เห่ขุทวาลู่ 31:3 - ลีเทส่อพ๊าอาเซ เร๊อ เห่ขุทวาลู๊

³ เร๊อ จอแปแหร่ ตูจูเพร เฮ๊ ลู เน๊อ, “กาโอ่ คยาแซ๊ มอ เด๊อ เนเพ เน๊อ เนกลุยเนแล เต๊เห่ โอ่เกอเร๊อ เทอเก่ เนอ, เร๊อ แว เก่ โอ่ เกอ ดื่อ เน๊อ เน ปา.”

เห่ขุทวาลู่ 31:3 ပူးပေါင်းရင်းမြစ်များ

เห่ขุทวาลู่ 28:15

เร๊อ เนจว๊า เบ๊อะเต โต๊โผะ เต๋ เบ่เบ่, แว โอ่เกอดื่อ เน๊อ เน ปา, แว ตอกอเตเก เร๊อดื่อ เน ปา. แว เก่ เอ๊กา คยาแซ๊ดื่อ เน เบ๊อะ เก่เออ เต๊เก่ ปา. ฮู๊ แว อ๊อแล โทเฮ๊อ เน เออเนอ, อา เก่ เล๊อบาแถ่ แต่ล๋ายโต่ เฮ๊หม่า, แว วีแก เน๊อ เน โต่,” จอแปแหร่ดุ เฮ๊ คูยาโคบ ฮู๊เนอ.

เห่ขุทวาลู่ 32:9

โทเร๊อ เพยาโคบ กุยจ๊อเบ เน๊อ, “เก๋อ แวโพ เพอับราฮัม เน๊อ แวเพ เพอิสอัค อาจอแปแหร่ดุ, เน หม่า จอแปแหร่ ตูจูเพร เด๊อ อา เฮ๊ แว เน๊อ, ‘กาคยา คยาแซ๊ มอ เด๊อ เนเทอเหน่เก่ เน๊อ เนกลุยเนแล เต๊เห่ อาโอ่เนอ, แว เก่ นอ เอ่เบ่โอโท ดื่อ เน ปา, เน อ๊อแล แว ฮู๊เนอ.’”

ꤟꤤꤙꤚꤢꤨ 13:5

โอ่ตาพา แลแค เน๊อ เตโมเร๊อ รือ เต๊เห่ นี๋. ซิปล่อโป่เป่ เกอเร๊อ แลแค เร๊อ เต เด๊อ อา โอ่ เน๊อ เนเนอ เต๊เห่, เมเตเฮ๊เรอ จอแปแหร่ เฮ๊ เน๊อ, “แว แด่โอ่แก เน๊อ เน ตีกี๋ โต่, แว วีแก เร๊อ เน แตแค๋ โต่,” อา เฮ๊ ฮู๊เนอ.

เห่ขุทวาลู่ 31:13

แว หม่า จอแปแหร่ เด๊อ เน แม๊เถอะ อา เบ๊อะเบธเอล เนอเตเพร เฮ๊อ. หม่าดื่อ เหล่โอ่ เบ๊อะ เน แล๊ตา ถ่าเทอ เด๊อ หล่อ เออ อาขุ เด๊อ เตเบ่บูโพ๊แถ่ หล่อ เออเตเม อาเง เร๊อ เน อ๊อแล หนิ เนโหง่ เน๊อ แว เนอโต๊โผะ เฮ๊อ. กู๊แหน่เออ เถ่กา เจ๊อ โต๊โพ๊โต เด๊อ เก่เออ เต๊เก่, เร๊อ กา โอ่ คยาแซ๊ มอ เด๊อ เนเทอเนเก่กู เร๊อ ดื่อเนอ นี๋.’”

เห่ขุทวาลู่ 21:22

เบ๊อะเนออาเค, คุ๊ยอาบีเมเลค เน๊อ อาเกลอกู่กล๊อดุ ฟีโคล์ เออซิเนอ แฮ เด๊อ เพอับราฮัม อาโอ่ เร๊อ อา เฮ๊ ลู เน๊อ, “เน เม เต อิเตเต๋ เบ่เบ่ จอแปแหร่ดุ โอ่เกอ เน๊อ เน.

