เห่ขุทวาลู่ 32:9 - ลีเทส่อพ๊าอาเซ เร๊อ เห่ขุทวาลู๊

⁹ โทเร๊อ เพยาโคบ กุยจ๊อเบ เน๊อ, “เก๋อ แวโพ เพอับราฮัม เน๊อ แวเพ เพอิสอัค อาจอแปแหร่ดุ, เน หม่า จอแปแหร่ ตูจูเพร เด๊อ อา เฮ๊ แว เน๊อ, ‘กาคยา คยาแซ๊ มอ เด๊อ เนเทอเหน่เก่ เน๊อ เนกลุยเนแล เต๊เห่ อาโอ่เนอ, แว เก่ นอ เอ่เบ่โอโท ดื่อ เน ปา, เน อ๊อแล แว ฮู๊เนอ.’”

เห่ขุทวาลู่ 32:9 ပူးပေါင်းရင်းမြစ်များ

เห่ขุทวาลู่ 31:42

แวเพ เน๊อ เพอับราฮัม อาจอแปแหร่ดุ เด๊อ อา หม่าเฮ๊อ จอแปแหร่ดุ เด๊อ เพอิสอัค ซิอิเช เนอ เตเพร เก่ โอ่เกอ เด๊อ แว ตากยา โต่ เฮ๊เนอ, เน เกล๋ นอ เถ่กา โกโยกลี๊ แหน่ แว แพ๊. หม่าแน๊เรอ จอแปแหร่ดุ ย๊อ แม๊เถอะ แวเตแป่เตเช, แว เอ่แร ซิพร๊าแลแด๊ แหน่เจ๊อ อาขว่าอาคยา, ตื๋อ เร๊อ เออเตเซ เร๊อ จอแปแหร่ ซิพรวา เฮ๊อ เน เนอ.”

เห่ขุทวาลู่ 31:13

แว หม่า จอแปแหร่ เด๊อ เน แม๊เถอะ อา เบ๊อะเบธเอล เนอเตเพร เฮ๊อ. หม่าดื่อ เหล่โอ่ เบ๊อะ เน แล๊ตา ถ่าเทอ เด๊อ หล่อ เออ อาขุ เด๊อ เตเบ่บูโพ๊แถ่ หล่อ เออเตเม อาเง เร๊อ เน อ๊อแล หนิ เนโหง่ เน๊อ แว เนอโต๊โผะ เฮ๊อ. กู๊แหน่เออ เถ่กา เจ๊อ โต๊โพ๊โต เด๊อ เก่เออ เต๊เก่, เร๊อ กา โอ่ คยาแซ๊ มอ เด๊อ เนเทอเนเก่กู เร๊อ ดื่อเนอ นี๋.’”

เห่ขุทวาลู่ 28:13

เร๊อ จอแปแหร่ ตูจูเพร ก๊อถ่อ โอ่ เด๊อ กู่โบเคอ เร๊อ อา เฮ๊ เน๊อ, “แว หม่า จอแปแหร่ ตูจูเพร เด๊อ อา หม่าเฮ๊อ เนโพ เพอับราฮัม อาจอแปแหร่ดุ เน๊อ เนเพ เพอิสอัค อาจอแปแหร่ดุ เตเพรเฮ๊อ. เก่ เด๊อ เน โอ่เมอ เกอเร๊อ อา กู๊แหน่เออ เต๊เก่เนอ, แว เก่ เด๊อะ เน๊อ เน เน๊อ เนกลุยเนลุ๊ย เต๊เห่ ปา.

เห่ขุทวาลู่ 31:3

เร๊อ จอแปแหร่ ตูจูเพร เฮ๊ ลู เน๊อ, “กาโอ่ คยาแซ๊ มอ เด๊อ เนเพ เน๊อ เนกลุยเนแล เต๊เห่ โอ่เกอเร๊อ เทอเก่ เนอ, เร๊อ แว เก่ โอ่ เกอ ดื่อ เน๊อ เน ปา.”

เห่ขุทวาลู่ 31:53

เพอับราฮัม เน๊อ เพนาโฮร์ เน๊อ เหย่ซี อาเพ เต๊เห่ อาจอแปแหร่ดุ เก่ เมจา กาคยาดื่อ เด๊อ เป อาเปล่กู ปา นี๋.” ฮู๊เนอ อาขว่าอาคยา, เพยาโคบ แบแลแก อาโหง่ เด๊อ จอแปแหร่ดุ เด๊อ อาเพ เพอิสอัค ซิอิเชเร๊อ ลู เนอเตเพร อาโอ่.

เห่ขุทวาลู่ 31:29

กู๊แหน่ แว เก่ เมแป่เมเช เน หม่า อาหนิ แพ๊, หม่าแน๊เรอ เออเตเซ เนเพ อาจอแปแหร่ดุ เฮ๊ แว เน๊อ, ‘อาแร๊ เบ่เบ่ อาแร๊โต่ เบ่เบ่, รอหนิ เนเหน่ เร๊อ จว๊าเฮ๊ ต๊อหร่อเซ๊ ซิอิเชแต่ คูยาโคบ เตอเจ๋อ แต่เหม่ นี๋.’

เห่ขุทวาลู่ 17:7

แว ซิหยื่อ เมหม่าเมกลอ หนิ แวเตอ๊อแล โหง่ เออ ตูจูเพร เน๊อ เน เน๊อ เนกลุยเนแล ตากาแล เด๊อคยา เต๊เห่ ตือทือ โท ตือทือ. แว เก่ ทวา เนจอแปแหร่ดุ ปา โท๊โต่ แว เก่ ทวา เกอดื่อ เนกลุยแล ตากาแล เด๊อคยา เต๊เห่ อาจอแปแหร่ดุ ปาปา.

เห่ขุทวาลู่ 28:15

เร๊อ เนจว๊า เบ๊อะเต โต๊โผะ เต๋ เบ่เบ่, แว โอ่เกอดื่อ เน๊อ เน ปา, แว ตอกอเตเก เร๊อดื่อ เน ปา. แว เก่ เอ๊กา คยาแซ๊ดื่อ เน เบ๊อะ เก่เออ เต๊เก่ ปา. ฮู๊ แว อ๊อแล โทเฮ๊อ เน เออเนอ, อา เก่ เล๊อบาแถ่ แต่ล๋ายโต่ เฮ๊หม่า, แว วีแก เน๊อ เน โต่,” จอแปแหร่ดุ เฮ๊ คูยาโคบ ฮู๊เนอ.

เห่ขุทวาลู่ 32:8

อา เตเน หนื่ออื่อ เกอเร๊อ อาเต เน๊อ, “เพเอซาว เก่ แฮช๊าปย๊า แก ตู๊หมู่ เฮ๊เร๊อ, อา โอ่แก เออตู๊หมู่ เก่ แลเปล๊ แกติ ปา.”

เห่ขุทวาลู่ 49:25

แวจอแปแหร่ดุ เก่ เมจว่า เน. จอแปแหร่ดุ เด๊อ อาโพรอาเตอเรอ เออเตเพร เก่ เด๊อะบุ๊ยเด๊อะเตอเรอ. อา เก่ เด๊อะบุ๊ยเด๊อะเตอเรอ เน เน๊อ เทอเถ่ขู่ เด๊อ เห่เล เนอเต๊เห่. อาเก่ เด๊อะบุ๊ยเด๊อะเตอเรอ ดื่อเนเตมีเตดอ เน๊อ เนพู๊เนเลอ เก่ โอ่โหร่ ดื่อ นี๋.