เห่ขุทวาลู่ 30:41 - ลีเทส่อพ๊าอาเซ เร๊อ เห่ขุทวาลู๊

⁴¹ เตมีเตดอ อาโหมะ เด๊อ อาเหร่ฉว่าเหร่ชอ เต๊เห่ ดา ขรุเฮ๊อ อาโหมะ บ๊อเคเต๋ เบ่เบ่, แซ่ฮู๊ อา เก่ ขรุ แลแค อาโหมะ เบ๊อะ ส่อแพ เต๊เห่ อาช๊า อาเง เนอเร๊อ, เพยาโคบ จว๊าแด่โนโอ่ ส่อแพ เนอเต๊เห่ เด๊อ โกล๊ เต๊เห่ อากู เบ๊อะ เหย่ซี เป๊เส่เงเนอ.

เห่ขุทวาลู่ 30:41 ပူးပေါင်းရင်းမြစ်များ

เห่ขุทวาลู่ 30:38

โทเร๊อ เบ๊อะ เตมีเตดอ แฮตาโอ เทอ เบ๊อะเนอ แซ่ฮู๊อา เก่ แม๊เถอะ ส่อแพ เนอเต๊เห่ อาเงเนอ, อา แด่โน โอ่เหน่ ส่อแพ เนอเต๊เห่ เบ๊อะ ล๋อ ซิหมิ เหล่โอเทอ อาโกล๊ เนอเต๊เห่ อากู. เมเตเฮ๊เร๊อ เพยาโคบ ซิเง เน๊อ เตมีเตดอ เต๊เห่ หม่า อา ขรุ แลแค อาโหมะ เบ๊อะ อา แฮตาโอ เทอ เบ๊อะเนอ.

เห่ขุทวาลู่ 30:40

เพยาโคบ แด่โอ่ โค๊แก ซิหมิเพพู๊ เต๊เห่ เด๊อ เพลาบัน อาซิหมิหมู่ เอออากู. เบ๊อะ ซิหมิ เต๊เห่ ขรุอาโหมะ เบ๊อะเนอ, อา นอ ตีรี๊จว๊าโต เด๊อ เพลาบัน อาซิหมิ เด๊อ อาเก่อ เน๊อ อาลอ เต๊เห่ อาโอ่. เมฮู๊เนอเร๊อ อา เบโค๊แก อาเตมีเตดอ เต๊เห่ เร๊อ อา แด่โอ่ เต่อเกอ เน๊อ เพลาบัน อาเต เนอเต๊เห่ โต่.

เห่ขุทวาลู่ 30:42

หม่าแน๊เรอ เตมีเตดอ เต๊เห่ เก่ อ๊าเจ่เหร่เจ่ เฮ๊เนอหม่า, เพยาโคบ จว๊าแด่โอ่ เน๊อ ส่อแพ เนอเต๊เห่ เด๊อ เหย่ซีเป๊เส่เง โต่. ฮู๊เนอเร๊อ เตมีเตดอ เด๊อ อา อ๊าเจ่เหร่เจ่ เต๊เห่เนอ อา ทวาแก เพลาบัน อาเต่ เร๊อ อาอ๊าฉว่าเหร่ชอ เต๊เห่เนอ อา ทวาแถ่แก เพยาโคบ อาเต่.