เห่ขุทวาลู่ 35:1

งยาแต๋โต่เร๊อ จอแปแหร่ดุ เฮ๊ เพยาโคบ เน๊อ, “เถ่จว๊ามอ เด๊อ วีเบธเอล เร๊อ จว๊าโอ่ แลแค เบ๊อะเนอ. เร๊อ จว๊าต่าแถ่ เตหลู่แตเหร่ เด๊อ เหล่จ๊อเบแถ่ เน๊อ แว เง เตเม เมเตเฮ๊เร๊อ แว หม่า จอแปแหร่ดุ เด๊อ อา โอ่โลแถ่ เป่ เน เบ๊อะ เน เถ่แกล่จว๊า โอ่ว๊า เนแหม่ เพเอซาว อาเหล่ เบ๊อะเนอ เนอเตเพร เฮ๊อ.”

เห่ขุทวาลู่ 31:18

เร๊อ อา เหว่กา เหร่อ ล๋อ อาเตมีเตดอ เต๊เห่ เด๊อ อาเป๊เส่เง, เร๊อ อา โต่กา หนิ ลอ อาตาหมื่อตาเต เบ๊อะ ปัดดานอารัมเก่กู เออเต๊เห่ เร๊อ อา เถ่กา เด๊อ อาเพ เพอิสอัค โอ่เร๊อ เด๊อ คานาอันเก่ เนอ.

เห่ขุทวาลู่ 30:25

เบ๊อะ โหมะ ราเชล พู๊โอ่แลหนิ โทเฮ๊อ คูโยเซฟ เบ๊อะเนอ, เพยาโคบ เฮ๊ เพลาบัน เน๊อ, “แซ่ฮู๊ แว เก่ กาโต่น๊อ เกอ เด๊อ แวหี่แวแพ แวเทอแวเก่ อาเงเนอเร๊อ, ฮู๊ เป อ๊อแลโอ่ โทเฮ๊อ ลูโหง่เนอ, ปลวากามอ แว นี๋.

เห่ขุทวาลู่ 28:13

เร๊อ จอแปแหร่ ตูจูเพร ก๊อถ่อ โอ่ เด๊อ กู่โบเคอ เร๊อ อา เฮ๊ เน๊อ, “แว หม่า จอแปแหร่ ตูจูเพร เด๊อ อา หม่าเฮ๊อ เนโพ เพอับราฮัม อาจอแปแหร่ดุ เน๊อ เนเพ เพอิสอัค อาจอแปแหร่ดุ เตเพรเฮ๊อ. เก่ เด๊อ เน โอ่เมอ เกอเร๊อ อา กู๊แหน่เออ เต๊เก่เนอ, แว เก่ เด๊อะ เน๊อ เน เน๊อ เนกลุยเนลุ๊ย เต๊เห่ ปา.

เห่ขุทวาลู่ 28:4

แซ่ฮู๊ เน เก่ พย๊าหนิ เทอเก่ เด๊อ จอแปแหร่ดุ เด๊อะ เน๊อ เนเพ เพอับราฮัม เด๊อ เน โอ่ เกอเร๊อ อา ฮู๊ ซิเผระ เออเต๊เก่ อาเงเนอ, เด๊อะบุ๊ยเด๊อะเตอเรอ เด๊อ จอแปแหร่ดุ เด๊อะ เพอับราฮัม เนอ อา เด๊อะ เกอดื่อ เน เน๊อ เนกลุยเนแล เออเต๊เห่ นี๋.”

เห่ขุทวาลู่ 26:24

เบ๊อะเนอ เตเซ เร๊อ จอแปแหร่ ตูจูเพร โอ่โลแถ่ เป เพอิสอัค เร๊อ อา เฮ๊ ลู เน๊อ, “แว หม่า เนเพ อับราฮัม อาจอแปแหร่ดุ, แวโอ่เต่อเกอ เน๊อ เน อาขว่าอาคยา, ซิอิเช แต่เหม่ นี๊. แว เก่ เด๊อะบุ๊ยเด๊อะเตอเรอ เน ปา, เร๊อ แว เก่ นอ โอ่โหร่โอ่เอ๊ แถ่หนิ เนกลุยเนลุ๊ย เต๊เห่ ฮู๊ แว อ๊อแลหนื่ออื่อ โทเฮ๊อ เน๊อ แวหลู่ อับราฮัม เนอ ปา.”

