เห่ขุทวาลู่ 4:2 - ลีเทส่อพ๊าอาเซ เร๊อ เห่ขุทวาลู๊

² เด๊อคยาเร๊อ อา พู๊โอ่ หนิ โป่ อาโป่ เพรคู คูอาแบล เร๊อ อา ทวา เพรเกซิหมิ. อาแหม่ คูคาอิน เร๊อ อา ทวา เพรเมแหล่เมกู่เกลพู๊.

เห่ขุทวาลู่ 4:2 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:15

อูเปเป๋ เบ่เบ่ อา เก่ ซิเถ่ แกแย หยื่อเอ่ ครี๊ เด๊อ อาโร เตเพรเพร เฮ๊เนอหม่า, อา เมเซอ แกแย เฮ๊อ. เร๊อ ซี ซิเง เร๊อ แกแย เด๊อ อา เมเซอ แกแย เตเพรเพร เนอ, อา พย๊าหนิ เกออู ซิปล่อเซอเพร ตูจูเพร แตแลเคร๊ โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12

เป โตเบ่ แซ๊หนิ เร๊อ คูคาอิน เด๊อ โลเน๊มู๊แหม่รีแจ่ กู่กล๊อ เป๊อ เกอเร๊อ ลู เร๊อ อา เมเซอ เกอเร๊อ อาโป่ เนอเตเพร โต่. อา จว๊า เมเซอ โต่ อาโป่ เมเตเฮ๊เรอ อา เมเต เต๊เห่ เนอหม่า, อา ย๋อ มู๊แหม่รีแจ่ เร๊อ อาโป่ เมเต เต๊เห่ เนอหม่า, อา ย๋อ จ๊อเต อาขว่าอาคยา, อา เมเซอแก อาโป่ แพ๊.

ꤜꤢꤨꤊꤢ꤬ 11:51

แว เฮ๊ ซี๋, เป๊อแถ่ เบ๊อะเพอาดัม อาพู๊ เมเซอ หนิเร๊อ อาโป่ คูอาแบล เนอเรอ โต่แฮ เด๊อ อู เมเซอ คูเศคาริยาห์ เด๊อ เตหลู่แต อาเหล่โอ่ เร๊อ เตมวาปลีบูโพ๊ อาเปล่กูเนอ, จอแปแหร่ เก่ เมจากาคยา หม่าแหน่ เจ๊อ เด๊อ ซี เออตือทือ เต๊เห่ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

จอแปแหร่ อาพู๊อาเลอ เต๊เห่ เร๊อ โลเน๊มู๊แหม่รีแจ่ กู่กล๊อ อาพู๊อาเลอ เต๊เห่เนอ, เป ซิเง ตาเต แจ่ อา ฮู๊เออ เฮ๊เรอ, อูเปเป๋ เบ่เบ่ อา เก่ เม แฮเง ตื๊อดื่อปา เต เด๊อ อา โตโต่ เต๊เห่, โต่หม่าแน๊ อา โม เกอเร๊อ เกอ อาโป่อาแหม่ ครี๊พู๊ เต๊เห่ โต่ เฮ๊เนอหม่า จอแปแหร่ อาพู๊อาเลอ หม่าโต่.

ꤛꤥ꤭ꤟꤢ꤬ 8:44

ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.

เห่ขุทวาลู่ 47:3

เร๊อ คุ๊ย แด๊เฮอ เหย่ซี เน๊อ, “ซี แรเตแคร๊ อิเต?” เร๊อ เหย่ซี เฮ๊ฉื่อ เน๊อ, “แบ่เจ่ดุ, เนหลู่ เออเต๊เห่ หม่า เพรเกซิหมิ เน๊อ เป่ แซ่เน๊อ เปเพอเปโพ เต๊เห่ เนอแพ๊.

เห่ขุทวาลู่ 37:13

เร๊อ เพยาโคบ เฮ๊ คูโยเซฟ เน๊อ, “เนแหม่ ซี จว๊าเก แลแค ซิหมิ เด๊อ วีเชเคม ช๊า โต๊โผะ. แว เฮ๊ เน, จว๊า เกอ เด๊อ เหย่ซีโอ่ เนอ นี๋.” เร๊อ คูโยเซฟ เฮ๊ฉื่อ อาเพ เน๊อ, “อ่อ, อาหนิ แพ๊, เพ.”

เห่ขุทวาลู่ 9:20

เทอซิตา โทเฮ๊อ เร๊อ, เพโนอาห์ หม่า เพร เมเพร๊เมแหล่ เตเพร เร๊อ อา หม่า เพร เด๊อ อา ช๊อ เหร่อเล๊อ แท๊ทือเหมาะ เตเพร.

เห่ขุทวาลู่ 3:23

ฮู๊เนอ อาขว่าอาคยา, แบ่เจ่ จอแปแหร่ ตูจูเพร เหว่เถ่จว๊าแก เหย่ซี เด๊อ เอเดนเตเร๊กลอ เร๊อ อา นอเอ่นอแร นออิช๊ออิปลือ เอ่หนิ เหย่ซี เด๊อ เห่ขุ เด๊อ อู แบ๊ เน๊อ เหย่ซีเออ.

ꤜꤢꤨꤊꤢ꤬ 11:50

ฮู๊เนอ อาขว่าอาคยา, เป๊อแถ่ เด๊อ เห่ขุทวาลู่ ม๊อขุทวาเซ เบ๊อะเนอ, ล๋อ แกแย เด๊อ อา เมเซอ เพรโพร เต๊เห่ อา เตซื๊อเนอ, จอแปแหร่ เก่ เมจากาคยา เด๊อ แกแย เออตือทือเต๊เห่ ปา.

เห่ขุทวาลู่ 4:1

เพอาดาม โอ่เมอเต่อ เน๊อ อาเม เหมาะเอวา เร๊อ อา โหมะดอ เร๊อ อา พู๊โอ่หนิ อาพู๊เพรคู เตเพร เร๊อ เหมาะเอวา เฮ๊ เน๊อ, “จอแปแหร่ ตูจูเพร เมจว่า แว เร๊อ แว พู๊โอ่หนิ เฮ๊อ แว พู๊เพรคู เตเพร เฮ๊อ,” เร๊อ อา เอ๊ เกอเร๊อ ลูมุย เน๊อ คูคาอิน.

เห่ขุทวาลู่ 4:3

ค๊าขิ โตเฮ๊อ เด๊อ ส่อเส่เผร่ ส่อเส่มี เฮ๊อ เบ๊อะเนอ, คูคาอิน พย๊าแฮหนิ ส่อเส่เหว่โพ เด๊อ อาช๊ออาปลือ เกอเร๊อ เต๊เห่ เร๊อ อา แฮ หลู่แตแถ่ เน๊อ จอแปแหร่ ตูจูเพร.