เห่ขุทวาลู่ 39:1 - ลีเทส่อพ๊าอาเซ เร๊อ เห่ขุทวาลู๊

¹ เตอเนอเค อิชมาเอลเมวเจ่อ เพรเมกื่อเมค๊า เตเต๊เห่ เอ๊จว๊าแก คูโยเซฟ เด๊อ อียิปต์เก่ เฮ๊อ. เร๊อ อา อิเชจว๊าแก ลู เด๊อ อียิปต์เมวเจ่อพู๊ เกลอกู่กล๊อดุ โปทิฟาร์ อาโอ่. เกลอกู่กล๊อดุ โปทิฟาร์ หม่า อียิปต์เก่คุ๊ย อาหลู่เล๊ เตเพร, อา หม่า เพรโอ่ป่อเตเกเร๊อ คุ๊ย เต๊เห่ อากู่กล๊อดุ เตเพร.

เห่ขุทวาลู่ 39:1 ပူးပေါင်းရင်းမြစ်များ

เห่ขุทวาลู่ 37:28

ฮู๊เนอเร๊อ เบ๊อะ มีเดียนเมวเจ่อ เพรเมกื่อเมค๊า เต๊เห่ แฮโต่ เฮ๊อ เบ๊อะเนอ, อาแหม่ซี จุ่ยแถ่ คูโยเซฟ เด๊อ เทอกลื่อกูครา เร๊อ เหย่ซี อิเชแก ลู เน๊อ เพรเมกื่อเมค๊า เต๊เห่ เน๊อ รือหย่า อาเบ่ เนอเชอ. เร๊อ เหย่ซี เอ๊จว๊า หนิแก คูโยเซฟ เด๊อะ อียิปต์เก่.

เห่ขุทวาลู่ 37:36

เบ๊อะเนอเค, มีเดียนเมวเจ่อพู๊ เต๊เห่ อิเชแก คูโยเซฟ ฮู๊ หลู่ เตเพร เบ๊อะ อียิปต์เก่กู เนอ. เร๊อ อา อิเช เน๊อ เกลอกู่กล๊อดุ โปทิฟาร์. เกลอกู่กล๊อดุ โปทิฟาร์ หม่า อา เม เป่ อียิปต์เก่คุ๊ย อาเตเม. อา ทวา เพรโอ่ป่อเตเกบี๊ หนิ คุ๊ย เต๊เห่ อากู่กล๊อ.

เห่ขุทวาลู่ 37:25

โทเร๊อ เบ๊อะ เหย่ซี โอ่แน เอ่ เฮ๊อ เฉ่ เบ๊อะเนอ, เหย่ซี แม๊จว๊า เร๊อ อา แม๊เถอะ แลแค อิชมาเอลเมวเจ่อพู๊ เบ๊หมู่ โอ่ เด๊อ กิเลอาดเก่ แฮ. เด๊อ เหย่ซี ตีซิโบดุลู เนอ อา แด่จว๊าหนิ แลแค เตโนมื๊อ เด๊อ เหล่โท๊โนมื๊อ เน๊อ อิซุ๊ยเต๊เห่, เซ๊อหรี่ เตขุโนมื๊อ ตี๊กิ เน๊อ มู๊หร่าเทอโนมื๊อ เร๊อ อา แด่จว๊า แลแค เด๊อ อียิปต์เก่.

เพรโด่แนพู๊ เต๊เห่ 7:9

“เพ ยาโคบ อาพู๊เพรคู เต๊เห่เนอ, อา ซิเคว๊ เกอเร๊อ เกอ อาโป่ คูโยเซฟ เร๊อ เหย่ซี เก่ อิเชจว๊าแก ลู เด๊อ อา จว๊าทวาแก หลู่เล๊ เด๊อ อียิปต์เก่ ปา. หม่าแน๊เรอ จอแปแหร่ โอ่เกอ เร๊อ อา.

เห่ขุทวาลู่ 45:4

เร๊อ อา เฮ๊ คยาแซ๊ อาโป่แหม่ เต๊เห่ เน๊อ, “แด่ทูซิปล่อเร๊อ ซ๊อซื๊อแฮผื่อ เกอ เหร่อ แลแค เด๊อ แว โอ่ เออ,” เร๊อ เหย่ซี ซ๊อซื๊อแฮโอ่ผื่อ แลแค. เร๊อ อา เฮ๊ เหย่ซี เน๊อ, “แว หม่า ซีโป่แหม่ เพโยเซฟ เด๊อ ซี อิเชจว๊าแก ลู เน๊อ เพรเมกื่อเมค๊า เด๊อ อียิปต์เก่ เนอเตเพร หม่าแหน่ เฮ๊อ.

เห่ขุทวาลู่ 40:3

เร๊อ คุ๊ย ปื่อ ด๊อตาแก เหย่ซี เด๊อ ทอกู. เร๊อ ทอ เออเนอหม่า อาโอ่ เด๊อ เพรโอ่ป่อเตเกเร๊อ คุ๊ย อากู่กล๊อดุ เนอเตเพร อาหี่. เร๊อ เหล่โอ่ เบ๊อะเนอหม่า โต๊โผะจือ แพ๊ เน๊อ อู ด๊อตา คูโยเซฟ เนอ โต๊โผะ เฮ๊อ.