เห่ขุทวาลู่ 4:1 - ลีเทส่อพ๊าอาเซ เร๊อ เห่ขุทวาลู๊

¹ เพอาดาม โอ่เมอเต่อ เน๊อ อาเม เหมาะเอวา เร๊อ อา โหมะดอ เร๊อ อา พู๊โอ่หนิ อาพู๊เพรคู เตเพร เร๊อ เหมาะเอวา เฮ๊ เน๊อ, “จอแปแหร่ ตูจูเพร เมจว่า แว เร๊อ แว พู๊โอ่หนิ เฮ๊อ แว พู๊เพรคู เตเพร เฮ๊อ,” เร๊อ อา เอ๊ เกอเร๊อ ลูมุย เน๊อ คูคาอิน.

เห่ขุทวาลู่ 4:1 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12

เป โตเบ่ แซ๊หนิ เร๊อ คูคาอิน เด๊อ โลเน๊มู๊แหม่รีแจ่ กู่กล๊อ เป๊อ เกอเร๊อ ลู เร๊อ อา เมเซอ เกอเร๊อ อาโป่ เนอเตเพร โต่. อา จว๊า เมเซอ โต่ อาโป่ เมเตเฮ๊เรอ อา เมเต เต๊เห่ เนอหม่า, อา ย๋อ มู๊แหม่รีแจ่ เร๊อ อาโป่ เมเต เต๊เห่ เนอหม่า, อา ย๋อ จ๊อเต อาขว่าอาคยา, อา เมเซอแก อาโป่ แพ๊.

เห่ขุทวาลู่ 3:15

แว นอ ทวาแถ่ เนเออ เน๊อ เพรเหมาะ เออเตเพร เก่ ซิเถ่ซิฮา ลู ปา, เนกลุยเนลุ๊ย เน๊อ เพรเหมาะ อากลุยอาลุ๊ย เก่ ช๊า ลู ปา, เร๊อ เพรเหมาะ อากลุยอาลุ๊ย เก่ หยิหมื่อ เนกู่กล๊อ ปา, เร๊อ เน เก่ อ่าติ เพรเหมาะ อากลุยอาลุ๊ย เพรคู เนอเตเพร อากู๊โหน่แก ปา.”

เห่ขุทวาลู่ 4:25

เพอาดาม โอ่เมอเต่อ คยาแซ๊ เน๊อ อาเม เร๊อ อา พู๊โอ่ หนิ อาพู๊เพรคู เตเพร เร๊อ โหมะเอวา เฮ๊ เน๊อ, “คูอาแบล เด๊อ คูคาอิน เมเซอแก ลู เนอเตเพร อาเหล่โอ่เนอ, จอแปแหร่ดุ เด๊อะ แว พู๊เพรคู เตเพร เร๊อ อา เด๊อะเต๊เปล่ คยาแซ๊ เป่เฮ๊อ แว พู๊เพรคู เตเพร เฮ๊อ,” ฮู๊เนอเร๊อ อา เอ๊ เกอเร๊อ ลูมุย เน๊อ คูเสท (เสทอาโหง่แลช๊า เด๊อ ฮีบรูโหง่ หม่า อา เด๊อะ.)

เห่ขุทวาลู่ 5:29

เร๊อ อา เอ๊ เกอเร๊อ ลูมุย เน๊อ คูโนอาห์ เร๊อ อา เฮ๊ เกอเร๊อ อาโหง่แลช๊า เน๊อ, “เห่ขุ เด๊อ จอแปแหร่ ตูจูเพร อิชอฮาแก อาเออ, เป่ เบ่ เอ่แร ซิพร๊าแลแด๊, เบ่ แรจาแรจือ แหน่เจ๊อ เร๊อ พู๊เพรคู เออ เตเพร เก่ เมโมเมพุย กาหนิ คยาแซ๊ เปซิปล่อ ปา,” อา เฮ๊ เกอเร๊อ ฮู๊เนอ.

เห่ขุทวาลู่ 3:24

จอแปแหร่ ตูจูเพร เหว่เถ่จว๊าแก โท เหย่ซี เร๊อ อา แด่โอ่ เน๊อ เตมีเตดอ เด๊อ อาด๊า โอ่ เร๊อ อู เอ๊ ลู เน๊อ เครูบ แด่เด๊อ เอเดนเตเร๊วี ซิเถ่ ตากยา เร๊อ อา แด่โอ่เร๊อ เน๊ เต๊เบ่ เด๊อ อาเต๊อเข่อเตเค เร๊อ อา แกโรโซแถ่ แซ่เจ๊อเน๊อ หมิแก เนอเจ๊อ. เร๊อ อา นอ โอ่ป่อแตแน๊ เร๊อ ลู เน๊อ ส่อ เด๊อ อา เด๊อะ อู เตเซอเพร เนอต๊อเหมาะ.

เห่ขุทวาลู่ 4:2

เด๊อคยาเร๊อ อา พู๊โอ่ หนิ โป่ อาโป่ เพรคู คูอาแบล เร๊อ อา ทวา เพรเกซิหมิ. อาแหม่ คูคาอิน เร๊อ อา ทวา เพรเมแหล่เมกู่เกลพู๊.