เห่ขุทวาลู่ 30:5 - ลีเทส่อพ๊าอาเซ เร๊อ เห่ขุทวาลู๊

⁵ ฮู๊เนออาขว่าอาคยา, โหมะบิลฮาห์ โหมะดอแถ่ เร๊อ อา พู๊โอ่แล หนิเป่ เพยาโคบ อาพู๊เพรคู เตเพร.

เห่ขุทวาลู่ 30:5 ပူးပေါင်းရင်းမြစ်များ

เพรโด่แนพู๊ เต๊เห่ 7:8

โทเรอ จอแปแหร่ อ๊อแล อาโหง่ เร๊อ เพอับราฮับ ตือมือ, เร๊อ อา เตอ๊อแล อา เมม๊าเมแด เออเนอหม่า หม่าเฮ๊อ เพอับราฮับ เหล่โกล เม ดื๊อตีลี๊พ๊า เออเนอ เฮ๊อ. เร๊อ เพอับราฮับ ดื๊อตีลี๊ เกอเร๊อ อา พู๊เพรคู อิสอัค พ๊า เบ๊อะอา โอ่เป๊เจ่แลปา โท อา โอ่บาเฮ๊อ อาเซ ลุยซว๊า เบ๊อะเนอ. เพอิสอัค เม แฮเง เป่ อา พู๊เพรคู คูยาโคบ ฮู๊ อาเพ เมเนอ. โทเรอ เพยาโคบ เม แฮเง เป่ เกอโป่ อา พู๊เพรคู เช๊อซิเนอ ฮู๊เนอเนอ. เพ ยาโคบ อาพู๊เพรคู เช๊อซิเนอ เออเนอหม่า หม่าเฮ๊อ เป กลุยแล เช๊อเนอโหมะ เออเต๊เห่ อาเพ เต๊เห่ เฮ๊อ.

เห่ขุทวาลู่ 30:4

ฮู๊เนอเร๊อ โหมะ ราเชล นอพย๊า อาเว เน๊อ อาหลู่โหมะ เหมาะบิลฮาห์ เร๊อ อา นอ ทวา ลู เน๊อ อาเม เร๊อ เพยาโคบ โนโอ่เมอเต่อ เน๊อ เหมาะบิลฮาห์.

เห่ขุทวาลู่ 30:6

เออโต๊โพ๊ เร๊อ โหมะ ราเชล เฮ๊ เน๊อ, “จอแปแหร่ดุ ข่าเด๊อะโลเฮ๊อ เน๊อ แวเต่ เออ อาโต เฮ๊อ, อา หนิโฮ เฮ๊อ แว เตกุยซิยอแถ่ ลู เร๊อ อา เด๊อะตา เป่ เฮ๊อ แว พู๊เพรคู เตเพร เฮ๊อ.” ฮู๊เนออาขว่าอาคยา, อา เอ๊ เกอเร๊อ ลูมุย เน๊อ คูดาน. (อาโหง่แลช๊า หม่า จอแปแหร่ดุ เมจา กาคยา เป่เฮ๊อ เด๊อ แวตากยา เฮ๊อ.)

เห่ขุทวาลู่ 35:25

โหมะราเชล อาหลู่โหมะ โหมะบิลฮาห์ อาพู๊เพรคู เต๊เห่ หม่า คูดาน เน๊อ คูนัฟทาลี.

เห่ขุทวาลู่ 46:25

ล๋อ แด๊โล โทเฮ๊อ เออโซซว๊าเตเพร เนอหม่า เพยาโคบ เน๊อ โหมะบิลฮาห์ อาพู๊ เน๊อ อาเหลอ เพรคู เต๊เห่ เฮ๊อ. เร๊อ โหมะบิลฮาห์ เนอหม่า เพลาบัน เด๊อะ เป่ อาพู๊เพรเหมาะ โหมะ ราเชล เน๊อ เพรเมจว่า เป่ลู เนอเตเพร เฮ๊อ.

เห่ขุทวาลู่ 30:29

เพยาโคบ เฮ๊ฉื่อ คยาแซ๊ ลู เน๊อ, “แว เอ่แร แร๊ เป่เจ๊อ เด๊อ เนเง บ๋า เต, โท๊โต่ แว แม๊ตู่ หนิแร๊ เป่ เนเตมีเตดอ เต๊เห่ เร๊อ อา โอ่โหร่โอ่เอ๊แถ่ เจ๊อเฮ๊อ บ๋า เตเนอ เน ซิเงดื่อ เฮ๊อ.

เห่ขุทวาลู่ 35:22

เพยาโคบ โอ่ เบ๊อะเหล่โอ่ เนอ โต๊โผะ เบ๊อะเนอ, คูรูเบน โนโอ่เมอเต่อ เน๊อ อาเพ อาเมโหน่โป่, โหมะบิลฮาห์ เร๊อ เตหรี่เตแก เออเนอ เด๊อคยาเร๊อ เพยาโคบ หนิโฮแก. เพยาโคบเนอ อาพู๊เพรคู โอ่ เช๊อซิเนอ.

มัทธิว 1:2

เพอับราฮัม อาพู๊ตา แฮเง คูอิสอัค, คูอิสอัค อาพู๊ตา แฮเง คูยาโคบ, คูยาโคบ อาพู๊ตา แฮเง คูยูดาห์ เร๊อ อาโป่อาแหม่ เต๊เห่.