เห่ขุทวาลู่ 13:15

เร๊อ เห่ขุ เด๊อ ล๋อ เน แม๊เถอะ กู๊แหน่ เออเต๊เห่เนอ, แว เก่ เด๊อะ เป่ เน๊อ เน เน๊อ เนพู๊เนเลอ เต๊เห่ อาเง ตูจู๋ เพร ปา.

เห่ขุทวาลู่ 50:24

โทเร๊อ อา เฮ๊ อาโป่แหม่ เต๊เห่ เน๊อ, “แว โอ่เซอเพร งยา ปาโต่ เฮ๊อ. จอแปแหร่ดุ เก่ แฮแล เมจว่า หม่าแหน่ เจ๊อ ซี ปา, เร๊อ อา เก่ เอ๊เถ่แก ซี เน๊อ เก่ เบ๊อะเออ เต๊เก่ ปา, เร๊อ อา เก่ ซูกา ซี เก่ เด๊อ อา แบแลโทเฮ๊อ อาโหง่ เน๊อ โพอับราฮัม, โพอิสอัค, เพยาโคบ เนอเต๊เก่ ปา.”

เห่ขุทวาลู่ 31:2

เพยาโคบ ซิเงแฮ เน๊อ เพลาบัน อาเป๊เส่ โค๊แก เร๊อ อาเตแบ๊ซว๊าแบ๊โค เนอหม่า อาแซ่ปา เน๊อ เด๊อ อาเหร่อเค เนอ โต่.

เห่ขุทวาลู่ 31:4

เร๊อ เพยาโคบ นอจว๊าเอ๊แฮ อู เน๊อ โหมะ ราเชล เน๊อ โหมะเลอาห์, เร๊อ อา นอแฮ เหย่ซี เด๊อ เหล่เกหนิ ซิหมิ เหล่เอ่เฉ่ขุ.

เห่ขุทวาลู่ 35:3

โทปาเร๊อ เป จว๊า เด๊อ วีเบธเอล โป๋, เร๊อ แว เก่ จว๊า ต่าแถ่หนิ เตหลู่แตเหร่ เด๊อ เหล่จ๊อเบแถ่ เน๊อ จอแปแหร่ดุ อาเง เบ๊อะเนอ เตเม ปา. อา หม่า เบ๊อะ แว ป่อเต่อเบ่ เน๊อ เตกู่เตแก เบ๊อะเนอ, อา เฮ๊เบ่ฉื่อ แว เร๊อ แว จว๊าโต เบ๊อะเตเต๋ เบ่เบ่ อา จว๊าเต่อเคเต่อ เกอเน๊อ แว.”

เห่ขุทวาลู่ 32:5

แวปู่เป๊เหน่ เน๊อ แวแมอ๊อแหล่ ซีเต๊เห่, แวซิหมิ เน๊อ เป่ ซีเต๊เห่, แวหลู่เล๊ เพรคู เต๊เห่ เน๊อ เพรเหมาะ ซีเต๊เห่ อา โอ่ ลอปลี เจ๊อ. แซ่ฮู๊ เน เก่ เอ๊โม กาคยาฉื่อ แว อาเงเนอ, กู๊แหน่เออ แว นอกา เด๊อะโลเหร่อ เฮ๊อ เตหรี่เตแก เออ เด๊อ แวแบ่เจ่ อาโอ่ เฮ๊อ,’” อา เฮ๊ ฮู๊เนอ.

เห่ขุทวาลู่ 32:10

เบ๊อะ แว จว๊าเบ๊ จอร์แดน แลโหมะ เบ๊อะเนอ, แวเต โอ่ แพ๊ตื๋อ อิแท๊โบ โตโบ แพ๊, หม่าแน๊เรอ กู๊แหน่เออ แว กา เร๊อ แว กา เกอเร๊อเจ๊อ. เน๊อ แวแกแย ปล๊อหมู่ เนอหมู่ เจ๊อ ล๋อ เตโม เด๊อ อาลอเป่แจ่ โต่ เน๊อ เตจ๊อเน๊อโหง่ เด๊อ เน เด๊อะโล เปเฮ๊อ เนหลู่ หม่าเฮ๊อ แว เออเนอ, แว โต พย๊าหนิ เน๊อ เตอเจ๋อ โต่.