เห่ขุทวาลู่ 38:19 - ลีเทส่อพ๊าอาเซ เร๊อ เห่ขุทวาลู๊

¹⁹ โทเร๊อ เหมาะทามาร์ ก๊อถ่อกา คยาแซ๊ เด๊อ อาหี่ เร๊อ อา โปล๊ตาแก อิเก เด๊อ เหล่โฮ๊บี๊ เน๊อ อาเป๊เส่ เนอ เร๊อ อา กือแซ๊แถ่ คยาแซ๊ เพรเหมาะโอ่แคร๊ เห่อจา. โทเร๊อ อาโหมะดอ แฮแก.

เห่ขุทวาลู่ 38:19 ပူးပေါင်းရင်းမြစ်များ

เห่ขุทวาลู่ 38:14

อา ถู่แหล่ แก อาเพรเหมาะโอ่แคร๊ เห่อจา โทเร๊อ อา โฮ๊บี๊ เกอเร๊อ อาเหน่ เน๊อ อิเก เหล่โฮ๊บี๊ เน๊อ เป๊เส่, อา จ่ากลว่าโค๊ เกอเร๊อ อาเหน่ ฮู๊เนอ เร๊อ อา จว๊า โอ่แนโอ่ เด๊อ วีเอนาอิม กู่ดาดุทือ, แกล๊เหล่จว๊า เด๊อ วีทิมนาท เนอโตโบ. เมเตเฮ๊เร๊อ อา ซิเง เฮ๊อ เน๊อ คูเช-ลาห์ ดุแถ่ โตพย๊า เฮ๊อ เม ตื๊อดื่อเร๊อ อาเพร่ เด๊อะม๊า เป่ ลู เน๊อ คูเช-ลาห์ โต่โต่.

เห่ขุทวาลู่ 38:18

เพยูดาห์ เฮ๊ฉื่อ ลู เน๊อ, “แว โตเบ่ เด๊อะโอ่ม๊าแก เหร่อ เน อิเต?” เร๊อ อา เฮ๊ฉื่อ ลู เน๊อ, “เด๊อะโอ่ม๊าแก แว เน๊อ เนเตม๊าแด โอ่เต่อ เน๊อ เนมุย เด๊อ เน กู๊ลา โอ่ เกอเร๊อ ลู เออเนอ เน๊อ เน อิแท๊โบ เด๊อ เนกู๊ยากู เออเนอ.” ฮู๊เนออาขว่าอาคยา, อา เด๊อะแก ลอ ลู เร๊อ อา โอ่เมอเต่อ แก เน๊อ ลู.

เห่ขุทวาลู่ 38:20

เบ๊อะ เพยูดาห์ กาโต่ เด๊อ อาหี่ เบ๊อะเนอ, อา นอจว๊าเด๊อะ อาโคแบ๊ซว๊า อดุลลามวีพู๊ คูฮีราห์ เป่พู๊ โตโล๊ โตโด เน๊อ เพรเหมาะ เนอเตเพร, เร๊อ อา นอ จว๊า พย๊ากาคยา คยาแซ๊ ลู เน๊อ อา ตาเต เด๊อ อา เด๊อะโอ่ม๊าแก เน๊อ เหมาะทามาร์ เนอเต๊เห่, หม่าแน๊เรอ คูฮีราห์ จว๊าแม๊เถอะ เหมาะทามาร์ โต่.