เห่ขุทวาลู่ 39:4 - ลีเทส่อพ๊าอาเซ เร๊อ เห่ขุทวาลู๊

⁴ อา แม๊ดุ เกอเร๊อ แหน่เจ๊อ ลู เร๊อ คูโยเซฟ ทวาแถ่ เฮ๊อ ลู อาหลู่เล๊ เร๊อดื่อ. เร๊อ อา นอ เป๊อตี๊หรี่ แม๊ตู่หนิลอ ลู ตี๊หี่แตแพลอ เน๊อ อาตาเต ล๋อ ปลี.

เห่ขุทวาลู่ 39:4 ပူးပေါင်းရင်းမြစ်များ

เพรโด่แนพู๊ เต๊เห่ 20:28

แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋.

เห่ขุทวาลู่ 39:8

หม่าแน๊เรอ คูโยเซฟ เท๊ฉื่อ แก ลู เร๊อ อา เฮ๊ ลู เน๊อ, “เตเนแม๊ มอ, ตาเต ล๋อ ปลี เด๊อ หี่ด๊อกู เออ, แวแบ่เจ่ โหล่ ตี๊หรี่แม๊กาคยา ปา เจ๊อ เน๊อ อาเหน่ เตอเจ๋อ โต่ เฮ๊อ. อา นอ เป๊อตี๊หรี่ ลอปลี เจ๊อ เฮ๊อ แว เน๊อ อาตาเต ล๋อ ปลี เจ๊อ.

เห่ขุทวาลู่ 24:2

เตอเนอเค, เพอับราฮัม เฮ๊ อาหลู่เล๊ อากู่กล๊อดุ เล๊อ เด๊อ อา แม๊ตู่ ลอปว๊าเต๊อเจ่อ เด๊อ อาหี่ด๊อกู เออเตเพร เนอ เน๊อ, “แด่เนกู๊ขู่ เด๊อ แวแข่เล เออ เร๊อ แบแล มอ เนโหง่ เน๊อ แว.

เห่ขุทวาลู่ 19:19

เน เมแร๊ เอ๋ แหน่เจ๊อ เฮ๊อ เต เด๊อ แวเง เฮ๊อ. เน ซิยอหนิ แว เร๊อ เน เมแลเปล๊ เฮ๊อ แว เฮ๊อเฮ๊อ, หม่าแน๊เรอ แว แกล่แถ่โต่ เบ๊ ปา เด๊อ โฉ่ขู่ โต่ เฮ๊อ. เบ๊อะ แว แกล่แถ่โต่ แต่ล๋าย เด๊อ โฉ่ขู่ โต่ เบ๊อะเนอ, เตปย๊าเตแก เก่ ตาตีตีเล๊ แว ปา เร๊อ แว เก่ เซอ แก ป๋า.

เห่ขุทวาลู่ 33:10

เร๊อ เพยาโคบ เฮ๊ โป่ ลู เน๊อ, “หม่าโต่, แด่ทูซิปล่อเร๊อ ตูรู๋ พย๊า มอ. เน เก่ แม๊โม แว เฮ๊เร๊อ พย๊าฉื่อเกอ แว เชหยู่เออ. กู๊แหน่เออ แว แม๊เถอะ เนเป๊เส่ เน๊อ เนเตเอ๊โมฉื่อ แว เออเร๊อ, อา แซ่เจ๊อเน๊อ แว แม๊เถอะ จอแปแหร่ดุ อาเป๊เส่ เจ๊อ.

เห่ขุทวาลู่ 18:3

เร๊อ อา เฮ๊ เน๊อ, “เก๊อ แว แบ่เจ่, เน เก่ แม๊เถอะ เน๊อ แว เออ อาโต เน๊อ เนซิปล่อ เฮ๊เร๊อ, แด่ทูซิปล่อ เร๊อ จว๊าตาลว๊า แต แว เหม่นี๋, โนโอ่โก๊ เกอเหร่อ เด๊อ เนหลู่ หี่ด๊อกู เออ นี๋.

เห่ขุทวาลู่ 33:8

เพเอซาว แด๊เฮอ โป่ ลู เน๊อ, “เน จว๊าซูแฮ เตมีเตดอ เด๊อ แวโอ่ เออเต๊เห่ หม่า เนเต เตเนโอ่ อิเตเต?” เร๊อ เพยาโคบ เฮ๊ฉื่อ ลู เน๊อ, “แซ่ฮู๊ แวแบ่เจ่ เก่ ซิปล่อโม เด๊อ แวขู่ อาเงเนอเร๊อ, แว ซูกาเหร่อ เป่ เนเง เชหยู่ เต๊เห่ แพ๊.”

เห่ขุทวาลู่ 32:5

แวปู่เป๊เหน่ เน๊อ แวแมอ๊อแหล่ ซีเต๊เห่, แวซิหมิ เน๊อ เป่ ซีเต๊เห่, แวหลู่เล๊ เพรคู เต๊เห่ เน๊อ เพรเหมาะ ซีเต๊เห่ อา โอ่ ลอปลี เจ๊อ. แซ่ฮู๊ เน เก่ เอ๊โม กาคยาฉื่อ แว อาเงเนอ, กู๊แหน่เออ แว นอกา เด๊อะโลเหร่อ เฮ๊อ เตหรี่เตแก เออ เด๊อ แวแบ่เจ่ อาโอ่ เฮ๊อ,’” อา เฮ๊ ฮู๊เนอ.

เห่ขุทวาลู่ 15:2

หม่าแน๊เรอ คูอับราม เฮ๊ฉื่อ คยาแซ๊ เน๊อ, “เก๋อ แบ่เจ่ จอแปแหร่ ตูจูเพร, เน เกเร เด๊อะแจ่ แว เตเมหนิ คว๊าเก่ เด๊อ อาแร๊ดุเล๊อ หม่าอิเต ปา? แวพู๊ โอ่ เกอ เตเพร๊โต่ อาขว่าอาคยา, เพร เด๊อ อา เก่ พย๊าหนิ แวอู่เจเต๊เหย่ เนอหม่า ตื๊อแพ๊ วีดามัสกัสพู๊ คูเอลีเยเซอร์ เด๊อ อา ทวา แวหลู่ เออเตเพร แพ๊.”