เห่ขุทวาลู่ 38:18 - ลีเทส่อพ๊าอาเซ เร๊อ เห่ขุทวาลู๊

¹⁸ เพยูดาห์ เฮ๊ฉื่อ ลู เน๊อ, “แว โตเบ่ เด๊อะโอ่ม๊าแก เหร่อ เน อิเต?” เร๊อ อา เฮ๊ฉื่อ ลู เน๊อ, “เด๊อะโอ่ม๊าแก แว เน๊อ เนเตม๊าแด โอ่เต่อ เน๊อ เนมุย เด๊อ เน กู๊ลา โอ่ เกอเร๊อ ลู เออเนอ เน๊อ เน อิแท๊โบ เด๊อ เนกู๊ยากู เออเนอ.” ฮู๊เนออาขว่าอาคยา, อา เด๊อะแก ลอ ลู เร๊อ อา โอ่เมอเต่อ แก เน๊อ ลู.

เห่ขุทวาลู่ 38:18 ပူးပေါင်းရင်းမြစ်များ

ꤜꤢꤨꤊꤢ꤬ 15:22

“หม่าแน๊เรอ อาเพ เฮ๊ อาหลู่เล๊ เต๊เห่ เน๊อ, ‘เมแพรแพร! พย๊าแฮ จาจวา เด๊อ อาแร๊เล๊อ เนอตือปือ, เร๊อ แซ๊แถ่ เป่ แลแค เร๊อ อา เออ, เร๊อ โตโปล๊ โน เป่ อา กู๊นอโตโปล๊ เตเม เด๊อ อา กู๊นอลูเนอ, เร๊อ เด๊อะแด๊ เป่ อา แข่แด๊พ๊า เนอ.

เห่ขุทวาลู่ 38:17

“แว ซูแฮ เป่ดื่อ เน เป่พู๊ โตโล๊ เด๊อ แวซิหมิ เน๊อ เป่หมู่ กู เนอ โตโด ปา,” อา เฮ๊ฉื่อ ลู ฮู๊เนอ. เร๊อ เหมาะทามาร์ แด๊เฮอ โป่ ลู เน๊อ, “เบ๊อะ เน ซูแฮ แต่ล๋าย แว เป่ โต่ เบ๊อะเนอ, เน เก่ เด๊อะโอ่ม๊าแก เร๊อ แว เตงูดุงูชอ เต๊อเจ่อเจ่อ แอ?”

เห่ขุทวาลู่ 38:19

โทเร๊อ เหมาะทามาร์ ก๊อถ่อกา คยาแซ๊ เด๊อ อาหี่ เร๊อ อา โปล๊ตาแก อิเก เด๊อ เหล่โฮ๊บี๊ เน๊อ อาเป๊เส่ เนอ เร๊อ อา กือแซ๊แถ่ คยาแซ๊ เพรเหมาะโอ่แคร๊ เห่อจา. โทเร๊อ อาโหมะดอ แฮแก.

เห่ขุทวาลู่ 41:42

โทเร๊อ คุ๊ยโปล๊เถ่ อาก๊อนอโตโปล๊ เด๊อ อา โอ่เต่อ เน๊อ คุ๊ยอาเตม๊าเตแด เนอเตเม เด๊อ อากู๊นอลู เร๊อ อา โปล๊โน เป่ เน๊อ คูโยเซฟ. อา แซ๊แถ่ เป่ ลู จาจวาทูแปล๊ เด๊อ อาแร๊, เร๊อ อา กู๊ลาแถ่ เป่ ลู เทเปลอดุ เตอเปลอ เด๊อ อาแกโบลู.