฮ๊ ลู เน๊อ, “เน หม่า แวสุ่ยแวเทอ หม่าแหน่เจ๊อ.” เร๊อ คูยาโคบ โอ่เกอ เน๊อ ลู เบ๊อะเนอ เตเล.

เห่ขุทวาลู่ 20:3

เตเซเค, จอแปแหร่ดุ แฮโอ่โลแถ่ เป่ คุ๊ยอาบีเมเลค เด๊อ อาเตโอ่เมอ แหม่กู เร๊อ อา เฮ๊ ลู เน๊อ, “เนเกเร เซอ เฮ๊อ ปา, เมเตเฮ๊เร๊อ เพรเหมาะ เด๊อ เน พย๊า เออเนอ เตเพร หม่า อาเว โอ่โทดื่อ เฮ๊อ.”

เห่ขุทวาลู่ 28:12

เร๊อ อา โอ่เมอแหม่ เน๊อ อา แม๊เถอะ กู่โบ ตู๊ขู่ โอ่ เด๊อ เห่ขุ เร๊อ อา แป แถ่โต่ เจ๊อ เด๊อ ม๊อขุ, เร๊อ จอแปแหร่ดุ อาเตเน่วพู๊ ซีเต๊เห่ แก๊แถ่แกแล แลแค เบ๊อะเนอ.

เห่ขุทวาลู่ 40:23

หม่าแน๊เรอ เพร เด๊อ เร๊อ อา โอแม๊ เป่ คุ๊ย อาแท๊ทือเส่เทอแย อาทวาดุทวาเต เนอเตเพร เร๊อ อา ซิเหน่เบ่โต่ ปา คูโยเซฟ โต่. อา โซ๋ ตาปาแก ลู.

เห่ขุทวาลู่ 41:2

เร๊อ อา แม๊เถอะ ปู่โหมะบื่อซือลื๊อ โซซว๊าโตโด โอ่ เด๊อ เทอแลโหมะดุไนล์กู เร๊อ อา แก๊แถ่ เป่ ลู, เร๊อ อา แถ่เอ่ แลแค มีออ เบ๊อะ ปูเหมาะเกล เนอ.